💞 പെയ്‌തൊഴിയാതെ💞 : ഭാഗം 22

രചന: RAFEENA MUJEEB

കൃപ പോയി കുറച്ചു സമയം കഴിഞ്ഞപ്പോഴാണ് അവൾ പറഞ്ഞിട്ട് പോയ കാര്യം ഋഷിക്ക് ശരിക്കും മനസ്സിലായത്. ഓഹോ അവൾ നൈസായിട്ട് പ്രൊപ്പോസ് ചെയ്തതാ കൊച്ചു കള്ളി, വല്ലാത്ത ഒരു സാധനം തന്നെ, അവള് പറയുന്നത് പോലെ റെയർ പീസ്, ലോകത്ത് അധികമൊന്നും കാണില്ല ഇതുപോലെ ഒരു ഇനം, അവൻ പുഞ്ചിരിയോടെ അവൾ പോയ വഴിയെ നോക്കി നിന്നു. അവിടെ നിന്നും ഇറങ്ങി നേരെ പോയത് ടൗണിലേക്കായിരുന്നു. അവിടെ സൈനുവും കൂട്ടുകാരും അവൾക്ക് വേണ്ടി കാത്തു നിൽക്കാൻ തുടങ്ങിയിട്ട് നേരം ഒരുപാടായി. അവർക്കു മുമ്പിൽ ഒരു ഓട്ടോയിൽ വന്നിറങ്ങുമ്പോൾ എല്ലാ എണ്ണത്തിന്റെയും മുഖം കടന്നൽ കുത്തിയത് പോലെയുണ്ട്. ഇതെവിടെ ആയിരുന്നു കൃപു എത്ര നേരമായി ഞങ്ങളിവിടെ നിന്നെ കാത്തു നിൽക്കുന്നു, വീട്ടിലേക്ക് വിളിച്ചപ്പോൾ അവിടെ നിന്നും ഇറങ്ങിയിട്ട് ഒരുപാട് നേരമായെന്നാണല്ലോ അച്ഛൻ പറഞ്ഞത്, അവിടെനിന്നും ഇറങ്ങി വേറെ എവിടെയെങ്കിലും പോയിരുന്നോ...? സൈനു അവളെ കണ്ടതും ചോദ്യങ്ങൾ കൊണ്ട് പൊതിഞ്ഞു.

അതൊക്കെ ഞാൻ വഴിയെ പറയാം ആദ്യം നമുക്ക് വല്ലതും കഴിക്കാം കൃപ അവരെയും വിളിച്ചു തൊട്ടടുത്തുള്ള ഒരു ഹോട്ടലിൽ കയറി. എന്തൊക്കെയാ വേണ്ടതെന്ന് വെച്ചാൽ ഓർഡർ ചെയ്തോളൂ, മെനു കാർഡ് നവീന് നേരെ നീട്ടിക്കൊണ്ടവൾ പറഞ്ഞു. നീ വരാൻ താമസിക്കുന്നത് കണ്ടപ്പോഴേ അതൊക്കെ ഞങ്ങൾ ഓർഡർ ചെയ്തു. റഹിം അവളെ നോക്കി ചിരിച്ചോണ്ട് പറഞ്ഞു. എന്റെ ഭഗവാനെ എല്ലാരും കൂടി എന്നെ ഇവിടുത്തെ പാത്രം മുഴുവൻ കഴുകിക്കുമോ...? എല്ലാരെയും നോക്കിക്കൊണ്ട് തലയിൽ കൃപ കൈവെച്ച് ചോദിച്ചു. അതൊന്നും വേണ്ടിവരില്ല നിന്റെ കയ്യിൽ എത്ര ഉണ്ടാകുമെന്ന് ഞങ്ങൾക്ക് അറിയാലോ..? അതിനനുസരിച്ചേ ഞങ്ങൾ ഓർഡർ ചെയ്തിട്ടുള്ളൂ സൈനു പറഞ്ഞു. അപ്പോഴേക്കും അവർ ഓർഡർ ചെയ്ത വിഭവങ്ങൾ ടേബിളിൽ വന്നു നിരന്നു. പിറന്നാളിന് നോൺ കഴിക്കാൻ പാടില്ലെന്നാണ് പറയാറ് ടേബിളിൽ നിരന്നുനിൽക്കുന്ന പലതരം നോൺ വിഭവങ്ങളെ വിഷമത്തോടെ നോക്കി കൃപ പറഞ്ഞു. പിന്നേ....പറയുന്നത് കേട്ടാൽ തോന്നും അല്ലാത്ത സമയത്ത് മുഴുവൻ നിന്റെ വീട്ടിൽ നോൺവെജ് ആണെന്ന്, നീ കഴിക്കുന്നില്ലെങ്കിൽ വേണ്ട ഇതൊക്കെ ഞങ്ങൾ തീർത്തോളാം സൈനു അവയിലേക്ക് നോക്കി കൊതിയോടെ പറഞ്ഞു.

