Love for Unexpected💜: ഭാഗം 5

രചന: Ansiya shery

 "അല്ല മോൾക്ക് ചായ വേണ്ടേ"പെട്ടെന്നവർ ചോദിച്ചതും ഇളിച്ചു കൊണ്ട് അവൾ തലയാട്ടി... "ഉണ്ടാക്കിയത് ഉണ്ടെങ്കിൽ തന്നോളി.. വേണ്ടാന്ന് ഞാൻ പറയൂല" അവളുടെ സംസാരം കേട്ട് അവർക്ക് ചിരി വരുന്നുണ്ടായിരുന്നു.. ഗ്ലാസ്സിലേക്ക് ചായ പകർന്നു കൊണ്ട് അവർ അവൾക്ക് നീട്ടിയതും അവളത് വാങ്ങി... "ആന്റി കുടിച്ചോ?" "ഇല്ല.. രണ്ട് പേർക്കും ഒരുമിച്ച് കുടിക്കാം" പറഞ്ഞു കൊണ്ട് അവർ മറ്റൊരു ഗ്ലാസ്സിലേക്ക് ചായ പകർന്ന് ചുണ്ടോട് ചേർത്തു... "ബാക്കിയുള്ളവരാരും എഴുന്നേറ്റില്ലേ ആന്റി.." "ഇക്കയും പാച്ചുവും എഴുന്നേറ്റിട്ടുണ്ട്.ഒന്ന് നടക്കാൻ പോയതാ.. രാവിലെ എന്നും ശീലമാണ് അവർക്കത്.. ഇന്നലത്തെ ക്ഷീണം കാരണം ആകാം ഇച്ചു എഴുന്നേറ്റില്ല തോന്നുന്നു" "ഉമ്മാ ചായ" അവർ പറഞ്ഞു നിർത്തിയതും അതും പറഞ്ഞ് കൊണ്ട് ഇസാൻ അടുക്കളയിലേക്ക് വന്നതും ഒരുമിച്ചായിരുന്നു... അവിടെ നിൽക്കുന്ന നിഹയെ കണ്ടതും അവൻ പെട്ടെന്ന് നിന്നു..! "നീ എഴുന്നേറ്റോ? നിസ്കരിച്ചില്ലേ" "ആഹ്.. ഉമ്മാ" "ന്നാ ദാ ചായ"അവൻ നേരെ ചായ നീട്ടിക്കൊണ്ട് അവർ പറഞ്ഞതും അത് വാങ്ങിക്കൊണ്ട് അവൻ നിഹയെ നോക്കി.. അവൾ അവനെ നോക്കാതെ മറ്റെങ്ങോട്ടൊക്കെയോ മിഴികൾ പായിച്ചു നില്കുന്നത് കണ്ട് അവൻ എന്തിനെന്നില്ലാതെ ദേഷ്യം തോന്നി..!

