💞 പെയ്‌തൊഴിയാതെ💞 : ഭാഗം 13

രചന: RAFEENA MUJEEB

 " ഡോ :ഋഷികേശ് ആദ്യം സൈനുവിന്റെയും ലച്ചുവിന്റെയും കണ്ണിലുടാക്കിയതും ആ പേരാണ്, ഇങ്ങേര് ഡോക്ടറായിരുന്നോ...? അയാളെ നോക്കി ലച്ചു അടക്കം പറഞ്ഞു. ആർക്കറിയാം, ഇതിപ്പോ പട പേടിച്ചു പന്തളത്തു ചെന്നപ്പോൾ പന്തം കൊളുത്തി പട എന്ന് പറഞ്ഞ പോലെ ആയി, സൈനു അയാളിൽ നിന്നും കണ്ണെടുക്കാതെ പറഞ്ഞു. ഇതിലും നല്ലത് കൃപ പറഞ്ഞ പഴഞ്ചൊല്ലല്ലായിരുന്നോ,..? ഇടി വെട്ടിയവനെ പാമ്പ് കടിച്ചു, അതല്ലേ സന്ദർഭത്തിന് യോജിച്ചത്...? നിങ്ങളിവിടെ പഴഞ്ചൊല്ല് പറഞ്ഞു കളിക്കാൻ വന്നതാണോ..? ഇവിടെ നിന്ന് രക്ഷപ്പെടാനുള്ള വഴി പറഞ്ഞതാ... കൃപ രണ്ടാളോടുമായി പതുക്കെ പറഞ്ഞു. എന്താ ഇവിടെ ഒരു കുശുകുശുപ്പ്....? ശബ്ദം കേട്ട് തിരിഞ്ഞു നോക്കി കൊണ്ട് വനജ മിസ്സ്‌ ചോദിച്ചു. ഒന്നുമില്ല മേം ഇപ്പോളെനിക്ക് നല്ല ആശ്വാസമുണ്ടെന്നു പറയുകയായിരുന്നു.

കൃപ ശാന്തമായ മുഖത്തോടെ പറഞ്ഞു. അതൊന്നും കുഴപ്പല്ല്യാ, എന്തായാലും ഡോക്ടറെ കാണാതെ ഇവിടെ നിന്നും പോവില്ല. മാം പറയുന്നതുപോലെ, കൃപ വിനീതയായി മറുപടി പറഞ്ഞു. ആദ്യം കൊല്ലേണ്ടത് ഈ തള്ളയേയാണ് ലച്ചു അവരു കാണാതെ പുറകിൽ നിന്നും ഗോഷ്ടി കാണിച്ചുകൊണ്ട് പറഞ്ഞു. എന്താ പ്രശ്നം..? ഋഷി വനജ മിസ്സിനോട് ചോദിച്ചു ക്ലാസ്സെടുക്കുന്നതിനിടയിൽ ഈ കുട്ടിക്ക് ഒരു നെഞ്ചുവേദന ശ്വാസമെടുക്കാൻ പോലും പറ്റുന്നില്ലായെന്ന് പറഞ്ഞപ്പോൾ കയ്യോടെ കൂട്ടിക്കൊണ്ട് വന്നതാ , ഡോക്ടറൊന്ന് വിശദമായിട്ട് പരിശോധിക്കണം വനജ മിസ്സ് പറഞ്ഞു. ഓഹോ മൂന്നും ഉഡായിപ്പുമായി വീണ്ടും ഇറങ്ങിയിരിക്കുകയാണല്ലേ . ഋഷി മനസ്സിൽ പറഞ്ഞു മൂന്നിന്റെയും നിൽപ്പ് കണ്ടിട്ടവന് ചിരി വരുന്നുണ്ട്. ഇങ്ങോട്ടിരിക്കാം , തന്റെ മുൻപിലുള്ള കസേര കാണിച്ചുകൊണ്ട് ഋഷി കൃപയോട് പറഞ്ഞു. അവൾ സൈനുവിനെയും ലച്ചുവിനേയും ദയനീയമായിയൊന്ന് നോക്കി പേടിയോടെ അവനു മുൻപിൽ വന്നിരുന്നു. മുൻപ് കണ്ട ഒരു പരിചയവും ഋഷി കാണിക്കുന്നില്ല.

