Love for Unexpected💜: ഭാഗം 45

രചന: Ansiya shery

രണ്ട് ദിവസങ്ങൾക്ക് ശേഷം... താഴെ എന്തൊക്കെയോ ബഹളം കേട്ടാണ് ഞാൻ എഴുന്നേറ്റത്. ഉച്ചക്ക് ഒന്ന് കിടന്നപ്പോൾ അറിയാതെ ഉറങ്ങിപ്പോയി.ബാത്‌റൂമിൽ ചെന്ന് മുഖം കഴുകി താഴേക്ക് ഇറങ്ങി ചെന്നതും അവിടെ നിൽക്കുന്നവരെ കണ്ട് ഞെട്ടി. ആദിയും ഷെഫിയും ആഷിക്കയും.. "ഹേയ് ഗേൾ.. ഞങ്ങളെ അറിയാമോ?"മറിയുന്റെ തോളിലൂടെ കയ്യിട്ട് ആദി ചോദിച്ചതും ഞാൻ ഇല്ലെന്ന് തലയാട്ടി. "ആരാ. പിച്ചക്ക് വന്നവരാണോ?" "പ്പ്ഹാ.. എന്നെക്കൊണ്ട് പറയിപ്പിക്കണ്ട" "അല്ല നിങ്ങളൊക്കെ എപ്പോ വന്നു" "കുറച്ചു നേരമായി. നീ ഉറങ്ങുവായോണ്ട് വിളിച്ചില്ല.എല്ലാവരും ഉണ്ട്" "ഹേ.. ന്നിട്ട് എവിടെ. ഞാൻ കണ്ടില്ലല്ലോ" "ഉപ്പുപ്പേം ഉപ്പയും ഒക്കെ പുറത്തേക്ക് എന്തിനോ പോയി. ബാക്കി എല്ലാവരും അടുക്കളയിലുണ്ട്" ഷെഫി പറഞ്ഞതും ഞാൻ അടുക്കളയിലേക്ക് ചെന്നു. അവിടെ ഉമ്മാനോടും ഷാലുത്താനോടും സംസാരിച്ചിരിക്കുന്നവരെ കണ്ട് അടുത്തേക്ക് ചെന്നു. "ഹായ്. പീപ്പിൾസ്. എന്നെ അറിയാമോ?"ഇളിച്ചു കൊണ്ട് ഉമ്മുമ്മാനേ പിറകിലൂടെ പോയി കെട്ടിപ്പിടിച്ചു. "ആഹാ ആരിത്. കാന്താരിയോ.ഉറക്കമൊക്കെ കഴിഞ്ഞോ?" "കഴിഞ്ഞു. നിങ്ങളെന്തിനാ വന്നേ?" "അതെന്താ ഞങ്ങക്ക് വന്നൂടെ"

