Love for Unexpected💜: ഭാഗം 57

രചന: Ansiya shery

 "എന്താ പ്രശ്നം..?" കയ്യിലെ മുറിവിൽ മരുന്ന് വെക്കുമ്പോൾ തല ഉയർത്താതെ തന്നെ നിഹ ചോദിച്ചതും ഇച്ചു അവളുടെ മുഖത്തേക്ക് നോക്കി... "പറ ഇച്ചു...." അവനിൽ നിന്നും മറുപടിയൊന്നും ഇല്ലെന്ന് കണ്ട് അവൾ പറഞ്ഞതും ഇച്ചു അവളെ നോക്കിയൊന്ന് നിശ്വസിച്ചു... "എനിക്കറിയില്ല അതെങ്ങനെ പറയേണ്ടതെന്ന്.. കാ.. കാരണം.. അത് ഓർക്കുമ്പോ തന്നെ നെഞ്ചിൻ ഒരു പിടപ്പാ.. അപ്പോ പറഞ്ഞാൽ എങ്ങനെ ഇരിക്കും.." നെഞ്ചിൽ കൈ വെച്ച് തഴുകി അവൻ പറഞ്ഞതും ആ കൈ പിടിച്ചു മാറ്റിക്കൊണ്ട് നിഹ പെട്ടെന്നവന്റെ മടിയിലേക്ക് കയറിയിരുന്നു... ഇച്ചു കണ്ണും മിഴിച്ച് അവളെ നോക്കിയതും നിഹ അവൻ ഓപ്പോസിറ്റായി തിരിഞ്ഞിരുന്നു... കൈകൾ അവന്റെ കഴുത്തിലൂടെ ചുറ്റിപ്പിടിച്ച് അവനിലേക്ക് ചേർന്നിരുന്നതും ഇച്ചുവിന്റെ കൈകൾ നിഹയുടെ ഇടുപ്പിൽ മുറുകി.... "എന്റെ കണ്ണിലേക്ക് നോക്കി പറ ഇച്ചു.."അവളുടെ സ്വരം കാതിൽ പതിഞ്ഞതും അവൻ അവളുടെ മിഴികളിലേക്ക് നോക്കി... ആ മിഴികളിൽ അലയടിക്കുന്ന പ്രണയം കണ്ടതും അവൻ കണ്ണുകളിറുകെ അടച്ച് തുറന്നു... "ഇനിയവൻ പുറത്തിറങ്ങിയാ നിന്നെ ഉപദ്രവിക്കുമെന്നാ പറഞ്ഞിരിക്കുന്നത്.. എനിക്കറിയില്ല.. ഇനി എന്ത് ചെയ്യണമെന്ന്...

നിനക്കെന്തെങ്കിലും സംഭവിച്ചാൽ പിന്നെ ഞാൻ..." നിഹ പെട്ടെന്നവന്റെ വാ പൊത്തി അരുതെന്ന് തലയാട്ടി... ശേഷം നിറഞ്ഞയാ ഇരു മിഴികളിലും അമർത്തി മുത്തി... "പേടിക്കണ്ട... ഒന്നുമുണ്ടാകില്ല.."അത്ര മാത്രമേ അവൾ പറഞ്ഞുള്ളൂ... അവനവളിലെ പിടിത്തം മുറുക്കിയതും നിഹ പെട്ടെന്നവനെ പിറകോട്ട് തള്ളി എഴുനേറ്റു... "എഴുന്നേറ്റേ.. മോൻ സ്റ്റേഷനിൽ പോകണ്ടേ..?"ന്ന് ഇടുപ്പിൽ കൈ കുത്തി നിന്ന് അവൾ ചോദിച്ചതും ഇളിച്ചു കൊണ്ട് തല ചൊറിഞ് ഇച്ചു ബെഡ്‌ഡിൽ നിന്നും എഴുനേറ്റു... "ഇന്നെന്തോ വല്ലാത്തൊരു വയ്യായ്ക.."കയ്യിലെ മുറിവിൽ തഴുകി ഇടം കണ്ണിട്ട് അവളെ നോക്കി ഇച്ചു പറഞ്ഞതും നിഹ അവനെ അടിമുടി നോക്കി... "ഇതങ്ങ് സ്റ്റേഷനിൽ ചെന്ന് പറയാൻ പറ്റുമോ..?" "എന്ത്..?" "ഈ വയ്യായ്കയുടെ കാര്യമേ.. ദേഷ്യം വന്ന് മുറിവ് ആക്കിയതാണെന്നുള്ള കാര്യം.."ന്ന നിഹയുടെ മറുപടി കേട്ടതും ഇച്ചു അവളെ പല്ല് കടിച്ചു നോക്കിക്കൊണ്ട് തൊപ്പിയും എടുത്ത് മുറിയിൽ നിന്നും പുറത്തേക്കിറങ്ങി...