സ്റ്റെതസ്കോപ്പെടുത്ത് വിശദമായി തന്നെ അവളെ പരിശോധിച്ചു. ശ്വാസം ആഞ്ഞു വലിക്കാനും പതുക്കെ വിടാനും പറഞ്ഞ് കുറച്ചു സമയം അവളെ കളിപ്പിച്ചു. ഈ വേദന ഇടയ്ക്കിടയ്ക്ക് വരാറുണ്ടോ..?ഋഷി കൃപയോട് ചോദിച്ചു. ഈയിടെയായി ഇവർ മൂന്നുപേർക്കും ഏതുനേരവും അസുഖമാണ്, കാലാവസ്ഥയുടേതാണെന്നാണ് ഇവര് പറയുന്നത്. വനജ മിസ്സാണ് മറുപടി പറഞ്ഞത്. തള്ള കിട്ടിയ അവസരത്തിൽ നമുക്കിട്ട് പണിയാണല്ലോ ടീ സൈനു ലച്ചുവിന്റെ ചെവിയിലടക്കം പറഞ്ഞു. ഓഹോ കാലാവസ്ഥ മാറുന്നതിനനുസരിച്ച് നെഞ്ച് വേദന വരുമോ..? ജലദോഷവും പനിയും വരുന്നതൊക്കെ കേട്ടിട്ടുണ്ട്, ഇങ്ങനെ വരുന്നത് ഞാൻ ആദ്യമായിട്ട് കേൾക്കുകയാണ്, നിങ്ങൾ ഡിഗ്രിക്ക് പഠിക്കേണ്ട കുട്ടികളല്ല, എംബിബിഎസ് എടുത്തു പഠിച്ചിരുന്നെങ്കിൽ വൈദ്യശാസ്ത്രത്തിന് ഒരു മുതൽക്കൂട്ടായേനെ.

ഋഷി പണി തുടങ്ങിയെന്നവൻ പറയുന്നത് കേട്ടപ്പോൾ കൃപയ്ക്ക് മനസ്സിലായി. മനസ്സിൽ അയാളുടെ രണ്ട് തലമുറയെ പ്രാകി മുഖത്ത് ഒരു പുഞ്ചിരി ഫിറ്റ് ചെയ്തവൾ അയാൾക്കു മുൻപിൽ വിനയത്തോടെയിരുന്നു. ഏതായാലും ഈ വേദന ഇടയ്ക്കിടയ്ക്ക് വരുന്നുണ്ടെന്നല്ലേ പറഞ്ഞത്..? എനിക്ക് ഇയാളെ വിശദമായിയൊന്നു പരിശോധിക്കാണം, നിങ്ങൾ കുറച്ചുസമയം പുറത്തു നിൽക്ക്. ഋഷി പറയുന്നത് കേട്ട് കൃപ ലച്ചുവിനെ യും സൈനുവിനെയും ദയനീയമായി നോക്കി. എല്ലാം മോള് ഒറ്റയ്ക്ക് നേരിടെന്നും പറഞ്ഞ് ഓൾ ദ ബെസ്റ്റ് എന്ന് പതിയെ കൈകൊണ്ട് ആക്ഷൻ കാണിച്ച് അവര് ആ റൂം വിട്ടിറങ്ങി, മിസ്സും അവർക്ക് പുറകിൽ പോയതും കൃപയുടെ ഉള്ള ധൈര്യം കൂടി ചോർന്നുപോയി. അവളുടെ ഇരിപ്പ് കണ്ട് ഋഷി ഉള്ളിൽ ചിരിച്ചു. എന്തൊരു തുള്ളലായിരുന്നു ഇന്നലെ, ഇപ്പൊ കണ്ടാൽ ആരെങ്കിലും പറയോ ഇന്നലെ ഉറഞ്ഞു തുള്ളിയ ആ അഹങ്കാരിയാണെന്ന്. ഋഷി മനസ്സിലോർത്തു. ഇടയ്ക്കിടെ വേദന വരുന്നുണ്ടെന്നല്ലേ പറഞ്ഞത്..? എന്തായാലും നമുക്ക് വിശദമായി തന്നെ പരിശോധിക്കാം എംആർഐ ഇസിജിയും എല്ലാമെടുത്തു കളയാം.

