🔥My Dear Rowdy🔥: ഭാഗം 60

രചന: അർച്ചന

ദിനു പറഞ്ഞത് കേട്ട് ദിൽജിത്ത് നിസ്സഹായനായി... അവസാന പ്രതീക്ഷയും കൈവിട്ടെന്ന രീതിയിൽ അവൻ തന്റെ അടുത്ത് രക്തത്തിൽ കുളിച്ചു നിൽക്കുന്ന അവനെ നോക്കി.... ""അപ്പൊ എങ്ങനെയാ കാര്യങ്ങൾ.... നേരെ അങ്ങ് പറഞ്ഞയക്കുകയല്ലേ..."" ദിനു ചോദിക്കുന്നത് ആദിയും ആഷിയും അവനെ പിടിച്ചു വലിച്ചു എഴുന്നേൽപ്പിച്ചു.... """അങ്ങനെ അങ്ങ് പറഞ്ഞയച്ചാൽ എങ്ങനെയാ ശെരിയാവുക.... ഒന്നുല്ലേലും ഒരു SI അല്ലേ.... """ പുച്ഛത്തോടെ ചെപ്പു അതും പറഞ്ഞു അവന്റെ അടുത്തേക്ക് പോയി... ""ദേവ്... ദേവനാരായണൻ...നീ എന്താടാ കോപ്പേ വിചാരിച്ചേ.... ദേ ഈ കിടക്കുന്നവനെ ചരടിൽ കെട്ടി വലിച്ചാൽ ഞങ്ങൾ എല്ലാം ഇവന്റെ പിന്നാലെ പോകുമെന്നോ..... നീ ചെയ്ത എല്ലാ ചെറ്റത്തരത്തിനും മുന്നിൽ ഇവനെ നിർത്തിയാൽ നിനക്ക് എല്ലാം വെട്ടിപിടിക്കാൻ സാധിക്കുമെന്നോ...."""

ആഷി അവന്റെ കോളറിൽ പിടിച്ചു വലിച്ചു പറഞ്ഞതും അവൻ നിസ്സഹായനായി നിന്നു.... """നീയെന്താടാ കരുതിയെ നിന്റെ കളികൾ ഒന്നും ഞങ്ങൾ അറിയില്ലെന്നോ.... അന്ന് കാർത്തുന് വേണ്ടി നീ ദേ ഈ **മോനെ വച്ചു കളിച്ച കളിയല്ലേ അത് എല്ലാം....""" ആദി ചോദിച്ചതും അവൻ തലകുനിച്ചു നിന്നു.... ദേവ് ഡിഗ്രി തേർഡ് ഇയറും ദിൽജിത്ത് ഫസ്റ്റ് ഇയറും ആയിരുന്നപ്പോൾ ആണ് അവർ തമ്മിൽ കാണുന്നത്.... പണ്ട് കള്ളും കഞ്ചാവും ആയി നടന്നിരുന്ന ആളായത് കൊണ്ട് തന്നെ അവന്റെ ഗ്യാങ്ങിലേക്ക് ദിൽജിത്തും ചേർന്നു... ദേവിന് കാർത്തുനെ ഇഷ്ടം ആണെന്ന് അറിഞ്ഞത് മുതൽ അവളെ പിറകെ ഇഷ്ടം പറയിപ്പിക്കാൻ ദിൽജിത്ത് നടക്കുന്നുണ്ടായിരുന്നു... എന്നാൽ കാർത്തുനെ കണ്ടപ്പോൾ അവൻ ദേവ്നെ മറക്കുകയും അവളെ സ്വന്തമാക്കണം എന്ന് ചിന്തിക്കുകയും ചെയ്തു...

