💞 പെയ്‌തൊഴിയാതെ💞 : ഭാഗം 18

രചന: RAFEENA MUJEEB

" ഫോൺ കട്ട്‌ ചെയ്ത ശേഷം കൃപ ഒരുപാട് നേരം കൃതിയെക്കുറിച്ച് ആലോചിച്ചു. പാവമാണവൾ, കണ്ണെത്താ ദൂരത്തേക്ക് കല്യാണം കഴിച്ചത് കൊണ്ട് ആ കണ്ണ് നീറയുന്നത് ആരും കണ്ടില്ല, ചെറുപ്പംതൊട്ടേ ആരോടും പരാതി പറയുന്ന ശീലമില്ലാത്തതുകൊണ്ട് അവൾ സന്തോഷമായിരിക്കുന്നു എന്നാണ് എല്ലാവരും വിജാരിച്ചത്, ഒന്ന് കാണണം തോന്നിയാൽ പോലും ഓടിച്ചെല്ലാൻ പറ്റാത്തത്ര ദൂരമുണ്ട്, അവൾക്ക് കൃതിയുടെ കാര്യം ഓർത്തപ്പോൾ വിഷമം തോന്നി. താനൊരിക്കലും കുടുംബത്തെ വിട്ട് ഇത്ര ദൂരത്തേക്ക് വിവാഹം കഴിച്ചു പോകില്ല, അങ്ങനെ വല്ല ആലോചനയും വന്നാൽ താൻ അതിനെ ശക്തമായി എതിർക്കും. തനിക്ക് നാട്ടിലുള്ള ആരെയെങ്കിലും മതി അവളുടെ ചിന്തകളങ്ങനെ കാട് കേറി,അപ്പോഴാണ് അവളുടെ മനസ്സിലേക്ക് ഋഷിയുടെ മുഖം തെളിഞ്ഞു വന്നത്. അയാളെക്കുറിച്ച് ഓർത്തപ്പോൾ അവളുടെ ചുണ്ടിൽ അവൾ പോലുമറിയാതെ ഒരു പുഞ്ചിരി വിടർന്നു,

അവൾ തന്റെ ബാഗിൽ നിന്നും അയാൾ കുറിച്ച പ്രിസ്ക്രിപ്ഷൻ ലിസ്റ്റ് എടുത്തു അതിൽ കണ്ട നമ്പർ ഡയൽ ചെയ്തു ഫോൺ ചെവിയോടടുപ്പിച്ചു " ഹലോ മദർ കെയർ ഹോസ്പിറ്റൽ," മറുതലയ്ക്കൽ നിന്നും ഒരു സ്ത്രീയുടെ ശബ്ദം കേട്ടതും ഒരു നിമിഷം എന്ത് മറുപടി കൊടുക്കുമെന്നറിയാതെ അവൾ വാക്കുകൾക്ക് വേണ്ടി പരതി . ഹലോ, ഞാൻ ഋഷികേശ് ഡോക്ടറുടെ പേഷ്യന്റാണ് ഇന്ന് രാവിലെ ഡോക്ടറെ കാണിച്ചിരുന്നു, അദ്ദേഹത്തോട് എനിക്കൊന്ന് സംസാരിക്കണമായിരുന്നു അത്യാവശ്യമാണ്, എനിക്ക് നിങ്ങൾ അദ്ദേഹത്തിന്റെ നമ്പർ ഒന്ന് തരുമോ..? അപ്പുറത്തു നിന്നും വീണ്ടും ആ സ്ത്രീയുടെ ശബ്ദം കേട്ടപ്പോൾ കൃപ മടിച്ചു മടിച്ചു പറഞ്ഞു, അയ്യോ ക്ഷമിക്കണം മാം , പേഷ്യന്റിന് ഡോക്ടെർസിന്റെ പേഴ്സണൽ നമ്പർ കൈമാറാൻ ഞങ്ങളുടെ ഹോസ്പിറ്റൽ അനുവാദം തന്നിട്ടില്ല, എന്തെങ്കിലും അത്യാവശ്യമുണ്ടെങ്കിൽ ഹോസ്പിറ്റലിൽ നിന്നും വിളിച്ചു പറയും, എന്തെങ്കിലും ബുദ്ധിമുട്ടുണ്ടെങ്കിൽ ഞങ്ങളുമായി ബന്ധപ്പെടുക ഞങ്ങളത് ഡോക്ട്ടേഴ്സിനെ അറിയിക്കുന്നതാണ് ആ കുട്ടി നല്ല മര്യാദ യോടു കൂടി തന്നെ കൃപയോട് സംസാരിച്ചു.