അയാൾ പറയുന്നത് കേട്ട് കൃപ അയാൾ മിഴിച്ചുനോക്കി. ആരുപറഞ്ഞു ഇടക്കിടക്ക് വേദന വരുമെന്ന് ന ഞാൻ അങ്ങനെ പറഞ്ഞോ...?എനിക്ക് നെഞ്ചുവേദന ഇന്ന് ആദ്യമായിട്ടാണ് വരുന്നത്.. അയ്യോ ആദ്യമായിട്ടാണ് വരുന്നതെങ്കിൽ സൂക്ഷിക്കണം, ചിലപ്പോൾ ബ്ലോക്ക് വല്ലോം ആണെങ്കിലോ എന്തായാലും നമ്മൾക്ക് വിശദമായി തന്നെ എല്ലാ ടെസ്റ്റും ചെയ്യാം, കുട്ടി പേടിക്കേണ്ട. ഇയാളിത് വിടുന്ന ലക്ഷണമില്ല ല്ലോ ഈശ്വരാ.., കൃപ മനസ്സിലോർത്തു. അവളുടെ മുഖം കണ്ട് ഋഷിക്ക് ചിരി വരുന്നുണ്ട്, എന്തിനാണിത്ര ടെൻഷൻ കുട്ടി സമാധാനമായിട്ടിരിക്ക് ഇവിടെ എല്ലാ അസുഖത്തിനും പരിഹാരമുണ്ട്.ഉള്ളിലെ ചിരി മറച്ചുവെച്ച് ഋഷി പറഞ്ഞു. ആരോടോ തന്റെ കുട്ടി, കുറേ നേരമായവൻ കുട്ടി കുട്ടിയെന്നു വിളിക്കുന്നു , വേണ്ടാ വേണ്ടാന്ന് വെയ്ക്കുമ്പോൾ നീ എന്റെ തലയിൽ കയറുന്നോ..?, കൃപ പെട്ടെന്ന് വന്ന ദേഷ്യത്തിൽ വിളിച്ചു പറഞ്ഞു. ഓഹ് ഝാൻസി റാണി സടകുടഞ്ഞെഴുന്നേറ്റു. ഋഷി മനസ്സിൽ ചിരിച്ചു.

എങ്കിൽ ശരി തള്ള വിഷമിക്കേണ്ട ഋഷി അവളെ നോക്കി പുച്ഛത്തോടെ പറഞ്ഞു. ഇയാളെയിന്ന് ഞാൻ കൊല്ലും ഹോസ്പിറ്റലായത് കൊണ്ട് മാത്രം ക്ഷമിച്ചിരിക്കാ ഞാൻ , ഇയാളെന്നെ വയലൻഡാക്കിയേ അടങ്ങൂ, കൃപ അയാളോടുള്ള ദേഷ്യം കടിച്ചമർത്തിയിരുന്നു. ഒരു കാര്യം ചെയ്യാം വേദന കുറയാൻ നമുക്ക് ഒരു ഇഞ്ചക്ഷനെടുക്കാം, ഋഷി അടുത്തുനിന്ന നഴ്സിനോട് എന്തോ ആക്ഷൻ കാണിച്ചതും അവർ ഒക്കെ ഡോക്ടർ എന്ന് പറഞ്ഞവിടെ നിന്നും പോയി. അയ്യോ ഇൻജെക്ഷനൊക്കെയെന്തിനാ അതൊന്നും വേണ്ട, എനിക്കിപ്പോൾ ഒരു വേദനയുമില്ല, ചെറിയ എന്തെങ്കിലും മെഡിസിൻ തന്ന് പറഞ്ഞു വിട്ടാൽ മതി. അത് തള്ള യാണോ തീരുമാനിക്കുന്നത്, തന്നെ കണ്ടാലറിയാം ഒരുപാട് വേദന സഹിക്കുന്നുണ്ടെന്ന് ഇഞ്ചക്ഷനെടുത്താലേ അത് മാറൂ.ഋഷി ആലുവളെയൊന്നു നോക്കി പറഞ്ഞു. താനെവിടുത്തെ ഡോക്ടറാടോ?, വേദനയില്ലായെന്ന് പേഷ്യൻസ് പറഞ്ഞാൽ പിന്നെ തനിക്ക് അംഗീകരിച്ചാലെന്താ,?

ഓരോ ടെസ്റ്റ് എഴുതി പാവങ്ങളെ പിഴിയാൻ വന്നിരിക്കുകയാണ് വ്യാജഡോക്ടർ കൃപ ദേഷ്യത്തോടെ പറഞ്ഞു. വേദനയില്ലെങ്കിൽ പിന്നെ താനെന്തിനായിങ്ങോട്ട് വന്നത്, എന്നെ കാണാനോ..? ഋഷിയും അല്പം ശബ്ദമുയർത്തി. ഓ കാണാൻ പറ്റിയ ഒരു മൊതല് , താനീ ഹോസ്പിറ്റലിൽ ഡോക്ടറാണെന്നറിഞ്ഞിരുന്നേൽ ഞാനീ പരിസരത്ത് പോലും വരില്ല, അതപ്പോൾ എനിക്ക് വേദനയുണ്ടായിരുന്നു ഇപ്പോൾ ഇല്ല വേദന വന്നു എന്നുള്ളത് ശരിയല്ലേ..? അപ്പോൾ മിണ്ടാതെ ഞാൻ പറഞ്ഞതങ്ങ് കേട്ടാൽ മതി. ഇനിയൊന്നും പറഞ്ഞിട്ട് കാര്യമില്ലെന്ന് കൃപയ്ക്ക് മനസ്സിലായി. അപ്പോഴേക്കും ആ നഴ്സ് ഒരു വലിയ സിറിഞ്ചുമായി അവിടേക്ക് വന്നു. അതിന്റെ വലിപ്പം കണ്ട് കൃപ അതിലേക്ക് മിഴിച്ചു നോക്കി. ഇത് വെച്ചാണോ എന്നെ കുത്താൻ പോകുന്നത്...? കൃപ ആ സിറിഞ്ചിലേക്ക് പേടിയോടെ നോക്കിക്കൊണ്ട് ചോദിച്ചു. അതെ നെഞ്ചുവേദനയല്ലേ..? നെഞ്ചുവേദനയ്ക്ക് സാധാരണ ഇതു വെച്ചാണ് ഇഞ്ചക്ഷൻ ചെയ്യാറ്, തള്ള പേടിക്കേണ്ടാ, ഈ കുഞ്ഞ് അമ്മച്ചിയെ പതിയെ കുത്തിക്കോളും ,

