🔥My Dear Rowdy🔥: ഭാഗം 66

രചന: അർച്ചന

അപ്പോഴേക്കും ശിവയും ലിയയും അവരുടെ അടുത്ത് വന്നു നിന്നു.... ************** ചെപ്പു എയർപോർട്ടിൽ എത്തി കാർ പാർക്ക്‌ ചെയ്ത് ജാനുവിനെ വിളിച്ചു.. കുറച്ചു കഴിഞ്ഞതും ജാനുവും അവളുടെ ഏട്ടനും പാർക്കിംഗ് ഏരിയയിൽ എത്തി.... അവളുടെ ഏട്ടനോട് യാത്ര പറഞ്ഞു ജാണുവിനെയും കൂട്ടി അവൻ വീട്ടിലേക്ക് വിട്ടു.... """ശെരിക്കും എന്താ നിങ്ങളെ ഒക്കെ പ്ലാൻ... എന്തിനാ ഇങ്ങനെ ഒരു നാടകം കളിക്കുന്നെ.... """ ജാനു ചോദിക്കുന്നത് കേട്ട് അവൻ ചിരിച്ചു കൊടുത്തു... ""നിന്നോട് ആരാ പറഞ്ഞേ നാടകം ആണെന്ന്.... ശെരിക്കും എൻഗേജ്‌മെന്റ് ആണെടി... "" ചെപ്പു ഇളിച്ചു കൊണ്ട് പറഞ്ഞതും അവൾ അവനെ കൂർപ്പിച്ചു നോക്കി.... """പിന്നേ.... ഇവിടെ നടക്കുന്ന ഓരോ കാര്യവും ഞാൻ അപ്പപ്പോൾ അറിയുന്നുണ്ട്... കേട്ടോ മോനേ ദിനേശാ.... """ """ഓഹോ... "" ചെപ്പു അവൾ കാണിക്കുന്നത് പോലെ കോക്രി കാണിച്ചു കൊണ്ട് പറഞ്ഞതും അവൾ ചുണ്ട് കോട്ടി തിരിഞ്ഞു ഇരുന്നു.... അത് കണ്ടതും അവൻ അവളെ തോണ്ടാൻ തുടങ്ങി... """ഡീ... നീ ഇന്നലെ എന്നെ എന്താ വിളിച്ചേ... """ അവൻ അവളെ തോണ്ടികൊണ്ട് പറഞ്ഞതും അവൾ അവനെ കെറുവോടെ നോക്കി... """ഞാൻ ഒന്നും വിളിച്ചില്ല.... """ അവൾ പറയുന്നത് കേട്ട് അവൻ അവളെ തുറിച്ചു നോക്കി...

"""ഡീ കുരുട്ടേ.... ഒന്ന് വിളിക്കെടി.... നല്ല രസുണ്ടായിരുന്നു കേൾക്കാൻ..."" ""ആണോ... "" ""മ്മ്മ്...""" ""വിളിക്കണോ..."" ""ആഹ്..."" ""വിളിക്കാവേ.."" ""വേഗം..."" ""നീ പോടാ മരപ്പട്ടി......😁😁"""" """😬😬😬"" പാവം ചെക്കൻ.... ഒരുപാട് കൊതിച്ചു പോയതാ.... അവളെ ഒന്ന് അമർത്തി നോക്കി പല്ല് കടിച്ചു കൊണ്ട് ചെപ്പു യാത്ര തുടർന്നു.... അവളെ സൈഡിലേക്ക് തിരിഞ്ഞ് പോലും നോക്കാതെ ഡ്രൈവ് ചെയ്യണം എന്നൊക്കെ ഉണ്ടെങ്കിലും കുറുക്കന്റെ കണ്ണ് കോഴിക്കൂട്ടിൽ തന്നെ എന്ന് പറഞ്ഞത് പോലെ കോഴിയുടെ കണ്ണ് ജാനുന്റെ മേൽ തന്നെ....