🔥My Dear Rowdy🔥: ഭാഗം 55

രചന: അർച്ചന

ഓരോരുത്തരും അവരവരുടെ ജോലിയിൽ മുഴുകിയപ്പോൾ പുറത്ത് ഇതൊക്കെ കണ്ടു ചുണ്ടിലൂറിയ പുച്ഛച്ചിരിയുമായി ഒരാൾ നിൽപ്പുണ്ടായിരുന്നു..... °°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°° """എല്ലാം പാക്ക് ചെയ്തില്ലേ... നമുക്ക് ഇറങ്ങാം.... """ ആദി ചോദിച്ചതും ചെപ്പു തലയാട്ടി... ""കാർത്തു എവിടെ... "" ആഷി ചോദിക്കുന്നത് കേട്ടപ്പോൾ ആണ് അവളെ കുറിച്ച് ഓർമ വന്നത്... """"ഉഫ് ഓര്മിപ്പിക്കല്ലേ ആ കുരിപ്പിനെ... ഒരുവിധം ആണ് ഞാൻ അവളുടെ കയ്യിൽ നിന്നും രക്ഷപ്പെട്ടത്.... അപ്പൊ തന്നെ അടുത്ത് ഉണ്ടായ ദിനുന്റെ പുറകെ ആയി.... അവൻ ചെവിയും പൊത്തി പിടിച്ചു പുറത്തേക്ക് ഓടുന്നത് കണ്ടു..... അവന്റെ ചോര ഊറ്റുന്നുണ്ടാകും.... """"" ആദി പറയുന്നത് കേട്ട് ആഷിയും ചെപ്പുവും ചിരിച്ചു... ദിനുന്റേം കാർത്തുന്റേം കൂടെ ഡ്രസ്സ്‌ എല്ലാം പാക് ചെയ്ത് ഹാളിലേക്ക് ഇറങ്ങി.... """ഡാ... ആ ചെക്കൻ ജീവനോടെ ഉണ്ടോന്ന് നോക്കീട്ട് വാ... """

ആദി നെടുവീർപ്പ് ഇട്ടു കൊണ്ട് പറയുന്നത് കേട്ട് ആഷി ചിരിച്ചു കൊണ്ട് പുറത്തേക്ക് ഇറങ്ങി... ചുറ്റും നോക്കിയിട്ടും അവരെ രണ്ടു പേരെയും കാണാൻ കഴിഞ്ഞില്ല.... ചെറിയ ടെൻഷനോടെ അവൻ അകത്തേക്ക് തന്നെ കയറി.. ""'ആദി... അവരെ ഇവിടെ ഒന്നും കാണുന്നില്ല.... """ ""എന്ത്.... "" ആദി മുഖം ചുളിച്ചു കൊണ്ട് ചോദിച്ചതും ആഷി അകത്തു കയറി ഓരോ റൂമിലും ആയി അവരെ അന്വേഷിച്ചു എങ്കിലും നിരാശ ആയിരുന്നു ഫലം... """"ചെപ്പു.... """ ആദി വിളിച്ചതും അവൻ റൂമിൽ നിന്നും വന്നു.. ആഷി അവനോട് കാര്യം പറഞ്ഞു... രണ്ടു പേരുടെയും ഫോണിലേക്ക് മാറി മാറി വിളിച്ചു..... റിങ് ചെയ്യുന്നുണ്ടെങ്കിലും ആരും ഫോൺ എടുത്തില്ല.... """റൂമിൽ ഒന്നും ഇല്ല.... പുറത്തേക്ക് നടക്കാൻ പോയത് ആയിരിക്കും... അവൾ അല്ലേ കൂടെ ഉള്ളത്.... """ ഉള്ളിലുള്ള ടെൻഷൻ പുറത്ത് കാണിക്കാതെ ചെപ്പു പലതും പറഞ്ഞു....