അയ്യടി ഇത്രയും നോൺവെജ് കണ്ടിട്ട് പുല്ലും വയ്ക്കോലും കഴിക്കാൻ എന്നെക്കൊണ്ട് പറ്റില്ല കൃപ അവളെ നോക്കി ചിറിക്കോട്ടി കൊണ്ട് പറഞ്ഞ് ഭക്ഷണം വിളമ്പാൻ തുടങ്ങി. നീ ഇതുവരെ എവിടെയായിരുന്നുവെന്ന് പറഞ്ഞില്ല, ഭക്ഷണം കഴിക്കുന്നതിനിടയിൽ ലച്ചു വീണ്ടും അവളെ നോക്കിക്കൊണ്ട് ചോദിച്ചു. ഞാൻ മദർ കെയർ ഹോസ്പിറ്റൽ വരെ ഒന്ന് പോയതാ. കഴിക്കുന്നതിനിടയിൽ കൃപ പറഞ്ഞു ങേ!! മദർ കെയർ ഹോസ്പിറ്റലിലോ...?എല്ലാവരും ഒരുമിച്ച് അത്ഭുതത്തോടെ അവളെ നോക്കിക്കൊണ്ട്. അതെ!! മദർ കെയർ ഹോസ്പിറ്റലിൽ അതിനെന്താ ഇത്ര അത്ഭുതം അവിടെ എന്താ സാധാരണ ആൾക്കാർ പോകാറില്ലേ....? സാധാരണ ആൾക്കാർ പോകാറുള്ളത് പോലെ അല്ലല്ലോ നീ പോകുന്നത് നിന്റെ ഉദ്ദേശം വേറെയല്ലേ..? ആതു അവളെ ചൂഴ്ന്നു നോക്കിക്കൊണ്ട് പറഞ്ഞു. എന്നിട്ട് നീ ഡോക്ടറെ കണ്ടോ..? സൈനബ ചോദിച്ചു. ആഹ് കാണുകയും ചെയ്തു എന്റെ ഇഷ്ടം പറയുകയും ചെയ്തു അവളൊരു കൂസലുമില്ലാതെ പറയുന്നത് കേട്ട് എല്ലാവരും അവളെ മിഴിച്ച് നോക്കി.

