Love for Unexpected💜: ഭാഗം 42

രചന: Ansiya shery

ജാനി മോളുടെ കരച്ചിൽ കേട്ടാണ് രാവിലെ കണ്ണ് തുറന്നത്. ഫോണെടുത്ത് നോക്കിയപ്പോൾ സമയം അഞ്ചാകുന്നേ ഉള്ളൂ. കണ്ണൊന്ന് തിരുമ്മിക്കൊണ്ട് എഴുന്നേറ്റ് ലൈറ്റിട്ടു. മറിയു ഒന്നും അറിഞ്ഞിട്ടില്ല. മോളേ എടുത്ത് കരച്ചിൽ മാറ്റാൻ കുറേ ശ്രമിച്ചു നോക്കി.പക്ഷെ നിർത്തുന്നില്ല ആൾ. ചിലപ്പോ വിശന്നിട്ടായിരിക്കും. ഇനിയിപ്പോ എന്താ ചെയ്യാ. ഇന്നലെ ഇച്ചു പാൽ കൊണ്ട് വന്നിരുന്ന കാര്യം ഓർമ്മ വന്നതും അത് കൊടുക്കാമെന്ന് തീരുമാനിച്ചു. "മറിയു.. ഡീ പെണ്ണേ. ഒന്ന് എഴുന്നേൽക്കെടി" "എന്താ"കണ്ണ് തുറന്ന് ദേഷ്യത്തിലെന്നെ നോക്കി. "നീ ഒന്ന് എഴുന്നേറ്റേ. മോൾ കരയുന്നുണ്ട്. ഇവളെ പിടിച്ച് കരച്ചിൽ മാറ്റാൻ എങ്ങനെ എങ്കിലും നോക്ക്. ഞാൻ വേഗം പോയി പാൽ എടുത്തു കൊണ്ട് വരാം" "എനിക്കുറക്കം വരുന്നുണ്ട്" "ദേ മര്യാദക്ക് മോളേ പിടിച്ചോ. വെറുതെ എന്നെ ദേഷ്യം പിടിപ്പിക്കണ്ട" മുഖം വീർപ്പിച്ച് മോളേ വാങ്ങി അവൾ മുറിയിൽ അങ്ങോട്ടും ഇങ്ങോട്ടും നടക്കാൻ തുടങ്ങിയതും ഞാൻ നേരെ അവിടുന്നിറങ്ങി അടുക്കളയിലേക്ക് നടന്നു. ഫ്രിഡ്ജിൽ നിന്ന് പാലെടുത്ത് അത് കാച്ചിയ ശേഷം ഗ്ലാസ്സിലേക്ക് ഒഴിച്ച് ഒരു സ്പൂണും ഇട്ട് അടുക്കളയിൽ നിന്നിറങ്ങി. അപ്പോഴുണ്ട് ഹാളിൽ മറിയു മോളെയും എടുത്ത് നടക്കുന്നു. "നീ ഇവിടേക്ക് വന്നോ" "പിന്നെ ഇവൾ കരച്ചിലൊന്ന് നിർത്തണ്ടേ. നീ ആ പാൽ അങ്ങ് കൊടുത്തേ" ഞാൻ പാൽ സ്പൂണിലേക്ക് ഒഴിച്ച് മോളുടെ വായിലേക്ക് വെച്ച് കൊടുത്തു.

