Love for Unexpected💜: ഭാഗം 8

രചന: Ansiya shery

"മോളതൊന്നും കാര്യമാക്കണ്ട.. വാ മരുന്ന് തേച്ച് തരാം.. നല്ല വേദനയുണ്ടാകും" "ഹേയ്.. വേണ്ട ആന്റി... എനിക്ക് കുഴപ്പമൊന്നുമില്ല" എന്തോ അപ്പൊ അങ്ങനെ പറയാനാണ് അവൾക്ക് തോന്നിയത്... എല്ലാവരും ഓരോ ഇടത്തേക്ക് പോയതും നിഹ വേഗം മുകളിലേക്ക് നടന്നു... ഇച്ചുവിന്റെ റൂമിന് മുന്നിൽ എത്തിയതും ഒന്ന് നീട്ടി ശ്വാസം വിട്ടു കൊണ്ട് ചാരി വെച്ച ഡോർ മുഴുവനായി തുറന്ന് അകത്തേക്ക് നോക്കി.. ബെഡ്‌ഡിൽ ഇരുന്ന് തോളിൽ കയ്യെത്തിച്ച് മരുന്ന് തേക്കുന്നവനെ കണ്ടപ്പോൾ എന്തോ പാവം തോന്നി അവൾക്ക്.. അകത്തേക്ക് കയറി അവന്റെ അടുത്തേക്ക് ചെന്നതും അവളെ കണ്ട് അവനൊന്ന് ഞെട്ടി...പിന്നെ പല്ല് കടിച്ചു... "നിനക്കെന്താടി ഇവിടെ കാര്യം" "നല്ലോണം മുറിവായല്ലേ?☹️" അവന്റെ ചോദ്യത്തിന് മറുപടി കൊടുക്കാതെ മറുചോദ്യം ചോദിച്ചത് കേട്ട് സംശയത്തോടെ അവൻ നിഹയെ നോക്കി.. "പട്ടിയല്ലേ കടിച്ചത്... അപ്പൊ ഇങ്ങനെ മുറിവായില്ലെങ്കിലാ അത്ഭുതം..ഇപ്പൊ ഞാനാലോചിക്കുന്നത് ഇനി വല്ല ടീട്ടിയും എടുക്കേണ്ടി വരുമോ എന്നാ.. പേ പിടിച്ചതല്ലായിരുന്നോ കടിച്ചത്" പരിഹാസരൂപേണ അവൻ പറഞ്ഞതും അത്രയും നേരം മുഖത്തുണ്ടായിരുന്ന കുറ്റബോധം മാറി അവളിൽ ദേഷ്യം നിറഞ്ഞു...

അവന്റെ കയ്യിലിരുന്ന പഞ്ഞി പിടിച്ചു വാങ്ങി തോളിൽ ഒറ്റ അമർത്തൽ അമർത്തി...! ഇരുന്നിടത്ത് നിന്നും ചാടി എഴുനേറ്റ് അവൻ അലറിയതും അവൾ വേഗം പുറത്തേക്ക് ഓടി... നേരെ ചെന്നു പെട്ടത് മറിയുന്റെയും റഷയുടേയും മുന്നിൽ...! കിതച്ചുള്ള അവളുടെ ഓട്ടം രണ്ട് പേരും സംശയിച്ചു... "നീ എന്താടീ ഓട്ടമത്സരം കളിക്കുവാണോ?" "ആ.. ആഹ്... അതേ..എനിക്ക് എങ്ങനെയെങ്കിലും ഫസ്റ്റ് മേടിക്കണം" അവരെ മറികടന്ന് പടി ഇറങ്ങി ഓടുന്നതിനിടെ അവൾ വിളിച്ചു പറഞ്ഞതും അവളുടെ ഓട്ടം കണ്ട് തിരിഞ്ഞു നോക്കിയതും ദേഷ്യത്തിൽ നിൽക്കുന്ന ഇച്ചുവിനെയാണ് കണ്ടത്..! "അവളെവിടെ?"അവന്റെ ചോദ്യം കേട്ടതും ഒന്ന് ഞെട്ടിക്കൊണ്ട് രണ്ട് പേരും ഒരുമിച്ച് താഴേക്ക് വിരൽ ചൂണ്ടി... അത് കണ്ടതും കലിപ്പിൽ രണ്ടിനേയും മാറി മാറി നോക്കിയിട്ടവൻ തിരിഞ്ഞ് മുറിയിലേക്ക് നടന്ന് വാതിൽ വലിച്ചടച്ചു... മറിയുവും റഷയും പരസ്പരം ഒന്ന് നോക്കിയതിന് ശേഷം താഴേക്ക് ഓടി... നേരെ അടുക്കളയിലേക്ക് ചെന്നതും അവിടെ ഉമ്മാടേം അമ്മായിടേം മൂത്തമ്മാടേം അടുത്ത് എന്തൊക്കെയോ പറഞ്ഞ് ചിരിച്ച് സംസാരിക്കുന്ന നിഹയെയാണ് കണ്ടത്... "ഡീ....." മറിയുന്റെ അലർച്ച കേട്ടതും എല്ലാവരും ഞെട്ടി അവളെ നോക്കി.. "എന്തിനാടി അലറുന്നത്"

