Love for Unexpected💜: ഭാഗം 37

രചന: Ansiya shery

"ശെ മോശമായിപ്പോയി. അങ്ങനെയൊന്നും പറയണ്ടായിരുന്നു.അവനെന്ത് വിചാരിച്ചു കാണും. പെട്ടെന്ന് വന്ന ദേഷ്യത്തിലാണേൽ പറഞ്ഞും പോയി. ഇനി നാളെ എങ്ങനെ അവനെ നോക്കും" ബെഡ്‌ഡിൽ നഖം കടിച്ചു കൊണ്ട് തിരിഞ്ഞ് കിടന്ന് ആലോചിക്കുകയാണ് നിഹ. "മറിയു നീ ഉറങ്ങിയോടീ" "ഇല്ല... പറ" "ഞാൻ നിന്റെ ഇക്കാനോട് അപ്പൊ ദേഷ്യത്തിൽ എന്നെ കെട്ടാൻ പറഞ്ഞെടി" "എന്ത്?"മറിയു ഞെട്ടി എഴുനേറ്റ് ലൈറ്റിട്ട് അവളെ നോക്കിയതും ബെഡ്‌ഡിൽ എഴുനേറ്റിരുന്ന് നിഹ അവൾക്ക് വളിച്ചൊരു ഇളി ഇളിച്ചു കൊടുത്തു. "ഇത്ര പെട്ടെന്ന് പറഞ്ഞോ?" "മ്മ്.. നീ ആ ജമിത്ത കൊണ്ട് പോകും എന്ന് പറഞ്ഞപ്പോൾ എനിക്ക് ദേഷ്യം വന്നു. അപ്പൊ എന്നെ മര്യാദക്ക് കെട്ടിക്കോന്ന് ഞാൻ പറഞ്ഞോയി" "എന്നിട്ട് ഇക്ക എന്താ പറഞ്ഞേ?"തലയിണ എടുത്ത് മടിയിലേക്ക് വെച്ച് കൊണ്ട് മറിയു ആകാംക്ഷയോടെ നിഹയെ നോക്കി. "ഒന്നും പറഞ്ഞില്ല. അതിന് മുന്നേ ഞാൻ ഓടി ഇങ്ങോട്ട് വന്നു" "നന്നായി"ദേഷ്യത്തിൽ തലയിണ നേരെ വെച്ച് കൊണ്ടവൾ തിരിഞ്ഞു കിടന്നു. 🌸🌸🌸🌸 "Theri meri meri theri... Premkahani ye mushkil... Dholap zoome ye kahani hokahe.." "അയ്യേ അങ്ങനെയല്ല ഈ പാട്ട്"

"പിന്നെ.. നിനക്കറിയൊങ്കിൽ നീ പാട്" മറിയു തൊണ്ട ഒന്ന് അനക്കിക്കൊണ്ട് പാടാൻ തുടങ്ങി. "തേരീ മേരി മര്ത്ത്മ്മെ കേറി.. പുള്യർമ്പ് കടിച്ച് നിലത്ത്ക്ക് വീണ്.. അവിടെന്നെണീറ്റ് ഓടിപ്പോയി.. കൊളത്തിൽ ചാടി" പുറത്തേക്ക് പോകാനായി റെഡിയായി വന്ന ഇച്ചു മറിയുന്റെ പാട്ട് കേട്ട് കണ്ണ് തള്ളി നിന്നു. "അയ്യേ ഇതായിരുന്നോ.. ഇതെനിക്ക് നേരത്തെ അറിയാം" "അയിന്?" "അന്റോൻ സുക്കൂർ" "അന്റോൻ ഇച്ചുക്ക ആടി" "ആ കുരങ്ങനെ എന്തിനാടീ ഇതിലേക്ക് വലിച്ചിടുന്നത്" "ഡീ..."എന്ന ഇച്ചുവിന്റെ അലർച്ച കേട്ടപ്പോഴാണ് രണ്ടാളും അവനെ കണ്ടത്. "പടച്ചോനേ പണി പാളി" "അങ്ങനെ തന്നെ വേണമെടി നിനക്ക്"മറിയു പുച്ഛിച്ചു കൊണ്ട് മെല്ലെ എഴുനേറ്റ് അടുക്കളയിലേക്ക് ഓടി. അവൾക്ക് പിറകെ ഓടാനായി നിഹയും തുനിഞ്ഞതും അതിന് മുന്നേ ഇച്ചു അവൾക്ക് മുന്നിൽ തടസ്സമായി വന്നു നിന്നിരുന്നു. "മാ... മാർ..എനിക്ക് പോണം" "മാറില്ലെങ്കിൽ"അവൻ പിരികം പൊക്കി അവളെ നോക്കിയതും നിഹയൊന്ന് പതറിക്കൊണ്ട് തല താഴ്ത്തി. "നീയെന്നെ കുരങ്ങൻ എന്ന് വിളിക്കും അല്ലെടി"അവനവളുടെ ചെവിയിൽ പിടിത്തമിട്ടു കൊണ്ട് പിരിച്ചതും നിഹ എരിവ് വലിച്ചു കൊണ്ട് അവനെ നോക്കി.

