Love for Unexpected💜: ഭാഗം 38

രചന: Ansiya shery

ഇച്ചു വീട്ടിലേക്ക് വന്നപ്പോൾ രാത്രി ആയിരുന്നു. ഡോർ തുറന്ന് കൊടുത്ത നിഹയെ ഒന്ന് നോക്കുക പോലും ചെയ്യാതെ അവൻ അകത്തേക്ക് കയറിപ്പോയപ്പോൾ അവൾക്കാകെ ദേഷ്യം വന്നു. "ഡാ"അവളലറിയതും അവൻ ഞെട്ടിത്തിരിഞ്ഞു നോക്കി. "എന്താ?"നെറ്റി ചുളിച്ച് ഗൗരവത്തോടെ അവൻ ചോദിച്ചത് കേട്ട് അവളൊന്ന് പതറി. ചോദിക്കാൻ വന്നത് തൊണ്ടയിൽ തന്നെ കുരുങ്ങി കിടന്നതും ഒന്നുമില്ലെന്ന് ചുമൽ കൂച്ചിക്കാണിച്ചു. അവനൊന്നും മിണ്ടാതെ തിരിഞ്ഞു നടന്നതും അവളൊന്ന് നീട്ടി ശ്വാസം വലിച്ചു വിട്ടു. "ശെ എന്നാലും എനിക്കെന്താ പറ്റിയേ?" ___ "നാളെ നമ്മൾ തിരിച്ച് നാട്ടിലേക്ക് തന്നെ പോകും"പിറ്റേന്ന് രാവിലെ ബ്രേക്ക് ഫാസ്റ്റ് കഴിക്കുന്നതിൻ ഇടയിലാണ് ഇച്ചു അത് പറഞ്ഞത്. "നാളെയോ?അപ്പൊ ഇക്കാക്ക് എന്തോ ജോലി ഉണ്ടെന്ന് പറഞ്ഞിട്ട്"മറിയുന്റെ മുഖം വാടിയെങ്കിലും നിഹക്കത് കേട്ടപ്പോൾ സന്തോഷമായിരുന്നു. "എന്റെ ജോലി കഴിഞ്ഞു. അത് കൊണ്ട് ഇനിയും ഇവിടെ നിൽക്കേണ്ട കാര്യമില്ലല്ലോ" "ഇവിടെ മൊത്തം കറങ്ങണം എന്നുള്ള എന്റെ എല്ലാ പ്ലാനും പൊളിഞ്ഞു" "നീ അതോർത്ത് സങ്കടപ്പെടണ്ട.കുറച്ച് കഴിഞ്ഞ് നമുക്ക് പുറത്തേക്ക് പോകാം.

അതിന് വേണ്ടി തന്നെയാ ഞാനിന്ന് കൂടെ ഇവിടെ നിൽക്കാം എന്ന് തീരുമാനിച്ചത്" മറിയുന്റെ മുഖം വിടർന്നു. പത്തര ആയതും റെഡിയായി മൂന്ന് പേരും ഇറങ്ങി. ഇച്ചു നിഹ മുന്നിൽ കയറുമെന്ന് പ്രതീക്ഷിച്ചെങ്കിലും അതുണ്ടായില്ല. അവൾ പിറകിൽ മറിയൂനോടൊപ്പം കയറിയതും അവൻ ദേഷ്യം വന്നു. രണ്ട് പേരും പിറകിൽ ഇരുന്ന് അവനെ ശ്രദ്ധിക്കാതെ സംസാരിക്കുന്നത് കണ്ടപ്പോൾ ദേഷ്യം കൂടി ഇച്ചു കാറിന്റെ സ്പീഡ് കൂട്ടി. അവസാനം ഒരു മാളിന് മുന്നിൽ എത്തിയതും അവൻ കാർ നിർത്തി ഇറങ്ങി. "ഇനി നിങ്ങളൊക്കെ ആരെ കാണാൻ നിൽക്കുവാ.വേണേൽ ഇറങ് രണ്ടും😡" അവൻ കലിപ്പായത് കണ്ട് രണ്ടാളും ഞെട്ടി വേഗം കാറിൽ നിന്നിറങ്ങി. കാർ ലോക്ക് ചെയ്ത് ഇച്ചു മാളിനുള്ളിലേക്ക് നടന്നതും നിഹയും മറിയുവും പിറകെ നടന്നു. അവിടെ ചെറിയ ഷോപ്പിങ് ഒക്കെ നടത്തിയതിൻ ശേഷം പിന്നെ അവർ പാർക്കിലേക്ക് ആണ് പോയത്. "വൗ ഊഞ്ഞാൽ" മറിയു ഓടിച്ചെന്ന് ഊഞ്ഞാലിൽ കയറി ഇരുന്ന് ആടുന്നത് കണ്ട് ഇച്ചു ചുറ്റും നോക്കി പല്ലിറുമ്പി. നിഹ അവളുടെ പെരുമാറ്റം കണ്ട് ചിരിച്ചു കൊണ്ട് അവിടെയുള്ള ബെഞ്ചിൽ പോയിരുന്നു. തൊട്ടപ്പുറത്ത് പെട്ടെന്ന് ഇച്ചുവും വന്നിരുന്നത് കണ്ട് അവളവനെ ഒന്ന് നോക്കിയതിന് ശേഷം നോട്ടം തെറ്റിച്ചു.