ഉമ്മാടെ ചോദ്യത്തിൻ മറുപടിയായി ഒന്നുമില്ലെന്ന് ചുമൽ കൂച്ചിക്കൊണ്ട് നിഹയെ വലിച്ച് പുറത്തേക്ക് നടന്നു..! "പറയടി... നീയെന്താ ഇച്ചുക്കാനെ ചെയ്തേ..?" അവളുടെ കൈ വിട്ട് മറിയു കണ്ണ് കൂർപ്പിച്ച് ചോദിച്ചതും നിഹയൊന്ന് ഇളിച്ച് കാണിച്ചിട്ട് നേരത്തെ നടന്നതെല്ലാം പറഞ്ഞു കൊടുത്തു..! "പടച്ചോനേ... എടി സാമദ്രോഹി..ഇച്ചുക്കാനെ ഇങ്ങനെ ദ്രോഹിക്കാൻ മാത്രം ആ പാവം നിന്നെ എന്താടി ചെയ്തത്" "എന്താ ചെയ്തതെന്നോ...ഒരു കുഴപ്പവും ഇല്ലാതിരുന്ന എന്നോടാ അവൻ ആദ്യം ഈ ശത്രുത തുടങ്ങിയത്... പറഞ്ഞു കൊടുക്ക്" മുഖം വീർപ്പിച്ച് അതും പറഞ്ഞ് അവൾ ചവിട്ടിത്തുള്ളി അകത്തേക്ക് കയറിപ്പോയതും റഷ വായും പൊളിച്ച് മറിയൂനെ നോക്കി... "ശെരിയാടി.. ഇക്ക തന്നെയാ ഇത് തുടങ്ങി വെച്ചത്... ഞാൻ ഇവർക്ക് അവളെ പരിചയപ്പെടുത്തി കൊടുക്കാൻ വേണ്ടി ഒരിക്കൽ ഫോൺ വിളിച്ചപ്പോൾ ഇച്ചുക്ക വെറുതെ അവളോട് ദേഷ്യപ്പെട്ടു...ഓൺലൈൻ ഫ്രണ്ട്ഷിപ്പിനെ കുറിച്ചും അവളെ കുറിച്ചും ഒക്കെ എന്തൊക്കെയോ പറഞ്ഞപ്പോ അവൾക്കും ദേഷ്യം വന്ന് തിരിച്ച് പറഞ്ഞു... അതിൽ പിന്നെ ഇങ്ങനെയാ" നീട്ടി ശ്വാസം വലിച്ചു വിട്ട് മറിയു പറഞ്ഞതും റഷ താടിക്ക് കൈ കൊടുത്തു നിന്നു... ---- ഇന്നാണ് പാച്ചുക്കാന്റെ കല്യാണം...