"അതല്ല. പെട്ടെന്ന് പറയാതെ വന്നതോണ്ട്. നിങ്ങൾ തമ്മിലുള്ള പ്രശ്നം ഒക്കെ മാറിയോ?" "അതൊക്കെ എന്നോ മാറി. അല്ലെ സൈനു"ഉമ്മാനെ നോക്കി ഉമ്മുമ്മ ചോദിച്ചതും അതിനുമ്മ തലയാട്ടി. "എന്തൊക്കെ ഉണ്ട്. സീനുമ്മാ. ഫാത്തുമ്മാ വിശേഷങ്ങൾ" "സുഖം"എന്റെ തലയിൽ തലോടി അവർ പറഞ്ഞതും ഞാൻ ചിരിച്ചു. __ "ഷെഫീടെ കല്യാണം ഉറപ്പിച്ചു. അടുത്ത മാസം ഇരുപത്തി അഞ്ചിനാണ്. അപ്പോ നിങ്ങളെല്ലാവരും കൂടെ അങ്ങോട്ടേക്ക് വന്നേക്കണം.അത് പറയാൻ വേണ്ടിയാ വന്നത്.നാളെ ഞങ്ങൾ തിരിച്ചു പോകും" രാത്രി ഭക്ഷണം കഴിക്കുന്നതിൻ ഇടയിൽ ഉപ്പുപ്പ പറഞ്ഞതും നിഹ ഞെട്ടി ഷെഫിയെ നോക്കി.അവളാരെയും നോക്കാതെ തല താഴ്ത്തി ഇരിക്കുകയായിരുന്നു. "ഇൻഷാ അല്ലാഹ്. പയ്യൻ എവിടുന്നാ?" തുടങ്ങി ഉപ്പയും ഉമ്മയും വിവരങ്ങളൊക്കെ ചോദിച്ചറിഞ്ഞു. "ഇച്ചൂടെ കല്യാണവും ഞങ്ങൾ നടത്താൻ നിൽക്കുവായിരുന്നു.ഇങ്ങനാണേൽ രണ്ടാളുടെയും ഒരുമിച്ച് നടത്തിയാലോ?" ഉപ്പ ചോദിച്ചതും ഷെഫിയെ നോക്കിയിരിക്കുകയായിരുന്ന നിഹ ഞെട്ടി ഇച്ചുവിനെ നോക്കി. അവന്റെ മുഖത്ത് പ്രത്യേകിച്ച് ഭാവമൊന്നും ഇല്ലാന്ന് കണ്ടതും അറിയാതെ കണ്ണുകൾ നിറഞ്ഞു.

"അത് നല്ലതാ.കുട്ടിയെ കണ്ടെത്തിയിട്ടുണ്ടോ?" "ആഹ് ഉണ്ട്.ഏകദേശം ഉറപ്പായി. ഇനി ഒന്നൂടെ വിളിച്ച് കാര്യം പറയണം" അതൂടെ കേട്ടതും നിഹ വേഗം അടുക്കളയിലേക്ക് നടന്നു. നിറഞ്ഞ കണ്ണുകൾ ആരും കാണാതിരിക്കാൻ അവൾ പാട് പെട്ടിരുന്നു. "അല്ലേലും ഞാൻ ചേരൂല. ആ കുട്ടി തന്നെയാ നല്ലത്"സ്വയം പറഞ് ആശ്വസിപ്പിക്കാൻ ശ്രമിച്ചിട്ടും അവൾക്കതിൻ സാധിച്ചില്ല. എങ്കിലും എങ്ങനെയൊക്കെയോ നിറഞ്ഞൊഴുകുന്ന മിഴികളെ അടക്കി നിർത്തി പഴയ പോലെ സംസാരിക്കാൻ ശ്രമിച്ചു. ഭക്ഷണം കഴിച്ചതിന് ശേഷം ആദിയോടും ഷെഫിയോടും മറിയുന്റെ മുറിയിൽ കിടന്നോളാൻ ഉമ്മ പറഞ്ഞതും രണ്ടാളും മറിയുനേയും നിഹയേയും പിടിച്ച് മുറിയിലേക്ക് പോയി. മനസ്സ് അസ്വസ്ഥതമാണെങ്കിലും നിഹയത് പുറമേ പ്രകടിപ്പിച്ചില്ല. ----- "ഇച്ചുക്കാടെ കൂടെ നിഹേടെ കല്യാണവും നടത്താമായിരുന്നു" ബെഡ്‌ഡിൽ വട്ടം കൂടി ഇരുന്ന് സംസാരിക്കുന്നതിനിടെ ആദി പറഞ്ഞതും നിഹ അവളെ നോക്കി. "അപ്പോ നിന്റെയും മറിയുന്റെയുമോ?"