അവളപ്പൊ തന്നെ കരച്ചിൽ നിർത്തി അത് കുടിച്ചു. മുഴുവൻ കുടിപ്പിച്ചതിന് ശേഷം ഗ്ലാസുമായി അടുക്കളയിലേക്ക് നടന്ന് അത് കഴുകി വെച്ചു. ശേഷം ഹാളിലേക്ക് നടന്നു. മറിയുന്റെ മടിയിലിരുന്ന് ചിരിച്ച് കളിക്കുവാണ് കുറുമ്പി പെണ്ണ്. "എനിക്ക് തോന്നിയിരുന്നു വിശന്നിട്ടാകും എന്ന്. ഇനി മോളേ ഇങ് തന്ന് നീ പോയി ഉറങ്ങിക്കോ" "ഓഹ് ഇനിയതിന്റെ ആവശ്യമില്ല. മനുഷ്യന്റെ ഉറക്കം മുഴുവനും പോയി🥲" എന്റെയും ഉറക്കം പോയത് കൊണ്ട് പിന്നെ ഞങ്ങളവിടെ ഇരുന്ന് സംസാരിച്ചു.അതിനിടയിൽ മറിയുന്റെ തോളിൽ ചാഞ്ഞു കിടന്ന് മോൾ ഉറങ്ങിയിരുന്നു. ----- "നമ്മളെങ്ങോട്ടാ പോകുന്നത്?" കാറിൽ കയറാൻ നേരത്താണ് മനുവിന്റെ ആ ചോദ്യം. "വീട്ടിലേക്ക്. ഞങ്ങടെ വീട് ഇവിടല്ല.വേറെ സ്ഥലത്താ. അവിടെ ഒരുപാട് പേരുണ്ട്" ഇച്ചുവിന്റെ മറുപടി കേട്ട് അവന്റെ മിഴികൾ വിടർന്നു. പക്ഷെ പെട്ടെന്ന് തന്നെ എന്തോ ഓർത്ത് സങ്കടം നിറഞ്ഞു. "അപ്പോ അവരൊക്കെ ഞങ്ങളെ കണ്ടാൽ വഴക്ക് പറയില്ലേ. നിങ്ങൾ പൊക്കോ. ഞങ്ങളിവിടെ എവിടേലും നിന്നോളാം" കയറാൻ മടിച്ചവനെ എടുത്ത് ഇച്ചു കാറിലേക്ക് കയറ്റി ഇരുത്തി. "ഇനി നീയെന്തെങ്കിലും പറഞ്ഞാൽ" ഗൗരവത്തിൽ ഇച്ചു പറഞ്ഞതും അവൻ പേടിച്ച് തല താഴ്ത്തി ഇരുന്നു. ഇച്ചു ഒന്ന് ചിരിച്ചു കൊണ്ട് മറിയുനോടും നിഹയോടും കയറാൻ പറഞ് കാറിലേക്ക് കയറി. 💜💜💜💜

രാവിലെ നേരത്തെ എഴുന്നേറ്റത് കാരണം പോയ ഉറക്കം മറിയുനേ വീണ്ടും തേടി എത്തിയിരുന്നു. ആദ്യമായി ഇത്രയും ദൂരം കാറിൽ പോകുന്നത് കൊണ്ട് തന്നെ മനു വല്ലാത്ത സന്തോഷത്തിലായിരുന്നു. കാർ മുന്നോട്ട് പോകുമ്പോൾ പിറകോട്ട് പോകുന്ന മരങ്ങളേയും വീടുകളെയുമെല്ലാം അവൻ അത്ഭുതത്തോടെ നോക്കി. ഇടക്ക് മോൾ കരയുമ്പോഴേല്ലാം അവളെ അടക്കി നിർത്താൻ നിഹയും മറിയുവും കുറച്ച് പാട് പെട്ടിരുന്നു. വീട്ടിലെത്തിയപ്പോൾ സമയം രാത്രിയോട് അടുത്തിരുന്നു. ഡോർ തുറന്ന് പുറത്തേക്കിറങ്ങി മറു ഭാഗത്ത് ചെന്ന് മനുവിനെയും ഇച്ചു പുറത്തേക്കിറങ്ങി. നിഹയുടെ തോളിൽ കിടന്ന് മോൾ അപ്പോഴേക്കും ഉറങ്ങിപ്പോയിരുന്നു. എല്ലാവരും ഇറങ്ങിയതും ഡോർ ലോക്ക് ചെയ്തിട്ട് ഇച്ചുവും അവർക്കടുത്തേക്ക് ചെന്നു. "ഉമ്മാ ഞങ്ങൾ വന്നു" മറിയുവും നിഹയും വിളിച്ചു കൂവിക്കൊണ്ട് തുരു തുരാ ബെല്ലടിച്ചതും ഇച്ചു അവരെ കണ്ണുരുട്ടി നോക്കി. മനു ആ വീട് മുഴുവൻ അത്ഭുത്തോടെ നോക്കി നിൽക്കുകയായിരുന്നു അപ്പോൾ. "പൈസ ഒന്ന് എടുത്തിട്ട് വരാം പിച്ചക്കാരികളെ. ഒന്ന് വെയിറ്റ് ചെയ്യ്" അകത്തു നിന്ന് പാച്ചുവിന്റെ ശബ്ദത്തോടൊപ്പം ഡോർ തുറന്നതും രണ്ട് പേരുടേയും മുഖം വീർത്തു.