അവൾ നോക്കി നിൽക്കും... വിളിക്കും... എന്നൊക്കെ കരുതി നിന്ന അവനെ നോക്കുക പോലും ചെയ്യാതെ ഫോൺ എടുത്തു ഹെഡ്സെറ്റും വച്ചു പെണ്ണ് പാട്ട് കേൾക്കാൻ തുടങ്ങി.... വേറെ വഴി ഇല്ലാത്തത് കൊണ്ട് മാത്രം ചെപ്പു എല്ലാം സഹിച്ചും ക്ഷമിച്ചും ഡ്രൈവ് ചെയ്തു.... അല്ലെങ്കിൽ ഇതിനെ റോഡിൽ ഇട്ട് പോയേനെ.. വീട്ടിൽ എത്തിയാൽ ഇതിന്റെ ബാക്കി ഉള്ള മൂന്നെണ്ണം കൂടെ തന്നെ പഞ്ഞികിടുമല്ലോ എന്ന് ഓർത്ത് ചെക്കൻ സ്പീഡിൽ തന്നെ വണ്ടി ഓടിച്ചു...... 🔹🔹🔹🔹🔹🔹🔹🔹🔹🔹🔹🔹🔹🔹

യെല്ലോ ഡിം ലൈറ്റ് കൊണ്ട് അലങ്കരിച്ച സ്റ്റേജിൽ ആഷിയുടെ അടുത്ത് ശിവയും ആദിയുടെ അടുത്ത് ലിയയും ആയി നിന്നു... വീടിന്റെ ഉള്ളിൽ ആയിട്ട് ആണ് സ്റ്റേജ് ഉള്ളത്.... സ്റ്റെജിൽ അവരെ കൂടാതെ പ്രഭാകറും ഐഷുവും ലിയയുടെയും ശിവയുടെയും ഡാഡിയും മമ്മിയും ഉണ്ട്.... സ്റ്റേജിനു താഴെ മുന്നിൽ ആയി തന്നെ കല്ലുവും അമ്മുവും മാധുവും കാർത്തുവും ഉണ്ട്.... കുറച്ചു കഴിഞ്ഞതും ജാനു കൂടെ വന്നു.... ചെപ്പുന്റേം ജാനുന്റേം എൻഗേജ്‌മെന്റ് കഴിഞ്ഞത് കാർത്തുവിനോട് പറഞ്ഞിരുന്നു.... അത് അറിഞ്ഞത് കൊണ്ടാണ് അന്ന് കാർത്തു അവനെ കൊണ്ട് ഏത്തം ഇടീച്ചതും.... ജാനുനെ അവൾക്ക് പരിചയപ്പെടുത്തി കൊടുത്തതും അവൾ പെട്ടെന്ന് ജാനുവും ആയി കമ്പിനി ആയി... ചെപ്പു ജാനുനെ ഒന്ന് അമർത്തി നോക്കി കൊണ്ട് ദൂരെ മാറി നിന്ന ദിനുന്റെ അടുത്തേക്ക് പോയി.... ""എല്ലാവരും എത്തിയില്ലേ.... അപ്പൊ റിങ് എക്സ്ചേഞ്ച് ചെയ്യാം..."" മൈക്കിലൂടെ ഒരാൾ വിളിച്ചു പറഞ്ഞതും ആദി ആഷിയെ നോക്കി... അവൻ ഒന്ന് ചിരിച്ചു കൊടുത്തു താഴെ ഉള്ള ചെപ്പുനേം ദിനുനേം നോക്കി.... അവർ നോക്കുന്നത് കണ്ടതും രണ്ടാളും തംബ്സ് അപ്പ്‌ കാണിച്ചു കൊടുത്തു.... """അങ്കിൾ..... "" സ്റ്റേജിന്റെ ഒരു സൈഡിൽ പ്രഭയുടെ കൂടെ നിൽക്കുന്ന അയാളെ ആദി വിളിച്ചു....

