🔥My Dear Rowdy🔥: ഭാഗം 69

രചന: അർച്ചന

അവന്റെ മറുപടി കിട്ടിയതും പെണ്ണ് ആഷിന്റെ ചായയും എടുത്തു അവന്റെ റൂമിലേക്ക് നടന്നു..... """ഡീ.... എങ്ങോട്ടാ... "" പിറകിൽ നിന്നുമുള്ള വിളി കേട്ട് ആണ് മാധു തിരിഞ്ഞു നോക്കിയത്.. ചെപ്പു കയ്യും കെട്ടി നിന്ന് അവളെ നോക്കി പിരികം പൊന്തിച്ചു കളിച്ചു കൊണ്ട് ചോദിച്ചതും അവൾ അവനെ നോക്കി ഒന്ന് ഇളിച്ചു കൊടുത്തു.... ""ആഷി ഏട്ടന് ചായ കൊടുക്കാൻ... "" കയ്യിലെ കപ്പ് അവന് നേരെ കാട്ടി കൊണ്ട് അവൾ പറഞ്ഞു.... """ഓഹ്.... നമ്മക്ക് ചായ തരാൻ ഒന്നും ഇവിടെ ആരും ഇല്ലല്ലോ.... """ മുഖം തിരിച്ചു കൊണ്ട് ചെപ്പു പറയുന്നത് കേട്ട് മാധു ചിരിച്ചു പോയി... """ഡീ...ഡീ.... ചിരിക്കല്ലേ.... പിന്നെ... ആ ചായ ഇങ് താ.... ആഷിക്ക് ഞാൻ കൊടുക്കാം... """ മാധുന്റെ കയ്യിൽ നിന്നും ചായയും വാങ്ങി ചെപ്പു ആഷിന്റെ റൂമിന്റെ ഡോറിൽ തട്ടി... കുറച്ചു കഴിഞ്ഞതും ഡോർ തുറന്നു ആഷി ചെപ്പുനേം പിടിച്ചു വലിച്ചു അകത്തേക്ക് കയറ്റി ഡോർ അടച്ചു... ഇവിടെ ഇപ്പൊ എന്താ നടന്നത് എന്ന് മനസിലാവാതെ മാധു അവിടെ തന്നെ നിന്നു... കുറച്ചു കഴിഞ്ഞതും ചെപ്പുവും ചായയും കപ്പും ഒക്കെ തെറിച്ചു വന്നു താഴെ കിടക്കുന്നത് കണ്ടു.... """എന്താ പറ്റിയെ... "" മാധു അവന്റെ ചുമലിൽ കൈ വച്ചു ചോദിച്ചതും ചെപ്പു മോങ്ങാൻ തുടങ്ങി... ""ആ തെണ്ടി എന്നെ പീഡിപ്പിച്ചെടീ.... ""

ചെപ്പു പറയുന്നത് കേട്ട് മാധു കുന്തം വിഴുങ്ങിയ പോലെ നിൽക്കുന്നുണ്ട്.. കുറച്ചു കഴിഞ്ഞതും ആഷി പല്ലും കടിച്ചു ചെപ്പുനെ ഒന്ന് തുറിച്ചു നോക്കി താഴേക്ക് ഇറങ്ങി പോയി.. """"ആ പെണ്ണ് എങ്ങനെ ആണാവോ ഇതിനെ സഹിക്കുന്നത്.... ശെരിക്കും കാട്ടുമാക്കാൻ തന്നെ.... """ അതും പറഞ്ഞു ചെപ്പു നടുവിന് കയ്യും കൊടുത്തു എങ്ങനെയോ എഴുന്നേറ്റു നിന്നു.... ""നിനക്ക് ഇന്ന് വീട്ടിൽ പോകണ്ടേ.. "" അവൻ ചോദിച്ചതും മാധു തലയാട്ടി... """എന്നാ പോയി റെഡി ആയിക്കോ.... പിന്നെ ഇന്ന് തന്നെ ഇങ്ങോട്ട് വന്നേക്കണം... ഇല്ലെങ്കിൽ ഞാൻ അങ്ങോട്ട് വരും.... """ അവൻ പറയുന്നത് കേട്ട് മാധു ചിരിയോടെ തലയാട്ടി കൊടുത്തു.. *************** """നീയാണോ എന്റെ കെട്യോൾ അതോ ആ ചെപ്പുവോ.. "" കല്ലുന്റെ കയ്യിൽ പിടിച്ചു വലിച്ചു അവളെ റൂമിൽ കൊണ്ട് വന്നു കൊണ്ട് ആഷി പൊട്ടിത്തെറിച്ചതും കല്ലു കണ്ണും തള്ളി അവനെ നോക്കി... ""അയിന് ഞാൻ എന്ത്‌ ചെയ്തു...."" തലയും ചൊറിഞ്ഞു അവൾ ചോദിക്കുന്നത് കേട്ട് അവൻ അവളെ നോക്കി പല്ല് കടിച്ചു... """നീ എന്തിനാ ആ ചെപ്പുന്റെ കയ്യിൽ ചായ കൊടുത്തു വിട്ടത്.... """ ""ഞാൻ ചെപ്പുന്റെ കയ്യിൽ ചായ കൊടുത്തു വിട്ടോ.... എപ്പോ.... മാധുനോട്‌ പറഞ്ഞിരുന്നു നിനക്ക് തരാൻ.... അല്ലാതെ ഞാൻ ഇന്ന് ചെപ്പുബ്രോയേ കണ്ടിട്ട് പോലും ഇല്ല..""

