Love for Unexpected💜: ഭാഗം 72

രചന: Ansiya shery

അവസാനത്തെ എക്സാമും കഴിഞ്ഞ് ഒന്ന് സമാധാനത്തോടെ കിടക്കാം എന്ന് വെച്ചിരുന്നപ്പോഴാണ് മറിയു നിഹയുടെ കയ്യും വലിച്ച് താഴേക്ക് കൊണ്ട് പോയത്.. "ഡീ... പോത്തേ.. എന്റെ കൈ..." എന്നൊക്കെ അവൾ അലറുന്നുണ്ടെങ്കിലും മറിയു അതൊന്നും കേൾക്കാതെ നേരേ ഉപ്പാടേം ഉമ്മാടേം മുന്നിൽ അവളെയും കൊണ്ട് നിന്നു.... "എന്താ രണ്ടും കൂടെ...?" ഉപ്പാടെ ചോദ്യം കേട്ടതും സ്റ്റഡി അയി നിന്നു കൊണ്ട് മറിയു നിഹയെ നോക്കി.. അവൾ അന്തം വിട്ട് നില്കുന്നത് കണ്ടതും ഒന്ന് ദീർഘ നിശ്വസിച്ചു കൊണ്ട് അവർക്ക് നേരേ തിരിഞ്ഞു... "അതുപ്പാ.. ഉമ്മാ... ഞങ്ങടെ എക്സാം ഒക്കെ കഴിഞ്ഞില്ലേ.. നമുക്ക് കുറച്ചു ദിവസം തറവാട്ടിൽ പോയി നിന്നാലോ..?" "അതെന്തായാലും നമ്മൾ നാളെ പോകും.. ആഷി മോന്റെ എൻഗേജ്മെന്റ് ആണ് രണ്ട് ദിവസം കഴിഞ്ഞാൽ..." "എന്ത്...?" നിഹയും മറിയുവും കണ്ണ് മിഴിച്ച് പരസ്പരം നോക്കി.... "നിങ്ങളോട് പറയാൻ മറന്നതാ... ഇന്നലെ അവിടുന്ന് വിളിച്ച് പറഞ്ഞിരുന്നു....

നേരത്തെ തന്നെ നമ്മളോട് ചെല്ലാൻ.. എൻഗേജ്മെന്റ് കഴിഞ്ഞ് ഒരാഴ്ച കഴിഞ്ഞാൽ തന്നെ കല്യാണവും ഉണ്ടാകും.. അതൊക്കെ കഴിഞ്ഞേ നമ്മളിങ്ങോട്ട് വരൂ.. സന്തോഷമായില്ലേ..." മറുപടിയായി തലയാട്ടിക്കൊണ്ട് നിഹ മറിയുന്റെ കയ്യും പിടിച്ച് അകത്തേക്ക് നടന്നു... മുറിയിലെത്തിയതും ഡോർ അടച്ചവൾ മറിയുൻ നേരേ തിരിഞ്ഞതും മറിയു അവളെ കെട്ടിപ്പിടിച്ച് കരഞ്ഞതും ഒരുമിച്ചായിരുന്നു.... "എല്ലാം ഞാൻ കാരണം ആണെടീ....ഇഷ്ടം പറഞ്ഞപ്പോഴെല്ലാം തട്ടിക്കളഞ്ഞിട്ടേ ഒള്ളു.. എന്നലും ഉള്ളിൽ ഒരു ഇഷ്ടമുണ്ടായിരുന്നു...അതൊക്കെ പേടി കൊണ്ട് തട്ടിക്കളഞ്ഞിട്ടേ ഒള്ളു... ഞാൻ ഇഷ്ടം പറഞ്ഞില്ലെങ്കിലും വീട്ടിൽ വന്ന് ഒന്ന് ചോദിക്കും എന്ന് പ്രതീക്ഷ ഉണ്ടായിരുന്നു.. പക്ഷെ ഇപ്പോ..." ബാക്കി പറയാതെ അവൾ തേങ്ങിയതും നിഹ അവളെ തന്നിൽ നിന്നും അകറ്റി മാറ്റി.... "നിനക്കെന്തിനാ പേടി മറിയു... ആഷിക്ക നല്ലവനാ...പിന്നെന്തിനാ പേടിക്കുന്നത്..." മറിയുന്റെ ചുണ്ടിലൊരു വരണ്ട പുഞ്ചിരി വിരിഞ്ഞു.... "നിനക്കിതുവരെ അറിയാത്ത ഒരു കാര്യമുണ്ട് നിഹ... ഞാനോ ഇവിടെ ഉള്ളവരോ നിന്നോട് ഇത് വരെ പറയാത്തൊരു കാര്യം.. എനിക്കൊരു ഇത്ത ഉണ്ടായിരുന്നു..!"

"എന്ത്....?" നിഹ ഞെട്ടി അവളെ നോക്കിയതും നിറഞ്ഞ മിഴികൾ തുടച്ച് മറിയു പറഞ്ഞു തുടങ്ങി... "സുഹറ.... അതായിരുന്നു എന്റെ ഇത്താന്റെ പേര്.. പാച്ചുക്കാക്ക് ശേഷം ജനിച്ച കുട്ടി.... എനിക്കും ഇച്ചുക്കാക്കും ഇത്തയും പാച്ചുക്കാക്ക് അനിയത്തിയും.. സന്തോഷത്തോടെ ഓരോ ദിവസവും പോയിക്കൊണ്ടിരിക്കുമ്പോഴാണ് ഇത്താടെ കല്യാണം ഉറപ്പിച്ചത്.. അന്ന് ഞാൻ ഒമ്പതിലായിരുന്നു... കല്യാണത്തലേന്ന് വരെ ഞങ്ങടെ കൂടെ ആടിക്കളിച്ചിരുന്ന ഇത്താനെ രാവിലെ എഴുന്നേറ്റപ്പോൾ കാണാനില്ല.. പിന്നെ ആരൊക്കെയോ പറഞ്ഞറിഞ്ഞു... ആരുടെയോ കൂടെ ഒളിച്ചോടിയത് ആണെന്ന്... അതും കല്യാണത്തിൻ വേണ്ടി ഉപ്പ ഉണ്ടാക്കി വെച്ച സ്വർണ്ണം കൊണ്ടായിരുന്നു പോയത്... അന്ന് എല്ലാവർക്ക് മുന്നിലും ഞങ്ങൾ നാണം കെട്ടു... ഇത്ത കാരണം... അന്ന് ഞാൻ എടുത്ത ഒരു തീരുമാനം ആയിരുന്നു കല്യാണം കഴിക്കുന്നവനെ അല്ലാതെ ഞാൻ പ്രേമിക്കില്ലെന്ന്.. എല്ലാ വീട്ടുകാരെ പോലെ ഉപ്പയും ഉമ്മയും ഞങ്ങളോട് പ്രേമിക്കരുതെന്ന് ഒരിക്കലും പറഞ്ഞിട്ടില്ല...

പക്ഷെ എന്നാലും ഇത്ത വരുത്തി വെച്ചത് പോലെ ഇനി ഞാനും ചെയ്യുമോ എന്നൊരു ഭയം.. അത് കൊണ്ട് മാത്രമാ ഞാനൊന്നും പറയാതെ ഇരുന്നത്... ഇവിടെ എല്ലാവരുടെ മനസ്സിലും ഇത്ത എന്നൊരാൾ ഇല്ല.... മരിച്ചു.... ആരും പരസ്പരം അതിനെ കുറിച്ച് സംസാരിക്കാറില്ല... എന്നാലും ഉമ്മ ഇടക്കിടെ ഇത്താടെ ഫോട്ടോ നോക്കി കരയുന്നത് ഞാൻ കാണാറില്ല... സ്വന്തം വീട്ടുകാരെ കണ്ണീരിലാഴ്ത്തി സ്വന്തം സുഖം തേടിപ്പോയ അവരെ ഈ വീട്ടിൽ ഏറ്റവും കൂടുതൽ വെറുക്കുന്നത് ഇച്ചുക്കയാണ്... നീ കണ്ടിട്ടില്ലേ... ഇടക്ക് ഇച്ചുക്ക നിയന്ത്രിക്കാൻ ആകാതെ ദേഷ്യപ്പെടുന്നത്.. അതൊക്കെ അന്നത്തെ സംഭവത്തിൻ ശേഷം തുടങ്ങിയതാ... " മറിയു പറഞ്ഞു നിർത്തുമ്പോൾ നിഹ ആകെ തരിച്ചിരുന്നു....ഉപ്പ.. ഉമ്മ... അപമാനത്തോടെ മറ്റുള്ളവർക്ക് മുന്നിൽ തല കുമ്പിട്ട് നിൽക്കുന്ന ചിത്രം മുന്നിൽ തെളിഞ്ഞതും കണ്ണുകൾ ഇറുകെ അടച്ചു... അടഞ്ഞ കണ്ണുകളിൽ നിന്നും കണ്ണീരൊഴുകി..... "ആഷിക്കാനെ എനിക്കിഷ്ടാ... പക്ഷെ അന്നത്തെ സംഭവം ഓർക്കുമ്പോ ഞാനും അത് പോലെ ആയിപ്പോകുമോ എന്നൊരു ഭയം... വീട്ടിൽ പറഞ്ഞിട്ട് അവരുടെ സമ്മതം കെട്ടിയിട്ട് ഇഷ്ടം പറഞ്ഞാലോ എന്ന് കരുതിയതാണ്..