"നീ പോടാ തവളെ"മറിയു ദേഷ്യത്തിൽ പാച്ചുനെ നോക്കി പറഞ്ഞിട്ട് ഉമ്മാനെ പോയി കെട്ടിപ്പിടിച്ചു. എല്ലാവരും പുറത്തേക്ക് വന്നിരുന്നു അപ്പോഴേക്കും. കുറച്ച് ദിവസത്തിൻ ശേഷം എല്ലാവരെയും കണ്ടപ്പോൾ നിഹക്കായിരുന്നു കൂടുതൽ സന്തോഷം. പക്ഷെ മോൾ കയ്യിൽ ഉള്ളത് കൊണ്ട് തന്നെ കെട്ടിപ്പിടിക്കാൻ ഒന്നും അവൾക്ക് പറ്റിയില്ല. "അല്ല ഇവരൊക്കെ ആരാ?"ഉമ്മാടെ ചോദ്യം കേട്ടാണ് എല്ലാവരും മനുവിനെയും ജാനി മോളേയും ശ്രദ്ധിച്ചത്. മനു തലതാഴ്ത്തി നിന്നതും ഇച്ചു അവനെ ചേർത്ത് പിടിച്ചു കൊണ്ട് അവരെ നോക്കി പുഞ്ചിരിച്ചു. "എന്റെ അനിയനാ ഇവൻ. അതെന്റെ കുഞ്ഞി പെങ്ങളും" "എടാ അപ്പോ നീ പറഞ്ഞു വരുന്നത് ഉപ്പാക്ക് വേറെ കെട്ട്യോൾ ഉണ്ടെന്നാണോ. ഓഹ് നോ😨" പാച്ചു അലറിയതും ഉപ്പയും ഉമ്മയും ഞെട്ടി പരസ്പരം നോക്കി. ഇച്ചു പല്ല് കടിച്ച് പാച്ചുവിനെ നോക്കി. "അല്ല നിന്റെ ഉമ്മാക്ക് വേറെ കെട്ട്യോൻ ഉണ്ടെന്ന്" "ഓഹ് നോ. അപ്പോ ഉമ്മാ ഇങ്ങൾ ഉപ്പാനെ ചതിക്കുവായിരുന്നല്ലേ" "പ്പ്ഫാ"ഉമ്മ ഒറ്റ ആട്ട് ആട്ടിയതും അവന്റെ അലർച്ച താനേ നിന്നു. "നീയൊക്കെ എങ്ങനെയാടാ എന്റെ മോനായത്"ഉപ്പ പല്ല് കടിച്ച് ചോദിച്ചതും അവൻ വളിച്ച ഇളി ഇളിച്ചു കൊണ്ട് ശാലുവിനെ നോക്കി

