Love for Unexpected💜: ഭാഗം 6

രചന: Ansiya shery

"ആഹ്..ഇന്ന് ഈവെനിംഗ് ബാംഗ്ലൂരിലേക്ക് ഒരു ട്രെയിൻ ഉണ്ട്..അപ്പൊ അതിന് പോകാമെന്ന് വിചാരിച്ചു" "എന്റെ കല്യാണം കഴിഞ്ഞിട്ട് പോയാൽ പോരേ നിനക്ക്" എന്നെ നോക്കി ദയനീയമായി പാച്ചുക്ക ചോദിച്ചതും ഞാൻ ഒന്ന് പുഞ്ചിരിച്ചു.. "ഇല്ലിക്ക.. പോകണം.. ഇനി എന്നെങ്കിലും വിധിയുണ്ടെങ്കിൽ നമുക്ക് കാണാം.. ഇന്നെനിക്ക് പോയേ തീരൂ"അവിടെ നിന്നും പുറത്തേക്ക് നടക്കാൻ തുനിഞ്ഞതും പെട്ടെന്നാണ് മറിയു എന്റെ കയ്യിൽ പിടിച്ചത്.. സംശയത്തോടെ ഞാനവളെ നോക്കിയതും എന്റെ കയ്യിലുള്ള ബേഗവൾ പിടിച്ചു വാങ്ങി.. ഞെട്ടലോടെ അവളെ നോക്കിയതും പാച്ചുക്കാടെ കയ്യിലേക്ക് ബാഗ് കൊടുത്തു കൊണ്ട് അവൾ എന്നെ നോക്കി.. "നിന്നെ ഞാൻ അങ്ങനെ വിടും എന്ന് നിനക്ക് തോന്നുന്നുണ്ടോ നിഹു.. ഈ കല്യാണം കഴിയുന്നതിന് മുന്നേ ഈ വീട്ടിൽ നിന്നും നിനക്ക് പോകാൻ കഴിയില്ല.. ഞാനതിന് സമ്മതിക്കില്ല..." "എന്താ മോളെ ഇങ്ങനെ പറയുന്നത്.. ആ കുട്ടിക്ക് വല്ല തിരക്കുണ്ടാകും.. അപ്പോ പോയല്ലേ തീരൂ" അവളെ ഉപ്പാടെ ചോദ്യം കേട്ടതും ഞാൻ മറിയുനെ നോക്കി.. അവളെന്നെ ദഹിപ്പിച്ചു നോക്കുന്നത് കണ്ടതും വേഗം നോട്ടം മാറ്റി... "ഇവൾക്ക് ഒരു തിരക്കും ഇല്ല ഉപ്പാ.. വേഗം ഇവിടുന്ന് മുങ്ങാൻ നോക്കാണ്..ബാംഗ്ലൂരിൽ ഒരു ജോലി ശെരിയായിട്ടുണ്ട്..