നിങ്ങൾ ഇത് എവിടുത്തെ ന്യായമാണ് പറയുന്നത്, അസുഖം ചികിത്സിച്ച ഡോക്ടറുമായി സംസാരിക്കാൻ ഒരു പേഷ്യന്റിന് അനുവാദമില്ലേ...? കാശ് തന്നിട്ട് തന്നെയല്ലേ അദ്ദേഹം ഞങ്ങളെ ചികിത്സിക്കുന്നത് ? എന്തെങ്കിലും പ്രത്യേകിച്ച് ഉണ്ടെങ്കിൽ വിളിച്ചു പറയണമെന്ന് അദ്ദേഹം പ്രത്യേകം പറഞ്ഞതാ, നിങ്ങൾ നമ്പർ തന്നില്ലെങ്കിൽ ഞാൻ ഇത് വലിയ ഇഷ്യൂവാക്കും , ഒരു പേഷ്യന്റിന് അയാളുടെ ഡോക്ടറോട് സംസാരിക്കുന്നത് ആരുടെയും ഔദാര്യത്തിൽ അല്ല ആവകാശത്തിലാണ് പറയുന്ന കാശ് തന്നിട്ടല്ലേ ഞങ്ങൾ ചികിത്സയ്ക്ക് വരുന്നത്..? കൃപ കുറച്ച് ദേഷ്യത്തോടെ സംസാരിച്ചു. അയ്യോ മാം ദേഷ്യപ്പെടരുത്, എനിക്ക് മാനേജ്മെന്റിനോട് ചോദിക്കാതെ ഒന്നും ചെയ്യാൻ പറ്റില്ല, ഞാൻ ഇവിടത്തെ വെറും ഒരു സ്റ്റാഫാണ്, എന്തെങ്കിലും സംഭവിച്ചാൽ എന്റെ ജോലി പോകുന്ന പ്രശ്നമാണ് ആ കുട്ടി വളരെ ദയനീയമായി കൃപയോട് പറഞ്ഞു, കുട്ടി പേടിക്കണ്ട, ഋഷികേശ് ഡോക്ടറുടെ നമ്പർ തന്നു എന്നുവെച്ച് കുട്ടിക്ക് പ്രശ്നം വരാതെ ഞാൻ നോക്കിക്കൊള്ളാം,

ഈ കാര്യം ആരും അറിയില്ല എനിക്ക് അദ്ദേഹത്തിന്റെ നമ്പർ തരണം പ്ലീസ്, കൃപ യാജനയോടെ ചോദിച്ചു. ഞാൻ നമ്പർ തരാം പക്ഷേ നമ്പർ തന്നത് ഈ ഹോസ്പിറ്റലിൽ നിന്നാണെന്ന് ഡോക്ടർ ഒരു കാരണവശാലും അറിയരുത്, ഒരിക്കലുമില്ല നിങ്ങൾ നമ്പർ തന്നോളു , തല പോയാലും ഞാൻ ഇക്കാര്യം ആരോടും പറയില്ല,. കൃപ അവർക്ക് ധൈര്യം നൽകിക്കൊണ്ട് പറഞ്ഞു. അവർ തന്ന നമ്പർ ഡയൽ ചെയ്യുമ്പോൾ അവളുടെ ഹൃദയമിടിപ്പിന്റെ വേഗത കൂടുന്നുണ്ടായിരുന്നു. റിങ് ചെയ്യുന്നതിനനുസരിച്ച് അവളുടെ ധൈര്യം ചോർന്നു പോകാൻ തുടങ്ങി. ************ അമ്മ വിളമ്പി തന്ന ആഹാരംആസ്വദിച്ചു കഴിക്കുകയാണ് ഋഷി , കൂട്ടിനു മാഷും ഉണ്ട്, രണ്ടു പേർക്കും ഭക്ഷണം വിളമ്പി കൊടുത്ത് അവർ കഴിക്കുന്നത് നോക്കി സന്തോഷത്തോടെ നിൽക്കുകയാണ് ടീച്ചർ . അപ്പോഴാണ് അവന്റെ ഫോൺ റിങ് ചെയ്യുന്നത് കേട്ടത് ഫോണിന്റെ ശബ്ദം കേട്ടതും അവൻ ഭക്ഷണം കഴിക്കുന്നത് നിർത്തി എണീക്കാൻ ഒരുങ്ങി. അത് കഴിച്ചിട്ട് പോ മോനെ, ആകെ ഇത്തിരി അല്ലേ കഴിക്കുന്നത് അതും ബാക്കി വെക്കുകയാണോ...? ടീച്ചർ പരിഭവത്തോടെ ചോദിച്ചു. ഹോസ്പിറ്റലിൽ നിന്നും വല്ല അർജന്റ് കോളുമായിരിക്കും അമ്മേ ഞാൻ അതാരാണെന്ന് നോക്കിയിട്ട് പെട്ടന്ന് വരാം,

