Love for Unexpected💜: ഭാഗം 34

രചന: Ansiya shery

"നിഹാ...." പാട്ടിൽ മുഴുകി ഇരിക്കുന്നതിനിടെ ഇച്ചുവിന്റെ വിളി കേട്ട് അവളവനെ നോക്കി... "നിനക്ക് എന്നോട് ഇത് വരെ ആയിട്ട് ഒട്ടും പ്രണയം തോന്നിയിട്ടില്ലേ..?" ഇച്ചുവിന്റെ ചോദ്യം കേട്ടതും ഞെട്ടലോടെ അവൾ അവനിൽ നിന്നും മുഖം വെട്ടിച്ചു... "പറ.. തോന്നിയിട്ടില്ലേ..?" "ഇല്ല" "എന്റെ മുഖത്തേക്ക് നോക്കി പറ... തോന്നിയിട്ടില്ലേ"അവളവന്റെ മുഖത്തേക്ക് നോക്കി.. "നിനക്ക് ചേർന്നവളല്ല ഞാൻ"പറഞ്ഞു കൊണ്ട് മുഖം വെട്ടിച്ചതും ഇച്ചുവിന്റെ മുഖത്ത് ദേഷ്യം നിറഞ്ഞു..അവനൊന്നും മിണ്ടാതെ ഡ്രൈവിങ്ങിലേക്ക് ശ്രദ്ധ കൊടുത്തത് കണ്ട് നിഹ ഒന്ന് നെടുവീർപ്പിട്ടു. ____ ദീർഘ നേരത്തെ യാത്രക്ക് ശേഷം കാറൊരു വീടിന് മുന്നിൽ നിർത്തിയതും നിഹയവനെ നോക്കി... "ഇതെന്താ ഇവിടെ നിർത്തിയിരിക്കുന്നത്..?" "ഞാൻ ഇവിടെ ഉണ്ടായിരുന്നപ്പോൾ താമസിച്ചിരുന്ന വീടാണ് ഇത്.. നമ്മളിനി പോകുന്നത് വരെ ഇവിടായിരിക്കും നില്കുന്നത്" മറുപടിയൊന്നും പറയാതെ അവൾ ചുറ്റുമൊന്നാകെ നോക്കി. "ഇറങ്ങിക്കോ" ഡോർ തുറന്ന് ഇച്ചു ഇറങ്ങിയതും നിഹയും ഇറങ്ങി.

പിറകിലെ ഡോർ തുറന്നു കൊണ്ട് അവൻ മറിയുനെ വിളിച്ചെഴുനേൽപ്പിച്ചു.കണ്ണ് തിരുമ്മിക്കൊണ്ടവൾ ചുറ്റും നോക്കി. "ഇതെവിടെയാ..?" "ദുബായ്" "ങേ.. ഞാനൊന്ന് ഉറങ്ങി എഴുന്നേറ്റപ്പോഴേക്കും ദുബായിൽ എത്തിയോ..? അത്ഭുതം😲" പല്ല് കടിച്ചു കൊണ്ട് ഇച്ചു നിഹയെ നോക്കിയതും അവൾ വാ പൊത്തി ചിരി അടക്കി നിന്നു. "മിണ്ടാണ്ട് കാറിൽ നിന്നിറങ്ങെടി"അവളിറങ്ങിയതും അവൻ ഡോർ ലോക്ക് ചെയ്തു കൊണ്ട് ഡിക്കി തുറന്ന് ബാഗ് എല്ലാം എടുത്ത് നിലത്ത് വെച്ച് ഡിക്കി അടച്ചു. "ഇതൊക്കെ എടുത്ത് രണ്ട് പേരും കൂടെ അകത്തേക്ക് പോരേ" വീട്ടിലേക്കവൻ കയറിപ്പോയതും നിഹയും മറിയുവും പരസ്പരം നോക്കി. "കേട്ടില്ലേ എടുത്തോ.. ദുബായിൽ പോണ പോലെ എല്ലാം കൂടെ എടുത്തോണ്ട് വന്നതല്ലേ" രണ്ട് ബാഗ് എടുത്ത് നിഹ അവന്റെ പിറകെ പോയതും മുഖം വീർപ്പിച്ചു കൊണ്ട് മറിയുവും പിറകെ ചെന്നു. 🌸🌸🌸🌸