പക്ഷെ അവിടെ ജോയിൻ ചെയ്യാൻ ഇനിയും ഒരാഴ്ച ഉണ്ട്.. പാച്ചുക്കാടെ കല്യാണം മറ്റന്നാളും.. പിന്നെന്ത് ദൃതിയാ ഇവൾക്ക്" "മോൾക്ക് ഞങ്ങളുടെ കൂടെ നില്കുന്നത് ഇഷ്ടമല്ലേ?"ഉമ്മാടെ ചോദ്യം കേട്ടതും നിഹ ഞെട്ടലോടെ അവരെ നോക്കി തലയാട്ടി... "അങ്ങനെ പറയരുത് ആന്റി.. മറിയുന്റെ ഫ്രണ്ട് ആണെങ്കിലും ആരെന്നോ എന്തെന്നോ അറിയാത്ത എന്നെ ഇവിടെ താമസിപ്പിച്ചില്ലേ നിങ്ങൾ.. ഇത് വരെ എന്നെക്കുറിച്ച് ഒന്നും ചോദിച്ചതുമില്ല..എനിക്ക് പോയേ തീരൂ..ഇല്ലെങ്കിൽ പിന്നെ..." പെട്ടെന്ന് എന്തോ ഓർത്ത പോലെ ബാക്കി പറയാതെ അവൾ നിർത്തിയതും മറിയു പെട്ടെന്നവളെ തനിക്ക് നേരെ തിരിച്ചു... "പറ നിഹു.. ഇത് വരെ ഞാൻ നിന്നോട് ഒന്നും ചോദിച്ചിട്ടില്ല.. ഇന്നലെ നീ എന്നെ കെട്ടിപ്പിടിച്ച് കരഞ്ഞപ്പോ പറഞ്ഞതൊക്കെ ഞാൻ കേട്ടതാണ്.. എന്നിട്ടും ഒന്നും മിണ്ടാതെ നിന്നത് നീ ഇന്നെന്തെങ്കിലും പറയുമെന്ന് കരുതിയാണ്.. പക്ഷെ പറഞ്ഞില്ല.. എനിക്ക് അറിഞ്ഞേ തീരൂ..എന്നോട് പറ നിഹു" എന്റെ തോളിൽ പിടിച്ചു കുലുക്കിക്കൊണ്ട് അവൾ പറഞ്ഞതും ഒന്നും പറയാനാകാതെ ഞാൻ തല താഴ്ത്തി.. കണ്ണുകൾ നിറഞ്ഞൊഴുകുന്നുണ്ടായിരുന്നു... "മോൾ ഇന്നലെയേ ഇങ്ങോട്ട് വന്നിട്ടുള്ളൂ എങ്കിലും നമ്മൾ തമ്മിൽ ഒന്നും സംസാരിച്ചിട്ടില്ലെങ്കിലും എന്റെ മക്കളെ പോലെ തന്നെയാണ് ഞാൻ മോളേയും കാണുന്നത്..

എന്തെങ്കിലും പ്രശ്നം ഉണ്ടെങ്കിൽ മോൾക്ക് തുറന്ന് പറയാം.. പറയാൻ പറ്റുന്നതാണെങ്കിൽ മാത്രം.." മറിയുന്റെ ഉപ്പ പറഞ്ഞത് കേട്ട് ഞാൻ അത്ഭുതത്തോടെ തല ഉയർത്തി അവരെ നോക്കി.. ആദ്യമായിട്ടാണ് എന്നോടായി ഒരു കാര്യം സംസാരിക്കുന്നത്..! അത് കേട്ടപ്പോൾ കണ്ണുകൾ ഒന്ന് കൂടെ നിറഞ്ഞൊഴുകുകയാണ് ചെയ്തത്.. ഈ ലോകത്ത് എന്നെ സ്നേഹിക്കുന്ന ഒരാൾ മാത്രമായിരുന്നു ഉണ്ടായിരുന്നു.. എന്റെ മറിയു..! ഇപ്പൊ ഒരു ദിവസം കൊണ്ട് തന്നെ അവളുടെ വീട്ടുകാരും എന്നെ സ്നേഹിക്കുന്നു... എന്തോ എല്ലാം തുറന്ന് പറയണമെന്ന് എനിക്ക് തോന്നി.. മിഴികളൊന്ന് അമർത്തി തുടച്ചു കൊണ്ട് അവരെ നോക്കി പറയാൻ തുടങ്ങിയതും കോളിങ് ബെൽ അടിച്ചതും ഒരുമിച്ചായിരുന്നു... ---- "ഡോർ തുറന്ന ഇച്ചു പുറത്ത് നില്ക്കുന്നവരെ കണ്ട് സന്തോഷത്തോടെ അടുത്തേക്ക് ചെന്നു... "മൂത്താപ്പാ...മൂത്തമ്മാ...അമ്മായി.. അമ്മാവാ.. എല്ലാരും ഉണ്ടല്ലോ ഒരുമിച്ച്.. അകത്തേക്ക് വന്നാലും" "ഓഹ് നിനക്ക് ഞങ്ങളെ ഒക്കെ ഓർമ്മ ഉണ്ടായിരുന്നുലേ" "പിന്നെ അങ്ങനങ്ങ് മറക്കാൻ പറ്റോ.. അല്ല ദിലുവും റഷയും വന്നില്ലേ" "ഉണ്ടല്ലോ രണ്ടും പുറത്ത് അതാ അങ്ങോട്ടുമിങ്ങോട്ടും നടക്കുന്നു" പറഞ്ഞു കൊണ്ടവർ അകത്തേക്ക് പോയതും ഇച്ചു പുറത്തേക്ക് നടന്നു... ---- "നിങ്ങളെന്തെ വരാത്തെ എന്ന് വിചാരിച്ചതേ ഉള്ളായിരുന്നു..