ഷെഫി ചോദിച്ചതും ആദി ഇളിച്ചു. "അത് പിന്നെ. ഞങ്ങളെക്കാൾ മൂത്തത് നിഹയാ. അപ്പോ അവളുടേത് ഫസ്റ്റ്" "പേടിക്കണ്ട. നിന്റെ കഴിഞ്ഞേ എന്റെ ഉണ്ടാകൂ"നിഹ പറഞ്ഞതും ആദി ആയ്കോട്ടേ എന്ന നിലക്ക് തലയാട്ടി. "അല്ലെടി ഇച്ചുക്കാന്റെ പെണ്ണിന്റെ പേരെന്താ?"ഷെഫി ചോദിച്ചതും മറിയു നിഹയെ ഇടം കണ്ണിട്ട് നോക്കി. "ഇസാന.. ഡോക്ടറാണ്" "വൗ. ഇസാൻ.. ഇസാന. നല്ല മാച്ച് ഉണ്ടല്ലേ നിഹു" "എനിക്കത്ര മാച്ച് തോന്നിയില്ല😏"ചുണ്ട് കോട്ടി നിഹ പറഞ്ഞതും മറിയു ഒഴികെ ബാക്കി രണ്ട് പേരും കാര്യം മനസിലാകാതെ അവളെ നോക്കി. "അതിന് നീയെന്തിനാ പുച്ഛിക്കുന്നെ" "അതെന്റെ ഇഷ്ടം. നിങ്ങക്ക് കിടക്കാൻ ഒന്നും ആയില്ലേ. എനിക്കുറങ്ങണം. ആ ലൈറ്റ് കിടത്തിക്കെ" നിഹയുടെ മുഖം ചുവന്നതും കൂടുതൽ ചുവപ്പിക്കാതെ മൂന്ന് പേരും ലൈറ്റ് കിടത്തി കിടന്നു. വലിയ കട്ടിൽ ആയത് കൊണ്ടും മൂന്നും അധികം തടി ഇല്ലാത്തത് കൊണ്ടും അഡ്ജസ്റ്റ് ചെയ്തു കിടക്കാം. കുറേ കഴിഞ്ഞിട്ടും നിഹക്ക് മാത്രം ഉറക്കം വന്നിരുന്നില്ല. തിരിഞ്ഞും മറിഞ്ഞും കിടന്ന് കണ്ണടച്ചിട്ടും മുന്നിൽ വരുന്നത് ഇച്ചു വേറൊരു പെണ്ണിനെ കെട്ടുന്നതാണ്. "ഇതെന്തൊരു ശല്യമാണ്. അവനാരെ കെട്ടിയാലും എനിക്കെന്താ"പിറു പിറുത്തു കൊണ്ട് ബെഡ്‌ഡിൽ നിന്നെഴുന്നേറ്റവൾ പുറത്തേക്കിറങ്ങി.

അവൾ പോയെന്ന് കണ്ടതും പുതപ്പ് തലയിൽ നിന്നും എടുത്ത് മാറ്റി മറിയു ഇച്ചുവിന്റെ നമ്പറിലേക്ക് മെസ്സേജ് അയച്ചു. *** "എന്തിനാ പടച്ചോനേ എനിക്കിങ്ങനെ മോഹം തരുന്നേ.ഒന്ന് മനസ്സിൽ നിന്ന് ഒഴിവാക്കിത്തന്നൂടെ അവനെ" പിറകിൽ നിന്നാരോ ചുമച്ചതും നിഹ ഞെട്ടിത്തിരിഞ്ഞു നോക്കി. മുന്നിൽ നിൽക്കുന്ന ഇച്ചുവിനെ കണ്ടതും ഒന്ന് പതറി. "ആരെ മനസ്സിൽ നിന്ന് ഒഴിവാക്കുന്ന കാര്യമാ എന്റെ കുഞ്ഞി പറയുന്നത്?" "എന്തായാലും തന്നെയല്ല"അവനെ നോക്കാതെ അവൾ പറഞ്ഞു. "അതിന് എന്നെയാണോ എന്ന് ഞാൻ ചോദിച്ചില്ലല്ലോ?"കുസൃതി ചിരിയോടെ അവൻ പറഞ്ഞതും അവൾ ഒന്നും മിണ്ടാതെ അവനെ മറികടന്ന് പോകാൻ തുനിഞ്ഞു. പക്ഷെ അതിന് മുന്നേ അവനവളുടെ കയ്യിൽ പിടിച്ച് മുന്നിലേക്ക് നിർത്തി. ശേഷം അവളെ എടുത്തുയർത്തി തിണ്ടിലേക്ക് ഇരുത്തി. നിഹ ഞെട്ടി അവനെ നോക്കിയതും അവൻ പറഞ്ഞു തുടങ്ങി. "നിനക്ക് കാണണ്ടേ ഞാൻ കെട്ടാൻ പോകുന്ന കുട്ടിയെ?" ഞെട്ടൽ മാറി അവളിൽ ദേഷ്യം നിറഞ്ഞു. "വേണ്ട. തനിയെ അങ്ങ് കണ്ടാൽ മതി😏" "അത് പറ്റില്ല. അവളിനി ഇങ്ങോട്ട് വരാൻ ഉള്ളതല്ലേ. അപ്പോ നീയും കാണണം😁" "എനിക്ക് കാണേണ്ട പറഞ്ഞില്ലേ"

