🔥My Dear Rowdy🔥: ഭാഗം 70

രചന: അർച്ചന

അവർ പോകുന്നത് നോക്കി ആദിയും ആഷിയും നിന്നു... അവർ ആ തറവാടിന്റെ അകത്തേക്ക് കയറിയതും അവർ ഓഫീസിലേക്ക് വിട്ടു.... മുറ്റത്ത് കൂടി നിന്നവർ ഒക്കെ അവൾക്ക് വഴി കൊടുത്തു.... ""എല്ലാ വേണ്ടാത്ത ശീലങ്ങളും ഉണ്ട് ആ ചെക്കന്....എന്തോ മരുന്നോ മറ്റോ കുത്തി കയറ്റിയത് ആണ മരണകാരണം.... "" ആരോ പറയുന്നത് അവർ കേട്ടു... മാധുവിന്റെ ഉള്ളിൽ കുറ്റബോധം നിറയുന്നുണ്ടായിരുന്നു.... അകത്തേക്ക് കയറിയതും ദിൽജിത്തിന്റെ ബോഡിക്ക് അരികിൽ ഇരുന്ന് കരയുന്ന ശ്രീദേവിയെയും അവരുടെ ഭർത്താവിനെയും കണ്ടപ്പോൾ താൻ കാരണം ആണല്ലോ എന്ന ചിന്ത അവളിൽ പിടി മുറുക്കി... """മാധൂ.... "" അവരുടെ അടുത്തേക്ക് നടന്നടുക്കാൻ തുടങ്ങിയ മാധുവിന്റെ കയ്യിൽ പിടിച്ചു ശാസനയോടെ കല്ലു വിളിച്ചു... അവൾ കല്ലുവിനെ ദയനീയതയോടെ നോക്കി.... """"മോളെ.... """ മുത്തശ്ശിയുടെ വിളി കേട്ട് ആണ് അവൾ തിരിഞ്ഞ് നോക്കിയത്... സാരിതലപ്പു കൊണ്ട് കണ്ണീർ ഒപ്പി അവളുടെ മേലേക്ക് അവർ ചാരി.... """"മുത്തശ്ശി.... """ അവൾ അവരെ ഇറുകെ പുണർന്നു....

""മോൾ അകത്തു ഇരുന്നോ.... "" അവർ പറഞ്ഞതും അവൾ തലയാട്ടി.... കല്ലുവിനെയും കൂട്ടി മാധു അവളുടെ റൂമിലേക്ക് ചെന്നു... """എനിക്ക്.... എനിക്ക് പേടി ആകുന്നെടാ.... ഞാൻ... """ """നിർത്ത് മാധൂ.... നീ ഇത് പറഞ്ഞു കരയാൻ തുടങ്ങിയിട്ട് ദിവസങ്ങൾ ആയി.... ഇനിയും ഇങ്ങനെ കരയാൻ ആണ് പ്ലാൻ എങ്കിൽ എന്റെ വായിൽ ഇരിക്കുന്നത് നീ കേൾക്കും.... """ കല്ലു അവളെ കെട്ടിപിടിച്ചു കൊണ്ട് പറഞ്ഞു... പിന്നീട് മാധു ഒന്നും മിണ്ടിയില്ല.... അവൾ ബെഡിൽ പോയി ഇരുന്നു... അടുത്ത് കല്ലുവും ഉണ്ടായിരുന്നു... അവളുടെ റൂമിന്റെ ഒരു സൈഡിലെ ചുമരിൽ കണ്ട ഫോട്ടോയിലേക്ക് കല്ലു നോക്കി... ""അത്... അത് ആരാ മാധൂ... "" അവൾ ചോദിക്കുന്നത് കേട്ട് മാധു ചുമരിലേക്ക് നോട്ടം മാറ്റി... പുഞ്ചിരിയോടെ മൂന്ന് വയസായ ഒരു പെൺകുട്ടിയെയും ചേർത്ത് പിടിച്ചു നിൽക്കുന്ന രാഘവിന്റെയും മാലിനിയുടെയും ഫോട്ടോയിൽ അവളുടെ കണ്ണുകൾ ഉടക്കി... ""അച്ഛനും അമ്മയും.... " അവൾ പതിഞ്ഞ ശബ്ദത്തിൽ പറഞ്ഞു... """എനിക്കും ഇത് പോലെ ഒരു അച്ഛനും അമ്മയും ഉണ്ടായിട്ടുണ്ടാവും... അല്ലേ മാധൂ.... """