ഇനി വരില്ലേന്ന് പോലും വിചാരിച്ചു" "വരാതിരിക്കാൻ പറ്റോ.. കുറേ വർഷത്തിന് ശേഷം നമ്മുടെ കുടുംബത്തിലെ ഒരു കല്യാണം നടക്കാൻ പോകുവല്ലേ" പാച്ചുവിനെ ചേർത്ത് പിടിച്ച് മൂത്താപ്പ പറഞ്ഞതും അവനെല്ലാവരെയും മാറി മാറി നോക്കി ചിരിച്ചു... "അല്ല ഇതേതാ കുട്ടി?"അമ്മായിയുടെ നോട്ടം നിഹയിലേക്ക് നീണ്ടതും ചോദിച്ചത് കേട്ട് എല്ലാവരും അവളെ നോക്കി.. "ഇത് മറിയുന്റെ ഫ്രണ്ടാ.. പാച്ചുന്റെ കല്യാണത്തിൻ വന്നതാ" ഉമ്മയായിരുന്നു അത് പറഞ്ഞത്.. അവളവരെ ഞെട്ടലോടെ നോക്കിയതും കണ്ണ് ചിമ്മി ഒന്നുമില്ലെന്ന് കാണിച്ചത് കണ്ട് അത് വരെയുണ്ടായിരുന്ന ടെൻഷൻ ഇല്ലാതായത് പോലെ അവൾക്ക് തോന്നി.. എല്ലാവരേയും നോക്കി ഒന്നവൾ പുഞ്ചിരിച്ചു.. "സുഖമല്ലേ എല്ലാവർക്കും" ചിരിയോടെ അവൾ ചോദിച്ചതും എല്ലാവരുടേയും മുഖത്ത് ചിരി വിരിഞ്ഞു... "സുഖം മോളേ" അവളുടെ തലയിൽ തലോടിക്കൊണ്ട് അമ്മായി ചിരിയോടെ പറഞ്ഞു.. "അല്ല മക്കൾ വന്നില്ലേ സെലി" "ഞങ്ങൾ ദേ വന്നല്ലോ" ഉപ്പ പറഞ്ഞ് നിർത്തിയതും പെട്ടെന്ന് അതും പറഞ്ഞ് ഇസാന്റെ കൂടെ റഷയും ദിലുവും അകത്തേക്ക് വന്നു... "ഓഹ് നിനക്ക് ഞങ്ങളെ ഒക്കെ ഓർമ്മ ഉണ്ടോടീ" റഷയുടെ കവിളിൽ പിച്ചി ഉമ്മ പറഞ്ഞതും ഇളിച്ചു കൊണ്ടവൾ അവരെ കെട്ടിപ്പിടിച്ചു...