പണ്ടെങ്ങാണ്ടോ ഇൻഞ്ചക്ഷൻ വെച്ചപ്പോൾ ഒരു കൈയബദ്ധം പറ്റി രണ്ടുപേര് മരിച്ചെന്നൊഴിച്ചാലിവളീ കാര്യത്തിൽ എക്സ്പെർട്ടാണ്.. ഋഷി പറയുന്നത് കേട്ട് കൃപ രണ്ടുപേരെയും പേടിയോടെ മാറിമാറി നോക്കി. അവളുടെ നോട്ടം കണ്ട് ഋഷി ഉള്ളിൽ ചിരിച്ചു. എനിക്ക് ഇഞ്ചക്ഷൻ പേടിയാണ്, ഇഞ്ചക്ഷൻ വേണ്ട സാർ പ്ലീസ് അവൾ യാചനയോടെ ഋഷിയോട് പറഞ്ഞു. അപ്പോൾ നല്ലേടത്തെ കുട്ടിക്ക് സൗമ്യതയുടെ വശമൊക്കെ പിടിയുണ്ടല്ലേ..? നീ എന്തു പറഞ്ഞിട്ടും കാര്യമില്ല നിനക്ക് ഇഞ്ചക്ഷൻ നിർബന്ധമാണ്, ഹരിത നോക്കിനിൽക്കാതെ ഇവരെ കൊണ്ടുപോയി ഒരു ഇഞ്ചക്ഷൻ എടുക്ക് ഋഷി ആ നഴ്സിനെ നോക്കി പറഞ്ഞു. അതിനു മുൻപ് എനിക്ക് സാറിനോട് ഒരഞ്ചുമിനിട്ട് തനിയെ സംസാരിക്കണം, അതുകഴിഞ്ഞ് എന്താന്ന് വെച്ചാൽ ചെയ്തോ പ്ലീസ് കൃപ വീണ്ടും ദയനീയമായി പറഞ്ഞു. അങ്ങനെ വഴിക്ക് വാടീ ചുടലയക്ഷിഋഷി മനസ്സിൽ പറഞ്ഞു ചിരിച്ചു.

സിസ്റ്ററൊന്ന് പുറത്ത് നിൽക്ക് ഞാൻ വിളിക്കാം ഋഷി അവരെ നോക്കി പറഞ്ഞതും ഒരു പുഞ്ചിരിയോടെ അവർ പുറത്തേക്കിറങ്ങി. എന്താണ് പറയാനുള്ളത് പെട്ടെന്നാവട്ടെ ഒരുപാട് തിരക്കുള്ള ഡോക്ടറാണ് ഞാൻ , എന്നെയും പ്രതീക്ഷിച്ച് ഒരുപാട് പേഷ്യൻസ് പുറത്തു നിൽപ്പുണ്ട് അവരുടെ വിലപ്പെട്ട സമയം കളയാൻ പറ്റില്ല. എന്താ പറയാനുള്ളതെന്ന് വച്ചാൽ വേഗം പറയണം ഋഷി ഗൗരവത്തോടെ പറഞ്ഞു. അയാളെ ഒരു നിമിഷം കൃപ പേടിയോടെ നോക്കി. പറയാനുള്ള കാര്യം എങ്ങനെ പറയും, ഇനി പറഞ്ഞാൽ എന്താവും ഇയാളുടെ റിയാക്ഷൻ, മുൻപത്തെ വൈരാഗ്യം വെച്ച് എന്തും ചെയ്യും. പറയാതിരുന്നാലും പ്രശ്നമാണ് എന്ത് ചെയ്യണമെന്നറിയാതെ കൃപ കുഴങ്ങി. താൻ പറയുന്നുണ്ടോ വെറുതെ എന്റെ വിലപ്പെട്ട സമയം നശിപ്പിക്കരുത് ഋഷി അല്പം ശബ്ദമുയർത്തി പറഞ്ഞതും അവളൊന്നു ഞെട്ടി ദയനീയമായി അയാളെ ഒന്ന് നോക്കി.... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...