ചായ ഒറ്റവലിക്ക് കുടിച്ചു തീർത്തു കൊണ്ട് ഗ്ലാസ്‌ സ്ലാബിൽ വെച്ച് അവൻ അകത്തേക്ക് പോയി..അവൻ പോയതും അവൾ വീണ്ടും ഉമ്മയോട് സംസാരിച്ചിരുന്നു.. "എന്താ ഇവിടെ ഒരു ബഹളം"ചോദിച്ചു കൊണ്ട് മറിയു അങ്ങോട്ട് വന്നതും നേരത്തെ അവളുടെ ഉമ്മ പറഞ്ഞതോർത്തപ്പോൾ നിഹക്ക് ചിരി വന്നു... "നിന്റെ ബാത്രൂം ഉറക്കത്തെ കുറിച്ച് പറയുവായിരുന്നു.. അല്ലേ മോളേ"നിഹായോടായി അവർ ചോദിച്ചതും അതേയെന്ന് തലയാട്ടിക്കൊണ്ട് അവൾ മറിയുനെ നോക്കി വാ പൊത്തി ചിരിച്ചു... "ഓഹ് ഇപ്പൊ ഉമ്മയും ഇവളും ഒറ്റക്കെട്ട് ആയല്ലേ" "ആഹ്.. ആയി ഇവളെ സ്നേഹിക്കുന്നതിൽ നിനക്ക് വല്ല പ്രോബ്ലവും ഉണ്ടോ?" ഉമ്മാടെ ചോദ്യം കേട്ടതും അവൾ പെട്ടെന്ന് ഇല്ലെന്ന് തലയാട്ടി... പുറത്ത് ആരുടെ ഒക്കെയോ സംസാരം കേട്ടതും നിഹക്ക് മനസ്സിലായി നടക്കാൻ പോയവർ തിരികെ വന്നതാണെന്ന്.. ചായയും കൊണ്ട് ഉമ്മ പോയതും മറിയു നിഹയേയും വലിച്ച് മുകളിലേക്ക് നടന്നു... ---- "ഒരു ദിവസം അറിയാത്ത ഒരു നമ്പറിൽ നിന്നും ഫോണിലേക്ക് ഒരു കാൾ വന്നു..എടുത്തതും എന്തൊക്കെയോ പറഞ്ഞ് ചൂടാകുന്ന ഒരു പെണ്ണിന്റെ ശബ്ദം കേട്ടപ്പോൾ തന്നെ എന്റെ കിളി മുഴുവൻ പാറിപ്പോയിരുന്നു.. സ്വബോധം വന്നപ്പോൾ തിരിച്ചും പറയാനായി തുനിഞ്ഞതും കാൾ കട്ടായതും ഒരുമിച്ചായിരുന്നു...

കുറച്ച് കഴിഞ്ഞ് വീണ്ടും അതേ നമ്പറിൽ നിന്ന് തന്നെ കാൾ വന്നു.. എടുത്തതും സോറി എന്നായിരുന്നു ആദ്യം പറഞ്ഞത്.. നമ്പർ മാറി വിളിച്ചതാണ്.. അപ്പൊ തന്നെ എന്തോ ഒരിതിൽ ഞാൻ അവളെ പേര് ചോദിച്ചു.. ആ ഒരു ചോദ്യം കൊണ്ട് അവളെന്റെ ബെസ്റ്റ് ഫ്രണ്ടായി മാറി" മറിയു മുന്നിലിരിക്കുന്നവരെ മാറി മാറി നോക്കിയതും എല്ലാവരും അവളേയും നോക്കി ആകാംക്ഷയോടെ ബാക്കി കേൾക്കാൻ നില്കുന്നതാണ് കണ്ടത്.. ഒരു ചിരിയോടെ അവൾ തുടർന്നു... "പിന്നെ പിന്നെ ഞങ്ങളെന്നും വിളിക്കും.. എന്നെങ്കിലും ഒരിക്കൽ നേരിൽ കാണാമെന്ന് പറയും.. ഇടക്ക് ഇച്ചുക്കാനേയും പാച്ചുക്കാനേയും പരിചയപ്പെടുത്തിക്കൊടുത്തു.. പക്ഷെ ഇച്ചുക്ക മാത്രം അവളോട് വെറുതെ ചൂടായി..അതിന് ശേഷം അവൾക്കും ഇക്കാനോട് ദേഷ്യായി.. ഞാൻ അവൾക്ക് വിളിക്കുവാണേൽ ഇക്ക വന്ന് ചൊറിയും.. അതിനവൾ ഇങ്ങേരോട് കലിപ്പിടും.. അവസാനം രണ്ടാളും ടോം ആൻഡ് ജെറി പോലെയായി.." എല്ലാവരുടേയും നോട്ടം ഇസാനിലേക്ക് നീണ്ടതും അവൻ ഞാനേ അല്ല എന്ന നിലക്ക് മുകളിലേക്കും നോക്കിയിരുന്നു... പെട്ടെന്നാണ് മറിയുന്റെ ശ്രദ്ധ പടിയിറങ്ങി വരുന്ന നിഹയിലേക്ക് നീണ്ടത്.. അവളുടെ കയ്യിലുള്ള ബാഗ് കണ്ടതും ഇരുന്നിടത്ത് നിന്നും മറിയു ചാടി എഴുന്നേറ്റു... "നിഹ.. നീ പോകുവാണോ?" അവളുടെ ശബ്ദം കേട്ട് എല്ലാവരുടെ നോട്ടവും നിഹയിലേക്ക് നീണ്ടു......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...