Love for Unexpected💜: ഭാഗം 9

രചന: Ansiya shery

"പൊന്ന് മക്കളെ.. ദയവ് ചെയ്ത് ഇനി ആരോടും ഇങ്ങനെ ചെയ്യരുത്.. അപേക്ഷിക്കുവാ ഞാൻ" മൂന്നാൾക്കും മുന്നിൽ കൈ കൂപ്പി ദയനീയമായി പാച്ചു പറഞ്ഞതും ഇച്ചുവും ദിലുവും കണ്ണ് മിഴിച്ചിരുന്നു... "ഇതിനായിരുന്നോ ഇങ്ങേര് ഇത്രക്ക് ബിൽഡപ്പ് ഇട്ടത്😬" പല്ല് കടിച്ചു കൊണ്ട് ഇച്ചു എഴുന്നേറ്റ് പുറത്തേക്ക് പാഞ്ഞു... അവരുടെ അടുത്ത് നിന്നും ദിലുവിന്റെ അടുത്ത് പാച്ചു വന്നിരുന്നതും അവൻ പാച്ചുവിനെ പല്ല് കടിച്ച് നോക്കി... അതിനവൻ ഇളിച്ച് കാണിച്ചതും ദിലു കഷ്ടം എന്ന നിലക്ക് കൈ മലർത്തി... 🌸🌸🌸🌸 "ഒരു അടിയൊക്കെ പ്രതീക്ഷിച്ചാ ഇറങ്ങി വന്നത്.. പക്ഷെ പാച്ചുക്ക ഇങ്ങനെ പറയും എന്ന് പ്രതീക്ഷിച്ചില്ല" റഷ "അടി തന്നാൽ ഞാൻ തിരിച്ചും കൊടുക്കും..ആ അടിയും വാങ്ങി ഷാലുത്താന്റെ മുന്നിൽ പോയി നിൽക്കാൻ പറ്റാത്തത് കൊണ്ടായിരിക്കും അപേക്ഷിച്ചത്..." മറിയു പറഞ്ഞതും രണ്ടാളും അവളെ നോക്കി ചുണ്ട് കോട്ടിയിട്ട് അടുക്കളയിലേക്ക് ചെന്നു... "വന്ന അന്ന് തന്നെ മരുമോളെ കൊണ്ട് പണി എടുപ്പിക്കാൻ തുടങ്ങിയോ അമ്മായീ..?" തേങ്ങ ചിരവിക്കൊണ്ടിരിക്കുന്ന ഷാലുവിനെ നോക്കി റഷ ചോദിച്ചതും മറിയുന്റെ ഉമ്മ അവളെ നോക്കി... "ഞാനെത്ര തവണ പറഞ്ഞതാ ഒന്നും ചെയ്യേണ്ടെന്ന്.. എന്നിട്ട് കേക്കണ്ടേ ഇവൾ" ഷാലുവിനെ തറപ്പിച്ച് നോക്കി അവർ പറഞ്ഞതും അവളവർക്കൊന്ന് ഇളിച്ചു കൊടുത്തു....

"ദാ ഇവളെ വിളിച്ച് കൊണ്ട് പൊക്കോ നിങ്ങൾ... ഇവിടെ നിന്നാൽ പിന്നെ പണി എടുക്കാതിരിക്കില്ല" അവളുടെ കയ്യിൽ നിന്നും തേങ്ങ പിടിച്ചു വാങ്ങി സ്ലാബിൽ വെച്ചു കൊണ്ട് ഉമ്മ പറഞ്ഞതും നിഹ അവളുടെ കൈ പിടിച്ച് അകത്തേക്ക് നടന്നു...! അവരുടെ പോക്ക് നോക്കി തിരിഞ്ഞതും അവിടെ നിൽക്കുന്ന അമ്മായിയേയും മൂത്തമ്മയേയും കണ്ട് അവർ ഒന്ന് പുഞ്ചിരിച്ചു... ടെറസിലേക്കായിരുന്നു ഷാലുവിനേയും കൂട്ടി മൂന്ന് പേരും ചെന്നത്.... "ഷാലുത്ത പറ... പാച്ചുക്കാനെ ആദ്യം കണ്ടപ്പോ നിങ്ങക്ക് എന്താ തോന്നിയേ" നിഹയുടെ ചോദ്യം കേട്ടതും ഷാലു അവളെ നോക്കി... "അങ്ങനെ ചോദിച്ചാ പെണ്ണ് കാണാൻ വന്നപ്പോ തന്നെ എനിക്കിഷ്ടായി.. ആ ചിരി വേറെ ലെവൽ തന്നെയാ" മുഖം പൊത്തി അവൾ പറഞ്ഞത് കേട്ട് മൂന്ന് പേരും ചിരിച്ചു... "ഇന്നലത്തെ ഗിഫ്റ്റ് എങ്ങനെയുണ്ടായിരുന്നു..?" മറിയു "എന്ത് ഗിഫ്റ്റ്..?" "അലാറം..😁" "അപ്പൊ നിന്റെ പണി ആയിരുന്നോ അത്" "എന്റെ മാത്രമല്ല...ഞങ്ങടെ മൂന്ന് പേരുടേയും കൂടി പണിയാ.."നിഹയേയും റഷയേയും ചൂണ്ടി അവൾ പറഞ്ഞതും രണ്ട് പേരും അവൾക്ക് ഇളിച്ച് കൊടുത്തു...!