നീ ഡോക്ടറോട് ഇഷ്ടം പറഞ്ഞോ,,? അവൾ പറഞ്ഞത് വിശ്വാസം വരാതെ റഹീം വീണ്ടും ചോദിച്ചു. ഞാൻ പറഞ്ഞല്ലോ..,അതിനിപ്പോ എന്താ ഇത്ര സംശയിക്കാൻ ഞാൻ ആദ്യമേ നിങ്ങളോട് പറഞ്ഞതാണ് എനിക്ക് ഒരാളോട് ഇഷ്ടം തോന്നിയാൽ അത് അയാളോട് തുറന്നു പറയാൻ എനിക്കൊരു മടിയും ഇല്ലായെന്ന് ആരെയും പേടിയും ഇല്ല, ഉള്ളിലൊരു ഇഷ്ടം തോന്നിയാൽ അത് അയാളോട് തുറന്നു പറയണം മറുപടി 'എസ് 'ആയാലും 'നോ 'ആയാലും അതിനെ നേരിടാനുള്ള ധൈര്യം ഈ കൃപയ്ക്കുണ്ട്, അല്ലാതെ ഉള്ളിൽ തോന്നിയ ഇഷ്ടം പുറത്തുപറയാതെ ഉള്ളിൽ തന്നെ കുഴിച്ചുമൂടാൻ നവീൻ അല്ല കൃപ, അവൾ നവീനെ നോക്കിക്കൊണ്ടാണ് അവസാനം വാചകം പറഞ്ഞത് കഴിക്കുന്നതിനിടയിൽ പെട്ടെന്നത് കേട്ടതും അവൻ കഴിച്ചുകൊണ്ടിരുന്ന ഭക്ഷണം അവന്റെ നെറുകയിൽ കയറി ചുമക്കാൻ തുടങ്ങി. അവന്റെ തലമണ്ട എറിഞ്ഞു പൊട്ടിച്ചേക്ക് ആതു, ഉള്ളിൽ കള്ളത്തരമുള്ളവർക്കാണ് ഇതുപോലെ ഭക്ഷണം മണ്ടയിൽ കയറുന്നത്. കൃപ പറഞ്ഞതൊന്നും മനസ്സിലാവാതെ മറ്റുള്ളവരെല്ലാം അവളെ സംശയത്തോടെ നോക്കി,

നവീൻ ഒന്നും പറയാതെ തല താഴ്ത്തിയിരുന്നു. ഇങ്ങനെയൊരു മണ്ടി, എനിക്കൊക്കെ എന്നെ ഒരാൾ സ്നേഹത്തോടെ നോക്കിയാൽ നോട്ടം ഏത് അർത്ഥത്തിലാണെന്ന് പെട്ടെന്ന് മനസ്സിലാകും, ഒരു വർഷത്തോളമായി ഇവന്റെ ഉള്ളിൽ നീ കയറിക്കൂടിയിട്ടും നിനക്കത് മനസ്സിലായില്ലല്ലോ പെണ്ണേ, ആതുവിനെ നോക്കി കൃപയത് പറഞ്ഞതും എല്ലാവരും അത്ഭുതത്തോടെ നവീനെ നോക്കി. ആതു മാത്രം ഒന്നും മനസ്സിലാകാതെ ഇരിക്കുകയാണ്. എന്റെ പെണ്ണേ ഇവന് നിന്നോട് മുടിഞ്ഞ പ്രേമമാണ്, അതെനിക്കെന്നോ മനസ്സിലായിട്ടുണ്ട്, അന്നുമുതൽ ഇവൻ പോലുമറിയാതെ എന്റെ കണ്ണുകൾ ഇവന്റെ പുറകേയുണ്ട്, നീ ധൈര്യമായിട്ടിവനെ കെട്ടിക്കൊ നിന്നെയിവൻ കരയിക്കില്ല അതുറപ്പാ, കരയിച്ചാൽ രണ്ടെണ്ണം വന്ന് പൊട്ടിക്കാനുള്ള അവകാശം ഞങ്ങൾക്കും ഇല്ലേ...? എന്താണേലും രണ്ടാളും പറഞ്ഞു തീർക്ക് കൃപ ഒരു പുഞ്ചിരിയോടെയതും പറഞ്ഞ് അവിടെ നിന്നും എഴുന്നേറ്റു കൈകഴുകാൻ പോയ. എടാ കള്ളക്കാമുകാ ഇങ്ങനെ ഒരു കാര്യം നിന്റെ മനസ്സിലുണ്ടായിരുന്നോ..?നിഴലുപോലെ കൂടെ നടന്നിട്ടും ഞങ്ങൾക്ക് പോലും അത് മനസ്സിലായില്ലല്ലോ..? റഹീം അവന്റെ തല മണ്ടയ്ക്ക് നോക്കി ഒരു കൊട്ട് കൊടുത്ത് പറഞ്ഞു. എന്നാലും ഇങ്ങനെയൊരു കാര്യം ഇത്രകാലം ഇവൻ നമ്മളോട് മറച്ചുവെച്ചില്ലെ ?