അത് കണ്ട് ചിരിച്ചു കൊണ്ട് നിഹ പിറകെ ചെന്നു... ***** വീർപ്പിച്ച മുഖവുമായി വരുന്ന ഇച്ചുവിനേയും അവൻ പിറകെ ചിരിച്ച മുഖവുമായി വരുന്ന നിഹയേയും കണ്ട് എല്ലാരും കണ്ണ് മിഴിച്ചു... "ഇതിങ്ങനെ അല്ലല്ലോ വരേണ്ടത്.. നിഹയുടെ കണ്ണിൽ നിന്ന് കണ്ണീരല്ലേ..🤔" രണ്ടാളെയും അടിമുടി നോക്കി മറിയു പറഞ്ഞതും ഉമ്മ അവളെ നോക്കി കണ്ണുരുട്ടിയിട്ട് ഒരടി കൊടുത്തു... "മിണ്ടാതിരിക്കെടി.." "ഞാനിറങ്ങാട്ടോ..ഇപ്പോ തന്നെ ലേറ്റായി.."ന്ന് പറഞ്ഞു കൊണ്ട് ഇച്ചു ദൃതിയിൽ പുറത്തേക്ക് പോയതും എല്ലാരുടേയും നോട്ടം നിഹയിലായി... അവളൊന്ന് പരുങ്ങിക്കൊണ്ട് ഇളിച്ചു കാണിച്ചതും മറിയു അവൾക്ക് ചുറ്റും സംശയത്തോടെ നടന്നു... "പറ... എന്താ ഉണ്ടായേ..?🧐" "നിനക്കെന്താ മറിയു.. അവര് ഭാര്യയും ഭർത്താവും ആകുമ്പോൾ പല പ്രശ്നങ്ങളും ഉണ്ടായെന്ന് വരും.. അതിങ്ങനെ നിന്നോട് പറയാൻ പറ്റുമോ.. പോടീ അകത്തേക്ക്.. ക്ലാസും മുടക്കി വീട്ടിൽ ഇരുന്നോളും.." ഉമ്മ ദേഷ്യത്തിൽ പറഞ് പോയതും ഇളിച്ചു കൊണ്ട് നിഹയും പിറകെ വെച്ചു...