"""ഡാ.. ഒരു കാര്യം ചെയ്യാം... നീ ഇവിടെ നിന്നോ... ഞാനും ആദിയും കുറച്ചു മുന്നോട്ട് നടന്നു നോക്കിയിട്ട് വരാം...അവർ ഇങ്ങോട്ട് തന്നെ വന്നാൽ നീ ഞങ്ങളെ വിളിക്ക്... """ ആഷി പറഞ്ഞതും ചെപ്പു തലയാട്ടി സമ്മതം അറിയിച്ചു.... ഇരുട്ട് വ്യാപിക്കാൻ തുടങ്ങിയിരുന്നു.... മഞ്ഞു വീഴാൻ കൂടെ തുടങ്ങി.... സ്ട്രീറ്റ് ലൈറ്റിന്റെ അരണ്ട വെളിച്ചത്തിൽ അവർ അവരെ രണ്ടു പേരെയും തിരഞ്ഞു.... അപ്പോഴാണ് എസ്റ്റേറ്റിൽ ജോലിക്ക് നിൽക്കുന്ന സ്ത്രീ അവരുടെ വീട്ടിലേക്ക് പോകുന്നത് കണ്ടത്.... ""ചേച്ചി...കാർത്തുനെ കണ്ടിരുന്നോ...."" ആദി വിളിച്ചു ചോദിച്ചതും അവർ അവരുടെ അടുത്തേക്ക് വന്നു... ഒരാഴ്ച കൊണ്ട് തന്നെ അവർ അഞ്ച് പേരും അവർക്ക് പ്രിയപ്പെട്ടത് ആയിരുന്നു.. """എന്താ മോനേ... """ അവർ അടുത്തേക്ക് വന്നു കാര്യം തിരക്കി.... """കാർത്തു... അവളെ ഇവിടെ ഒന്നും കാണുന്നില്ല... """ ആദി ഒരുവിധം പറഞ്ഞതും അവർ ഒന്ന് ചിന്തിച്ചു.... """കാർത്തു മോളും ദിനുവും കൂടെ ഒരു കാറിൽ കയറി പോകുന്നത് കണ്ടിരുന്നു.... """" """കാറിലൊ... """ ആഷി ചോദിച്ചു... അവർ അതേയെന്ന് തലയാട്ടി... ""എന്താ മക്കളെ.. എന്തെങ്കിലും പ്രശ്നം ഉണ്ടോ.... """

അവരുടെ മുഖത്തെ പരിഭ്രാന്തി കണ്ടു അവർ അന്വേഷിച്ചു... """ഇല്ല ചേച്ചി... ഒന്നുല്ല... അവരെ ഫോൺ വിളിച്ചിട്ട് കിട്ടുന്നില്ല... അത് കൊണ്ട് ചോദിച്ചതാ.... """ ആദി പറഞ്ഞപ്പോൾ അവർ തലയാട്ടി... തിരിഞ്ഞു നടക്കാൻ തുടങ്ങിയ അവരെ ആഷി വിളിച്ചു... """ചേച്ചി.... ആ കാർ എങ്ങോട്ടാ പോയത് എന്ന് അറിയോ... അവർ എന്തെങ്കിലും സംസാരിച്ചിരുന്നോ.... """ """"അത് ദേ ആ ഭാഗത്തേക്ക് ആണ് പോയത്... അവിടെ ഒരു വല്യ കുന്ന് ആണ്.. പിന്നേ ഇവുടുത്തെ പോലെ ഒരു എസ്റ്റേറ്റും.... പക്ഷേ അതൊക്കെ പൊട്ടിപൊളിഞ്ഞു വീഴാറായി.... ആ കുന്നിന്റെ മുകളിൽ നിന്നാൽ നല്ല കാഴ്ച ആണ്...."""" അവർ ചൂണ്ടി കാണിച്ച വഴിയിലേക്ക് ആദിയും ആഷിയും നോക്കി... """ശെരി ചേച്ചി.... ആഹ്.. പിന്നെ.. ഞങ്ങൾ വീട്ടിലേക് ഇന്ന് തന്നെ പോകും... """ ആദി അവരോട് പറഞ്ഞതും അവർ ചിരിയോടെ യാത്ര പറഞ്ഞു പോയി... അപ്പൊ തന്നെ ആദിയും ആഷിയും നേരെ വീട്ടിലേക്ക് വിട്ടു...

