Love for Unexpected💜: ഭാഗം 36

രചന: Ansiya shery

"ഇതാ ഇതല്ലേ നിങ്ങൾക്ക് വേണ്ടത്. വാങ്ങിയിട്ട് വേഗം സ്ഥലം കാലിയാക്കാൻ നോക്ക്. ഇതോടെ ഈ വീടുമായി നിന്റെ ബന്ധം മുഴുവൻ തീർന്നു. സ്വത്തിന്റെ പേരിലോ മറ്റോ ഇവിടെ ഇനി കയറി ഇറങ്ങിയാൽ എന്റെ സ്വഭാവം മാറും" നിഹക്ക് നേരെ സർട്ടിഫിക്കറ്റ് നീട്ടി അയാൾ പറഞ്ഞതും അവളിൽ ഭയത്തോടൊപ്പം ദേഷ്യവും നിറഞ്ഞു. അയാളിൽ നിന്നും അത് വാങ്ങിക്കൊണ്ടവൾ ഒന്നും പറയാതെ മുഖം വെട്ടിത്തിരിച്ച് ഇച്ചുവിനെ നോക്കി.അവനയാളിൽ മാത്രം ദൃഷ്ടിയൂന്നി നില്കുന്നത് കണ്ടപ്പോൾ അവളുടെ നെറ്റി ചുളിഞ്ഞു. "കേട്ടില്ലേടി പറഞ്ഞത്. ഇനി ഒരു അവകാശവും പറഞ്ഞ് ഇങ്ങോട്ട് വരരുത്.വന്നാൽ ജീവനോടെ ഇരിക്കില്ല. ഞങ്ങളുടെ നല്ല മനസ്സ് കൊണ്ടാണ് ഇത്രയെങ്കിലും പറഞ്ഞത്" പുച്ഛത്തോടെ നിഹയുടെ രണ്ടാനമ്മ അയാളുടെ തോളിൽ കൈകൾ വെച്ച് പറഞ്ഞതും നിഹ മുഷ്ട്ടി ചുരുട്ടി തലയാട്ടി. "വാ പോകാം" ഇച്ചുവിനെയും മറിയുനെയും നോക്കാതെ നിഹ തിരിഞ്ഞു നടന്നതും അയാളെ ഒരു തവണ കൂടെ നോക്കിയതിന് ശേഷം ഇച്ചുവും മറിയുവും അവൾക്ക് പിറകെ നടന്നു. കാറിൽ കയറാൻ നേരം ഒന്ന് കൂടെ അവൻ തിരിഞ്ഞു നോക്കിയതും അയാളുടെ മിഴികൾ നിഹയിലേക്ക് മാത്രമാണെന്ന് കണ്ടപ്പോൾ ഉള്ളിൽ സംശയമുദിച്ചു.

"നിന്റെ ഉപ്പ എന്താടി ആ തള്ള പറഞ്ഞിട്ടും ഒന്നും മിണ്ടാത്തത്" മറിയുന്റെ ചോദ്യം കേട്ടാണവൻ അവരെ നോക്കിയത്.നിഹയുടെ മറുപടിക്കായ് അവൻ ആകാംക്ഷയോടെ ചെവിയോർത്തു. "ഒന്നും മിണ്ടില്ല.പണ്ട് മുതലേ ഉപ്പയൊന്നും എന്നെ പറയാറില്ല. അവർ പറയുന്നതെല്ലാം അതേ പടി അനുസരിക്കലാണ്" "അതെന്താ അങ്ങനെ?" "അറിയില്ല"മറുപടി ഒറ്റ വാക്കിൽ ഒതുക്കി അവൾ പിറകിലേക്ക് കയറി. മറിയു ഒന്ന് ശങ്കിച്ച് നിന്നതും ഇച്ചു കണ്ണുകൾ കൊണ്ട് പിറകിൽ കയറാൻ പറഞ്ഞു. അവൾ ഒരു പുഞ്ചിരിയോടെ ഡോർ തുറന്ന് നിഹയുടെ അരികിലിരുന്നതും അവൾ ഞെട്ടി മറിയുനെ നോക്കി.പക്ഷെ, ഒന്നും മിണ്ടിയില്ല. "പോകാം"മറിയുനെ നോക്കി അവൻ ചോദിച്ചതും അവൾ തലയാട്ടി.കാർ സ്റ്റാർട്ട്‌ ചെയ്യാൻ തുടങ്ങിയപ്പോഴാണ് പെട്ടെന്നവന്റെ ഫോൺ അടിഞ്ഞത്. "ഒരു മിനിറ്റ്...ജമി ആണ്" മറിയുനെ നോക്കി പറഞ്ഞവൻ കാൾ അറ്റൻഡ് ചെയ്തു. "ആരാടീ അത്?" നിഹ ശബ്ദം കുറച്ച് മറിയുനോടായി ചോദിച്ചു.