ഋഷി കഴിക്കുന്നത് നിർത്തി എണീറ്റ്ക്കൊണ്ട് പറഞ്ഞു. അപ്പോഴേക്കും ഫോൺ ശബ്ദം നിലച്ചിരുന്നു. കണ്ടോ.. അതു നിന്നു, അത്യാവശ്യകോൾ ആണെങ്കിലിനിയും വിളിക്കും അപ്പോഴേക്കും നീ ഫുഡ് കഴിക്കാൻ നോക്ക്, ടീച്ചറോട് തർക്കിച്ചിട്ട്‌ കാര്യമില്ലെന്നറിയാവുന്നത് കൊണ്ട് അവൻ പതിയെ ഭക്ഷണം കഴിച്ചു തീർത്തു. കൈകഴുകി വന്നപ്പോഴേക്കും വീണ്ടും ഫോൺ റിങ് ചെയ്യുന്ന ശബ്ദം കേട്ട് അവൻ റൂമിലേക്ക് പോയി. ഫോണെടുത്ത് അതിൽ തെളിഞ്ഞ നമ്പറിലേക്ക് കുറച്ചുനേരം സൂക്ഷിച്ചു നോക്കി ആൻസർ ബട്ടൺ പ്രസ് ചെയ്തു ചെവിയോടടുപ്പിച്ച് ഹലോ എന്ന് പറഞ്ഞതും അപ്പുറത്തുള്ള ആൾ ഫോൺ കട്ടാക്കി അതിലേക്കൊന്നു സൂക്ഷിച്ചുനോക്കി ഫോൺ അവിടെ തന്നെ വെച്ച് ഋഷി ഫ്രഷാവാൻ വേണ്ടി ബാത്‌റൂമിലേക്ക് പോയി. ബാത്റൂമിൽ നിന്നും ഇറങ്ങിയപ്പോഴേക്കും ഫോൺ വീണ്ടും ശബ്ദിക്കാൻ തുടങ്ങിയിരുന്നു. നേരത്തെ കണ്ട അതേ നമ്പർ തന്നെ, അവൻ കോൾ അറ്റൻഡ് ചെയ്തു ചെവിയോടടുപ്പിച്ച് സാവകാശമാണ് ഹലോ എന്ന് പറഞ്ഞ്. അവന്റെ ശബ്ദം വീണ്ടും കേട്ടപ്പോഴേക്കും ആ കോൾ വീണ്ടും കട്ടായി.

അധികം വൈകാതെ വീണ്ടും ആ കോൾ വരും എന്ന് ഉറപ്പുണ്ടായിരുന്നതുകൊണ്ട് ഫോൺ കയ്യിൽ നിന്നും മാറ്റാതെ അതിലേക്കു തന്നെ നോക്കിയിരുന്നു ഋഷി. അവന്റെ കണക്കുകൂട്ടലുകൾ തെറ്റിയില്ല, കുറച്ചു സമയം കഴിഞ്ഞപ്പോഴേക്കും ഫോൺ വീണ്ടും റിംഗ് ചെയ്യാൻ തുടങ്ങി. ഹലോ മിസ്സ്‌ കൃപാ കൃഷ്ണൻ, എന്താണ് ഉദ്ദേശം..? കോൾ എടുത്തതും ഋഷി ചോദിച്ചു. കൃപ ഞെട്ടി ഫോണിലേക്ക് ഒന്നു നോക്കി, ഇതെങ്ങനെ അയാൾക്ക് ഞാനാണെന്ന് മനസ്സിലായി അവളാലോജിച്ചു. കൂടുതൽ തലപുകയ്ക്കേണ്ട, കോളർ ഐഡിയുള്ള എല്ലാവരുടെ ഫോണിലും ഒരു വിധം വിളിച്ചത് ആരാണെന്നറിയാനുള്ള മാജിക് ഒക്കെയുണ്ട്, നീ ആദ്യം വിളിച്ചപ്പോൾ തന്നെ എനിക്ക് ആളെ മനസ്സിലായതാ , പിന്നെ എവിടം വരെ പോകും എന്ന് നോക്കാമെന്ന് വിചാരിച്ചാണ് മിണ്ടാതിരുന്നത്, അല്ല എന്താണ് മാഡത്തിന്റെ ഉദ്ദേശം..? വീണ്ടും വഴക്കിടാൻ വിളിച്ചതാണോ അവൻ സംശയത്തോടെ ചോദിച്ചു. അയ്യോ അല്ല ഞാൻ മുറി എങ്ങനെയുണ്ട് എന്ന് അറിയാൻ വേണ്ടി വിളിച്ചതാ, ഓ...അത് ഞാൻ വൈകിട്ട് ആയിരം രൂപക്ക് റെൻഡിനു കൊടുത്തു,,