. """ചെപ്പു.... """ ആഷി വിളിക്കുന്നത് കേട്ട് ചെപ്പു ഇറങ്ങി വന്നു.... ""പോയി ബാഗ് ഒക്കെ എടുത്തു വാ..."" ""അപ്പൊ കാർത്തുവും ദിനുവും... "" ചെപ്പു തിരിച്ചു ചോദിച്ചതും ആഷി കാര്യം പറഞ്ഞു... അപ്പൊ തന്നെ ചെപ്പു സമാധാനത്തോടെ റൂമിലേക്ക് നടന്നു... ""ആദി... നമ്മുടെ കാർ ഇവിടെ തന്നെ ഉണ്ട്... പിന്നെ ആരുടെ കാറിൽ ആയിരിക്കും അവർ പോയിട്ട് ഉണ്ടാവുക.... """ """ഞാനും അത് ചിന്തിച്ചു... എന്തായാലും അവിടെ അവർ ഉണ്ടോന്ന് നോക്കാം... എന്നിട്ട് അവരോട് തന്നെ ചോദിച്ചാൽ മതിയല്ലോ.... """ ""ഹ്മ്മ്... "" ചെപ്പു വന്നതും അവർ കാറിൽ കയറി ആ സ്ഥലത്തേക്ക് വണ്ടി എടുത്തു... ഇരുട്ട് കനത്തു.. തണുപ്പ് കൂടി വന്നു... ""ഡാ.... അങ്കിൾ വിളിക്കുന്നുണ്ട്.... "" ചെപ്പു പറയുന്നത് കേട്ട് ആദി വണ്ടി സൈഡ് ആക്കി... ""ഇങ് താ.... ഞാൻ പറയാം... """ അവൻ ഫോൺ വാങ്ങി.... ""ഹലോ ഡാഡി... "" "…………………" ""ഇല്ല.. ഞങ്ങൾ നാളെ അങ്ങോട്ട്‌ വരാം..."" ".………………" ""പ്ലീസ്... ഡാഡി...."

"……….………"" ""കാർത്തു.... കാർത്തു ഉറങ്ങി..."" ""………………"" ""ഹ്മ്മ്..."" കാൾ കട്ട്‌ ചെയ്തു അവൻ ഫോൺ ചെപ്പുന് കൊടുത്തു... """ഡാ... എന്തിനാ നാളെയെ വരുന്നുള്ളു എന്ന് പറഞ്ഞേ... """ ചെപ്പു ചോദിക്കുന്നത് കേട്ട് ആദി അവനെ നോക്കി...പിന്നെ ഒന്നും മിണ്ടാതെ വണ്ടി എടുത്തു... ഏറെ ദൂരം പോയതും വലിയൊരു കുന്നിൻ ചെരുവിൽ എത്തി... അതിന്റെ മുകളിൽ ഒരു ബംഗ്ലാവ് പോലത്തെ പൊട്ടിപൊളിഞ്ഞ കെട്ടിടം ഉണ്ട്.... """വാ... അവിടെ നോക്കാം... "" ആദി മുന്നിൽ നടന്നു.... ചെപ്പു ആഷിയുടെ കൂടെയും... ""ഡാ... ഇവിടെ ഒന്നും ആരും ഇല്ലല്ലോ... "" ഫോണിലെ ഫ്ലാഷ് ലൈറ്റ് അടിച്ചു ആ കെട്ടിടത്തിന്റെ അകത്തേക്ക് നോക്കി കൊണ്ട് ആഷി പറഞ്ഞു.... ""നീ ഒരിക്കൽ കൂടി അവന്റെ ഫോണിലേക്ക് കാൾ ചെയ്.. """ ആദി പറഞ്ഞതും ചെപ്പു ഫോൺ എടുത്തു ദിനുന്റെ നമ്പറിലേക്ക് ഡയൽ ചെയ്തു... """റിങ് ഉണ്ട്... """ ചെപ്പു പറഞ്ഞു... അവർ കുറച്ചു കൂടെ അകത്തേക്ക് കയറിയതും ഫോണിന്റെ സൗണ്ട് കേട്ടു.... """ഡാ... അവർ ഇവിടെ ഉണ്ട്... """ ആഷി പറഞ്ഞതും മൂന്നാളും അവന്റെ ഫോണിന്റെ റിങ് ടൂൺ കേൾക്കുന്ന സ്ഥലത്തേക്ക് നടന്നു....