അവൾ പറയുന്നത് കേട്ട് ആഷി ഞെട്ടി. """നീ... നീ എന്താ പറഞ്ഞത്..... മാധുന്റെ കയ്യിൽ ആണോ ചായ കൊടുത്തു വിട്ടത്... """ ആഷി കണ്ണും തള്ളി ചോദിക്കുന്നത് കേട്ട് അവൾ ഒരു കൂസലും ഇല്ലാതെ ആഹ്ന്ന് പറഞ്ഞു തലയാട്ടി.... ആഷി ഒരുനിമിഷം നെഞ്ചിൽ കൈ വച്ച് ശ്വാസം വലിച്ചു വിട്ടു.... ചെപ്പുന് പകരം മാധു എങ്ങാനും ആണ് കയറി വന്നിരുന്നെങ്കിൽ എന്ന് ആലോചിച്ചതും അവൻ കല്ലുനെ ഒന്ന് അമർത്തി നോക്കി..... """പോയി റെഡി ആയിട്ട് വാടി.... പിന്നെ എനിക്ക് ഇനി ഒരു സാധനവും റൂമിലേക്ക് കൊണ്ട് വന്നു തരേണ്ട.. മനസിലായല്ലോ....""" അവൾ ഒന്ന് മൂളി കൊണ്ട് റെഡി ആകാൻ പോയി.... കല്ലു വന്നതും ആഷി അവളുടെ കൈ എടുത്തു അവന്റെ കൈക്കുള്ളിൽ ആക്കി... """മാധുന്റെ കൂടെ തന്നെ ഉണ്ടാകണം... അവളെ എന്തെങ്കിലും ആരെങ്കിലും പറഞ്ഞാൽ അതിന് ഇരട്ടി ആയി നീ തിരിച്ചു പറയും എന്ന് അറിയാം.... അതുകൊണ്ട് പറയുകയാണ് അവിടെ എന്ത് ഉണ്ടായാലും ഞങ്ങളെ അപ്പപ്പോൾ അറിയിക്കണം.... ഇന്ന് തന്നെ തിരിച്ചു വരാൻ മാക്സിമം ശ്രമിക്കണം.... പിന്നെ മാധുനെ ശ്രദ്ധിക്കണം...ഓക്കേ.... """" അവൻ പറയുന്നതിന് ഒക്കെ ചിരിച്ചു കൊണ്ട് അവൾ തലയാട്ടി കൊടുത്തു.. അവൻ അവളെ ചേർത്ത് പിടിച്ചു നെറ്റിയിൽ അമർത്തി ചുംബിച്ചു... ""പോയി അമ്മുനോടും ജാനുനോടും ചെപ്പുനോടും യാത്ര പറഞ്ഞിട്ട് വാ... "" അവൾ ഓക്കേ പറഞ്ഞു താഴേക്ക് പോയി... *****************