"""എന്താ മോനേ... "" പെട്ടെന്ന് തന്നെ ഓടി വന്നു കൊണ്ട് അയാൾ ചോദിച്ചു... """എത്രയാ സ്ത്രീധനം... "" ആഷി മാന്യമായ രീതിയിൽ ചോദിച്ചതും അയാൾ അവനെ തുറിച്ചു നോക്കി.... """സ്ത്രീധനം.....?? "" അയാൾ സംശയത്തോടെ മുഖം ചുളിച്ചു..... """"ആഹ്... ഈ സാധനങ്ങളെ തലയിൽ എടുത്തു വയ്ക്കുന്ന ഞങ്ങൾക്ക് വല്ല പ്രതിഫലവും വേണ്ടേ... """ അടുത്ത് നിന്ന് അവർ പറയുന്നത് ഒന്നും മനസിലാക്കാതെ പരസ്പരം മുഖത്തോട് മുഖം നോക്കുന്ന ശിവയെയും ലിയയെയും നോക്കി കൊണ്ട് ആദി പറഞ്ഞു.... """നിങ്ങൾ എന്തൊക്കെയാ ഈ പറയുന്നേ... അതും ഈ സമയത്തു.... വേഗം റിങ് എക്സ്ചേഞ്ച് ചെയ്യാൻ നോക്ക്.... അത് കഴിഞ്ഞിട്ട് അല്ലേ സ്ത്രീധനം... """ ചെറിയൊരു പരിഭ്രമത്തോടെ അയാൾ പറഞ്ഞു.... """ഓഹ്... അപ്പൊ ഇത് കഴിഞ്ഞിട്ട് അതിനെ കുറിച്ച് ആലോചിക്കാം അല്ലേ....""" പുച്ഛത്തോടെ ആഷി പറഞ്ഞത് കേട്ട് അയാൾ വെട്ടിവിയർക്കാൻ തുടങ്ങി. """ചെപ്പൂ..... "" ആദി ഉറക്കെ വിളിച്ചതും അവൻ മുന്നിലെ ഡോർ കൊട്ടി അടച്ചു... അത് കണ്ടു അവിടെ കൂടിയിരിക്കുന്നവർ എല്ലാം പരസ്പരം എന്തൊക്കെയോ പിറുപിറുക്കൻ തുടങ്ങി..... """ലേഡീസ് ആൻഡ് ജന്റിൽമാൻ... നിങ്ങൾ ഒക്കെ ഇവിടെ വന്നിട്ടുള്ളത് ഞങ്ങളുടെ എൻഗേജ്‌മെന്റിനാണ്...

എന്നാൽ അതിന് മുന്നേ കുറച്ചു കാര്യങ്ങൾക്ക് തീരുമാനം ഉണ്ടാക്കാം എന്നും കരുതി... അതുകൊണ്ട് ആണ് മീഡിയസിനെ കൂടെ വിളിച്ചത്.... """ ആഷി മൈക്കിലൂടെ വിളിച്ചു പറയുന്നത് കേട്ട് എല്ലാവരും സംശയത്തോടെ അവരിലേക്ക് നോട്ടം എറിഞ്ഞു.... """അങ്കിൾ.... ഞങ്ങൾ പറഞ്ഞു വരുന്നത് എന്താന്ന് വച്ചാൽ കഴിഞ്ഞ മാസം ഞങ്ങളുടെ കമ്പനിയിൽ നിന്നും ഒരു അഞ്ചു കോടി രൂപ ലോസ് വന്നിട്ടുണ്ടായിരുന്നു..... അങ്കിളിനു അറിയാമല്ലോ... """ ആദി പറഞ്ഞത് കേട്ട് അയാൾ അറിയാം എന്ന രീതിയിൽ തലയാട്ടി... """ആഹ്... അപ്പൊ പറഞ്ഞു വന്നത് എന്താന്ന് വച്ചാൽ ഇങ്ങേര് ആണല്ലോ കമ്പനിയിൽ നിന്നും അഞ്ചു കോടി മുക്കിയത്.... അതുകൊണ്ട് സ്ത്രീധനം ആയി അത് ഞങ്ങൾക്ക് തന്നാൽ മതി എന്നായിരുന്നു ഞങ്ങൾ പറഞ്ഞത്.... അങ്കിളിന് സമ്മതം അല്ലേ... """ അയാളെ ചേർത്തു പിടിച്ചു ആദി ചോദിച്ചതും ഞെട്ടി കൊണ്ട് അയാൾ അവനെ നോക്കി... നെറ്റിയിലൂടെ ചാലിട്ടൊഴുകുന്ന വിയർപ്പ് കണങ്ങൾ അയാൾ തുടച്ചു കളഞ്ഞു.... """എന്താ അങ്കിൾ.... ശെരിയല്ലേ... "" ആഷി കൂടെ ചോദിച്ചതും അയാൾ അല്ലെന്ന് തലയാട്ടി.... """അങ്ങനെ പറഞ്ഞാൽ എങ്ങനെയാ മോഹൻ... നീയാണ് ഇത് ചെയ്തതെന്നുള്ളതിന് എല്ലാ തെളിവുകളും ഞങ്ങളുടെ കയ്യിൽ ഉണ്ട്... """

പ്രഭ കൂടെ വന്നു പറഞ്ഞതും അയാൾ ഞെട്ടലോടെ അവനെ നോക്കി.... """ചെപ്പൂ.... ദിനൂ...."" ആഷി വിളിച്ചതും ദിനു ഒരാളെ സ്റ്റേജിലേക്ക് കൊണ്ട് വന്നു... അവരുടെ കമ്പനിയിലെ തന്നെ ഒരു സ്റ്റാഫ് ആയിരുന്നു അത്... """ഇനി പറയ്.... നിങ്ങൾ ഒന്നും ചെയ്തില്ലേ.... """ മോഹനന്റെ കഴുത്തിൽ അമർത്തി പിടിച്ചു കൊണ്ട് ആദി ചോദിച്ചതും അയാൾ അവനെ പിടിച്ചു തള്ളി... ""!എനിക്ക് ഇയാളെ അറിയില്ല.... ഞാൻ ആണ് ഇതിന്റെ പിന്നിൽ എന്ന് നീയൊക്കെ പറയുന്നുണ്ടല്ലോ.... അതിന് എന്ത് തെളിവാ നിന്റെ കയ്യിൽ ഉള്ളത്.... """ മോഹനൻ ശബ്ദം ഉയർത്തി ചോദിച്ചതും ചെപ്പു ചിരിച്ചു കൊണ്ട് അയാളുടെ മുന്നിൽ ചെന്ന് നിന്നു... """തെളിവ് ഒന്നും ഇല്ലെങ്കിൽ ഞങ്ങൾ ഇങ്ങനെ ഒരു ഷോ ഇവിടെ നടത്തുമോ അങ്കിളെ.... അങ്കിളിന് വേണ്ടത് തെളിവ് അല്ലേ... ഞാൻ തരാം... ആദ്യത്തെത് ഇത്...."" അതും പറഞ്ഞു അവൻ പ്രോജക്ടർ ഓൺ ചെയ്തു സ്റ്റേജിലേക്ക് ഫോക്കസ് ചെയ്തു.... പ്രഭയുടെ കൂടെ കമ്പനിയിലേക്ക് മോഹൻ കയറിവരുന്നതും ചുറ്റും നോക്കി സിസിടിവി കാമറകൾ എവിടെയൊക്കെ ആണെന്നുള്ളത് കണ്ടു പിടിക്കുന്നതും അതിൽ തെളിഞ്ഞു കണ്ടു....