"ഓഹ് നീ ചൂടവേണ്ട. വേണ്ടെങ്കിൽ വേണ്ട. പിന്നെ അവളിങ്ങോട്ട് വന്നാൽ പഴയ പോലെ ഒന്നും എന്നോട് പെരുമാറാൻ പാടില്ലാട്ടോ. ഷാലുത്താനെ പോലെ അവളെയും സഹോദരന്റെ ഭാര്യയായി കാണണം. കേട്ടല്ലോ" മറുപടിയൊന്നും പറയാതെ അവൾ മുഖം തിരിച്ച് പുറത്തേക്ക് നോക്കി. കണ്ണുകൾ നിറഞ്ഞു ഒഴുകുന്നുണ്ടായിരുന്നു. ഇച്ചു മറ്റൊരാളെ കെട്ടുന്നത് ഓർക്കുമ്പോൾ തന്നെ ഹൃദയമിടിപ്പ് കൂടുന്നതവൾ അറിഞ്ഞു. "കുഞ്ഞീ"ആർദ്രമായ അവന്റെ വിളി കേട്ടതും നിറഞ്ഞ കണ്ണുകളോടെ അവളവനെ നോക്കി. "ന്നെ.. ന്നെ കെട്ടിക്കൂടേ ഇങ്ങക്ക്"പെട്ടെന്നവനെ കെട്ടിപ്പിടിച്ചവൾ പൊട്ടിക്കരഞ് ചോദിച്ചതും ഇച്ചു ഞെട്ടി. അവൾ കരയുമെന്ന് അവൻ പ്രതീക്ഷിച്ചില്ലായിരുന്നു. "കു... കുഞ്ഞീ"അവനവളെ തന്നിൽ നിന്നും അടർത്തി മാറ്റി വിളിച്ചതും നിഹ അവന്റെ കൈകളിൽ പിടിച്ചു. "നിക്ക്.. നിക്കൊത്തിരി ഇഷ്ടാ ഇച്ചുക്കാനേ..ന്റെ മാത്രാ ഇങ്ങൾ.. ന്നെ മാത്രം കെട്ടിയാ മതി" അവളുടെ വാക്കുകൾ കേൾക്കെ അവനിൽ അത്ഭുതവും സന്തോഷവും ഒരുമിച്ച് നിറഞ്ഞു. "അപ്പോ ഐഡിയ ഫലിച്ചു"മെല്ലെ പറഞ്ഞതാണെങ്കിലും നിഹ അത് കേട്ടെന്ന് മനസ്സിലായത് അവളുടെ ചോദ്യം കേട്ടാണ്. "ഐഡിയയോ.. എന്ത് ഐഡിയ"