"ഇന്നലെ ഇക്ക പറഞ്ഞിരുന്നു നിങ്ങടെ പണി ആയിരിക്കും എന്ന്.. പക്ഷെ അപ്പൊ ഞാൻ വിശ്വസിച്ചില്ല... ഇപ്പൊ നിങ്ങൾ തന്നെ പറഞ്ഞപ്പോൾ...എന്തായാലും താങ്ക്‌സ്"ഇളിച്ചു കൊണ്ടവൾ പറഞ്ഞതും മൂന്ന് പേരും കണ്ണ് മിഴിച്ചു... "എന്തിന്..?" "അത് പിന്നെ ഇന്നലെ ഇക്ക അലാറം തപ്പിയെടുക്കുവായോണ്ട് ഞാൻ രക്ഷപ്പെട്ടു.." "അതാണ് ഞങ്ങൾ..😎" മൂന്ന് പേരും ടോപ്പിന്റെ അറ്റം പിടിച്ച് ഗമയിൽ നിന്നതും ഷാലു അവരെ നോക്കി ഒന്ന് ആക്കിച്ചിരിച്ചു... 💜💜💜💜 ബാഗുമെടുത്ത് താഴേക്കിറങ്ങി ചെന്ന നിഹയെ കണ്ട് ഹാളിലുണ്ടായിരുന്നവരുടെയെല്ലാം മുഖം മങ്ങി...! "മോൾക്ക് ഇന്ന് തന്നെ പോണോ?" വിഷമത്തോടെ ഉമ്മ ചോദിച്ചതും അവളൊന്ന് പുഞ്ചിരിച്ചു... "പോണം ആന്റി... കല്യാണം കഴിഞ്ഞില്ലേ...ഇനിയിപ്പോ പോവാലോ.. എന്നേലും കാണാം" ആരുടേയും മുഖത്ത് അത്ര തെളിച്ചം ഉണ്ടായിരുന്നില്ല.. എല്ലാവരുടേയും ഉള്ളിൽ അവൾക്ക് വേഗത്തിൽ തന്നെ ഒരു സ്ഥാനം നേടിയെടുക്കാൻ കഴിഞ്ഞിരുന്നു എന്നത് തന്നെ കാരണം..! ഓരോരുത്തരോടായി യാത്ര പറഞ്ഞ് അവൾ മറിയുന്റെ അടുത്തേക്ക് ചെന്നു... "മറിയു.. ഞാൻ.. പോവാ..."അവളുടെ കയ്യിലേക്ക് കൈ ചേർക്കാൻ തുനിഞ്ഞതും ആ കൈ തട്ടിമാറ്റിക്കൊണ്ട് മറിയു അവിടെ നിന്നും മാറി ഇരുന്നു...

ശേഷം റിമോർട്ട് എടുത്ത് ടീവി ഓൺ ചെയ്തു..! ഒന്ന് നിശ്വസിച്ചു കൊണ്ട് നിഹ ഇച്ചുവിന്റെ മുന്നിലേക്ക് ചെന്നതും അവൻ മുഖം തിരിച്ചു... "ഡാ കൊരങ്ങാ..." "എന്താടി..." കണ്ണ് കൂർപ്പിച്ചവൻ ചോദിച്ചു... "നിന്റെ കെട്ട്യോൾ... എന്തൊരു ജാഡയാ" "എന്റെ കെട്ട്യോളെ പറഞ്ഞാൽ ഉണ്ടല്ലോ" "നൊന്തല്ലേ... ഞാനിനിയും പറയും... നിന്റെ കെട്ട്യോൾ... കെട്ട്യോൾ" കൊഞ്ഞനം കുത്തിക്കൊണ്ട് അവന്റെ അരികിൽ നിന്നും പെട്ടെന്ന് മാറി നിന്ന് പുറത്തേക്ക് നടക്കാൻ തുനിഞ്ഞതും പെട്ടെന്ന് എന്തോ കേട്ട പോലെ അവളുടെ കാലുകൾ നിശ്ചലമായി... കയ്യിൽ നിന്നും ബാഗ് നിലത്തേക്ക് വീണു..! ഞെട്ടലോടെ തിരിഞ്ഞ് ശബ്ദം കേട്ട ഇടത്തേക്ക് നോക്കിയതും ടീവിയിൽ കാണുന്ന തന്റെ ഫോട്ടോ കണ്ട് അവൾക്ക് തലകറങ്ങുന്ന പോലെ തോന്നി... എല്ലാവരുടേയും നോട്ടം ടീവിയിലേക്കും അവളിലേക്കും ആണെന്ന് കണ്ടതും അവളുടെ കണ്ണുകൾ നിറഞ്ഞു... തീർന്നു... എല്ലാം തീർന്നു...ആര് ഒന്നും അറിയരുതെന്ന് വിചാരിച്ചോ.. അവർ തന്നെ എല്ലാം അറിഞ്ഞിരിക്കുന്നു... ഇനി ഒരു രക്ഷ തനിക്ക് ലഭിക്കുമോ..? .....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...