"""നീ ഇന്ന് ബാംഗ്ലൂർക്ക് പോകുന്നുണ്ടോ ജാനു... "" മാധു ചോദിക്കുന്നത് കേട്ട് അവൾ ചെപ്പുനെ നോക്കി.. അവൻ അവളെ നോക്കാതെ ഫോണിൽ കുത്തി കളിക്കാൻ തുടങ്ങി.. ""ഹ്മ്മ്... പോകണം... ഇന്ന് ഏട്ടൻ വരും.... ഏട്ടന്റെ കൂടെ പോകണം... "" അവൾ പറഞ്ഞു.... """നീയും മാധുന്റെ കൂടെ പോകുന്നുണ്ടോ കല്ലൂ... "" അമ്മു ചോദിക്കുന്നത് കേട്ട് കല്ലു ഇളിച്ചു കൊണ്ട് തലയാട്ടി... """എനിക്കും വരണം എന്ന് ഉണ്ട്... പക്ഷേ കാർത്തുവും കാക്കുവും വരുന്നില്ലേ..അതുകൊണ്ട് ഞാൻ ഇല്ല..."" സങ്കടത്തോടെ അമ്മു പറഞ്ഞതും മാധു അവളെ ചേർത്ത് പിടിച്ചു... """ഞങ്ങൾ ഇന്ന് തന്നെ വരില്ലേ....മുത്തശ്ശിയേ ഒന്ന് കണ്ടു സംസാരിക്കണം.... പറ്റുമെങ്കിൽ കൂടെ കൂട്ടണം...... "" """അതേ.. മതി... മതി... പോവാം... ഒന്ന് ഓഫീസിൽ കൂടെ പോകേണ്ടതുണ്ട്.. "" ആഷി വന്നു പറയുന്നത് കേട്ട് കല്ലുവും മാധുവും അവരോട് യാത്ര പറഞ്ഞു എഴുന്നേറ്റു.... പപ്പയോടും മമ്മയോടും കൂടെ യാത്ര പറഞ്ഞ ശേഷം അവർ കാറിൽ കയറി.... അമ്മു മമ്മയുടെ കൂടെ അകത്തേക്ക് പോയതും ജാനു ചെപ്പുന്റെ അടുത്തേക്ക് ഇരുന്നു... """എന്നോട് ദേഷ്യം ആണോ... "" അവൾ ചോദിക്കുന്നത് കേട്ട് അവൻ ഫോണിൽ നിന്നും അവളിലേക്ക് നോട്ടം മാറ്റി.... """എനിക്ക് ദേഷ്യം ഒന്നുല്ല... ""

അവൻ പറഞ്ഞതും അവൾ അവന്റെ കൈ പിടിച്ചു വലിച്ചു നടക്കാൻ തുടങ്ങി.. ""കിച്ചേട്ടാ.... "" അതുവരെ കുറച്ചു വെയിറ്റ് ഇട്ട് നടന്നിരുന്ന ചെപ്പു അവളുടെ വിളിയിൽ വീണു പോയി.... """കിച്ചേട്ടൻ ഇനി എന്നാ ബാംഗ്ലൂർക്ക് വരുന്നേ.... "" അവൾ ചിണുങ്ങി കൊണ്ട് ചോദിക്കുന്നത് കേട്ട് അവൻ അവളുടെ കൈയിൽ കൈ കോർത്തു പിടിച്ചു നടന്നു.... """"ഞാൻ ഇനി ബാംഗ്ലൂർക്ക് ഒന്നും ഇല്ല പെണ്ണെ.... ഇവിടെ തന്നെ നിൽക്കാൻ ആണ് ഇഷ്ടം... നീ കൂടെ വന്നാൽ മതി.... """ അവന്റെ ഷോൾഡറിലേക്ക് അവൾ ചാരി.... ""എപ്പോഴാ ഏട്ടൻ വരുന്നത്... "" ""അറിയില്ല.... വരുമ്പോൾ വിളിക്കും എന്ന് പറഞ്ഞു...."" ""ഹം..."" അവനിലേക്ക് ചേർന്ന് നിന്നുകൊണ്ട് അവൾ അവന്റെ കൂടെ നടന്നു.... _____________ ""ഇന്ന് തന്നെ തിരിച്ചു വരില്ലേ മക്കളെ... "" കദീജുമ്മ ചോദിക്കുന്നത് കേട്ട് അവർ രണ്ടുപേരും ഒരുപോലെ തലയാട്ടി സമ്മതം അറിയിച്ചു... ""വരുമ്പോൾ ആമിനെ കൂടെ കൂട്ടുവോ മോനേ... അവളെ കാണാൻ തോനുന്നു.... """ ഉമ്മ പറയുന്നത് കേട്ട് ദിനു അവരെ അടുത്തേക്ക് പോയി... """ഉമ്മാ... അവൾ ഇവിടെ നിൽക്കുന്നതിനേക്കാൾ ഇഷ്ടപ്പെടുന്നത് അവിടെ നിൽക്കാൻ ആണ്.... ചെപ്പുന്റെ കൂടെ അവൾ ഒരുപാട് ഹാപ്പി ആണ്.. അവളെ ഒരുദിവസം കണ്ടില്ലെങ്കിൽ അവന്റെ അവസ്ഥ പറഞ്ഞാൽ മനസിലാവില്ല ഉമ്മ...