""ഡാ.... ഇത്.... "" ചെപ്പു ഒരു റൂമിലേക്ക് കൈ ചൂണ്ടി കൊണ്ട് പറഞ്ഞതും ആദിയും ആഷിയും അവന് പിന്നിൽ വന്നു നിന്നു... ആ ഇടിഞ്ഞു വീഴാറായ കെട്ടിടത്തിൽ അത്രയും ഭംഗിയിൽ അലങ്കരിച്ചു വച്ച ഒരു റൂം.... അതിന്റെ അകത്തേക്ക് കടന്നതും ചുറ്റും എന്തൊക്കെയോ വീണു പൊളിഞ്ഞത് പോലെ ഫ്ലവർവേസ് ഒക്കെ പൊട്ടികിടക്കുന്നത് കണ്ടു.... """ചെപ്പു.... ഒരിക്കൽ കൂടി അവന്റെ ഫോണിലേക്ക് വിളിക്ക്.... """ ആഷി പറയുന്നത് കേട്ട് ചെപ്പു കാൾ ചെയ്തു.... ആ റൂമിലെ ബെഡിൽ അവന്റെ ഫോൺ റിങ് ചെയ്യുന്നത് കണ്ടതും ആഷി അങ്ങോട്ട്‌ ഓടി അത് കയ്യിൽ എടുത്തു... അതിൽ അപ്പൊ ഒരു വീഡിയോ പോസ് ചെയ്തു വച്ചിട്ട് ഉണ്ടായിരുന്നു.. ആഷി അത് ഓപ്പൺ ചെയ്തതും അതിലെ കാഴ്ച കണ്ടത് വിശ്വസിക്കാൻ കഴിയാതെ തരിച്ചു നിന്നു... """എന്താ... ഡാ... """ ആഷിയുടെ മുഖഭാവം കണ്ടു പേടിയോടെ ചോദിച്ചു ചെപ്പുവും ആദിയും അവന്റെ അടുത്തേക്ക് നടന്നു.... അവന്റെ കയ്യിലെ ഫോൺ കയ്യിൽ വാങ്ങി ആദി അത് നോക്കി.... നെഞ്ച് തകർന്നത് പോലെ നിൽക്കുന്ന ചെപ്പുനെ അവൻ ചേർത്തു പിടിച്ചു.. """ഡാ... ന്റെ.. ന്റെ കാത്തു.... """

വാക്കുകൾ കിട്ടാതെ കണ്ണീരിനിടയിലും അവൻ പറഞ്ഞു കൊണ്ട് കരഞ്ഞു... """ആ പന്ന *****മോനേ വെറുതെ വിടരുത്.... കൂടെ നിന്ന് ചതിച്ചതല്ലേ..."" പല്ല് കടിച്ചു കൊണ്ട് ആദി പറഞ്ഞു... """വാ... "" ആഷിയെയും ചെപ്പുനേം കൂട്ടി അവൻ അവിടെ നിന്നും ഇറങ്ങി... **************** പിന്നീട് കാർത്തുനേം എന്നേം അന്വേഷിച്ചു അവർ നടന്നു... അവസാനം വീട്ടിൽ എല്ലാവരും കാര്യം അറിഞ്ഞു.... അതോടെ എനിക്കും എന്റെ വീട്ടുകാരെ നഷ്ടപ്പെട്ടു... എന്റെ ആമി പോലും എന്നെ ഒന്ന് വിളിക്കുക പോലും ചെയ്തില്ല.... ആഷി പിന്നീട് രണ്ടു വർഷത്തോളം ലണ്ടനിൽ ആയിരുന്നു... എല്ലാരും ചെപ്പുനെ കുറ്റം പറഞ്ഞു എങ്കിലും ആദിയും ആഷിയും അവനെ ചേർത്തു പിടിച്ചു... """"ഇപ്പൊ അവിടെ ആ റൂമിനുള്ളിൽ അവളാണ്.... ചെപ്പുന്റെ മാത്രം കാത്തു.... ആദിന്റേം ആഷിന്റേം കാന്താരി പെങ്ങൾ.... """" കണ്ണ് തുടച്ചു കൊണ്ട് ദിനു പറഞ്ഞു നിർത്തി... """അതിനുമാത്രം ആ വീഡിയോയിൽ എന്താ ഉണ്ടായത്.... """

കല്ലു ചോദിച്ചു.... അത് കേട്ട് അവൻ മങ്ങിയ ചിരി നൽകി.... """ഞാൻ അവളെ ബലമായി കീഴ്പ്പെടുത്തുന്നത്... അവളെ എന്റെ സ്വന്തം ആക്കാൻ നോക്കുന്നത്... ഒരു പെണ്ണിനോടും ചെയ്യാൻ പാടില്ലാത്തത്... """ ഇടറുന്ന വാക്കുകളോടെ അവൻ പറഞ്ഞു നിർത്തി.... """അപ്പൊ.... അപ്പൊ നിങ്ങൾ അവളെ...."" മാധു ദേഷ്യത്തോടെ ചോദിച്ചതും അവൻ അവളെ നോക്കി ചിരിച്ചു... ""പെങ്ങളായി തന്നെ ആണ് ആ സമയംവരെയും കണ്ടത്... പക്ഷേ... അവൻ... ആ ദിൽജിത്ത്...പിന്നേ.... പിന്നെ അവനും ചേർന്ന് എന്റെ കാർത്തുനെ എന്നിൽ നിന്നും എന്നുന്നേക്കും ആയി അകറ്റി..... """ പല്ല് കടിച്ചു കൊണ്ട് അവൻ പറഞ്ഞു നിർത്തി.... """നിങ്ങൾ ഒന്നും ചെയ്തില്ലെങ്കിൽ പിന്നെ അവിടെ ശെരിക്കും എന്താ നടന്നത്.... """ ""അപ്പൊ അന്ന് നിങ്ങളുടെ കൂടെ മാളിൽ ഉണ്ടായത് കാർത്തു ആണോ.."" കല്ലുവും മാധുവും അവന്റെ ഇരു സൈഡിൽ നിന്നും ചോദിച്ചതും അവൻ രണ്ടു പേരെയും നോക്കി...