എല്ലാവരുടെയും നിർബന്ധ പ്രകാരം ഇന്നലെ തന്നെ ഒരു ഡ്രസ്സ്‌ എടുത്തു... എടുക്കാൻ തന്നെ ഒന്നാമത് കാരണം എന്റെ കയ്യിൽ ഉള്ളതെല്ലാം ചെറുതായി നിറം മങ്ങിയതാണ്..! കല്യാണം ഓഡിറ്റോറിയത്തിൽ വെച്ചാണ്...നേരത്തെ തന്നെ റെഡിയായി ഞങ്ങളെല്ലാം അങ്ങോട്ട് പുറപ്പെട്ടു... നിക്കാഹ് മുന്നേ കഴിഞ്ഞതാണ്.. പാച്ചുക്കാടെ പെണ്ണിന്റെ പേര് ഷഹല...ഫോട്ടോ മറിയു കാണിച്ച് തന്നിരുന്നു... കല്യാണത്തിന് വന്നവരിൽ മിക്കവരും എന്നെക്കുറിച്ചാണ് ചോദിക്കുന്നത്.. ഞാനാരാണ്.. വീടെവിടെയാണ്... അങ്ങനെ തുടങ്ങി ഓരോന്ന്...എല്ലാം അറിയണം പലർക്കും.. "നിഹു.. വാ നമുക്ക് ഫുഡ്‌ കഴിക്കാം"റഷയുടെ കൂടെ ഇരുന്ന് സംസാരിക്കുമ്പോഴാണ് മറിയു വന്നത് പറഞ്ഞത്... "ഇപ്പൊ തന്നെയോ?" "കുറച്ച് കഴിഞ്ഞാൽ ആളുകളെ കൊണ്ട് ഒരു തിരക്കായിരിക്കും.. ആദ്യം തന്നെ കയറിയാൽ അച്ചാറും ഉള്ളിയും ഒക്കെ കുറച്ച് കൂടുതൽ കിട്ടും😁" കേട്ടതും അവൾ പെട്ടെന്ന് തന്നെ ഇരുന്നിടത്ത് നിന്നും എഴുന്നേറ്റു... "എങ്കിൽ വാ..പോകാം" മൂന്ന് പേരും കൂടെ ഫുഡ്‌ കഴിക്കുന്നിടത്തേക്ക് ചെന്ന് വേഗം തന്നെ ഒരു ടേബിളിന്റെ അടുത്തുള്ള ചെയറുകളിലിരുന്നു... ഒരു പയ്യൻ വന്ന് ബിരിയാണി പാത്രം ടേബിളിന്റെ നടുവിൽ വെച്ചതും നിഹ അപ്പൊ തന്നെ ഫുഡ്‌ പ്ളേറ്റിലേക്ക് വിളമ്പാൻ തുടങ്ങി..

"തെണ്ടി ആദ്യം എടുത്തു... എനിക്ക് ഒരു പീസ് എങ്കിലും വെക്കെടി😟" മറിയു ദയനീയമായി പറഞ്ഞതും അവൾ കൊഞ്ഞനം കുത്തിക്കൊണ്ട് ഫുഡ്‌ കഴിക്കാൻ തുടങ്ങി... "വലിയ കഷ്ണം ഇവളെടുത്തോണ്ട് പോയി..എനിക്ക് ചെറിയതൊള്ളു🙂" റഷയെ നോക്കി വിഷമത്തോടെ പറഞ്ഞു കൊണ്ട് അവൾ ചിക്കന്റെ കാൽ കടിച്ചു തിന്നുന്ന നിഹയെ നോക്കി പല്ല് കടിച്ചു.... പിന്നെ തിരിഞ്ഞു നോക്കി... കുറച്ച് പിറകിലായി ആരോടോ സംസാരിച്ചു നിൽക്കുന്ന ഇച്ചുവിനെ കണ്ടതും അവളുടെ കണ്ണുകൾ വിടർന്നു... "ഇച്ചുക്കാ" ഉച്ചത്തിൽ വിളിച്ചതും എല്ലാവരുടേയും ശ്രദ്ധ അവൾക്ക് നേരെയായി... ഫുഡിൽ മാത്രം ശ്രദ്ധ കൊടുത്തിരിക്കുവായിരുന്ന നിഹക്ക് അവളുടെ അലർച്ച കേട്ട് തരിപ്പിൽ പോയി... വേഗം വെള്ളം എടുത്തു കുടിച്ചു കൊണ്ട് മറിയുനെ നോക്കി അവൾ കണ്ണുരുട്ടി..! 🌸🌸🌸🌸 എന്തോ കാര്യത്തിന് ഉമ്മ വിളിച്ചപ്പോൾ അങ്ങോട്ടേക്കും ചെന്നതും ഏതോ ഒരു ആന്റി പിടിച്ച് വെച്ച് എന്തൊക്കെയോ ചോദിക്കാൻ തുടങ്ങി... അവർക്കുള്ള മറുപടി കൊടുത്തു കൊണ്ടിരിക്കുമ്പോഴാണ് പെട്ടെന്ന് മറിയുന്റെ ഇച്ചുക്കാ എന്നുള്ള വിളി കേട്ടത്.. ഞെട്ടലോടെ മുന്നോട്ട് നോക്കിയതും കുറച്ച് മുമ്പിലായി ഉള്ള ടേബിളിന്റെ അരികിൽ ചെയറിൽ ഇരിക്കുന്നത് കണ്ടു...