കല്ലു കണ്ണുകൾ തുടച്ചു കൊണ്ട് പറയുന്നത് കേട്ട് മാധു അവളേ ശാസനയോടെ നോക്കി.... """നിനിക്ക് ഞാൻ ഇല്ലെടാ... എനിക്ക് നീയും..... """ മാധു അവളെ ചേർത്ത് പിടിച്ചു കൊണ്ട് പറഞ്ഞതും കല്ലു കരഞ്ഞു പോയിരുന്നു... ഡോറിൽ തട്ടുന്ന ശബ്ദം കേട്ടാണ് അവർ മാറിയത്.... കണ്ണ് തുടച്ചു കൊണ്ട് മാധു പോയി റൂമിന്റെ ഡോർ തുറന്നതും നന്ദു അവളെ കെട്ടിപിടിച്ചിരുന്നു.... """"മാധൂസേ.... അവൻ പോയേടി... ആ പിശാശ് കാരണം അല്ലേ നിനക്ക് ഞങ്ങളെ ഒക്കെ വിട്ട് നിൽക്കേണ്ടി വന്നത്.... അവൻ കാരണം അല്ലേ നിനക്ക് രാത്രിക്ക് ഈ വീട്ടിൽ നിന്നും ഇറങ്ങേണ്ടി വന്നത്.... ഇനി അവൻ ഇല്ലെടാ.... അവന്റെ സ്വഭാവം കാരണം അവൻ തന്നെ സ്വയം കുഴി തോണ്ടി... രണ്ട് മൂന്ന് ദിവസം തുടർച്ചയായി കൂടുതൽ ഡോസ് ഉള്ള ഡ്രഗ് ഉപയോഗിച്ചത് കൊണ്ടാ മരിച്ചത്...""""" നന്ദു ഒരു കിതാപ്പോടെ പറഞ്ഞു നിർത്തിയതും മാധു ചെറു ചിരിയോടെ അവളെ ചേർത്ത് പിടിച്ചു..... ""കല്ലൂ.... നീയും ഉണ്ടായിരുന്നോ.... "" ബെഡിൽ ഇരിക്കുന്ന കല്ലുനെ നോക്കി അവൾ ചോദിച്ചതും കല്ലു തലയാട്ടി കാണിച്ചു....

""അമ്മുവും ജാനുവും ഒന്നും വന്നില്ലേ.... "" ""ഇല്ലടാ.. "" മാധു മറുപടി പറഞ്ഞു... ""അപ്പൊ നിന്റെ ഒക്കെ കെട്യോന്മാരോ.. "" """അവർ ഞങ്ങളെ ഇവിടെ ഇറക്കി ഓഫീസിലേക്ക് പോയി.... """ കല്ലു അവളോട് പറഞ്ഞതും നന്ദു ചിരിച്ചു..... പിന്നീട് മൂന്ന് പേരും പലതും പറഞ്ഞു സംസാരിച്ചു.... ആരോ വന്നു ബോഡി എടുക്കാറായി എന്ന് പറഞ്ഞതും മൂന്ന് പേരും താഴേക്ക് ഇറങ്ങി.... ***************** """ജാനു.... ഇപ്പോഴേ പോണ്ട.... പ്ലീസ്.... കുറച്ചു നേരം കൂടെ കഴിഞ്ഞു പോകാം... """ അമ്മു ജാനുന്റെ കയ്യിൽ പിടിച്ചു വച്ചു ചിണുങ്ങിയതും അവൾ ചിരിയോടെ അമ്മുന്റെ കൈ വിടുവിച്ചു... """അമ്മൂട്ടീ.... ഞാൻ വേഗം വരൂലേ....പിന്നേ എന്തിനാ നീ ഇങ്ങനെ സാഡ് ആവുന്നേ.. കല്ലുവും മാധുവും വന്നാൽ ഞാൻ പോയെന്നു പറഞ്ഞേക്ക്.... """" അവളുടെ കവിളിൽ തട്ടി കൊണ്ട് ജാനു പറഞ്ഞു.... കാർത്തുവിനോടും ദിനുവിനോടും പപ്പയോടും മമ്മയോടും ഒക്കെ പറഞ്ഞ ശേഷം അവൾ ചെപ്പുന്റെ അടുത്ത് എത്തി... അവൻ അവളെ നോക്കി കണ്ണുചിമ്മി കാണിച്ചു.... അവളും അതേ ചിരിയോടെ അവനെ നോക്കി തലയാട്ടി അവളുടെ ഏട്ടന്റെ കൂടെ ബാംഗ്ലൂർക്ക് വിട്ടു....