"വല്ല കാര്യവും ഉണ്ടായിരുന്നോ..?"ഉപ്പ കൈ മലർത്തി ചോദിച്ചതും പുച്ഛിച്ചു കൊണ്ട് മറിയു ചവിട്ടിത്തുള്ളി അകത്തേക്ക് പോയി.... 💜💜💜💜💜 കോളേജിലേക്ക് പോകാൻ വേണ്ടി ഫ്രഷായി ഡ്രസ്സ്‌ മാറി ഇറങ്ങിയതായിരുന്നു നിഹ.... കണ്ണാടിക്ക് മുന്നിൽ നിന്ന് തല വരുന്നവനെ കണ്ടതും അവൾ അവനടുത്തേക്ക് നടന്നു.... "മാറിക്കേ കൊരങ്ങാ...വെറുതെ ഫാഷൻ ഷോ നടത്തി സമയം കളയാതെ.. ഒറ്റ പെണ്ണും നോക്കില്ല..." അവനെ തള്ളി മാറ്റി കണ്ണാടിക്ക് മുന്നിൽ കയറി നിന്ന് നിഹ തല തുവർത്താൻ തുടങ്ങി... ഇടക്ക് കണ്ണാടിയിലൂടെ അവനെ നോക്കിയപ്പോൾ ദേഷ്യത്തിൽ തന്നെ നോക്കുന്നത് കണ്ട് ഒന്ന് ഇളിച്ചു കാണിച്ചു.... തല തുവർത്തി തിരിഞ്ഞതും ഇപ്പോഴും അതേ ഭാവത്തിൽ നിൽക്കുന്നവനെ കണ്ട് നടന്നടുത്തേക്ക് ചെന്നു... കാൽ വിരലിൽ മെല്ലെ ഒന്നുയർന്നു കൊണ്ട് അവന്റെ മീശ പിടിച്ചു വലിച്ചതും ഇച്ചു അലറിക്കൊണ്ട് അവളെ പിടിച്ച് പിറകോട്ട് തള്ളിക്കൊണ്ട് മീശ പിടിച്ചു... "ആഹ്.. എന്താടീ ബലാലേ നീ കാണിച്ചത്.. ന്റെ മീശ...😬"

"ഇനി പൊന്ന് മോൻ ഇങ്ങനെ മുഖം കറുപ്പിക്കുമ്പോ ദേ ഇതങ്ങ് ഓർത്താൽ മതിട്ടോ..." അവനെ പുച്ഛിച്ചവൾ ചീർപ്പ് എടുത്ത് കണ്ണാടിയിൽ നോക്കി തല വാരാൻ തുടങ്ങിയതും ഇച്ചു എന്തോ ഓർത്ത പോലെ അവളെ തന്നെ നോക്കി നിന്നു... "മ്മ്... എന്തേ പോണില്ലേ സ്റ്റേഷനിലേക്ക്..?" കണ്ണാടിയിലൂടെ അവനെ നോക്കി ചോദിച്ചതും ഇച്ചു തലയാട്ടി.... "എന്താ നോക്കുന്നത്..?" "എനിക്കെന്താ എന്റെ ഭാര്യയെ നോക്കിക്കൂടെ..? എന്റെ വീട്...എന്റെ മുറി.. എന്റെ ഭാര്യ.. ഞാൻ നോക്കും..നോക്കരുതെന്ന് പറയാൻ നീ ആരാ..?🤨" പിരികമുയർത്തി അവൻ ചോദിച്ചതും വാ പൊളിച്ചു കൊണ്ട് നിഹ അവനിൽ നിന്നും മുഖം തിരിച്ച് മുടി വാർന്നു കെട്ടി വെച്ച് തിരിഞ്ഞു... ശേഷം ഷാളെടുക്കാനായി ബെഡ്‌ഡിലേക്ക് തിരിഞ്ഞതും ഇച്ചു പെട്ടെന്നവളുടെ മുടി പിടിച്ചു വലിച്ചു... "ആഹ് പട്ടി.. വിടെടാ... ന്റുമ്മാ.." അലറിക്കൊണ്ട് അവൾ ചാടാൻ തുടങ്ങിയതും ഇച്ചു പിടി വിട്ടു കൊണ്ട് പുച്ഛിച്ചവളെ നോക്കി.... "ഔ.. ന്റെ മുടി.. തെണ്ടി... താനെന്ത്‌ മനുഷ്യനാടോ..