ഇവളിപ്പോ തന്നെ ഫുഡ്‌ കഴിക്കാൻ ഇരുന്നോ..! എല്ലാവരുടേയും ശ്രദ്ധ അവളിലാണെന്ന് അപ്പോഴാണ് എനിക്ക് മനസ്സിലായത്.. അമ്മാതിരി അലർച്ച അല്ലായിരുന്നോ.. ഇത്രയും നേരം എന്നോട് നിർത്താതെ സംസാരിച്ചു കൊണ്ടിരിക്കുവായിരുന്ന ആ ആന്റി പോലും സംസാരം നിർത്തി അവളെ നോക്കി നിൽക്കാണ്... അവരോടൊന്നും പറയാതെ ഞാൻ വേഗം അവളുടെ അടുത്തേക്ക് ചെന്നു.. അപ്പോഴാണ് അവിടെ ഇരിക്കുന്ന റഷയേയും ആ കുരങ്ങത്തിയേയും കണ്ടത്..! അപ്പൊ മൂന്നും കൂടെ ആദ്യം തന്നെ ചാടി കഴിക്കാൻ വന്നതാണ്..😬 "ഇച്ചുക്കാ" മറിയുന്റെ വിളി കേട്ടതും ആ കുരങ്ങത്തി പെട്ടെന്ന് ഫുഡിൽ നിന്ന് തല ഉയർത്തി നോക്കി.. ഞാനാണെന്ന് കണ്ടതും പുച്ഛിച്ചു കൊണ്ട് വീണ്ടും തല താഴ്ത്തി.. "എന്താടി ഇത് വീടല്ല ഒരു ഓഡിറ്റോറിയം ആണെന്നുള്ള ബോധം ഇല്ലേ നിനക്ക്..? എന്തൊരു ശബ്ദമാണ്.." മറിയുനോട് ഞാൻ ചൂടായതും അവൾ പെട്ടെന്ന് ചുറ്റും നോക്കിയതിന് ശേഷം എന്നെ നോക്കി... "സോറി... ഞാൻ പെട്ടെന്ന് ഇക്കാനെ കണ്ടപ്പോൾ വിളിച്ച് പോയതാ" തല താഴ്ത്തി അവൾ പറഞ്ഞതും എനിക്കെന്തോ വിഷമമായി.. "സാരമില്ല.. നീ എന്തിനാ വിളിച്ചത് പറ" ദേഷ്യം കുറച്ച് സൗമ്യമായി പറഞ്ഞതും അവൾ പെട്ടെന്ന് മുഖം ഉയർത്തി എന്നെ കണ്ണ് വിടർത്തി നോക്കി..