"ഇവിടെ ആൾ തമാശമൊന്നുമില്ലേ..?"അകത്തേക്ക് കയറിയതും തുമ്മിക്കൊണ്ട് നിഹ ചോദിച്ചു. "കുറേ ആയിട്ട് ആരുമില്ല. അതാണ് ഇങ്ങനെ പൊടി പിടിച്ചു കിടക്കുന്നത്" ടേബിളിലെ പൊടി വിരൽ കൊണ്ട് ഒന്ന് തൊട്ടു കൊണ്ട് നിഹ ചുറ്റും നോക്കി. "രണ്ടാളും ബാഗ് ഈ സോഫയിലേക്ക് വെച്ചിട്ട് എന്നെ സഹായിക്കാൻ വാ"ചുറ്റും നോക്കിക്കൊണ്ട് തന്നെ നിഹയും മറിയുവും ബാഗ് എല്ലാം സോഫയിലേക്ക് വെച്ചു. അടുക്കളയിലേക്ക് ചെന്ന് ഇച്ചു ചൂലും മാറാലക്കൊള്ളിയും എടുത്ത് വന്നു. "ദാ രണ്ടാളും അകം മുഴുവൻ അടിച്ച് വാരി തൂക്ക്. ഞാനപ്പോഴേക്കും പുറമൊന്ന് അടിച്ച് വാരട്ടെ" നിഹയുടെ കയ്യിലേക്ക് മാറാലക്കൊള്ളിയും മറിയുന്റെ കയ്യില് ചൂലും കൊടുത്തവൻ പുറത്തേക്ക് പോയതും രണ്ടാളും പരസ്പരം നോക്കി. "അടിച്ചു പൊളിക്കാൻ വേണ്ടി വന്ന ഞാനിപ്പോ ഈ വീട്‌ വൃത്തിയാക്കാൻ നിക്കാ.

എത് നേരത്താണോ നിങ്ങടെ കൂടെ വരാൻ തോന്നിയത്" മറിയു മൂക്ക് ചീറ്റിക്കൊണ്ട് അടിച്ച് വാരാൻ തുടങ്ങിയതും ഒന്ന് നെടുവീർപ്പിട്ടു കൊണ്ട് നിഹ മാറാല തട്ടാൻ തുടങ്ങി. എല്ലാ പണിയും കഴിഞ്ഞ് രണ്ടാളും സോഫയിലേക്ക് ഇരുന്നതും ഇച്ചു ജ്യൂസ് അവർക്ക് നേരെ നീട്ടി.അവരത് വാങ്ങി വേഗം കുടിച്ചു. "ഹാവൂ ഇപ്പോഴാ ഒന്ന് ആശ്വാസം ആയത്"കുടിച്ച് കഴിഞ്ഞതിനു ശേഷം മറിയു പറഞ്ഞതും നിഹയും അത് ശെരി വെച്ചു. ഇച്ചു രണ്ടാളെയും ഒന്ന് മാറി മാറി നോക്കിക്കൊണ്ട് എഴുന്നേറ്റു. "കുറച്ച് നേരം രണ്ടാളും പോയി കിടന്നോ. ക്ഷീണം കാണും. പിന്നെ നാളെ നിന്റെ വീട്ടിലേക്ക് പോകണം. ഇന്നിനി സമയമില്ല" നിഹയതിന് തലയാട്ടിയതും ഇച്ചു മുറിയിലേക്ക് കയറിപ്പോയി. ബാഗും എടുത്ത് അടുത്ത് കണ്ട മുറിയിലേക്ക് മറിയുവും നിഹയും നടന്നു...........തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...