"യാത്രാ ക്ഷീണം കാണും.. എല്ലാവരും ഒന്ന് ഫ്രഷ് ആയി പോരേ..മറിയു റഷ മോൾക്കുള്ള മുറി കാണിച്ചു കൊടുക്ക്.. ഇച്ചു നീ ദിലുവിനും കാണിച്ചു കൊടുക്ക്" "റഷ വാ.. നിഹു നീയും വാ.. ഒരുമിച്ച് പോകാം"അപ്പോഴാണ് അവർ രണ്ട് പേരും നിഹയെ കണ്ടത്.. "ഇതാരാ?" റഷയായിരുന്നു അത് ചോദിച്ചത്.. "എന്റെ ഫ്രണ്ടാ... നിഹ ഷാദിയ" "ആഹാ.. നല്ല പേര്... എന്റെ പേര് ദിൽഷാദ്.."അവൾക്ക് നേരെ കൈ നീട്ടി ദിലു പറഞ്ഞതും അവളും തിരികെ ചിരിച്ചു കൊണ്ട് കൈ കൊടുത്തു... "ഇങ്ങടെ കോഴിത്തരം ഇവളെ അടുത്ത് വേണ്ടാട്ടോ ഇക്കാ" മറിയു കളിയാക്കി ചിരിച്ചു കൊണ്ട് പറഞ്ഞതും അവനവളെ കണ്ണുരുട്ടി നോക്കി.. "നീ പോടീ.. കോഴി നിന്റെ മറ്റവനാ.. കുട്ടി..സോറി.. നിഹ അതൊന്നും കാര്യമാക്കണ്ടാട്ടോ.. അവൾ വെറുതെ പറയുന്നതാ.." അതിനവൾ ചിരിച്ചു കൊണ്ട് തലയാട്ടി.. "നല്ല കുട്ടി അല്ലേടാ.." മറിയുന്റേയും റഷയുടേയും കൂടെ മുകളിലേക്ക് കയറിപ്പോകുന്ന നിഹയെ നോക്കി ചിരിച്ചു കൊണ്ട് ഇസാനോടായി ദിലു പറഞ്ഞതും ഇച്ചു സംശയത്തോടെ അവനെ നോക്കി... "നിനക്ക് അവളോട് വല്ലതും..?" "ഇഷ്ടം തോന്നിയോ എന്നൊരു ഡൌട്ട്" നെഞ്ചിൽ കൈ വെച്ചു കൊണ്ട് അവൻ പറഞ്ഞതും ഇച്ചു ഞെട്ടി... ---- "എടി ഞാൻ പോട്ടേ... ഒന്ന് മനസ്സിലാക്ക് നീ"

ഫ്രഷ് ആവാൻ വേണ്ടി റഷ ബാത്‌റൂമിലേക്ക് കയറിപ്പോയതും നിഹ ദയനീയമായി മറിയൂനെ നോക്കി ചോദിച്ചു... "ഈ ബെസ്റ്റ് ഫ്രണ്ട് എന്നുള്ളത് വെറും ഒരു വാക്കല്ല...എന്തെങ്കിലും പ്രശ്നത്തിൽ അവര് അകപ്പെട്ടാൽ സഹായം നൽകേണ്ട ചുമതല ഒരു ബെസ്റ്റ് ഫ്രണ്ടിനുണ്ട്.. ഇന്നലെയേ നമ്മൾ. ആദ്യമായി നേരിൽ കണ്ടിട്ടുള്ളു എങ്കിലും അതിന് മുന്നേ തന്നെ പരസ്പരം മനസ്സിലാക്കിയതാണ് നമ്മൾ.. എന്റെ വീട്ടുകാരെ കുറിച്ച് പറയുമ്പോഴും നിന്റെ വീട്ടുകാരെ കുറിച്ച് നീ എന്നോട് ഒന്നും പറഞ്ഞിട്ടില്ല... സ്വന്തം നാട് വിട്ട് നിൽക്കാൻ താല്പര്യമില്ലാത്ത നീ ഇപ്പൊ കേരളത്തിൽ നിന്ന് പോകുകയാണെന്ന് പറഞ്ഞപ്പോ തന്നെ അതിന്റെ പിന്നിൽ ഒരു കാരണം ഉണ്ടാകുമെന്ന് എനിക്കറിയാം.. ഇതൊക്കെ മനസ്സിലാക്കിയിട്ട് ഞാൻ നിന്നെ വിടും എന്ന് നിനക്ക് തോന്നുന്നുണ്ടോ.. ഇല്ല നിഹു..നീ ഇവിടുന്ന് ഇന്ന് പോകില്ല..." അത്രയും പറഞ്ഞ് തിരിച്ച് എന്തെങ്കിലും പറയുന്നതിന് മുന്നേ അവൾ മുറിയിൽ നിന്നും ഇറങ്ങിപ്പോയതും ഒരു തളർച്ചയോടെ ഞാൻ ബെഡിലേക്കിരുന്നു... ശെ.. വരേണ്ടായിരുന്നു ഇങ്ങോട്ട്... ഇനി ഞാൻ കാരണം ഇവർക്ക് കൂടെ വല്ലതും സംഭവിച്ചാൽ...!......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...