"ഇച്ചുക്കാടെ ബെസ്റ്റ് ഫ്രണ്ട് ജമീലാ എന്ന ജമിത്താ. ആൾക്ക് ഇക്കാനെ ഇഷ്ടമാണ്" നിഹയുടെ മുഖം വീർത്തത് കണ്ടപ്പോൾ മറിയൂൻ ചിരി വന്നു. "ആഹ് ജെമി.. നീ നാട്ടിലുണ്ടെന്നോ.. ഞാൻ കാണാൻ വരാട്ടോ.. എന്ത്.. ഇപ്പോഴും എന്നെ ഇഷ്ടമാണെന്നോ.. എനിക്കും നിന്നെ ഇഷ്ടമാണ്..ഞാൻ വീട്ടിൽ എത്തിയിട്ട് വിളിക്കാം.. ഓക്കേ ബൈ" അവന്റെ കൊഞ്ചിക്കുഴഞ്ഞുള്ള സംസാരം കേട്ട് നിഹക്കാകെ ദേഷ്യം വരുന്നുണ്ടായിരുന്നു. അവൾ ഇട്ടിരുന്ന ടോപ്പിൽ ആ ദേഷ്യം തീർക്കുന്നത് കണ്ട് മറിയു ചിരി പുറത്തേക്ക് വരാതിരിക്കാൻ വാ പൊത്തിപ്പിടിച്ചു. കാൾ കട്ട് ചെയ്ത് ഒരു മൂളിപ്പാട്ടും പാടി ചിരിയോടെ അവൻ കാർ സ്റ്റാർട്ട്‌ ചെയ്തു. വീട്ടിലെത്തിയതും അതേ ചിരിയോടെ ഇറങ്ങി അകത്തേക്ക് പോയി. "ജമിത്താനെ ഇക്കാക്കും ഇഷ്ടമായിരുന്നു.പിന്നെ ആൾടെ മാരേജ് ഉറപ്പിച്ചപ്പോൾ മറന്നതാണ്. ഇപ്പൊ ഇത്താടെ കല്യാണം മുടങ്ങി. ഇനി ഒരു തടസ്സവും ഇല്ലാതെ അതങ്ങ് കഴിഞ്ഞോളും" എങ്ങോട്ടാ നോക്കി പറഞ് മറിയു അവൻ പിറകെ പോയതും നിഹ പല്ല് കടിച്ചു. "നിന്നെ കൊണ്ട് ഞാൻ ജമീലയെ കെട്ടിക്കാടാ😤" 🌸🌸🌸🌸 "എനിക്ക് ഒരിടം വരെ പോകാനുണ്ട്. വന്നിട്ട് നമുക്കൊന്ന് പുറത്ത് പോകാം.