പ്രതികാരം ചെയ്യാനായി നടക്കുന്നു.. പുല്ല്.. ഏത് നേരത്താണോ മീശ പിടിച്ചു വലിക്കാൻ തോന്നിയത്...ന്നാലും ഞാൻ കഷ്ടപ്പെട്ട് കെട്ടിയ മുടി...☹️" ഇടക്ക് പല്ല് കടിച്ചും ചുണ്ട് പിളർത്തിയും നിഹ പറഞ്ഞതും ഇച്ചു അവളെ പുച്ഛിച്ച് ചിരിച്ചു.... "പ്രതികാരം ഈസ് മൈ ഹോബി..." "അയിനിപ്പോ ഞാൻ ചോയ്ച്ചോ..?"ന്ന് ചോദിച്ച് അവൾ തിരിഞ്ഞ് മുടി നേരെയാക്കാൻ തുടങ്ങിയതും പല്ല് കടിച്ചു കൊണ്ട് ഇച്ചു പുറത്തേക്ക് പോയി... ***** കോളേജിലേക്ക് ചെന്നപ്പോൾ മുന്നിൽ തന്നെ നിൽക്കുന്നുണ്ടായിരുന്നു ഇളിയോടെ ഇന്നും അവൻ... മനുഷ്യന്റെ സ്വസ്ഥത പോകാൻ അത് മതിയല്ലോ... "ചെക്കൻ നിന്നെ നോക്കി ഇന്നുമുണ്ടല്ലോ.." മറിയുന്റെ സംസാരം കേട്ടതും അവളെ നോക്കി കണ്ണുരുട്ടി അവനെ നോക്കാതെ, ഞാൻ മുന്നോട്ട് നടന്നു.... "നിഹൂസേ...." ഇവൻ കൊണ്ടേ പോകൂ... പല്ല് കടിച്ചു കൊണ്ട് ഞാൻ തിരിഞ്ഞ് അവനെ നോക്കി... "ന്റെ പൊന്ന് ജിഷാദേ..ഞാൻ ശെരിക്ക് ദേ നിന്റെ കൂടെ പഠിക്കേണ്ടതാ.. വയസ്സ് ചിലപ്പോ നിന്നെക്കാളും ഉണ്ടാകും..

അതിനേക്കാൾ ഉപരി എന്റെ കല്യാണം കഴിഞ്ഞതാ.. അതും ഒരു പോലീസ് മാൻ.. ഇനിയേലും ഇങ്ങനെ പിറകെ നടക്കുന്നത് ഒന്ന് നിർത്ത്... നിനക്ക് എന്നെക്കാൾ നല്ലൊരു പെണ്ണിനെ കിട്ടും എന്നൊന്നും ഞാൻ പറയില്ല... കാരണം എനിക്കറിയാം.. ഒന്നുകിൽ ഒരാള് അല്ലെങ്കിൽ മറ്റൊരാൾ.. അതാണ് നിന്റെ പോളിസി എന്ന്..." അവനുള്ള മറുപടിയും കൊടുത്ത് ഞാൻ ക്ലാസ്സിലേക്ക് നടന്നു... ഇപ്പോഴാ ഒരു സമാധാനം ആയത്.... അതാരാണെന്ന് മനസ്സിലായില്ലല്ലേ... ഞങ്ങടെ കോളേജിൽ ഇപ്പോ 3rd ഇയറിന് പഠിക്കുന്ന ജിഷാദ്...ഇവിടെ ജോയിൻ ചെയ്ത അന്ന് തുടങ്ങിയതാണ് ഇഷ്ടം പറഞ് അവൻ പിറകെ വരൽ... ആദ്യ ദിവസം തന്നെ അവന്റെ കണ്ണിൽ തന്നെ പെട്ടത് കൊണ്ട് കുടുങ്ങി എന്ന് പറയാം... സത്യത്തിൽ ആൾക്ക് എന്നോട് ഇഷ്ടം ഒന്നുമില്ല... ജസ്റ്റ്‌ ഒരു അട്ട്രാക്ഷൻ ആണ്... അതെനിക്കറിയാം..ഇനി ഞാൻ വളഞ്ഞില്ലെങ്കിൽ അടുത്ത ആളെ അവൻ നോക്കും.. അതാണ് അവൻ...............തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...