"ആഹ് വിട്... ഞാനിനി കുരങ്ങൻ എന്ന് വിളിക്കില്ല. പ്ലീസ് ഇച്ചുക്കാ വിട്" ഇച്ചു ചെവിയിൽ നിന്നും കൈ അയച്ചു കൊണ്ട് കൈ കെട്ടി നിന്നു. "നീ എന്താ ഇന്നലെ എന്നോട് പറഞ്ഞത് ഒന്നൂടെ പറ" "എ.. എന്ത്?" "ആലോചിച്ച് നോക്ക്. ഇന്നലെ പറഞ്ഞതെന്ന്" അവൾ ഒന്നും മിണ്ടാതെ തല താഴ്ത്തി വിരലുകൾ പൊട്ടിക്കുന്നത് കണ്ട് അവൻ ചിരി പൊട്ടി. എങ്കിലും അത് പുറമേ പ്രകടിപ്പിച്ചില്ല. "അപ്പൊ ഒന്നും പറഞ്ഞിട്ടില്ലല്ലേ.. അങ്ങനെയെങ്കിൽ ഞാൻ ജമിയോട് യെസ് പറയട്ടെ. അവൾക്ക് ഏതായാലും എന്നെ ഇഷ്ടവും ആണ്" "വേണ്ട. എനിക്കിഷ്ടാ"മുഖം ഉയർത്തി പെട്ടെന്ന് അവൾ ദേഷ്യത്തിൽ പറഞ്ഞതും അവന്റെ ചുണ്ടിൽ കുസൃതി ചിരി വിരിഞ്ഞു. "എന്ത് ഇഷ്ട്ടാന്ന്.. ഉം..?" "എനിക്ക് തന്നെ ഇഷ്ടമാണെന്ന്. മര്യാദക്ക് കെട്ടി കൂടെ കൂട്ടിക്കോ. ഇല്ലേൽ ഞാൻ ചവിട്ടി കിണറ്റിലിടും. കേട്ടോ" അവന്റെ കണ്ണുകൾ മിഴിഞ്ഞു. അവളിൽ നിന്നും ഇങ്ങനെയൊരു മറുപടി അവൻ പ്രതീക്ഷിച്ചിരുന്നില്ല.മറുപടി പറയാനായി തുനിഞ്ഞതും പെട്ടെന്ന് ഫോൺ അടിയുന്ന ശബ്ദം കേട്ട് അവൻ എടുത്തു നോക്കി. കാൾ അറ്റൻഡ് ചെയ്ത് സംസാരിക്കുമ്പോൾ അവന്റെ മുഖം മാറുന്നത് അവൾ ശ്രദ്ധിച്ചിരുന്നു. കട്ട് ചെയ്തതിന് ശേഷം അവളെ ഒന്ന് നോക്കുക പോലും ചെയ്യാതെ അവൻ പുറത്തേക്ക് ഓടി......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...