കാർത്തുവും ദിനുവും ആദ്യം വന്നത് ചെപ്പുന്റെ അടുത്തേക്ക് തന്നെ ആയിരുന്നു.... ഐശു മമ്മയും പപ്പയും ഒക്കെ അവരെ നല്ലോണം ട്രീറ്റ്‌ ചെയ്തു... പിന്നേ നേരെ പോയത് കാർത്തുന്റെ വീട്ടിലേക്ക് ആയിരുന്നു.... കൂടെ ചെപ്പുവും അമ്മുവും ഉണ്ടായിരുന്നു.... """ചെപ്പു..... ഞാൻ.... ഞാൻ ഇന്ന് പോകുമ്പോൾ ആമിനെ കൂടെ കൂട്ടട്ടെ.... ഉമ്മക്ക് അവളെ കാണണം എന്ന് പറഞ്ഞു..... """ ചെപ്പുന്റെ റൂമിലേക്ക് കയറി ചെന്ന് കൊണ്ട് ദിനു ചോദിച്ചതും ചെപ്പു ചെറു ചിരിയോടെ സമ്മതം അറിയിച്ചു.... ""നിനക്ക് വിഷമം ഉണ്ടോടാ.. "" അവന്റെ ഷോൾഡറിൽ കൈ വച്ചു കൊണ്ട് ദിനു ചോദിച്ചതും അവൻ ഇല്ലെന്ന രീതിയിൽ തലയനക്കി.. ""അവൾ നിന്റെ അനിയത്തി അല്ലേടാ... അവളുടെ ഉമ്മ കാണണം എന്ന് പറയുമ്പോൾ ഞാൻ അവളെ ഇവിടെ നിർബന്ധിച്ചു എന്റെ കൂടെ നിർത്തുന്നത് തെറ്റ് അല്ലേ... പിന്നെ രണ്ടു ദിവസത്തിൽ കൂടുതൽ അവൾക്ക് അവിടെ നിൽക്കാൻ ആവില്ലെന്ന് എനിക്ക് അറിയാം.... പോയത് പോലെ തിരികെ എത്തും... അതുകൊണ്ട് ഇന്ന് കൂട്ടിക്കോ....

