💕നിന്നിലലിയാൻ💕: ഭാഗം 12

രചന: ആമി

പിന്നേ രാത്രിയായി. അച്ചു കഴിച്ച് കഴിഞ്ഞ് തലയണയും കെട്ടി പിടിച്ച് ഹരിയുടെയും ഗീതുവിൻ്റേയും പിറകെ പോയി. "ഇതെങ്ങോട്ടാ തള്ളി കയറി പോണേ" (ഗീതു) "ഞാൻ ഇന്നിവിടാ കിടക്കുന്നേ" "അതെന്താ കണ്ണന്‍ വന്ന് പേടിപ്പിച്ചോ" (ഗീതു) "ഇല്ല ഞങ്ങൾ തമ്മില്‍ ഇപ്പൊ വഴക്ക് ഒന്നും ഇടാറില്ല. ഇന്ന്‌ ഇവിടെ കിടക്കാം എന്ന് വിചാരിച്ചു." എന്ന് പറഞ്ഞ്‌ അച്ചു കട്ടിലേ കയറി കിടന്നു. ഗീതുവും ഹരിയും അച്ചുവിന്റെ രണ്ട് വശത്തായി കിടന്നു. കുറച്ച് നേരം കഴിഞ്ഞപ്പോ അച്ചു ഗീതുവിനെ വിളിക്കാന്‍ തുടങ്ങി. "അമ്മേ.. അമ്മേ ഒന്ന് എഴുന്നേറ്റേ " " ഓ എന്തോന്ന് കൊച്ചേ നിനക്ക് ഉറക്കവും ഇല്ലേ" " അമ്മേ ഒന്ന് ഇങ്ങോട്ട് വന്നേ" "ദേ കൊച്ചേ നീ നിന്റെ തന്തേ വിളിക്ക്" "എന്റെ തന്തയ്ക്കു വിളിക്കാനോ അമ്മ എന്താ ഈ പറയുന്നേ" "ഓ എടി അവിടെ നിന്റെ അച്ഛന്‍ കിടപ്പുണ്ട് അങ്ങേരെ വിളി " " അമ്മാ അമ്മേ ഒന്ന് വന്നേ " "ഓ ഈ പെണ്ണിന്റെ കാര്യം " ഗീതു എഴുന്നേറ്റ് അച്ചുവിന്റെ കൂടെ പോയി. അച്ചു ഗീതുവിൻ്റെ കണ്ണ് പൊത്തി പിടിച്ചു കൊണ്ട് മുമ്പിലേക്ക് നടന്നു. പതിയെ ഗീതുവിൻ്റെ കണ്ണ് തുറന്നു.

" ഹാപ്പി birthday ഗീതൂസേ"(ഹരി& അച്ചു) " അതിന്‌ ഇന്ന്‌ ആണോ birthday ആ ഞാൻ അതിന്റെ കാര്യം അങ്ങ് മറന്ന് പോയീ നിങ്ങൾ എങ്ങനെ ഓര്‍ത്തു" "പിന്നേ എന്റെ അമ്മക്കുട്ടിയുടെ birthday ആര് ഓര്‍ക്കണം" (അച്ചു) അപ്പോളേക്കും ഗീതുവിൻ്റെ ഫോൺ റിങ് ചെയ്തു. ഗീതു പോയീ ഫോൺ എടുത്തു. " ഹാപ്പി ബർഡേ സ്വീറ്റ് അമ്മാ" "താങ്ക്സ് ഡാ മോനെ അല്ല നീ ഇത് എങ്ങനാ ഓര്‍ത്തേ" " അതൊക്കെ അറിയാം ഗീതൂസേ ഞാൻ വയ്ക്കട്ടെ " " ശെരിയടാ" " ഏയ് ഞാൻ അറിയാതെ അമ്മക്ക് ആരാ വേറെ ഒരു മോന്‍ ആ.. ആര്‍ക്കറിയാം" (അച്ചു ആത്മ) "അമ്മാ ആരാ ഇപ്പൊ വിളിച്ചേ" (അച്ചു) "അത് മനസ്സിലായില്ലേ അത് ഞങ്ങടെ മൂത്ത മോനാ "(ഹരി) " ഏയ് ഞാന്‍ അറിയാതെ നിങ്ങള്‍ക്ക് മോനോ എന്നോട് ഇത് വരെ എന്താ പറയാഞ്ഞേ എന്റെ ചേട്ടന്‍ എന്തിയേ"(അച്ചു) " ഓ എടി കണ്ണനാ വിളിച്ചേ അവന്‍ ഇപ്പൊ ഈ വീട്ടിലെ തന്നെയാ ഞങ്ങടെ സ്വന്തം മോനെ പോലെയാ "(ഗീതു) " ആ അത് തന്നെ" (ഹരി) " മോന്‍ വന്നപ്പോ മോളെ മറക്കാതെ ഇരുന്ന മതി" (അച്ചു) "

