Love for Unexpected💜: ഭാഗം 47

രചന: Ansiya shery

 "നിഹാ.. ഡീ എഴുനേൽക്കെടീ"ആരോ കുലുക്കി വിളിക്കുന്ന പോലെ തോന്നിയതും കണ്ണ് തുറന്ന നിഹ മുന്നിൽ മറിയൂനെ കണ്ട് ഞെട്ടി. അതേ ഞെട്ടലോടെ ചുറ്റും നോക്കിയതും തങ്ങളുടെ മുറിയിലാണ് കിടക്കുന്നതെന്ന് കണ്ട് വീണ്ടും ഞെട്ടിക്കൊണ്ട് ചാടി എഴുനേറ്റു. ""എന്താടീ"മറിയുന്റെ ചോദ്യം കേട്ടതും അവളെ ഒന്ന് നോക്കിയതിൻ ശേഷം കഴുത്തിലേക്ക് നോക്കി. അവിടെ മഹറൊന്നും ഇല്ലെന്ന് കണ്ടതും ഒന്ന് നീട്ടി ശ്വാസം വലിച്ചു വിട്ടു കൊണ്ട് എഴുനേറ്റു. "ഒന്നുമില്ല. ഒരു സ്വപ്നം കണ്ടതാ. അല്ല രാവിലെ തന്നെ നീ എവിടെ പോകുവാ" "ആഹ് ഇത് നല്ല കൂത്ത്..ഒരു സ്വപ്നം കണ്ടപ്പോ എല്ലാം മറന്നല്ലോ നീ. ഇന്നല്ലെടി കോളേജ് തുറക്കുന്നത്" "ഓഹ് അത് ഞാൻ മറന്നു"സ്വയം നെറ്റിക്കടിച്ചു കൊണ്ട് അവൾ ഡ്രെസ്സും എടുത്ത് ബാത്‌റൂമിലേക്ക് നടന്നു. 💜💜💜💜 ഷവറിൻ കീഴിൽ നില്കുമ്പോഴും എന്തോ മനസ്സൊന്നും ശാന്തമായിരുന്നില്ല. നേരത്തെ കണ്ടത് സ്വപ്നമാണെന്ന് വിശ്വസിക്കാൻ പറ്റുന്നില്ല. ശെരിക്കും അനുഭവിച്ചത് പോലെ!

പെട്ടെന്ന് എന്തോ ഓർത്ത പോലെ ഞാൻ കയ്യിലേക്ക് നോക്കിയതും അവിടെ ഒന്നും ഉണ്ടായിരുന്നില്ല. അപ്പോഴാണ് കുറച്ചെങ്കിലും ആശ്വാസം ആയത്. എന്നാലും എന്ത് കൊണ്ടായിരിക്കും ഇന്നിങ്ങനെ ഒരു സ്വപ്നം കണ്ടത്. "ഡീ ഒന്ന് വേഗം വാ.ആദ്യ ദിവസം തന്നെ ലേറ്റ് ആക്കല്ലേ. ഞാൻ താഴേക്ക് പോകുവാ" ഡോറിൽ മുട്ടിക്കൊണ്ട് മറിയു പറഞ്ഞപ്പോഴാണ് ഞാൻ ചിന്തകളിൽ നിന്നും പുറത്തേക്ക് വന്നത്. കൂടുതൽ നിന്ന് തലപ്പുകക്കാതെ വേഗം കുളിച്ചിറങ്ങി. ഇന്നലെ പിരീഡ്സ് ആയത് കൊണ്ട് തന്നെ വേദന കാരണം ഉറങ്ങാൻ കുറച്ച് ലേറ്റ് ആയിപ്പോയി. അത് കൊണ്ട് എഴുനേൽക്കാനും വൈകി. വേഗം റെഡിയായി ഞാൻ താഴേക്ക് ചെന്നു. ഇച്ചുവും മറിയുവും ഫുഡ്‌ കഴിക്കുന്നത് കണ്ടതും അവർക്കടുത്ത് ചെന്നിരുന്നു. "പെട്ടെന്ന് കഴിക്കാൻ നോക്ക് രണ്ടാളും. നിങ്ങളെ കോളേജിൽ ആക്കിയിട്ട് വേണം എനിക്ക് സ്റ്റേഷനിൽ പോകാൻ" "പെട്ടെന്ന് കഴിച്ചാൽ തൊണ്ടേൽ കുടുങ്ങും"ഞാൻ പറഞ്ഞതും അവനെന്നെ ഒരു നോട്ടം.ഒന്ന് ഇളിച്ചു കൊടുത്തിട്ട് ഞാൻ വേഗം തല താഴ്ത്തി കഴിക്കാൻ തുടങ്ങി. 💜💜💜💜 "ഇവിടുന്ന് ബസ് ഉണ്ടാകും നമ്മുടെ റൂട്ടിലേക്ക്. ക്ലാസ്സ്‌ കഴിഞ്ഞിട്ട് രണ്ടാളും ഒരുമിച്ച് വന്നാൽ മതി. കേട്ടല്ലോ"