നാളെ രാവിലെ ഇവിടെ എത്തിച്ചാൽ മതി ആ കുരിപ്പിനെ.... """" നിറഞ്ഞ കണ്ണുകൾ ദിനു കാണാതെ തുടച്ചു മാറ്റി കൊണ്ട് ചിരിയോടെ അവൻ പറഞ്ഞു.... അത് കേട്ട് ദിനുവിന്റെ ചുണ്ടുകളിലും ചെറു ചിരി സ്ഥാനം പിടിച്ചു... """വാ.... അവർ രണ്ടാളും വെട്ടി വിഴുങ്ങുന്നുണ്ടാകും.... പിന്നെ നമുക്ക് ഒന്നും കിട്ടില്ല.... """ ചെപ്പു ഇളിച്ചു കാണിച്ചു കൊണ്ട് പറഞ്ഞതും ദിനു അത് ശെരിയാണെന്ന രീതിയിൽ അവന്റെ കൂടെ താഴേക്ക് ഇറങ്ങി... """അമ്മൂ.... നീ ഇന്ന് ദിനുന്റെ കൂടെ പോയിക്കോ.... എനിക്ക് ചെറിയ ഒരു ട്രിപ്പ് ഉണ്ട്.... """ കയ്യിലെ ഓറഞ്ച് തൊലി കളഞ്ഞു തിന്നുന്ന അമ്മു ഇത് കേട്ട് നെറ്റി ചുളിച്ചു അവനെ നോക്കി.... """എങ്ങോട്ടാ മോന്റെ ട്രിപ്പ്‌.... "" അവൾ പിരികം പൊന്തിച്ചു കൊണ്ട് ചോദിച്ചതും ചെപ്പു അവളെ തുറിച്ചു നോക്കി.... """"അതൊന്നും കൊച്ചു കുട്ടികൾ അറിയണ്ട കാര്യം ഇല്ല.... മോൾ മര്യാദക്ക് ഞാൻ പറഞ്ഞത് കേട്ടാൽ മതി..... """" ചെപ്പു പറയുന്നത് കേട്ട് അമ്മു അവനെ നോക്കി കൊഞ്ഞനം കുത്തി കാണിച്ചു... അത് കണ്ടതും ചെപ്പു അവളെ നോക്കി ചുണ്ട് കോട്ടി ദിനുന്റെ അടുത്ത് പോയിരുന്നു....

"""ഞാൻ വരാം കാക്കു....ഇനി മുതൽ അവിടെ നിന്നോളാം.... ഇവിടെ ഇപ്പൊ ആർക്കും എന്നോട് ഒരു ഇഷ്ടവും ഇല്ല... കല്ലുവും മാധുവും വന്നാൽ അവരോട് കൂടെ എന്റെ അടുത്ത് വന്നു നിൽക്കാൻ പറയാം.... """ അമ്മു പറയുന്നത് കേട്ട് ചെപ്പു ഞെട്ടി.. ദിനു അവളെ നോക്കി ചിരിച്ചു കൊണ്ട് തലയാട്ടി കൊടുത്തു.... അമ്മു ചെപ്പുനെ നോക്കി... അവൻ അവളെ ഒന്ന് നോക്കുക പോലും ചെയ്യാതെ ഫോണിൽ കുത്തി കളിക്കാൻ തുടങ്ങി.... ""ഗായമ്മേ.... നോക്കിയേ.... ഇവന് എന്നോട് ഇപ്പൊ ഒരു സ്നേഹവും ഇല്ല.... ഞാൻ കാക്കുന്റെ കൂടെ പോകുന്നെന്ന് പറഞ്ഞിട്ട് ഇവന് ഒരു സങ്കടവും ഇല്ല....""" ചുണ്ട് പിളർത്തി കൊണ്ട് അമ്മു പറഞ്ഞത് കേട്ട് എല്ലാവരുടെ ചുണ്ടിലും ചെറു ചിരി വിരിഞ്ഞു.... """അവന് സങ്കടം ഇല്ലെങ്കിൽ പിന്നെ നീ എന്തിനാ അമ്മൂട്ടീ ഇവിടെ നിൽക്കുന്നെ..... നീ നിന്റെ ഉമ്മയുടെയും കാക്കുന്റേം കൂടെ നിന്നോ..... """ അതും പറഞ്ഞു വിശ്വൻ വന്നതും ചെപ്പു തുറിച്ചു നോക്കി.... ""വിശ്വച്ചാ.... ഇവന് അപ്പൊ എന്നെ ഇഷ്ടം അല്ലല്ലേ.... ഞാൻ പോകുവാ വിശ്വച്ചാ.... നിങ്ങൾ എന്നെ കാണാൻ അവിടേക്ക് വന്നോ....