അതിന്‌ നിന്നെ ഞങ്ങൾ എന്നേലും മറക്കുമോ "(ഗീതു) " ആ ഒഴിയാ ബാധയെ ആരേലും മറക്കുമോ "(ഹരി) "അല്ലേലും എനിക്ക് അറിയാം "(അച്ചു) " നിങ്ങള്‍ക്ക് എന്നെ ഓടയിൽ നിന്നും കിട്ടിയതാ എന്നല്ലേ ഇപ്പൊ 12:30 ആയി രാവിലെ ഞങ്ങൾ അമ്പലത്തില്‍ പോകുന്നുണ്ട് അത് വഴി പോകുന്ന ഒരു ബസ്സില്‍ കയറ്റി അങ്ങ് വിടാം ആന്ധ്രയിലോട്ട്"(ഹരി) "അച്ഛാ ഞാൻ ചുമ്മാ ഡയലോഗ് അടിക്കുമ്പോ നിങ്ങ serious ആക്കല്ലേ "(അച്ചു) "എന്നാ വാ കേക്ക് മുറിക്കാം"(ഹരി) അങ്ങനെ കേക്ക് ഒക്കെ മുറിച്ച് പിന്നേ മൂന്ന്‌ ആളും കൂടി കിടക്കാന്‍ പോയീ. രാവിലെ ഹരിയും ഗീതുവും അമ്പലത്തിലേക്ക് പോയീ അച്ചു ഉറക്കം ആയത് കൊണ്ട് അവളെ കൊണ്ട്‌ പോയില്ല. അവർ അമ്പലത്തില്‍ നിന്ന് തൊഴുത് ഇറങ്ങിയപ്പോ ആണ്‌ കണ്ണനെ കണ്ടത്. " ആഹാ ഇത് ആര് കണ്ണന്‍ മോനോ" "happy birthday അമ്മേ ഇന്നലെ വിഷ് ചെയതത് ആണേലും ഇന്നും കൂടി ഇരിക്കട്ടെ ഒരെണ്ണം" "താങ്ക് യു ഡാ മോനെ. പിന്നേ എന്ന ഉണ്ട് മേനോനും പ്രീതയും എന്തിയേ" (ഗീതു) "അവർ അവിടെ ഉണ്ട് അല്ല അച്ഛനേം അമ്മയേയും എങ്ങനെ അറിയാം"

"പിന്നേ ഞങ്ങൾ എല്ലാം നല്ല കൂട്ട് അല്ലായിരുന്നോ ഞാനും ഇവളും പ്രീതയും അവനും "(ഹരി) " ആ അച്ഛനും അമ്മയും പറഞ്ഞ്‌ കേട്ടിട്ടുണ്ട് പക്ഷേ നിങ്ങൾ രണ്ട് പേരും ആണെന്ന് ഞാൻ അറിഞ്ഞില്ല " " ആ മോനെ നീ പറ്റുവാണേ അങ്ങോട്ട് വാ ട്ടോ "(ഗീതു) " ഞാൻ നോക്കട്ടെ അമ്മേ അല്ല അച്ചു വന്നില്ലേ " " അവൾ ഇപ്പൊ അവിടെ കിടന്ന് ഉറക്കം ആയിരിക്കും ഞങ്ങൾ പോവാ മോനെ അങ്ങോട്ട് വരാൻ നോക്ക് ട്ടോ "(ഹരി) " ആ ശെരി അച്ഛാ " ഗീതുവും ഹരിയും വീട്ടിലേക്ക് പോയി. കണ്ണനും തൊഴുതിട്ട് കണ്ണന്റെ വീട്ടിലേക്ക് പോയി. ദേവൂട്ടിയും ഉറങ്ങി കഴിഞ്ഞപ്പോ കണ്ണന്‍ ബോര്‍ അടിക്കാന്‍ തുടങ്ങി. കണ്ണന്‍ അടുക്കളയില്‍ പോയി അവിടെ ഇരുന്ന കാരറ്റും കഴിച്ച് കൊണ്ട്‌ സ്ലാബിൽ കയറി ഇരുന്നു. "പ്രീതൂസേ എനിക്ക് ബോര്‍ അടിക്കുന്നു എന്തേലും പണി താ ഞാൻ ചെയ്യാം" "എന്റെ ദൈവമേ എന്റെ മോന്‍ തന്നെ ആണോ ഇത് അല്ല ഇവന്റെ തലയില്‍ വെള്ളിടി വെട്ടിയോ" "അതെന്താ അമ്മാ അങ്ങനെ ചോദിച്ചേ" "അല്ല ചായ കുടിച്ചിട്ട് കപ്പ് പോലും അടുക്കളയില്‍ കൊണ്ട്‌ വക്കാത്ത മുതൽ ആണേ ഒരു സുപ്രഭാതത്തില്‍ ഇപ്പൊ എന്ത്‌ പറ്റിയോ ആവോ "