"അത് പിന്നെ എനിക്ക് കുറച്ച് ചിക്കൻ പീസ് കൊണ്ട് വന്ന് തരോ.. ഉണ്ടായിരുന്നതെല്ലാം ഈ കുരിപ്പ് എടുത്ത് കഴിച്ചു..ഇനി ഉള്ളതൊക്കെ ചെറിയതാ" നിഹക്ക് നേരെ വിരൽ ചൂണ്ടി അവൾ പറഞ്ഞതും ദേഷ്യം ഏതിലൂടെ ഒക്കെയാ വന്നതെന്ന് അറിയില്ല... "നിനക്കൊക്കെ.....എന്നെകൊണ്ട് ഒന്നും പറയിപ്പിക്കണ്ട.. അവളുടെ ഒരു ചിക്കൻ പീസ്" പല്ല് കടിച്ചു കൊണ്ട് മൂന്നിനേം തറപ്പിച്ച് നോക്കി ഞാൻ വേഗം അവിടുന്ന് പോന്നു.. അല്ലേൽ പിന്നെ എന്താ വിളിച്ചു പറയാന്ന് എനിക്ക് പോലും പിടിത്തം കിട്ടില്ല...! 💜💜💜💜 ഫോട്ടോയിലുള്ളതിനേക്കാൾ ഭംഗിയുണ്ടായിരുന്നു ഷാലുത്താനെ നേരിൽ കണ്ടപ്പോൾ... ഇറങ്ങാൻ നേരം വീട്ടുകാരെയെല്ലാം കെട്ടിപ്പിടിച്ച് കരയുന്നത് കണ്ടപ്പോൾ ഉള്ളിലെന്തോ ഒരു പിടച്ചിൽ അനുഭവപ്പെട്ടു... വീട്ടിലെത്തിയതും ആന്റി തന്നെ കൈ പിടിച്ച് ഇത്താനെ അകത്തേക്ക് കയറ്റി.. പാവമാണ് ആൾ...പെട്ടെന്ന് തന്നെ ഞങ്ങളോട് കൂട്ടായി... രാത്രി ഒരു ഗ്ലാസിൽ പാലും കൊടുത്ത് ഷാലുത്താനെ പാച്ചുക്കാന്റെ റൂമിലേക്ക് ഞങ്ങൾ തള്ളി അയച്ചു... ശേഷം മുറിയിൽ ചെന്ന് ഞങ്ങൾ മൂന്ന് പേരും കെട്ടിപ്പിടിച്ച് കിടന്നു...! 🌸🌸🌸🌸 രാവിലെ എഴുനേറ്റ് താഴേക്കിറങ്ങിയതും സോഫയിലിരുന്ന് ഉറക്കം തൂങ്ങുന്ന ഇക്കാനെയാണ് കണ്ടത്...അടുത്ത് തന്നെ ഫോണിൽ നോക്കി ദിലുവും ഇരിപ്പുണ്ട്..

ലക്ഷണം കണ്ടിട്ട് ആൾ ഇന്നലെ ഉറങ്ങിയിട്ടില്ല എന്ന് തോന്നുന്നു... "ഇക്കാ" അടുത്തേക്ക് ചെന്ന് തോളിൽ പിടിച്ച് ഞാൻ വിളിച്ചതും പെട്ടെന്ന് ഞെട്ടലോടെ കണ്ണ് തുറന്നു കൊണ്ട് എന്നെ നോക്കി... "ഇത്രക്ക് ഉറക്കം വരുന്നുണ്ടെങ്കിൽ റൂമിൽ പോയി കിടന്നൂടെ?" "ഹേ.. വേണ്ടാ.. വേണ്ടാ..."പെട്ടെന്ന് എടുത്തടിച്ച പോലെ ഇക്ക ഉച്ചത്തിൽ പറഞ്ഞതും ഞാൻ ഞെട്ടി... "എന്ത് പറ്റി?" "ഇന്നലെ ആ മൂന്നെണ്ണവും കൂടെ റൂമിൽ അലാറം വെച്ചത്രേ.. അതും ഓരോരോ സമയത്ത്... അതോണ്ട് ഉറങ്ങാൻ പറ്റിയില്ല" എന്റെ ചോദ്യത്തിന് മറുപടി പറഞ്ഞത് ദിലുവായിരുന്നു... "മൂന്നിനേയും എന്റെ കയ്യിൽ കിട്ടട്ടെ.. കൊടുക്കുന്നുണ്ട് ഞാൻ.. ആശിച്ച് മോഹിച്ച എന്റെ ഫസ്റ്റ് നൈറ്റ്‌ കുളമാക്കി മൂന്നും.. ഓരോ അലാറം അടിക്കുമ്പോഴും ശബ്ദം കേട്ട് എന്റെ ഹാർട്ട് വരെ അടിച്ച് പോകാൻ നിന്നതാ🥲" അപ്പൊ തന്നെ സ്റ്റെപ്പിറങ്ങി വരുന്ന മൂന്നിനേയും കണ്ടതും ഞാൻ ഇക്കാക്ക് കാണിച്ചു കൊടുത്തു.. ഇക്ക അവർക്കടുത്തേക്ക് വേഗത്തിൽ പോകുന്നത് കണ്ടതും ഇനി എന്ത് നടക്കും എന്നറിയാനുള്ള ആകാംക്ഷയോടെ ദിലുവിന്റെ അടുത്ത് ഞാനിരുന്നു..! .....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...