പിന്നെ വരുമ്പോൾ എന്നെ ഇഷ്ടം അല്ലാത്ത ആരെയും കൂടെ കൂട്ടണ്ടട്ടോ.... """ ചെപ്പുനെ കൂർപ്പിച്ചു നോക്കി അവൾ പറഞ്ഞതും ചെപ്പു ദേഷ്യത്തിൽ കയ്യിൽ ഉണ്ടായ ഫോണും വലിച്ചു എറിഞ്ഞു അവളേം പിടിച്ചു വലിച്ചു മുകളിലേക്ക് കയറി പോയി..... അത് കണ്ടു ഗായമ്മയും വിശ്വച്ഛനും ചിരിക്കാൻ തുടങ്ങി.... കാർത്തുവും ദിനുവും ഒന്നും മനസിലാക്കാതെ അവരെ നോക്കി.... ""ഡാഡി.... കിച്ചു അവളെ എന്തെങ്കിലും ചെയ്യുവോ.... """ കാർത്തു പേടിയോടെ ചോദിച്ചതും വിശ്വൻ ചിരിയോടെ അവരെ നോക്കി... """അങ്കിൾ..... """ ദിനു ദയനീയമായി വിളിച്ചതും അയാൾ അവരെ അടുത്തേക്ക് വിളിപ്പിച്ചു.... """പേടിക്കാൻ ഒന്നുമില്ല.... രണ്ടിനും പ്രാന്ത് വന്നാൽ ഇങ്ങനെ ആണ്.... നിങ്ങൾ പോയി നോക്കിക്കോ.... "" വിശ്വൻ പറയുന്നത് കേട്ട് ദിനുവും മാധുവും മുകളിലേക്ക് പോയി... """പച്ച എനിക്ക്..... """ അമ്മു ""എന്നാ മഞ്ഞ എനിക്ക്....."" ചെപ്പു ""ഓറഞ്ചും റോസും എനിക്ക് വേണം"" അമ്മു ""അത് പറ്റില്ല.... ഓറഞ്ചു എനിക്ക് വേണം....""" ചെപ്പു ""എന്റെ കൈ പിടിച്ചു വലിച്ചില്ലേ... എനിക്ക് വേദന ഉണ്ട്.... അതുകൊണ്ട് ഓറഞ്ചു എനിക്ക് വേണം...

"" അമ്മു ""ഡീ.... എന്റെ ഐഫോൺ ആണെടി താഴെ പീസ് പീസ് ആയി കിടക്കുന്നത്... അതുകൊണ്ട് ഓറഞ്ചു എനിക്ക് തന്നൂടെ...."" ചെപ്പു ""നിന്നോട് ഫോൺ എറിഞ്ഞു പൊട്ടിക്കാൻ ഞാൻ പറഞ്ഞോ..."" അമ്മു ""അതും ശെരിയാ.... "" ചെപ്പു ""എന്നാൽ എന്റെ ഓറഞ്ചു താ... "" അമ്മു """ഇന്നാ.... കൊണ്ട് പോയി പുഴുങ്ങി തിന്ന്.... """ ചെപ്പു ""ഈൗൗൗൗൗൗ 😁😁😁😁"" അമ്മു ദിനുവും കാർത്തുവും വായും തുറന്നു രണ്ടിനേം നോക്കി.... കാര്യം ഇത്രേ ഉള്ളൂ.... താഴെ നിന്ന് വല്യ ഷോ ഇറക്കിയ മുതലുകൾ ആണ് ടെറസിൽ വന്നിരുന്ന് പോപ്പിന്സിന് വേണ്ടി തല്ല് കൂടുന്നത്.. """ആമി.... വീട്ടിൽ പോകണ്ടേ.... "" ദിനു വന്നു അവളുടെ കഴുത്തിലൂടെ കയ്യിട്ടു ചോദിച്ചതും അവൾ ഇളിച്ചു കൊടുത്തു.... """കാക്കു പോയിക്കോ.... ഞാൻ പിന്നൊരു ദിവസം വരാം.... "" ചെപ്പുന്റെ കയ്യിൽ മുറുകെ പിടിച്ചു കൊണ്ട് അവൾ പറഞ്ഞതും ദിനു അവളുടെ മുടിയിലൂടെ വിരൽ ഓടിച്ചു... """ഇത് ഇങ്ങനെയേ വരു എന്ന് എനിക്ക് അറിയാം.... രണ്ട് ദിവസം കഴിഞ്ഞു നീ ഇവന്റെ കൂടെ അങ്ങോട്ട് വാ.... ഉമ്മാക്ക് നിന്നെ കാണണം എന്ന് പറഞ്ഞു.... """