. "ഞാൻ എല്ലാം നിങ്ങളോട് പറയാം. ഇപ്പോ അകത്തേക്ക് കയറട്ടെ" അവരകത്തേക്ക് കയറിയതും ശാലു പെട്ടെന്ന് വന്ന് മോളേ വാങ്ങി. "ഔ. എന്ത് ക്യൂട്ടാ ഇതിനേ കാണാൻ. മോളൂച്ചേ"അവളുടെ കവിളിൽ ചുംബിച്ച് കൊണ്ട് ശാലു വിളിച്ചതും ജാനി പല്ല് കാട്ടി ചിരിച്ചു. "മറിയൂ നിഹാ നിങ്ങൾ മനുവിനേയും ജാനിയെയും കൂട്ടി പോയി ഫ്രഷ് ആക്" അതിന് തലയാട്ടി അവർ രണ്ട് പേരും നടന്നു. അവര് പോയതും ഇച്ചു അപ്പോ തന്നെ നടന്നതെല്ലാം എല്ലാവരോടും പറഞ്ഞു കൊടുത്തു. "എന്നാലും എന്റെ പടച്ചോനേ. ഇവന്മാർക്കൊക്കെ ഈ പിഞ്ചു കുഞ്ഞുങ്ങളോട് ഇങ്ങനെയൊക്കെ ചെയ്യാൻ എങ്ങനെ തോന്നി" കേട്ടതും കരഞ്ഞു കൊണ്ട് ഉമ്മ പറഞ്ഞു. എല്ലാവരും അത് തന്നെ ആയിരുന്നു ചിന്തിച്ചത്. "എന്തായാലും ഇനി അതിനെ കുറിച്ചൊന്നും അവരോട് പറയേണ്ട. മനു മോൻ പറഞ്ഞ പോലെ ജാനി മോൾടെ വീട്ടുകാരെ നമുക്ക് കണ്ടെത്തണം" ഉപ്പ പറഞ്ഞതും അവൻ തലയാട്ടി. "അപ്പോ മനുവിനെ എന്ത് ചെയ്യും" "അവനിവിടെ നിൽക്കട്ടെ. നമുക്ക് സന്തോഷം അല്ലെ ഉള്ളൂ" "അതൊക്കെ ശെരിയാ ഉമ്മാ. പക്ഷെ അങ്ങനെ അങ്ങ് അവനെ നിർത്താൻ പറ്റില്ല. അവൻ നമ്മുടെ ആരുമല്ല. പിന്നെ സ്വന്തമായി തീരുമാനം എടുക്കാനുള്ള പ്രായവും ആയിട്ടില്ല. അത് കൊണ്ട് തന്നെ അവനെ ഇനി നമുക്ക് ഓർഫനേജിൽ ആക്കേണ്ടി വരും" ഇച്ചു പറഞ്ഞതും അവർക്കൊക്കെ സങ്കടമായി. പക്ഷെ വേറെ നിവർത്തി ഇല്ലാത്തത് കൊണ്ട് അത് സമ്മതിച്ചു. __

"മോൻ കഴിച്ചോട്ടോ. ഇനിയെന്തെങ്കിലും വേണോ?" മനുവിന്റെ തലയിൽ തലോടി ഉമ്മ ചോദിച്ചതും മടിച്ച് മടിച്ച് അവൻ മീനിലേക്ക് വിരൽ ചൂണ്ടി. "അ. അത് ഒന്നൂടെ തരോ?" "തരാലോ. ചോദിച്ചാ പോരേ. ഇങ്ങനെ പേടിക്കണോ" മീൻ എടുത്ത് അവന്റെ പ്ളേറ്റിലേക്കിട്ട് ഉമ്മ പറഞ്ഞതും അവൻ ഒന്ന് ചിരിച്ചു കൊണ്ട് കഴിച്ചു. "വാ തുറക്ക് മോളേ. ആ അങ്ങനെ തന്നെ" പെട്ടെന്ന് നിഹേടെ ശബ്ദം കേട്ടതും അവൻ തല ചെരിച്ചു നോക്കി. മോളേ എടുത്ത് ഒക്കത്തിരുത്തി കൊണ്ട് ചോർ കൊടുക്കുന്നത് കണ്ട് അവന്റെ കണ്ണുകൾ അറിയാതെ നിറഞ്ഞു. തനിക്കും അങ്ങനെ തരാൻ ഒരാൾ ഉണ്ടായിരുന്നെങ്കിൽ. സങ്കടം കാരണം പിന്നീടവൻ ഭക്ഷണം ഇറങ്ങുന്നുണ്ടായിരുന്നില്ല. പെട്ടെന്നാരോ അവന്റെ കൈ മാറ്റി പ്ളേറ്റിലേക്ക് കൈ ഇട്ടതും അവൻ തല ചെരിച്ചു നോക്കി. ഒരു ചിരിയോടെ അവനരികിലേക്ക് ഇരുന്ന് ഉമ്മ ചോർ ഉരുളയാക്കി എടുത്ത് നീട്ടിയതും അവന്റെ കണ്ണുകൾ വീണ്ടും നിറഞ്ഞു. "നിനക്ക് അങ്ങനെ ഒരു ആഗ്രഹം ഉണ്ടേൽ എന്തിനാ മടിച്ചു നില്കുന്നത്. പറഞ്ഞാൽ പോരെ. ദാ വാ തുറക്ക്" അവൻ വാ തുറന്ന് ഉമ്മ നീട്ടിയ ചോർ കഴിച്ചു. ശേഷം നിറഞ്ഞ കണ്ണുകൾ തുടച്ചു.....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...