കോളേജിൻ മുന്നിൽ എത്തിയതും ഇച്ചു പറഞ്ഞത് കേട്ട് ഞങ്ങൾ രണ്ടാളും തലയാട്ടി പുറത്തേക്കിറങ്ങി. "പിന്നെ ഒരു കാര്യം. ചെക്കന്മാരോടൊന്നും കൂടുതൽ അടുപ്പം കാണിക്കാൻ നിൽക്കണ്ട. കേട്ടല്ലോ" മറിയൂനെ നോക്കിയാണ് അവനത് പറഞ്ഞതെങ്കിലും എന്നെ ഉദ്ദേശിച്ചാണ് അതെന്ന് എനിക്ക് മനസ്സിലായി. മറിയു എന്നെ നോക്കി വാ പൊത്തി ചിരിച്ചതും ഞാൻ കണ്ണുരുട്ടി നോക്കി. അവൻ പോയതും ഞങ്ങൾ രണ്ടാളും കൂടെ കോളേജിലേക്ക് കടന്നു. പേടിച്ച പോലെ റാഗിംഗ് ഒന്നും ഉണ്ടായിരുന്നില്ല.ഞങ്ങൾക്ക് രണ്ടാൾക്കും ഒന്നിന് തന്നെയാണ് അഡ്മിഷൻ കിട്ടിയത്. BA ഇംഗ്ലീഷ്.കുറേ തപ്പി നടന്ന് അവസാനം ക്ലാസ്സ്‌ കണ്ട് പിടിച്ചു. എല്ലാവരോടും നല്ല കൂട്ടായി. ഓരോ സാറുമാരും ടീച്ചർമാരും വന്ന് എന്തൊക്കെയോ പറഞ് പോയി. ആദ്യ ദിവസം ആയത് കൊണ്ട് ആരും ഒന്നും പഠിപ്പിച്ചിരുന്നില്ല. കോളേജ് വിട്ടതും ഞാനും മറിയുവും നേരെ സ്റ്റാൻഡിലേക്ക് വിട്ടു.ബസ് വന്നതും വേഗം അതിൽ കയറി. 💜💜💜💜

"ഉമ്മാ...ഞങ്ങൾ വന്നു" കോളിങ്ങ് ബെല്ലിൽ വിരൽ അമർത്തിക്കൊണ്ട് തന്നെ മറിയുവും നിഹയും വിളിച്ചു കൂവിയതും ചെവി പൊത്തിക്കൊണ്ട് ഷാലു വന്ന് ഡോർ തുറന്നു. "അടങ്ങി നില്ലെടി രണ്ടും.മനുഷ്യന്റെ ചെവി പോയി😬" "ഈ..ന്റെ മ്മച്ചി എവിടെ? ഉമ്മാ.."അവളുടെ കയ്യിലേക്ക് ബാഗ് കൊടുത്തു കൊണ്ട് നിഹ വിളിച്ചു കൂവി അകത്തേക്ക് നടന്നു. അടുക്കളയിലേക്ക് ചെന്നതും തിരിഞ്ഞു നിൽക്കുന്ന ഉമ്മാനെ കണ്ട് പിറകിലൂടെ പോയി കെട്ടിപ്പിടിച്ചു. "ഉമ്മാ....." "ആഹ്.. നിങ്ങൾ വന്നോ?എങ്ങനെ ഉണ്ടായിരുന്നു ആദ്യത്തെ ദിവസം?" തിരിയാതെ തന്നെ അവളുടെ കവിളിൽ തഴുകി ഉമ്മ ചോദിച്ചതും അവരിൽ നിന്നും വിട്ട് നിന്ന് കൊണ്ട് അവൾ സ്ലാബിൽ കയറി ഇരുന്നു. "കുഴപ്പമില്ലായിരുന്നു" "മമ്മീ ഞാൻ വന്നൂ"മറിയു ചാടിക്കൂവി അങ്ങോട്ട് വന്ന് കൊണ്ട് ഉമ്മ അരിഞ്ഞോണ്ടിരിക്കുന്ന ക്യാരറ്റിൽ നിന്നും ഒരു പീസെടുത്ത് കൊണ്ട് വായിലിട്ടു.ഉമ്മ അവളെ തിരിഞ്ഞ് ദേഷ്യത്തിൽ ഒരു നോട്ടം നോക്കിയതും അവൾ ഇളിച്ചു കൊണ്ട് പെട്ടെന്ന് അകത്തേക്ക് ഓടി.