അത് വരെ ആരെങ്കിലും വന്നാൽ തുറക്കരുത്" പിറ്റേന്ന് രാവിലെ റെഡിയായി ഇറങ്ങി ഇച്ചു പറഞ്ഞതും മറിയു തലയാട്ടി. അവൾക്കടുത്ത് തന്നെ നിൽക്കുന്ന നിഹയെ അവൻ അറിയാതെ പോലും നോക്കിയിരുന്നില്ല. അവൻ പോയതും ഡോറടച്ചു വന്ന മറിയു സോഫയിൽ മുഖം വീർപ്പിച്ച് ഇരിക്കുന്ന നിഹയെ കണ്ട് ചിരിച്ചു. "എന്താ എന്റെ നിഹക്കുട്ടിക്ക് പറ്റിയത്?"അവളുടെ തോളിൽ കൈ വെച്ച് മറിയു ചോദിച്ചതും നിഹ ആ കൈ തട്ടിമാറ്റി. "എനിക്കൊന്നുമില്ല"സ്വരത്തിൽ അല്പം ദേഷ്യം ഉണ്ടായിരുന്നു. "നീ വല്ലാത്ത ദേഷ്യത്തിൽ ആണല്ലോ?" "അതിന്?" "ഒന്നുല്ല"ചുമൽ കൂച്ചിക്കൊണ്ട് മറിയു എഴുനേറ്റ് മുറിയിലേക്ക് പോയി. ___ "മറിയു വാതിൽ തുറക്ക്. ഇത് ഞാനാ" ഇച്ചുവിന്റെ ശബ്ദം കേട്ടതും ഫോൺ മാറ്റി വെച്ച് എഴുനേൽക്കാൻ തുടങ്ങിയ മറിയുനെ നിഹ തടഞ്ഞു. "ഞാൻ പോകാം" അവളെന്തെങ്കിലും പറയും മുന്നേ നിഹ ഓടിപ്പോയി വാതിൽ തുറന്നു. മുന്നിൽ അവളെ കണ്ടതും അവന്റെ മുഖം കടുത്തു. നിഹയെ ശ്രദ്ധിക്കാതെ അകത്തേക്ക് പോകാൻ തുനിഞ്ഞതും മുന്നിലവൾ കയറി നിന്നു. "അതേ ഡോർ അടക്കാതെ എങ്ങോട്ടാ" മറുപടിയൊന്നും പറയാതെ അവൻ ഡോറടച്ച് അവളെ മറികടന്ന് പോയതും നിഹക്കാകെ ദേഷ്യം വന്നു.

അവൻ മുറിയിലേക്ക് കയറാൻ പോയതും അവൾ വീണ്ടും മുന്നിൽ കയറി നിന്നു. "വഴിയിൽ നിന്ന് മാർ" "ഇല്ല" "മാർ നിഹാ" "ഇല്ലാന്ന്. കുഞ്ഞീ വിളിക്ക്. എന്നാൽ മാറാം" "സൗകര്യമില്ല"അവളെ തള്ളി മാറ്റി അവൻ റൂമിൽ കയറി ഡോറടച്ചതും നിഹയുടെ മുഖം കടുത്തു. "വല്ല കാര്യവും ഉണ്ടായിരുന്നോ. ഇക്ക നേരത്തെ ഇഷ്ടം പറഞ്ഞപ്പോൾ തന്നെ സമ്മതം പറഞ്ഞൂടായിരുന്നോ. ഇതിപ്പോ എല്ലാം കൈ വിട്ട് പോയി" "എന്ത്?"നിഹ കണ്ണ് മിഴിച്ച് മറിയുനെ നോക്കിയതും അവൾ നിഹയുടെ അടുത്തേക്ക് വന്ന് തോളിലൂടെ കയ്യിട്ടു. "എനിക്കറിയാം മോളെ നിനക്ക് ഇച്ചുക്കാനെ ഇഷ്ടമാണെന്നുള്ള കാര്യം. ഇനിയെങ്കിലും അത് തുറന്ന് പറഞ്ഞേക്ക്. ഇല്ലേൽ ആ ജമിത്ത കൊണ്ട് പോകും" മൂളിപ്പാട്ടും പാടി മറിയു മുറിയിലേക്ക് പോയതും നിഹ അവന്റെ ഡോറിലൊന്ന് മുട്ടി. അകത്ത് നിന്ന് അനക്കമൊന്നും കേൾക്കാഞ്ഞപ്പോൾ വീണ്ടും വീണ്ടും മുട്ടിക്കൊണ്ടിരുന്നു. അവസാനം അവൻ ഡോർ തുറന്ന് നിഹയെ ദേഷ്യത്തിൽ നോക്കി. "എന്താടീ നിനക്ക് വേണ്ടത്?" "തന്നെ" "എന്ത്?😳"അവന്റെ കണ്ണുകൾ മിഴിഞ്ഞു. "മര്യാദക്ക് എന്നെ കെട്ടി കൂടെ കൂട്ടെന്ന്" അതും പറഞ് തിരിഞ്ഞ് അവൾ മുറിയിലേക്ക് ഓടി......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...