"ഡീ"പെട്ടെന്നവൻ വിളിച്ചതും അവൾ അവനെ നോക്കി. "എന്താ?" "നീയെന്താ എന്നോട് മിണ്ടാത്തത്?" "ഹഹ...നീയല്ലേ എന്നോട് മിണ്ടാത്തത്. ഞാനല്ലല്ലോ?" "ഞാനോ?" "മ്മ്... ഇന്നലെ രാവിലെ എന്നോട് ഒന്ന് മിണ്ടാതെ പോലും പോയത് താനല്ലേ. എന്നിട്ട് വന്നതിന് ശേഷം ഇത് വരെ ആയിട്ട് പോലും ഒന്നും മിണ്ടിയില്ല" അവൾ ചുണ്ട് കോട്ടി. അവനപ്പോഴാണ് ആ കാര്യം ഓർത്തത്. സ്വയം നെറ്റിക്കടിച്ചു കൊണ്ട് അവൾക്കടുത്തേക്ക് നീങ്ങി ഇരുന്നതും അവൾ പെട്ടെന്ന് അവനിൽ നിന്നും വിട്ട് നീങ്ങി ഇരുന്നു. "സോറി... മനപ്പൂർവം അല്ല.. ഇന്നലെ ആ കോൾ വന്നത് ഒരു കേസിന്റെ ഭാഗം ആയിട്ടായിരുന്നു. അതാ പെട്ടെന്ന് അർജെന്റ് ആയി ചെല്ലേണ്ട കാര്യം ആയപ്പോൾ ഒന്നും പറയാതെ പോയത്" "ഇതൊക്കെ എന്നോട് പറയുന്നതെന്തിനാ?" അവന്റെ കണ്ണുകൾ മിഴിഞ്ഞു. "അപ്പോ നീയല്ലേ ഇന്നലെ എന്നോട് ഇഷ്ടമാണ് എന്നൊക്കെ പറഞ്ഞത്" "അതിന്?😏" "കുന്തം.. ദേ പെണ്ണേ വെറുതെ എന്നെ ദേഷ്യം പിടിപ്പിക്കല്ലേട്ടാ" "പിടിപ്പിച്ചാൽ"

"മുമ്പൊരിക്കൽ നിന്റെ കവിളിൽ തന്നത് ഞാൻ ഇവിടെ തരും"ചുണ്ടിലേക്ക് വിരൽ ചൂണ്ടി ഇച്ചു പറഞ്ഞതും ഞെട്ടിക്കൊണ്ട് നിഹ ഇരുന്നിടത്ത് നിന്നും ചാടി എഴുനേറ്റു. "അയ്യേ ഞാൻ അത്തരക്കാരി നഹീ ഹേ"കണ്ണും മിഴിച്ചവൾ മറിയൂന്റെ അരികിലേക്ക് ഓടുന്നത് കണ്ട് അവൻ പൊട്ടിച്ചിരിച്ചു. അവിടുന്നിറങ്ങിയപ്പോഴേക്കും ഉച്ച ആയിരുന്നു.ഹോട്ടലിൽ നിന്നും ഭക്ഷണം കഴിച്ചതിന് ശേഷം നേരെ ബീച്ചിലേക്ക് വെച്ച് പിടിച്ചു. ഉച്ച ആയത് കൊണ്ട് തന്നെ നല്ല ചൂടുന്നുണ്ടായിരുന്നു അപ്പോൾ. "വൈകീട്ട് ഇങ്ങോട്ട് വരണം. അപ്പോഴാണ് കാണാൻ രസം"ഇച്ചു അവരെ നോക്കി പറഞ്ഞു. "എന്നാ പിന്നെ വൈകുന്നേരം രസം കണ്ടിട്ട് പോയാൽ പോരേ"നിഹയെ അവൻ പല്ല് കടിച്ച് നോക്കി. "ചളിയടിക്കല്ലേ" "അടിച്ചാൽ" "നിന്നെ"അവൻ പെട്ടെന്ന് ചുണ്ടിൽ തൊട്ട് കാണിച്ചതും നിഹ ഞെട്ടി.

"ഞാ.. ഞാൻ വെറുതെ ഒരു തമാശ പറഞ്ഞതല്ലേ. വാ മറിയൂ.. നമുക്ക് കടലിൽ ഇറങ്ങാം" അവൾക്കെന്തെങ്കിലും സംശയം തോന്നുന്നതിന് മുന്നേ അവൾ മറിയൂനേ വലിച്ച് നടന്നു. "പടച്ചോനേ ഈ പെണ്ണിന് ഇത്ര പേടി ഉണ്ടായിരുന്നോ?"അവനോർത്തു കൊണ്ട് അവളെ നോക്കി ചിരിച്ചു. കുറച്ച് നേരം കൂടെ അവിടെ കറങ്ങിയതിന് ശേഷം തിരികെ കാറിലേക്ക് കയറാൻ നേരത്താണ് ഇച്ചുവിന്റെ കണ്ണിൽ ആ കാഴ്ച്ച പെട്ടത്.നിഹയേയും മറിയൂനെയും നോക്കാതെ അവൻ അങ്ങോട്ട് നടന്നതും അവർ പരസ്പരം നോക്കിയതിന് ശേഷം അവൻ പോകുന്നിടത്തേക്ക് നോട്ടം തെറ്റിച്ചു.....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...