"""ഇനി ഇത്.... "" എന്നും പറഞ്ഞു അവൻ അടുത്തത് കാണിച്ചു... കമ്പനിയിലെ തന്നേ ഒരു സ്റ്റാഫ് പ്രഭയുടെ ഓഫീസിലേക്ക് കയറുന്നതും ഡ്രോയറിൽ നിന്നും ഡീലിന്റെ കോപ്പി ഫോട്ടോ എടുക്കുന്നതും ആരെയോ ഫോൺ വിളിക്കുന്നതും കണ്ടു... അത് കണ്ടതും മോഹൻ ഞെട്ടി... ""'എന്താ അങ്കിൾ.... ഇപ്പൊ ഒന്നും പറയാൻ ഇല്ലേ... "" """ഞാൻ... ഇതിൽ ഞാൻ എന്ത് ചെയ്തു... ഞാനാണ് ഇത് ചെയ്തതെന്ന് എന്ത് തെളിവാണ് ഈ വീഡിയോയിൽ ഉള്ളത്.... """ ഉള്ളിലെ പതർച്ച മറച്ചു പിടിക്കാൻ ശ്രമിച്ചുകൊണ്ട് അയാൾ വീറോടെ പറഞ്ഞു.... """ശെരിയാ.... ഈ വീഡിയോയിൽ നിങ്ങൾ ഇല്ല.... പക്ഷേ ഈ നമ്പർ ആരുടേതാണ്.... """ സ്റ്റാഫ് ഫയൽസിന്റെ ഫോട്ടോ എടുത്തു കഴിഞ്ഞതും കാൾ ചെയ്യുന്ന നമ്പറിലേക്ക് ഫോക്കസ് ചെയ്തു കൊണ്ട് ചെപ്പു ചോദിച്ചതും അയാൾ പൂർണമായും തകർന്നിരുന്നു... """വെൽഡൺ അങ്കിൾ.... എത്ര മനോഹരമായി ആണ് ഈ പ്ലാൻ നടത്തിയത് എന്ന് കണ്ടില്ലേ.... സിസിടിവി ഒക്കെ ഹാക്ക് ചെയ്തു എങ്കിലും ആരും അറിയാതെ ഞങ്ങൾ വച്ച ഞങ്ങളുടെ കാം കണ്ടില്ല അല്ലേ...ഇനി ഇതുപോലെ വല്ലതും പ്ലാൻ ചെയ്യുന്നുണ്ടെങ്കിൽ ഇതൊക്കെ ആലോചിക്കണംട്ടോ... "" പുച്ഛത്തോടെ അയാളുടെ അടുത്ത് പോയി ആദി പറഞ്ഞു.... """അങ്ങനെ പറയല്ലേ ആദി....

ഇനി ജയിലിൽ പോയാൽ അവിടെ ഈ പരിപാടി ഒക്കെ നടക്കുമോ... """ ആഷി കൂടെ ചോദിച്ചതും അയാൾ ഞെട്ടികൊണ്ട് അവരെ നോക്കി... ""അറസ്റ്റ്‌ ഹിം... "" സ്റ്റേജിലേക്ക് കയറി വന്ന ഒരു പോലീസ് ഉദ്യോഗസ്ഥൻ പറഞ്ഞതും രണ്ടു കോൺസ്റ്റബിൾ വന്നു മോഹനനെ വിലങ്ങു വച്ചു.... """ചീറ്റിങ്ങ് കേസിൽ ബിസിനസ് മാൻ മോഹൻ അറസ്റ്റിൽ.... """ സ്റ്റേജിനു താഴെ നിന്ന് മീഡിയകൾ ന്യൂസ്‌ കൊടുക്കാൻ തുടങ്ങി.. """ഇവരുടെ എൻഗേജ്‌മെന്റ് കഴിഞ്ഞിട്ട് എന്നെ കൊണ്ട് പോകാം.... """ അയാൾ വിളിച്ചു പറഞ്ഞതും കാമറ കണ്ണുകൾ ആദിയുടെയും ആഷിയുടെയും നേരെ തിരിഞ്ഞു.... അത് കേട്ടതും അവർ പുച്ഛത്തോടെ ചിരിച്ചു.... """"ഇവരെ ഞങ്ങൾ എന്ത് വിശ്വസിച്ചു കല്യാണം കഴിക്കും... നിങ്ങളുടെ മക്കൾ അല്ലേ.... പിന്നെ ഈ ഒരു പരിപാടി ഞങ്ങളുടെ എൻഗേജ്‌മെന്റിന് വേണ്ടി അല്ല നടത്തിയത്.... അതുകൊണ്ട് നിങ്ങൾക്ക് പോകാം..""" ലിയയോടും ശിവയോടും ആയി ആദി പറഞ്ഞു..... """ഓഹ്... അപ്പൊ ഞാൻ കേസ് കൊടുക്കാൻ പോവുകയാണ്.... എന്റെ മക്കളെ കല്യാണം കഴിക്കാം എന്നും പറഞ്ഞു ചതിച്ചതിന്.... നിങ്ങളെയും ഞാൻ അഴി എണ്ണിക്കും.... """ മോഹൻ പുച്ഛത്തോടെ പറഞ്ഞതും ആദിയും ആഷിയും പരസ്പരം നോക്കി.... """എങ്കിൽ താൻ പോയ്‌ കേസ് കൊടുക്ക്....