അതിനുള്ള ശിക്ഷ ദേവ് തന്നെ അവന് നൽകിയിരുന്നു.... പക്ഷേ ദിൽജിത്തിനെ ആഷിയും ദിനുവും കൂടെ നന്നായി പെരുമാറിയ ദിവസം ദേവിന് അവരോടുള്ള പക വർധിച്ചു.... അപ്പോഴാണ് അത് ചെപ്പുന്റെ പെങ്ങൾ ആണെന്നുള്ള കാര്യം വരെ അവർ അറിയുന്നത്... ആദിന്റേം ആഷിന്റേം ചെപ്പുന്റേം ദിനുന്റേം ചെല്ലകുട്ടി ആയി നടക്കുന്ന കാർത്തുവിലൂടെ തന്നെ അവരെ തമ്മിൽ പിരിക്കാൻ കഴിയും എന്നും കാർത്തുനെ സ്വന്തം ആക്കാൻ കഴിയും എന്നും അവൻ വ്യാമോഹിച്ചു.... അതിന്റെ പ്ലാൻ ആയിരുന്നു കാർത്തുനെ ദിനുവിനെ ഉപയോഗിച്ച് അവിടെ എത്തിക്കൽ.... അത് അവൻ പൂർത്തി ആക്കിയെങ്കിലും അവൻ അവിടെ എത്തുമ്പോഴേക്കും ആരും ഉണ്ടായിരുന്നില്ല..... അവൻ കരുതിയത് ദിൽജിത്ത് ആണ് എല്ലാറ്റിനും പിന്നിൽ എന്ന് ആണ്.... കാരണം അവൻ അന്വേഷിച്ചപ്പോ ദിനുവുമായി അവർ ഒക്കെ തെറ്റിപിരിഞ്ഞു എന്ന് അറിഞ്ഞിരുന്നു..... """നീയെന്താടാ ചിന്തിക്കുന്നെ.... ഞങ്ങൾ എങ്ങനെ ഇതൊക്കെ അറിഞ്ഞു എന്നാണോ... """

ചെപ്പു അവന്റെ മുടിയിൽ പിടിച്ചു വലിച്ചു ചോദിച്ചതും അതേ ചോദ്യം അവന്റെയും ദിൽജിത്തിന്റെയും മുഖത്തു നിഴലിച്ചിരുന്നു..... """""പറഞ്ഞു തരാം..... അന്ന്... നീ തന്നെ ഒരു കള്ളക്കേസ് ഉണ്ടാക്കി ചെപ്പുന്റെ ജയിലിൽ പിടിച്ചിട്ടത് ഓർക്കുന്നുണ്ടോ.... ഈ നാട്ടിൽ വന്നിട്ടുള്ള നിന്റെ ഫസ്റ്റ് കേസ്....ഒരു കഞ്ചാവ് കേസ്... അന്ന് നീ എന്നെ സ്റ്റേഷനിലേക്ക് വിളിച്ചിരുന്നു.... അഞ്ചു വർഷങ്ങൾക്ക് ശേഷം ഉള്ള നമ്മുടെ കൂടിക്കാഴ്ച്ച..... അന്ന് നീ കുറച്ചു ഉപദേശവും തന്നു സിമ്പതി പോലെ ചെപ്പുനെ എനിക്ക് വിട്ടു തന്നു.... അത് കണ്ടപ്പോൾ തന്നെ ഞാൻ ഇതിൽ എന്തോ ചതി ഉണ്ടെന്ന് ഊഹിച്ചതാ... പക്ഷേ നിനക്ക് അറിയാത്ത വേറെ ഒരു കാര്യം ഉണ്ട്... അവിടെ ഉള്ള ബാക്കി കോൺസ്റ്റബിൾസ് ഒക്കെ എനിക്ക് അറിയാവുന്നവർ ആണെന്ന്... അവരിലൂടെ തന്നെയാണ് ഞാൻ നീയാണ് അങ്ങനെ ഒരു ഡ്രാമക്ക് പിറകിൽ എന്ന് മനസിലാക്കി.... എനിക്ക് ആ നിമിഷം തന്നെ നിന്നെ അങ്ങ് തീർത്തു കളയാൻ ഉള്ള പക ഉണ്ടായിരുന്നു.... പക്ഷേ നീ എന്തിനാ ഇത് പോലൊരു ചീപ്പ് ഷോ കളിച്ചത് എന്ന് അറിയണം എന്ന് തോന്നി....