ഇല്ലേൽ ചിലപ്പോ തടി കേടാകും. "പോയി കുളിച്ചിട്ട് വാ നിഹു" നിഹയെ നോക്കി ഉമ്മ പറഞ്ഞതും അവൾ തലയാട്ടിക്കൊണ്ട് സ്ലാബിൽ നിന്നും ഇറങ്ങി അകത്തേക്ക് നടന്നു. മുറിയിലേക്ക് കയറാൻ നിന്നതും പെട്ടെന്നെന്തോ ഓർത്ത പോലെ അവൾ ചുറ്റും നോക്കി. ശേഷം ഇച്ചുവിന്റെ മുറിയിലേക്ക് നടന്നു.മുറിയുടെ മുന്നിലെത്തിയതും ഒന്ന് നീട്ടി ശ്വാസം വലിച്ചു കൊണ്ട് ഡോർ തുറന്ന് അകത്തേക്ക് കയറി. "നല്ല വൃത്തി ഒക്കെ ഉണ്ടല്ലേ ചെക്കൻ"ചുറ്റും നോക്കി അവൾ ആത്മഗതിച്ചു.ഇപ്പോഴാണ് ഒന്ന് റൂം മര്യാദക്ക് ശ്രദ്ധിക്കുന്നത്. "എന്തായാലും അവൻ ഇല്ലാത്തത് നന്നായി. റൂം മുഴുവൻ ഒന്ന് സെർച്ച് ചെയ്ത് നോക്കാം. വല്ല ലൗ ലെറ്ററും ഉണ്ടെങ്കിലോ" അലമാരയുടെ ഡോറിൽ പിടിച്ച് വലിച്ചതും അത് അടച്ചിട്ടുണ്ടെന്ന് കണ്ടപ്പോൾ അവളാ ശ്രമം ഉപേക്ഷിച്ച് മേശ തുറന്നു.

"ശെ ഇവിടെ ഒന്നും ഇല്ലല്ലോ" നിരാശയോടെ പറഞ്ഞു കൊണ്ട് തിരിഞ്ഞതും മുന്നിൽ വാതിലിൽ ചാരി കൈ കെട്ടി നിൽക്കുന്ന ഇച്ചുവിനെ കണ്ട് ഞെട്ടിപ്പോയി. പടച്ചോനേ. ഇവനെപ്പോ വന്നു!? അവളെ തന്നെ നോക്കിക്കൊണ്ട് അവൻ പെട്ടെന്ന് ഡോർ കുറ്റിയിട്ടതും നിഹ വീണ്ടും ഞെട്ടി. "എ.. എന്തിനാ ഡോറടക്കുന്നെ?" അവന്റെ അടുത്തേക്ക് വന്ന് വെപ്രാളത്തോടെ അവൾ ചോദിച്ചതും അവൻ അവൾക്കടുത്തേക്ക് നടന്നു വന്നു. അത് കണ്ടതും ഞെട്ടിക്കൊണ്ട് നിഹ പിറകോട്ട് ചുവടുകൾ വെച്ചു.......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...