പക്ഷെ എല്ലാം വൈകിപ്പോയി...." പറഞ്ഞു നിർത്തുമ്പോൾ അവളുടെ തൊണ്ട ഇടറിയിരുന്നു... നിഹയെ പെട്ടെന്ന് ഇറുകെ പിടിച്ചവൾ പൊട്ടിക്കരഞ്ഞു.... "പറ്റണില്ലെടി എനിക്ക്....ഒ... ഒരുപാട് ഇഷ്ടമാ... പ. പക്ഷെ... എന്നെപ്പോലൊരു കുട്ടി വേണ്ട...." എങ്ങനെയൊക്കെയോ പറഞ്ഞൊപ്പിച്ചവൾ നിർത്തുമ്പോൾ നിഹയുടെ കയ്യിലിരുന്ന ഫോണിലൂടെ മറ്റൊരാൾ ഇത് കേൾക്കുന്നത് അവളറിഞ്ഞിരുന്നില്ല....! ______ ബാൽക്കണിയിലെ തിണ്ടിൽ പുറത്തേക്ക് കാലിട്ടവൾ ഇരുന്നു... കണ്ണുകൾ നിറഞ്ഞൊഴുകുന്നുണ്ടെങ്കിലും അവളത് തുടച്ചു മാറ്റിയില്ല.... പെട്ടെന്ന് ആരോ പിറകിലൂടെ അകത്തേക്കവളെ വലിച്ചതും മറിയു ഞെട്ടി അലറാൻ തുടങ്ങി... പക്ഷെ അതിന് മുന്നേ വായിൽ കയ്യമർത്തിന്നതിനോടൊപ്പം ചുമരോട് ചേർത്ത് നിർത്തിയിരുന്നു.... മുന്നിൽ നോക്കിയതും കറുപ്പ് കവറിനാൽ മുഖം മറച്ച ഒരു രൂപത്തെ കണ്ട് അവളുടെ ഉള്ളിൽ ഭയം നിറഞ്ഞു... അയാളിൽ നിന്ന് കുതറി മാറാൻ ശ്രമിച്ചെങ്കിലും പറ്റുന്നില്ലെന്ന് കണ്ട് മുട്ടുകാൽ ഉയർത്തി അവൾ അയാളുടെ വയറിലേക്ക് കുത്തി.... "ആഹ്...." അലറിക്കൊണ്ട അയാൾ വയറിൽ കയ്യമർത്തി പിറകിലേക്ക് നീങ്ങിയതും മറിയു ആ കവർ മുഖത്ത് നിന്നും അഴിച്ചു മാറ്റി....