"""അന്ന്.... ശെരിക്കും പറഞ്ഞാൽ ആ എസ്റ്റേറ്റിൽ പോയപ്പോൾ ശെരിക്കും മിസ്സ്‌ ചെയ്തത് എന്റെ ആമിയെ ആയിരുന്നു.. അനിയത്തി എന്നതിൽ ഉപരി എന്റെ ഒരു നല്ല കൂട്ടുകാരി കൂടെ ആയിരുന്നു അവൾ... അവളോട് പറയാതെ ആണ് അന്ന് പോയതും.... പക്ഷേ കാത്തു ഞങ്ങളുടെ കൂടെ വന്നതോട് കൂടെ അവൾ എന്റെ അനിയത്തി ആയി മാറി.... ഒരിക്കലും ആമിയെ പോലെ അല്ല... പക്ഷേ മറ്റെന്തോ ഒന്ന് അവളെ എന്നിലേക്ക് അടുപ്പിച്ചു കൊണ്ടിരുന്നു.... അന്ന്... ഞങ്ങൾ നാട്ടിലേക്ക് തിരിച്ചു വരാൻ വേണ്ടി പ്ലാൻ ചെയ്‌ത ദിവസം.... ഞങ്ങളുടെ ജീവിതം തന്നെ മാറ്റി മറിച്ച ദിവസം..... എന്റെ കൂടെ പുറത്തേക്ക് ഇറങ്ങിയ പെണ്ണ് എന്റെ കയ്യിൽ തൂങ്ങി പലതും പറഞ്ഞു കൊണ്ടിരുന്നു.... അപ്പോഴാണ് എന്റെ ഫോണിലേക്ക് ഒരു മെസ്സേജ് വന്നത്....ഒരു വീഡിയോ.... ഒപ്പം ഒരു ടെക്സ്റ്റ്‌ മെസേജും... കാർത്തു പലതും പറഞ്ഞു കൊണ്ട് നടന്നു...

ആ വീഡിയോ പ്ലേ ചെയ്‌ത ഞാൻ കണ്ടത് എന്റെ ശ്വാസം പോലും നിലയ്ക്കുന്ന രീതിയിൽ ആയിരുന്നു... എന്റെ ആമിയുടെ മുറിയിൽ അവൾ കിടന്ന് ഉറങ്ങുന്ന വീഡിയോ... അവളുടെ അടുത്ത് മുട്ട് കുത്തി ഇരുന്നു കയ്യിൽ ഉള്ള കത്തി എടുത്തു അവളുടെ കഴുത്തിൽ വരയുന്നത് പോലെ ഒരു ജോക്കാറിന്റെ മാസ്ക് വച്ച ഒരുത്തൻ കാണിക്കുന്നത്.... പിന്നീട് അവൻ അവളെ ഒന്നും ചെയ്യാതെ ഇറങ്ങി പോകുന്നത്.... ശ്വാസമെടുക്കാൻ പോലും മറന്നു പോയ സമയം.... പിന്നീട് അതിലേക്ക് മെസേജ് വന്നു കൊണ്ടിരുന്നു.... കാർത്തുനേം കൂട്ടി മുന്നിൽ ഉള്ള കാറിൽ കയറി സെന്റ് ചെയ്‌ത ലൊക്കേഷനിലേക്ക് വരാൻ.... അല്ലെങ്കിൽ എന്റെ ആമിയെ.... ആ നേരം ആമി മാത്രം ആയിരുന്നു മനസ്സിൽ.... ആരെ കുറിച്ചും ആലോചിച്ചില്ല..... പലതും പറഞ്ഞു അവളെയും കൂട്ടി ആ സ്ഥലത്തേക്ക് പോയി.... പക്ഷേ...........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...