Love for Unexpected💜: ഭാഗം 7

രചന: Ansiya shery

"എന്താ താൻ ആലോചിക്കുന്നത്?" പെട്ടെന്ന് അങ്ങനെയൊരു ചോദ്യം കേട്ടതും തലയുയർത്തി നോക്കിയ ഞാൻ എനിക്ക് മുന്നിൽ നിൽക്കുന്ന റഷയെ കണ്ട് ഒന്ന് ചിരിച്ചു കൊണ്ട് എഴുന്നേറ്റു... "ഹേയ് ഒന്നുമില്ല.. പിന്നെ എന്നെ താൻ എന്ന് വിളിക്കണ്ട.. നിഹ എന്ന് വിളിച്ചാ മതി" "ഓകെ നിഹ.. എന്നെ റഷ എന്നും വിളിച്ചോ"അതിൻ തലയാട്ടിക്കൊണ്ട് ഞാനവളോട് സംസാരിച്ചു നിന്നു... ഇടക്ക് നേരത്തെ പുറത്തേക്ക് പോയ മറിയുവും കൂടെ വന്ന് ഒരു കലപില തന്നെയാക്കി..! 🌸🌸🌸🌸 "എടി നമുക്കൊന്ന് പുറത്തേക്ക് പോയാലോ? ഒരുപാടായി ഇവിടെയൊക്കെ കണ്ടിട്ട്..എല്ലാം ഒന്ന് കൂടെ കാണാൻ ആഗ്രഹമുണ്ട്" വൈകീട്ട് സോഫയിൽ ഇരുന്ന് മൂന്ന് പേരും കൂടെ സംസാരിച്ചിരിക്കുന്നതിനിടയിൽ റഷ പറഞ്ഞതും മറിയു സമ്മതിച്ചു... "നിഹ.. നീയും വാ..." നിഹയെ നോക്കി അവൾ പറഞ്ഞതും അവൾ പെട്ടെന്ന് ഇരുന്നിടത്ത് നിന്നും എഴുന്നേറ്റു... "ഞാൻ നിങ്ങളോടത് ചോദിക്കാൻ നിൽക്കുവായിരുന്നു.. ഇരുന്ന് ബോറടിച്ചു.. വാ പോവാം" "ഞാൻ ഇച്ചുക്കാനെ കൂടെ വിളിക്കട്ടെ" അതും പറഞ്ഞ് മറിയു എഴുന്നേറ്റതും നിഹയുടെ മുഖം ചുവന്നു... "അവന്റെ ആവശ്യം എന്താ.. നമുക്ക് മൂന്ന് പേർക്കും കൂടെ പോയാൽ പോരേ.. എനിക്ക് ആ കുരങ്ങനെ കാണുമ്പോ തന്നെ കലി കയറും"

"കുറച്ച് നേരം നീ ആ മുഖം സഹിച്ചേ മതിയാകൂ മോളേ.. എനിക്കിവിടെ എല്ലായിടവും അറിയില്ല... വഴി തെറ്റിപ്പോവും" ഇച്ചുവിനെ വിളിക്കാനായി മുകളിലേക്ക് കയറിപ്പോകുന്ന മറിയുനെ നോക്കിക്കൊണ്ട് നിഹ കലിപ്പിൽ തറയിൽ ആഞ്ഞു ചവിട്ടി... "നിനക്കെന്താടി ഇച്ചുക്കാനോട്‌ ഇത്ര കലിപ്പ്? 🤔" റഷയുടെ ചോദ്യം കേട്ടതും നിഹ അവളെ നോക്കി.. "ഇച്ചുക്ക അല്ല കുരങ്ങനാ അവൻ.. കുരങ്ങൻ.. മാക്രി മോറൻ.. തെണ്ടി.. ചെറ്റ.. ഇസാൻ കുരങ്ങൻ" "നിന്റെ മറ്റവനാടി കുരങ്ങൻ" പെട്ടെന്ന് പിറകിൽ നിന്നും ശബ്ദം കേട്ടതും ഞെട്ടലോടെ നിഹ തിരിഞ്ഞു നോക്കി.. മുന്നിൽ മറിയുന്റെ ഒപ്പം നിൽക്കുന്ന ഇച്ചുവിനെ കണ്ട് ഇത്ര പെട്ടെന്ന് അവനിറങ്ങി വന്നോ എന്ന് ചിന്തിച്ചു... "എന്റെ മറ്റവനെ വിളിച്ചാൽ ഉണ്ടല്ലോ.. നിന്റെ മോന്ത അടക്കി ഒന്ന് തരും ഞാൻ😤" "ആടി.. വേഗം താ...നീ തരുമ്പോ എന്റെ കയ്യെന്താ ഒഴിഞ്ഞു കിടക്കുവല്ലേ.. തിരിച്ചും തരും ഞാൻ😡" അവൾക്കടുത്തേക്ക് വന്ന് അവൻ പറഞ്ഞതും കണ്ണുരുട്ടി അവനെ നോക്കിക്കൊണ്ട് അവൾ അവന്റെ കാലിൽ ആഞ്ഞു ചവിട്ടി... "ആഹ്... ഡീ... നിന്നെ ഞാൻ" കാൽ പിറകോട്ട് വലിച്ചവൻ അലറിയതും അവളവനെ പുച്ഛിച്ചു... അത് കണ്ടതും കലിപ്പ് കയറി അവനവളെ അടിക്കാൻ കയ്യുയർത്തിയതും പെട്ടെന്നാരോ മുന്നിലേക്ക് കയറി നിന്നു...