""ഹ്മ്മ്...ഞാൻ ചെപ്പുനേം കൂട്ടി വരാം....അല്ലേ ചെപ്പു.... "" അവൾ ചോദിക്കുന്നത് കേട്ട് അവൻ ചെറു ചിരിയോടെ തലയാട്ടി.... """എന്നാൽ ഞങ്ങൾ ഇറങ്ങുവാടാ.... സന്ധ്യ ആയില്ലേ.... ഉമ്മ കാത്തിരിക്കുന്നുണ്ടാകും... """ ദിനു ചെപ്പുനെ ചേർത്ത് പിടിച്ചു പറഞ്ഞതും അവൻ കാർത്തുനെ നോക്കി... ഇളിച്ചു കൊണ്ട് അവനെ നോക്കി നിൽക്കുന്നുണ്ട്... """ഡീ... അവിടേം നിന്റെ ഊള സ്വഭാവം പുറത്ത് എടുത്തേക്കല്ലേ.... പാവം ഉമ്മയും കദീജുമ്മയും ജീവനും കൊണ്ട് ഓടും.... """ ചെപ്പു പാഞ്ഞതും അവൾ അവനെ നോക്കി പല്ല് കടിച്ചു..... അല്പനേരം കൂടെ കഴിഞ്ഞതും അവർ യാത്ര പറഞ്ഞു ഇറങ്ങി... ആദിയും ആഷിയും ഇന്ന് വീട്ടിലേക്ക് വരുന്നില്ലെന്നും മാധുന്റെ തറവാട്ടിലേക്ക് പോവുകയാണെന്നും വിളിച്ചു പറഞ്ഞത് കൊണ്ട് ചെപ്പുന്റെ വീട്ടിൽ തന്നെ അവനും അമ്മുവും നിന്നു..... 🔹🔹🔹🔹🔹🔹🔹🔹🔹🔹🔹🔹🔹🔹 കരഞ്ഞു തളർന്നു റൂമിന്റെ ഒരു മൂലയിൽ ഇരിക്കുന്ന ശ്രീദേവിയുടെ അടുത്തേക്ക് കല്ലു പോയി.... അവൾ അവരുടെ അടുത്ത് വന്നിരുന്നു... ആരുടെയോ സാമീപ്യം അറിഞ്ഞത് പോലെ അവർ അവളെ നോക്കി...

സംശയഭാവത്തോടെ മുഖം ചുളുക്കി... ""ദിൽജിത്തിന്റെ അമ്മ അല്ലേ... "" അവൾ ചോദിച്ചതും അവർ പതിയെ തലയാട്ടി """അവന് വേണ്ടി കരയാതെ വേറെ വല്ല പണിക്കും പൊയ്ക്കൂടേ തള്ളേ.... നിങ്ങളെ അല്ലേ മോൻ.... വെറുതെ അല്ല അവൻ ഇങ്ങനെ ആയത്....നിങ്ങൾ കാരണം ആണ് അവന് നേരത്തെ മുകളിൽ എത്താൻ കഴിഞ്ഞത്.... പിന്നെ ആ പരനാറിക്ക് വേണ്ടി കരയാൻ മാത്രം പുണ്യം ഒന്നും അവനും ചെയ്തിട്ടില്ല നിങ്ങളും ചെയ്തിട്ടില്ല..... """" കല്ലു പറയുന്നത് കേട്ട് ശ്രീദേവി ഞെട്ടി കൊണ്ട് അവളെ നോക്കി.... """ഡീ.... നീ... """ കോപത്തോടെ അവൾക്ക് നേരെ പാഞ്ഞടുക്കാൻ നിന്ന ശ്രീദേവിയുടെ മുന്നിൽ മാധു വന്നു നിന്നു.... """"എന്റെ അമ്മയെയും അച്ഛനെയും കൊന്ന് എന്നെ അനാഥരാക്കിയപ്പോൾ നിങ്ങൾ എത്രത്തോളം സന്തോഷിച്ചുവോ അത്രത്തോളം വേദനിപ്പിക്കുന്ന ഒരു കാര്യം ഞാൻ പറയട്ടെ..... """" അവരുടെ തോളിൽ അമർത്തി പിടിച്ചു കുലുക്കി കൊണ്ട് മാധു പറഞ്ഞതും ശ്രീദേവി അവളെ തുറിച്ചു നോക്കി... അവളുടെ അച്ഛനെയും അമ്മയെയും തങ്ങൾ ആണ് കൊന്നതെന്നുള്ള കാര്യം മാധു എങ്ങനെ അറിഞ്ഞു എന്നുള്ള ഞെട്ടലും അവരുടെ മുഖത്തു ഉണ്ടായിരുന്നു.... """നിങ്ങളുടെ മകൻ ഇല്ലേ.... ആ ........ മോൻ.... അവൻ മരിച്ചു പോയല്ലേ.... എങ്ങനെയാ മരിച്ചത് എന്ന് അറിയോ നിങ്ങൾക്ക്.... ഞാൻ കൊന്നതാ.... എന്റെ ഈ കൈ കൊണ്ട്.... അവന്റെ ജീവൻ പോകുന്നത് ഞാൻ ആസ്വദിച്ചു കണ്ടു....