" ആരാ പറഞ്ഞെ ഞാൻ ഒന്നും ചെയ്തില്ല എന്ന് ഞാൻ കഴിഞ്ഞ മാസം അല്ലെ ചായ ഇട്ടേ " " ആ പിന്നേ ചായ ഇട്ടു അത് കുടിച്ചിട്ട് ഞങ്ങൾ ചത്തില്ലെന്നേ ഉള്ളു " " അതിന്‌ ഞാന്‍ ഒന്നും ചെയ്തില്ലല്ലോ " " ഒന്നും ചെയ്തില്ല തേയിലക്ക് പകരം കുറച്ച് കുരുമുളക് പൊടിയും പഞ്ചസാരക്ക് പകരം ഉപ്പും മാത്രമേ ഇട്ട് ഒള്ളു " " അപ്പോ അമ്മേടെ മരിമോളോ അവൾ കഴിഞ്ഞ ദിവസം ഞാൻ വീട്ടി പോയപ്പോ ഇട്ട് തന്ന ചായയില്‍ പാൽപൊടിക്ക് പകരം സോപ്പ് പൊടിയാ ഇട്ട് തന്നേ" " ആ അത് കൊള്ളാം ഞങ്ങടെ കാര്യത്തിൽ ഒരു തീരുമാനം ആയി " " പ്രീതൂസേ എന്തേലും ഒരു പണി താ " " എന്നാ അച്ഛന്റെ കൂടെ കമ്പനിയില്‍ പോയീ ഇരി" " എനിക്കൊന്നും വയ്യാ അവിടെ പോയി ഇരിക്കാൻ " " ദേവൂട്ടി എന്തിയേ" " അവൾ ഉറക്കം ആ "

" എങ്കി നീ ആ പറമ്പില്‍ പോവുക അച്ഛൻ കുറച്ച് കുഴി കുഴിച്ച് വച്ചിട്ട് ഉണ്ട് അതിൽ കുറച്ച് വിത്ത് കൊണ്ട്‌ നട്" " ആ ശെരി ഞാൻ ചെല്ലട്ടെ " കണ്ണന്‍ മൂന്ന്‌ ഏത്തയ്ക്കയും കപ്പയും കുറച്ച് ചക്കക്കുരുവും എടുത്തോണ്ട് പറമ്പിലേക്ക് പോയീ. ശെടാ ഇതിന്‌ ഇത്രേം വലിയ കുഴി എന്തിനാ കണ്ണൻ ആ കുഴി മണ്ണ് ഇട്ട് അങ്ങ് മൂടി എന്നിട്ട് ചെറിയ ഒരു കമ്പ് എടുത്ത് ചെറിയ ഒരു കുഴി ഉണ്ടാക്കി അതിൽ ചീനി കുത്തി വച്ചു. പിന്നേ ഏത്തയ്ക്കയും അത് പോലെ തന്നെ കുത്തി വച്ചു. അത് കഴിഞ്ഞ് ചക്കക്കുരു എടുത്ത് നിരത്തി അങ്ങ് വിതച്ചു. എന്തായി എന്ന് അറിയാൻ വന്ന് നോക്കുന്ന പ്രീത ഇത് കണ്ട് ഞെട്ടി പോയി. "ഡാ കണ്ണാ നീ ഇത് എന്തോന്ന് കാണിക്കുവാ" "അമ്മ പറഞ്ഞില്ലേ വിത്ത് നടാന്‍ ഇനീ ഇതിന്‌ വെള്ളം ഒഴിക്കണം" ...... (തുടരും)

എല്ലാ പാർട്ടുകളും വായിക്കാൻ ഇവിടെ ക്ലിക്ക് ചെയ്യുക