നിയമപ്രകാരം കല്യാണം കഴിഞ്ഞ ഞങ്ങൾ പിന്നെയും കല്യാണം കഴിക്കണം എന്നാണോ അങ്കിൾ പറയുന്നത്.....രണ്ടാം ഭാര്യ ആയി വരാൻ ഇവർക്ക് സമ്മതം ആയിരിക്കും.... പക്ഷേ ഞങ്ങൾക്ക് താല്പര്യം ഇല്ല.... """" ആഷി പുച്ഛത്തോടെ ചുണ്ട് കോട്ടി പറഞ്ഞതും എല്ലാവരും ഞെട്ടലോടെ അവരെ നോക്കി..... """നിങ്ങളുടെ കല്യാണം കഴിഞ്ഞെന്നോ... "" മീഡിയയിൽ ഒരാൾ ചോദിച്ചതും അവർ അതേയെന്ന് തലയാട്ടി.... """എന്നിട്ട് നിങ്ങളുടെ ഭാര്യമാർ എവിടെ... "" വീണ്ടും ചോദ്യം വന്നതും ആഷിയുടെയും ആദിയുടെയും നോട്ടം ഒരുപോലെ സ്റ്റേജിനു താഴെ അമ്മുന്റേം കാർത്തുന്റേം നടുക്ക് ഇരിക്കുന്ന കല്ലുവിലേക്കും മാധുവിലേക്കും പോയി.... അവർ ചിരിയോടെ അവരെ നോക്കി.... കണ്ണുകൊണ്ടു സ്റ്റേജിലേക്ക് വരാൻ ആവശ്യപ്പെട്ടതും രണ്ട് പേരും പരസ്പരം മുഖത്തോട് മുഖം നോക്കി കൈകൾ ചേർത്ത് പിടിച്ചു സ്റ്റേജിലേക്ക് കയറി... സ്റ്റേജിൽ എത്തിയതും ആദി മാധുവിനെയും ആഷി കല്ലുവിനെയും ചേർത്ത് പിടിച്ചു.... ""ഇത് മധുരിമ ആദവ്.... "" മാധുവിന്റെ മുഖത്തേക്ക് നോക്കി അവൻ പറഞ്ഞു.... ""ഇത് കല്യാണി ആദിഷ്... "" ആഷിയും കല്ലുവിനെ ചേർത്ത് പിടിച്ചു കൊണ്ട് പറഞ്ഞു.... """രണ്ട് ദിവസം മുന്നേ അതായത് കൃഷ്ണവിന്റെയും ജാൻവിയുടെയും എൻഗേജ്‌മെന്റ് ദിവസം രാവിലെ ചെറിയ രീതിയിൽ ഞങ്ങൾ വീട്ടുകാർ മാത്രം ആയാണ് ഇവരുടെ വിവാഹം നടത്തിയത്..... """"

പ്രഭ പറഞ്ഞതും എല്ലാവരും കയ്യടിച്ചു അവരെ ആശംസിച്ചു.... ""ഇനി പോയിക്കോ അങ്കിളേ... "" ചെപ്പു ഇളിച്ചു കൊണ്ട് പറഞ്ഞതും പോലീസ് അയാളെ കൊണ്ട് പോയ്‌... പിറകെ മാധുവിനെയും കല്ലുവിനെയും നോക്കി പല്ല് കടിച്ചു കൊണ്ട് ശിവയും ലിയയും പോയ്‌.... """"ക്ഷമിക്കാൻ പറ്റാത്ത തെറ്റ് ആണ് ചെയ്തത് എന്ന് അറിയാം..... എങ്കിലും ക്ഷമിക്കണം.... ഞാൻ നാളെ തന്നേ മക്കളെയും കൂട്ടി US ലേക്ക് പോവുകയാണ്... അയാളുടെ കാര്യം ഇനി എനിക്ക് അറിയണ്ട.... എല്ലാത്തിനും മാപ്പ്..... """" അവരോട് കൈ കൂപ്പി പറഞ്ഞു കൊണ്ട് അവരുടെ മമ്മിയും പോയ്‌... """നിങ്ങൾ പിന്നെ എന്തിനാണ് ഇന്ന് ഇങ്ങനെ ഒരു ഫങ്ക്ഷൻ വച്ചത്...""" മീഡിയയിൽ നിന്നും ചോദ്യം വന്നതും അവർ ചിരിച്ചു.... മാധുവും കല്ലുവും സ്റ്റേജിൽ നിന്നും ഇറങ്ങി താഴേക്ക് പോയ്‌... ആഷിയും ആദിയും ചെപ്പുവും ദൂരെ മാറി നിൽക്കുന്ന ദിനുവിന്റെ അടുത്തേക്ക് പോയി അവനെയും കൂട്ടി വീണ്ടും സ്റ്റേജിലേക്ക് വന്നു.... അപ്പോഴേക്കും അമ്മുവും കല്ലുവും മാധുവും ജാനുവും ചേർന്ന് കാർത്തുനെയും സ്റ്റേജിലേക്ക് കൊണ്ട് വന്നു... """"ഇന്ന് എന്റെ പെങ്ങൾ കാർത്തികയുടെയും എന്റെ ചങ്ക് ഐദിൻ മെഹബൂബിന്റെയും കല്യാണം ആണ്..... """ ചെപ്പു വിളിച്ചു പറയുന്നത് കേട്ട് ദിനുവും കാർത്തുവും ഒരുപോലെ ഞെട്ടി പരസ്പരം നോക്കി....

വീട്ടുകാരുടെയും അവസ്ഥ അതുപോലെ തന്നേ... """ഡാഡി.... മമ്മാ.... നിങ്ങളെക്കാൾ എനിക്ക് ഈ കുരിപ്പിൽ അവകാശം ഉണ്ട്... അതുകൊണ്ട് ഈ സാധനത്തിനെ ഞാൻ തന്നെ ദെ ഇവന് എൽപ്പിക്കാൻ പോവുകയാണ്.."" കാർത്തുന്റെ കൈ ദിനുവിന്റെ കയ്യിലേക്ക് അവൻ ചേർത്ത് വച്ചു... """"ആചാരവും അനുഷ്ടാനവും നോക്കുന്നില്ല..... നല്ല സമയം ആണൊന്നും അറിയില്ല..... ചങ്ങലകിട്ടിട്ടായാലും നോക്കിയാൽ മതി..... """" ചെപ്പു ദിനുവിനോട് പറഞ്ഞതും കാർത്തു അവന്റെ നടുപ്പുറം നോക്കി ഒന്ന് കൊടുത്തു..... """"ഒന്ന് വിളിച്ചോണ്ട് പോടാ..... """ നടുവിന് കയ്യും വച്ച് ചെപ്പു പറഞ്ഞതും എല്ലാവരും ചിരിക്കാൻ തുടങ്ങി..... """അമ്മൂ.... വാ മുത്തേ.... നിന്നെ രണ്ടു ദിവസം വല്ലാതെ മിസ് ചെയ്തു... ഇനി നിന്റെ കൈയിൽ നിന്ന് കൂടെ രണ്ട് കിട്ടിയാൽ തിരുപ്പതി ആകും.... """ അമ്മുന്റെ തോളിൽ കയ്യിട്ടു അവൻ പറഞ്ഞതും അവൾ അവന്റെ വയറു നോക്കി ഒരു കുത്ത് കൊടുത്തു.... """സുബാഷ്.... """ വീട്ടുകാർക്ക് ആർക്കും എതിർപ്പ് ഒന്നും ഇല്ലാത്തത് കൊണ്ട് ദിനുന്റേം കാർത്തുന്റേം കാര്യത്തിൽ യാതൊരു പ്രശ്നവും ഉണ്ടായില്ല... """വാ മക്കളെ.... ഇനി പോയി സുഗമായി വായി നോക്കാം.... "'" മീഡിയാസ് എല്ലാം പോയതും കല്ലു മാധുനേം അമ്മുനേം കാർത്തുനേം ജാനുനേം കൂട്ടി പുറത്തേക്ക് വിട്ടു.............തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...