എന്നാൽ പിന്നീട് ഒരു ദിവസം നിന്നെ ഞാൻ കണ്ടപ്പോൾ ആദ്യം എന്റെ കണ്ണ് പോയത് ഇത്രയും നാൾ ഞങ്ങൾ അന്വേഷിച്ചു നടന്ന ആ ആളിലേക്ക് ആണ്.... നിന്റെ കയ്യിൽ ഉള്ള ഈ ടാറ്റൂ തേടി ഞങ്ങൾ എത്രയോ പേരുടെ പിറകെ പോയിട്ടുണ്ട്.... എന്തിനാണെന്ന് അറിയോ... അന്ന് നീ അമ്മുനെ കൊല്ലാൻ നോക്കുന്ന വീഡിയോ അയച്ചു കൊടുത്തപ്പോൾ നിന്റെ കയ്യിൽ ഉണ്ടായ ഈ ടാറ്റൂ ആണ് ഞങ്ങൾ കണ്ടത്.... ഇതാണ് അന്നേ ഞങ്ങൾ അന്വേഷിച്ച തെളിവും.... പക്ഷേ ഇതേ ടാറ്റൂ ഒരുപാട് പേരുടെ കയ്യിൽ ഉണ്ടാകും എന്ന് അറിയാം.. അതുകൊണ്ട് തന്നെ നിന്നെ കുറിച്ച് ഞങ്ങൾ വിശദമായി അന്വേഷിച്ചു.. നീ ദിൽജിത്തിനെ അന്വേഷിച്ചു നടക്കുവാണെന്ന് കൂടെ അരിഞ്ഞതും ഞങ്ങൾ ഉറപ്പിച്ചു അത് നീയാണെന്ന്.... നീ അറിയാതെ നീ തന്നെ ഉപേക്ഷിച്ച ഒരു തെളിവ്..... അത് മതിയായിരുന്നു നിന്നിലേക് എത്താൻ.... ഇനി ശിക്ഷാ വിധി ആണ്.... രണ്ടിന്റേം.... """"" ആദി ഒരു കിതപ്പോടെ പറഞ്ഞു നിർത്തിയതും ദിൽജിത്തും ദേവും ഒരു ഞെട്ടലോടെ അവനെ നോക്കി....

""ഒരു പോലീസ് ഓഫീസറെ രണ്ടു ദിവസം കാണാതായാൽ അന്വേഷണം എന്തായാലും വരും....അപ്പൊ ആദ്യം ആ അന്വേഷണം നമുക്ക് അങ്ങ് വഴിതിരിച്ചു വിടണം അല്ലോ.... അപ്പൊ മോൻ ഞാൻ പറയുന്നത് ഈ കടലാസ്സിൽ അങ്ങ് എഴുതിയെക്ക്...."" ദേവിന്റെ നേരെ ഒരു പേപ്പറും പെന്നും നീട്ടി ദിനു പറഞ്ഞതും അവൻ അത് വാങ്ങാതെ നിന്നു... """നീ ഇത് വാങ്ങിയാലായും ഇല്ലെങ്കിലും ഇന്ന് കൂടിയേ നിനക്ക് ആയുസ് ഉള്ളൂ.... ഇനി അന്വേഷണം ഞങ്ങളുടെ നേരെ വരും എന്ന് നീ വിചാരിക്കുന്നുണ്ടെങ്കിൽ അത്ര പ്രതീക്ഷ ഒന്നും വേണ്ട.... നീ രാജിവയ്ക്കുകയാണെന്ന് നിന്റെ സീനിയർ ഓഫീസർക്ക് ഞങ്ങൾ നിന്റെ ഐഡിയിൽ നിന്ന് തന്നെ മെയിൽ ചെയ്തിട്ടുണ്ട്.... രാജിവയ്ക്കാൻ ഉള്ള കാരണം ഓവർ പ്രഷർ... അപ്പൊ നീ മരിച്ചാലും അത് തന്നെയാണ് കാരണം... അല്ലെങ്കിൽ ഞങ്ങൾ അങ്ങനെ ആകും... """"" ദിനു പുച്ഛത്തോടെ പറഞ്ഞതും അവൻ വല്ലാത്ത ഭാവത്തോടെ അവരെ നോക്കി... ""അതുകൊണ്ട് മോൻ എഴുതിക്കോ.."" ചെപ്പു അത് അവന്റെ കയ്യിൽ കൊടുത്തതും തന്റെ മരണം മുന്നിൽ കണ്ടത് പോലെ അവൻ നിസ്സഹായതയോടെ അവർ പറഞ്ഞത് അതിൽ എഴുതി... """ഇനി എന്താ പ്ലാൻ.... കാലൻ വെയിറ്റ് ചെയ്യാൻ തുടങ്ങിയിട്ട് ടൈം കുറേ ആയി... അപ്പൊ പോകുവല്ലേ....

""" ആഷി അതും പറഞ്ഞു കൊണ്ട് ദിൽജിത്തിന്റെ അടുത്ത് പോയി.... ""കൊണ്ട് വാ... "" അവൻ പറഞ്ഞു കേട്ടതും ഡോക്ടർ ഒരു ഇൻജെക്ഷൻ കൊണ്ട് വന്നു.... ""കാർത്തു.... നിനക്ക് പറ്റുവോ... "" അവൻ ചോദിക്കുന്നത് കേട്ടതും കാർത്തു ഞെട്ടി അവനെ നോക്കി.... """നിന്നെ ഞങ്ങളിൽ നിന്നും അകറ്റിയത് ഇവൻ ആണ്.... ആ ഇവനെ നിനക്ക് കൊല്ലണോ.... """ ആഷി ശബ്ദം ഉയർത്തി ചോദിച്ചതും അവൾ ഇല്ലെന്ന് തലയാട്ടി.. """എനിക്ക് പേടിയാ കിച്ചു.... "" അവൾ അത് പറഞ്ഞു കൊണ്ട് ചെപ്പുനെ കെട്ടിപിടിച്ചു കരഞ്ഞു.... """ഞാൻ... ഞാൻ ചെയ്യട്ടെ.... "" മാധു ചോദിക്കുന്നത് കേട്ട് എല്ലാവരും അവളെ നോക്കി.... ആദി അവളെ നോക്കി പുഞ്ചിരിച്ചു.... പേടിയോടെ മാറി നിൽക്കുന്ന അമ്മുനെ ആദി ചെപ്പുന്റെ അടുത്ത് കൊണ്ട് വന്നു നിർത്തി... മാധു ദിൽജിത്തിന്റെ അടുത്തേക്ക് നടന്നു....അവന്റെ കണ്ണിലേക്കു പകയെരിയുന്ന കണ്ണുകളോടെ നോക്കി.... """മോളെ.... പൊറുത്തൂടെ.... """ ഇടർച്ചയോടെ ദിൽജിത്ത് ചോദിക്കുന്നത് കേട്ട് അവൾ പുച്ഛത്തോടെ ചിരിച്ചു.... """ഞാൻ ഈ ശിക്ഷ നിനക്ക് തരുന്നത് നീ എന്നെയോ ദേ ഈ കാർത്തുനെയോ ഉപദ്രവിക്കാൻ ശ്രമിച്ചത് കൊണ്ട് മാത്രം അല്ല....

നിന്റെ അച്ഛനും അമ്മയും ആണ് എന്റെ അച്ചനേം അമ്മേം കൊന്നത്... അത് ഞാൻ അറിഞ്ഞത് കൊണ്ട് മാത്രം ആണ് അവർ എന്നെ നിന്നെക്കൊണ്ട കെട്ടിക്കാൻ നോക്കിയതും..... നിന്റെ മരണത്തിലൂടെ എന്റെ അച്ഛന്റേം അമ്മേടേം ആത്മാവിനു ശാന്തി ലഭിക്കും.... നിന്റെ അച്ഛനും അമ്മയും അഹങ്കരിച്ചു നടക്കുന്നത് നിന്റെ പേരിൽ അല്ലേ.... അത് ഇല്ലാതാവുമ്പോൾ ഉള്ള വേദന അവർ കൂടെ അറിയണം...."""" കണ്ണുനീരിനിടയിലും അവൾ അത് പറഞ്ഞു നിർത്തി.... ആഷിന്റെ കയ്യിൽ ഉള്ള ഇൻജെക്ഷൻ അവന്റെ കയ്യിലേക്ക് കുത്തിയിറക്കി... ശരീരത്തിലേക്ക് ഇൻജെക്ട് ചെയ്ത ഹൈ ഡോസ് ഡ്രഗ് കാരണം അവൻ പിടഞ്ഞു പിടഞ്ഞു മരണത്തിലേക്ക് പോകുന്നത് അവർ ഒരു നിർവൃതിയോടെ നോക്കി..... ദേവ് അത് കണ്ടു പകച്ചു നിന്നു.... """ഇവന്റെ കാര്യം നിങ്ങൾ നോക്കിക്കോ... """ അവന്റെ കയ്യിലേക്ക് ഇൻജക്റ്റ് ചെയ്തു അവനെ കുറച്ചു പേരുടെ നേരെ ഉന്തി തള്ളി വിട്ടു കൊണ്ട് ആഷി പറഞ്ഞു.... അവൻ എഴുതിയ ആത്മഹത്യാ കുറിപ്പും അവർക്ക് കൊടുത്തു വേണ്ട നിർദ്ദേശം കൊടുത്തു.... """ഇവന്റെ ബോഡി എന്താ വേണ്ടത് എന്ന് വച്ചാൽ ചെയ്യാൻ നോക്ക് ഡോക്ടർ.... """ ആദി ഡോക്ടറോഡ് അത്രയും പറഞ്ഞു ബാക്കി ഉള്ളവരേം കൂട്ടി വീട്ടിലേക്ക് വിട്ടു.............തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...