അവൻ കാരണം ജീവിതം ഇല്ലാതായ ഓരോ പെൺകുട്ടിക്കും വേണ്ടി ഞാൻ അത് ചെയ്തു.... """ ഒരുതരം ഭ്രാന്തമായ ആവേശത്തോടെ മാധു അവരുടെ ചെവിയിൽ പതുക്കെ പറഞ്ഞതും അവർ തറഞ്ഞു നിന്നു... """അവനുണ്ടല്ലോ.... ഞാൻ കൊല്ലാൻ പോകുന്നതിന് തൊട്ട് മുന്നേ എന്നോട് പറഞ്ഞത് എന്താന്ന് അറിയോ... ക്ഷമിച്ചൂടെ മോളെന്ന്.... പാവം അല്ലേ.... പക്ഷേ ഞാൻ ക്ഷമിച്ചില്ല.... അങ്ങനെ ക്ഷമിച്ചാൽ എന്റെ അച്ഛന്റേം അമ്മേടേം ആത്മാവിനു ശാന്തി കിട്ടില്ലല്ലോ.... അവർക്ക് വേണ്ടി എങ്കിലും ഞാൻ അത് ചെയ്യണ്ടേ..... """" അവൾ ചിരിച്ചു കൊണ്ട് പറഞ്ഞു... ""മാധൂ.... മതി... വാ... "" കല്ലു അവളെ പിടിച്ചു മാറ്റാൻ ശ്രമിച്ചു കൊണ്ട് പറഞ്ഞതും അവൾ കല്ലുന്റെ കൈ തട്ടി എറിഞ്ഞു.... """നാളെ രാവിലെ എന്റെ അച്ഛന്റെ പേരിൽ നിങ്ങൾ അനുഭവിക്കുന്ന സ്വത്തുക്കൾ എല്ലാം എന്റെ പേരിൽ മാറ്റി എഴുതണം.... അല്ലെങ്കിൽ ഒരു തെളിവും ഇല്ലാതെ നിങ്ങളെ മകനെ ഇല്ലാതാക്കിയത് പോലെ നിങ്ങളേം ഞാൻ തട്ടും.... മനസിലായല്ലോ.... """ പുച്ഛത്തോടെ അവൾ പറഞ്ഞതും ശ്രീദേവി ഒന്ന് അനങ്ങാൻ പോലും ആകാതെ അവിടെ തറഞ്ഞു നിന്നു... മാധു കല്ലുന്റെ കയ്യും പിടിച്ചു ആ റൂമിൽ നിന്നും പുറത്ത് ഇറങ്ങി.... മാധു വിറക്കുന്നുണ്ടായിരുന്നു... കല്ലു അവളെ പൊതിഞ്ഞു പിടിച്ചു... നന്ദു കൂടെ വന്നതും മൂന്നാളും മുത്തശ്ശിയുടെ റൂമിലേക്ക് പോയി...........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...