"ആഷിക്ക....!" മുന്നിൽ നിൽക്കുന്ന ആഷിയെ കണ്ട് അവൾ വാ പൊളിച്ചതും അവൻ വേദനയോടെ ഒന്നിളിച്ചു കാണിച്ചു.... പെട്ടെന്ന് മുറിയുടെ ഡോറിൽ കൊട്ടുന്ന ശബ്ദം കേട്ട് രണ്ട് പേരും ഞെട്ടി പരസ്പരം നോക്കി.... മറിയു വേഗം അകത്തേക്ക് നടന്ന് ബാൽക്കണിയുടെ വാതിൽ അടച്ചു... മുഖത്തെ വെപ്രാളം പുറത്ത് കാണിക്കാതെ അവൾ ചെന്ന് ഡോർ തുറന്നു.... മുന്നിൽ നിൽക്കുന്ന പാച്ചുവിനേയും ഇച്ചുവിനേയും കണ്ട് അവളൊന്ന് പരിഭ്രമിച്ചു.... "എന്താ... എന്താ മോളേ പറ്റിയേ..?" ഉള്ളിലേക്ക് നോക്കി പാച്ചു ചോദിക്കുന്നത് കേട്ട് അവൾ വെപ്രാളം പുറത്ത് കാണിക്കാതെ ചിരിച്ചു..... "അത് ഒന്നുല്ല ഇക്കാ... ഞാൻ ബാത്‌റൂമിൽ ഒരു പാറ്റയെ കണ്ട് അലറിയതാ..." "ഉറപ്പല്ലേ...?"അകത്തേക്ക് നോക്കി സംശയത്തോടെയുള്ള ഇച്ചുവിന്റെ ചോദ്യം കേട്ട് അവളൊന്ന് വിറച്ചു... "ആണ്..... നിങ്ങൾ പോയി കിടന്നോ.. ഒരു കുഴപ്പവും ഇല്ല...." വാതിൽ അടച്ചവൾ ഡോറിൽ ചാരി നെഞ്ചിൽ കൈ വെച്ചു....ശേഷം മെല്ലെ ബാൽക്കണിയിലേക്ക് നടന്നു... ഡോർ തുറന്ന് അങ്ങോട്ടിറങ്ങിയതും നിലത്ത് ഫോണിൽ തോണ്ടുന്ന ആഷിയെ കണ്ട് പല്ല് കടിച്ചു.... "നീയെന്തിനാടാ ഇപ്പോ ഇങ്ങോട്ട് വന്നത്..?😬"

മറിയുന്റെ ചോദ്യം കേട്ട് ആഷി ഫോണിൽ നിന്നും മുഖമുയർത്തി അവളെ നോക്കി... ശേഷം എഴുനേറ്റ് അവൾക്കടുത്തേക്ക് നടന്നു... അവന്റെ പെട്ടെന്നുള്ള വരവിൽ മറിയു പിറകോട്ട് കാൽ വെച്ചു... അവസാനം ചുമരിൽ തട്ടി നിന്നതും ഞെട്ടി തിരിഞ്ഞു നോക്കി.. ശേഷം മുന്നിൽ ഒരു നിശ്വാസത്തിൻ അപ്പുറം നിൽക്കുന്ന ആഷിയെ നോക്കി..... അവന്റെ മിഴികളിൽ നോട്ടം തങ്ങി നിന്നതും അവിടെ അലയടിക്കുന്ന പ്രണയം കാണെ ഉള്ളൊന്ന് വിറച്ചു.... കണ്ണുകൾ ഇറുകെ അടച്ച് മുഖം വെട്ടിച്ചവൾ അവനെ തള്ളിമാറ്റി.... "നീയെന്തിനാടാ ഇപ്പോ ഇങ്ങോട്ട് വന്നത്.... പാതിരാത്രി പെമ്പിള്ളേരുടെ വീടിന്റെ മതിൽ ചാടലാ പണി... ഞാൻ പറഞ്ഞതല്ലേ എനിക്കിഷ്ടം അല്ലെന്ന്.. പിന്നെ എന്തിനാ പിറകെ നടക്കുന്നത്..." അവനെ തുറിച്ചു നോക്കി മറിയു പറഞ്ഞതും ആഷി ഒന്ന് പുച്ഛിച്ചു ചിരിച്ചു കൊണ്ട് ഫോണിലെന്തോ എടുത്ത് അവൾക്ക് നേരേ നീട്ടി.... ഇൻസ്റ്റായിൽ താൻ കണ്ട അതേ ഫോട്ടോ...! "ഇത് കണ്ടോ... ഇത് ഞാൻ കെട്ടാൻ പോകുന്ന പെണ്ണ്....ഹൈറ....