. ഉയർത്തിയ കൈ താഴ്ത്തിക്കൊണ്ട് അവൻ മറിയുനെ പല്ല് കടിച്ച് നോക്കി.. "മാറി നിക്കെടി... ഇവളെ ഞാൻ ഇന്ന് കൊല്ലും😬" "ഇങ് വാടാ കൊല്ലാൻ... നിനക്ക് ശെരിക്കും ഈ നിഹയെ അറിയില്ല..കൂടുതൽ ചെലക്കല്ലേ😏" മറിയുന്റെ ബാക്കിൽ നിന്നും തലയെത്തിച്ച് പറഞ്ഞവൾ പുച്ഛിച്ചു... "ഡീ....." അലറിക്കൊണ്ട് മറിയൂനെ മുന്നിൽ നിന്നും മാറ്റി നിർത്തി അവൻ നിഹയുടെ കൈ പിടിച്ച് പിറകോട്ട് തിരിച്ചു... പെട്ടെന്നുള്ള അവന്റെ നീക്കത്തിൽ ഞെട്ടിപ്പോയിരുന്നു അവൾ...! അവനിൽ നിന്നും കൈ വലിച്ചെടുക്കാൻ നോക്കിയെങ്കിലും അവൻ ഒന്ന് കൂടെ തിരിച്ചതല്ലാതെ വിട്ടില്ല.... "ഡാ...കുരങ്ങാ..വിടടാ... എന്നെ" അവസാനം വേദന സഹിക്കാൻ കഴിയാതെ അവൾ പെട്ടെന്ന് അവന്റെ തോളിൽ കടിച്ചു... ആ സമയം തന്നെ അലറിക്കൊണ്ടവൻ കൈ വിട്ടതും നിഹ പെട്ടെന്ന് കൈ തൊട്ടു നോക്കി... "ആഹ്..." വേദന തോന്നിയതും അലറിക്കൊണ്ട് അവൾ നോക്കിയപ്പോൾ മുന്നിൽ നിരന്നു നിൽക്കുന്ന വീട്ടിലെ എല്ലാ അംഗങ്ങളെയും കണ്ട് കണ്ണ് മിഴിച്ചു.... അവൾ ഇച്ചുവിനെ നോക്കി..

തോളും തഴുകി അവനവളെ പല്ല് കടിച്ചു നോക്കി നിൽക്കുന്നത് കൊണ്ട് തന്നെ പിറകിൽ നില്കുന്നവരെ കണ്ടിട്ടില്ല.... "ഡീ....." വേദന കടിച്ച് പിടിച്ച് അവൾക്ക് നേരെ പാഞ്ഞു വന്നതും പെട്ടെന്നാരോ അവന്റെ മുന്നിലേക്ക് കയറി നിന്നു.. ആളെ നോക്കിയതും പാച്ചു... അവൻ പെട്ടെന്ന് ഞെട്ടിക്കൊണ്ട് തിരിഞ്ഞു നോക്കിയതും വീട്ടിലെ എല്ലാവരേയും കണ്ട് ഞെട്ടിപ്പോയി...! "നിങ്ങൾ രണ്ടും എന്താ ചെറിയ കുട്ടികളെ പോലെ... അവൾക്ക് ബുദ്ധി ഇല്ലെന്ന് വെക്കാം..കുറച്ച് വിവരം ഉള്ള നിനക്കിത് എന്ത് പറ്റി..." പാച്ചു പറഞ്ഞതും നിഹ അവനെ പല്ല് കടിച്ച് നോക്കി... "നിന്നോട് ഞാൻ അപ്പോഴേ പറഞ്ഞതല്ലെടി.. ഞാൻ ഇല്ലാന്ന്" മറിയൂനെ നോക്കി ഇച്ചു പറഞ്ഞതും അവൾ മുകളിലേക്കും നോക്കി നിന്നു.... "നീയെന്താ ഇച്ചു ആ കൊച്ചിനെ ചെയ്തേ... മോളിവിടെ വന്നേ" ഉമ്മ വിളിച്ചതും അവളവനെ പുച്ഛിച്ചു കൊണ്ട് അവർക്കടുത്തേക്ക് ചെന്നു... "ഉമ്മ അവളെന്നെ കടിച്ചത് കണ്ടില്ലേ..😬" "നീ അവളുടെ കൈ പിടിച്ച് തിരിച്ചത് കൊണ്ടല്ലേ അവൾ നിന്നെ കടിച്ചത്" അതൂടെ കേട്ടതും അവൻ പല്ല് കടിച്ച് നിഹയെ നോക്കി ചവിട്ടിത്തുള്ളി മുകളിലേക്ക് പോയി.........തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...