ഇന്നലെ അല്ലേ അവൾ ഇവിടുന്ന് പോയത്..... രണ്ട് ദിവസം കഴിഞ്ഞു ചെപ്പുനോട്‌ അവളേം കൂട്ടി വരാൻ പറയാം.... """ ഉമ്മയെ ചേർത്ത് പിടിച്ചു കൊണ്ട് അവൻ പറഞ്ഞതും അവർ തട്ടം കൊണ്ട് കണ്ണീർ ഒപ്പി ചെറു ചിരിയോടെ തലയാട്ടി..... ""പോവാം... "" കദീജുമ്മയെ കെട്ടിപിടിച്ചു യാത്രചോദിക്കുന്നവളെ നോക്കി അവൻ ചോദിച്ചതും അവൾ തലയാട്ടി അവരോട് പറഞ്ഞു കൊണ്ട് അവന്റെ കൂടെ ഇറങ്ങി.... *********** """ആദി.... ഇവിടെ... ഇവിടെ എന്താ ആൾക്കൂട്ടം.... എനിക്ക്... എനിക്ക് എന്തോ പേടി ആവുന്നു.... """ ആദിയുടെ കയ്യിൽ മുറുകെ പിടിച്ചു കരഞ്ഞു കൊണ്ട് മാധു ചോദിച്ചതും അവൻ അവളുടെ കണ്ണുകൾ അമർത്തി തുടച്ചു കൊടുത്തു... ""കരയണ്ട മാധൂ... നിന്റെ മാത്രം അല്ല... ഞങ്ങളുടെ കൂടെ എതിരാളി ആയിരുന്ന ദിൽജിത്തിന്റെ ബോഡി അവർക്ക് ലഭിച്ചു.... ഇത് നമ്മൾ ആഘോഷിക്കുകയാണ് വേണ്ടത്...

അവന്റെ മനസ് പോലെ അത്രയും ദുഷിച്ച അവന്റെ ശരീരം കൂടെ ഇന്ന് ഭൂമിയിൽ നിന്നും ഇല്ലാതാവും... അവൻ കാരണം ജീവിതം ഇല്ലാതായ ഓരോ പെൺകുട്ടിക്കും വേണ്ടി.... """" അവളുടെ കണ്ണുകൾ തുടച്ചു കൊടുത്തു ആദി പറഞ്ഞതും അവൾ ചിരിച്ചു... ""നിങ്ങൾ.... നിങ്ങൾ വരുന്നില്ലേ.. "" അവൾ ചോദിച്ചതും ആദി ആഷിയെ നോക്കി.. """ഇല്ല മാധൂ.... അവനെ ഞങ്ങൾ മറന്നു....ഇനി അവനെ ഞങ്ങൾക്ക് കാണണ്ട.... പക്ഷേ നീ ഇന്ന് അവിടെ വേണം.... നിന്നെ ഇല്ലാതാക്കാൻ സ്വന്തം മകനെ ഉപയോഗിച്ച അവന്റെ അച്ഛനും അമ്മയും അനുഭവിക്കുന്നത് കാണണം.... """" ആഷി പറഞ്ഞതും അവൾ തലയാട്ടി.. """വൈകുന്നേരം ഞങ്ങൾ കൂട്ടാൻ വരാം...""" ആദി പറഞ്ഞതും കല്ലുവും മാധുവും ഇറങ്ങി.... അവർ പോകുന്നത് നോക്കി ആദിയും ആഷിയും നിന്നു... അവർ ആ തറവാടിന്റെ അകത്തേക്ക് കയറിയതും അവർ ഓഫീസിലേക്ക് വിട്ടു...........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...