ഇവൾക്ക് എന്നോട് ഇഷ്ടമുണ്ടെന്നുള്ള കാര്യം അറിയാൻ ഞാൻ വൈകിപ്പോയി.. നമ്മളെ സ്നേഹിക്കുന്നവരെ അല്ലേ നമ്മളും സ്നേഹിക്കേണ്ടത്... അത് കൊണ്ട് ഞാനാ വീട്ടിൽ ഈ കല്യാണം നടത്താൻ പറഞ്ഞത്.... ഇവളുടെ സ്നേഹം കൊണ്ട് നിന്നെ മനസ്സിൽ നിന്നും ഒഴിവാക്കാൻ എനിക്ക് പറ്റി... ഞാനിവിടെ വന്നത് ഇഷ്ടം പറയാൻ അല്ല..... നാളെ എന്റെ എൻഗേജ്മെന്റാ... എനിക്ക് നിന്നെ ഇഷ്ടം ഉണ്ടായിരുന്ന കാര്യം ആർക്കും അറിയില്ല... ഇനി നീയായിട്ട് ആരോടും പറയരുത്... പറഞ്ഞാൽ എന്റെ ജീവിതം തകരും.. ഒരുപാട് സ്വപ്നവും കണ്ടിട്ടാണ് അവളെന്റെ ജീവിതത്തിലേക്ക് വരുന്നത്... അതിനെ വിഷമിപ്പിക്കരുത്...." അത്രയും പറഞ്ഞവൻ നിർത്തുമ്പോൾ മറിയുന്റെ കണ്ണ് നിറഞ്ഞിരുന്നു... അവൻ കാണാതിരിക്കാൻ വേണ്ടി മിഴികൾ താഴ്ത്തിയവൾ കണ്ണ് തുടച്ചു...ശേഷം അവനെ നോക്കി പുഞ്ചിരിച്ചു.... "അതിനെ കുറിച്ചോർത്ത് ആഷിക്ക പേടിക്കണ്ട.... ഞാൻ... ഞാനായിട്ട് ഒരിക്കലും ഒന്നും പറയില്ല... പിന്നെ എനിക്കിഷ്ടം ഒ.. ഒന്നും ഉണ്ടായിട്ടല്ലല്ലോ.

അപ്പോ പിന്നെന്തിന് ഞാൻ പറയണം..." അത്രയും പറഞ്ഞവൾ നിർത്തുമ്പോൾ അവന്റെ മിഴികൾ അവളിൽ തന്നെ കുരുങ്ങി നിന്നു..... "ആഷിക്ക പൊക്കോ... ആരേലും വന്നാൽ തെറ്റിദ്ധരിക്കും..." ചുറ്റും നോക്കി അവന്റെ കൈ പിടിച്ചവൾ പറഞ്ഞതും പെട്ടെന്ന് ആഷി അവളുടെ കയ്യിൽ പിടിച്ച് ചുമരോട് ചേർത്ത് കഴുത്തിൽ മുഖമമർത്തി കടിച്ചു.... *** "നിന്റെ കഴുത്തിലെന്താ മറിയു...?" തറവാട്ടിലേക്ക് പോകും വഴിയാണ് മറിയൂന്റെ കഴുത്ത് നിഹ ശ്രദ്ധിച്ചത്.. ചോദ്യം കുറച്ച് ഉച്ചത്തിലായത് കൊണ്ട് തന്നെ എല്ലാവരുടെ നോട്ടവും അവളിലെത്തി... മറിയു എന്ത് പറയണം എന്നറിയാതെ പരിഭ്രമിച്ചു.... "അ... അത് പിന്നെ... എനിക്ക് തന്നെ അറിയില്ല... രാവിലെ എഴുന്നേറ്റപ്പോ ഇങ്ങനെ തന്നെ ആയിരുന്നു..." "ഉറക്കത്തിൽ വല്ലതും കടിച്ചത് ആവും.." ഉമ്മ പറഞ്ഞത് കേട്ട് എല്ലാവരും അത് ശെരിവെച്ച് നോട്ടം തിരിച്ചതും മറിയു ഒന്ന് നിശ്വസിച്ചു കൊണ്ട് പുറത്തേക്ക് നോക്കി.... ഇന്നലെ നടന്ന സംഭവങ്ങളൊക്കെ അവളുടെ മുന്നിൽ തെളിഞ്ഞതും ഒന്ന് തല കുടഞ്ഞു.... "ഇഷ്ടമല്ലെങ്കിൽ പിന്നെന്തിനാ എന്നെ കടിച്ചത്.... തെണ്ടി..." പല്ല് കടിച്ചവൾ നിറയാൻ വെമ്പുന്ന കണ്ണീരിനെ തുടച്ചു മാറ്റി.... തറവാട്ടിൽ എത്തിയതും അവരെ കാത്തെന്ന പോലെ പുറത്ത് എല്ലാവരും നിൽപുണ്ടായിരുന്നു... വണ്ടിയിൽ നിന്നിറങ്ങിയ മറിയുന്റെ നോട്ടം ആഷിയിൽ എത്തിയതും മിഴികളിൽ ദേഷ്യം നിറഞ്ഞു...............തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...