അവൻ എടുത്തടിച്ച പോലെ പറഞ്ഞു. ഓ, ചളി, ഒരു ഡോക്ടറാണെന്ന് പറഞ്ഞിട്ടെന്താ കാര്യം, പറയുന്നത് മൊത്തം ചളിയാണല്ലോ..? താങ്കളിൽ നിന്ന് ഞാൻ ഇതിൽ കൂടുതൽ പ്രതീക്ഷിച്ചു, കൃപ അവനെ ഒന്നാക്കിക്കൊണ്ട് പറഞ്ഞു. ഓരോരുത്തരുടെ നിലവാരത്തിനനുസരിച്ചല്ലെ നമുക്കൊരോന്നു പറയാനൊക്കൂ, നിന്നോട് സംസാരിക്കുമ്പോൾ ഈ ചളിയൊക്കെ മതി, അവനും വിട്ടുകൊടുത്തില്ല. ഓഹോ, അതായിരുന്നോ,എന്നാ മോൻ കുറച്ചുകൂടി താഴോട്ട് വരാനുണ്ട്, ഇത് നമ്മുടെ റേഞ്ചിലും ഒരുപാട് മുകളിലാ, അപ്പൊ തറയാണെന്ന് സ്വയം അംഗീകരിച്ചല്ലേ..,? ഋഷി ചിരിച്ചുകൊണ്ട് ചോദിച്ചു . അതിനിയിപ്പോൾ ഞാൻ അംഗീകരിക്കാഞ്ഞിട്ട് വല്ല്യാ കാര്യമൊന്നുമില്ല, എന്നെ അറിയുന്നവർക്കെല്ലാം അറിയാം ഞാൻ വെറും തറയാണെന്ന് , എന്റെ പൊന്നോ നമിച്ചു, നീ ഒരു വല്ലാത്ത സംഭവം തന്നെ ഋഷി ചിരിച്ചുകൊണ്ട് പറഞ്ഞു. അതാണ്, കൃപ കൃഷ്ണൻ റയർ ആണ്, വേറെ എവിടെയും കാണാൻ പറ്റാത്ത ഐറ്റം, അതൊക്കെ ശരിയാ തലയ്ക്ക് ചെറിയ ഒരു അസുഖമുണ്ടെന്നേയുള്ളൂ നീ റെയർ തന്നെ ഋഷി ചിരിച്ചു കൊണ്ട് പറഞ്ഞു. അത് അസുഖമുള്ളവർക്ക് പെട്ടെന്ന് മനസ്സിലാവും അവൾ ചിരിച്ചു കൊണ്ട് പറഞ്ഞു. മതിയെടി,

കൂടുതൽ സഹിക്കാൻ വയ്യ നീ ഇത്തിരി ഓവറാണ്, ഓവറായാലെ എല്ലാവരും ശ്രദ്ധിക്കൂ , പറ ഡോക്ടറെ മുറിവ് വേദനയുണ്ടോ...? അവൾ വീണ്ടും ചോദിച്ചു വേദനയുണ്ടോ എന്ന് ചോദിച്ചാൽ നമ്മൾ കണ്ടു പിരിഞ്ഞിട്ടിപ്പൊ അധികം ആയില്ലല്ലോ.? മുറിവിന് മാറ്റം വരാനുള്ള സമയം ഒന്നും ആയിട്ടില്ല കൊച്ചേ, പിന്നെ വേദനയുണ്ടോ എന്ന് ചോദിച്ചാൽ എന്താണെന്നറിയില്ല ഇന്നത്തെ വേദനയ്ക്ക് ഒരു സുഖമുണ്ട്, നീ കേട്ടിട്ടില്ലേ സുഖമുള്ള വേദന അവൻ പുഞ്ചിരിയോടെ പറഞ്ഞു ഓഹോ, കൃപയ്ക്കും കേട്ടപ്പോൾ ചിരിയാണ് വന്നത്. ആഹാ അവനും ചിരിച്ചുകൊണ്ട് പറഞ്ഞു. എന്നാ ശരി ഞാൻ വെക്കുവാ....? അയ്യോ വെക്കുവാണോ..? എന്താ വെക്കണ്ടേ..? വെക്കണോ...? വെച്ചു അവൾ പുഞ്ചിരിയോടെ പറഞ്ഞു ഫോൺ കട്ടാക്കി. അവന്റെ ചുണ്ടിലും മായാതെ ഒരു പുഞ്ചിരിയുണ്ടായിരുന്നു. അവളെക്കുറിച്ചോർത്ത് എപ്പോഴോ അവനും ഉറക്കത്തിലേക്ക് വീണു. ഋഷിയെ കണ്ടതുമുതലുള്ള കാര്യങ്ങളൊക്കെയോർത്ത് അവളും മെല്ലെ ഉറക്കത്തെ പുൽകി..... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...