"അത് പിന്നെ... നീ ഒന്ന് ഇഷ്ടം തുറന്ന് പറയാൻ വേണ്ടി ഞങ്ങൾ നടത്തിയ നാടകമാണ് ഈ ആലോചന" "എടാ കുരങ്ങാ"അവളവൻ നേരെ കൈ ഉയർത്തിയതും ഇച്ചു ആ കൈകളിൽ പിടിച്ചു. "കുരങ്ങനെന്നോ? ഇച്ചുക്കാ വിളിയെടി" "എന്റെ പട്ടി വിളിക്കും" "എന്നാ ഞാൻ പോയി ആ ഇസാനയെ കെട്ടട്ടെ" "അതിന് മുന്നേ ഞാൻ കൊല്ലും" "ആരെ?" "അവളെ" "അപ്പോ നീ ഒരു ക്രിമിനൽ ആയിരുന്നല്ലേ. പടച്ചോനേ" ഇച്ചു കണ്ണ് മിഴിച്ച് ചോദിച്ചതും അവളവനെ പല്ല് കടിച്ചു നോക്കി. "ദേ എന്നെക്കൊണ്ടൊന്നും പറയിപ്പിക്കണ്ട" "ഇല്ല. പറയിപ്പിക്കണില്ല.അപ്പൊ ഇനി എന്റെ കല്യാണം ഇപ്പോ അടുത്തൊന്നും ഉണ്ടാകില്ലല്ലേ" "അതെന്താ?"നിഹ അവനെ സംശയത്തോടെ നോക്കി. "നീ ഇഷ്ടം പറഞ്ഞ സ്ഥിതിക്ക് ആ ആലോചന മുടങ്ങിയില്ലേ. ഇനി നമ്മുടെ കല്യാണം നടക്കാൻ കുറേ സമയമുണ്ട്" "കുറേയോ? അപ്പൊ ഷെഫിടേ കൂടെ നടക്കില്ലേ"അവൾ ഞെട്ടി ചോദിച്ചതും ഇച്ചു അവളെ അടിമുടി നോക്കി. "ഇല്ല.നിന്റെ പഠിപ്പൊക്കെ കഴിഞ്ഞിട്ടേ ഇനി നമ്മുടെ കല്യാണം ഉണ്ടാകൂ"

"ങേ അതെന്താ അങ്ങനെ" "അതങ്ങനെയാ" "പറ്റില്ല. അന്ന് തന്നെ വേണം. ഇല്ലേൽ പിന്നെ നീ വേറെ ആരേലും പോയി കെട്ടും" "അതിനെ കുറിച്ചോർത്ത് നീ പേടിക്കണ്ട. നിന്നെ മാത്രമേ ഞാൻ കെട്ടൂ" "എന്നാലും.. നേരത്തെ ആക്കിക്കൂടെ. എന്നാ പിന്നെ ഇനി ആർക്കും എന്നെ ഇവിടുന്ന് കൊണ്ടുപോകാൻ പറ്റില്ലായിരുന്നു" "ആഗ്രഹമില്ലാഞ്ഞിട്ടല്ലലോ.കല്യാണം കഴിഞ്ഞാൽ ചിലപ്പോ എനിക്കെന്റെ കണ്ട്രോൾ നിയന്ത്രിക്കാൻ പറ്റിയെന്ന് വരില്ല. അപ്പൊ നിന്റെ കോളേജിൽ പോക്കും മുടങ്ങും" "അയ്യേ വൃത്തികെട്ടവൻ"നിഹ വാ പൊത്തി അവനെ നോക്കി. "ഞാൻ കാര്യം പറഞ്ഞതാ" "എന്നാ ഞാനും കാര്യം പറയാം. നിനക്കല്ലേ കണ്ട്രോൾ ചെയ്യാൻ പറ്റാത്തത് ഒള്ളു. അപ്പൊ ഞാൻ തടഞ്ഞോളാം. അപ്പൊ വേഗം കല്യാണം സെറ്റ് ആക്ക്" അവനെന്തെങ്കിലും പറയും മുന്നേ ഇരുന്നിടത്ത് നിന്നും എഴുനേറ്റ് അവൾ അകത്തേക്ക് ഓടി......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...