ലച്ചു അവനെ നോക്കി മുഖം കോട്ടിക്കൊണ്ട് പറഞ്ഞു. പെട്ടെന്ന് പിടിക്കപ്പെട്ട അമ്പപ്പിലാണ് നവീൻ , അവരോടൊക്കെ എന്ത് പറയണമെന്നറിയാതെ അവൻ കുഴഞ്ഞു, നിനക്കുള്ളത് ഞങ്ങൾ പതിയെ തരാം തൽക്കാലം എന്താണെങ്കിലും രണ്ടാളും പറഞ്ഞു തീർത്തിട്ട് പെട്ടെന്ന് വന്നേക്ക്, നിന്നെ ഞങ്ങൾ പിന്നെ എടുത്തോളമെടാ പ്രേമ വീരാ, അവന്റെ തലയ്ക്ക് ഒരു കൊട്ടും കൂടികൊടുത്ത് റഹീം അവിടെനിന്നും എഴുന്നേറ്റ് കൈകഴുകാൻ പോയി, ബാക്കിയുള്ളവരും അവന് പുറകെ വാഷ്ബേസിനടുത്തേക്ക് നടന്നു. പെട്ടെന്ന് ഇതെല്ലാം കേട്ട് മിഴിച്ചിരിക്കുകയാണ് ആതു,അവൾ ഒന്നും മനസ്സിലാവാതെ നവീനിനെ ഒന്ന് നോക്കി. കൃപ പറഞ്ഞതെല്ലാം ശരിയാണ് ഇത് എങ്ങനെ നിന്നോട് പറയും എന്ന് ആലോചിച്ച് നടക്കുകയായിരുന്നു കഴിഞ്ഞ ഒരു വർഷമായി ഞാൻ , വെറുതെ ഒരു നേരമ്പോക്കിനു തുടങ്ങിയ ഇഷ്ടമല്ല, ജീവനാണ് നീയെനിക്ക് , ഒരുപാട് ഇഷ്ടമാണ് പെണ്ണെ നിന്നെ,എന്റെ കൂടെ വരികയാണെങ്കിൽ പൊന്നുപോലെ നോക്കാം ഞാൻ എന്റെ കണ്ണടയുന്നവരെ അവളുടെ കണ്ണിലേക്ക് തന്നെ നോക്കി പ്രണയം തുളുമ്പുന്ന മിഴികളോടെ നവീൻ പറഞ്ഞു. ഒരു നിമിഷം അവനെന്തു മറുപടി കൊടുക്കും എന്നറിയാതെ അവൾ നിന്നു,

ഇതുവരെ സുഹൃത്തായി സ്വന്തം സഹോദരനെ പോലെക്കണ്ടവൻ, പെട്ടെന്നൊരു ദിവസം തന്റെ പാതിയാകണം എന്ന് പറഞ്ഞാൽ ആർക്കായാലും അംഗീകരിക്കാൻ മനസ്സു വരില്ല. പക്ഷേ അവന്റെ കണ്ണുകളിലുണ്ട് തന്നോടുള്ള അവന്റെ സ്നേഹം അത് കണ്ടില്ലെന്ന് നടിക്കാനും വയ്യ ആതിര ഒരു മറുപടി കൊടുക്കാനാവാതെ കുഴങ്ങി. ആതു, ഏതോ ചിന്തയിൽ എന്ന പോലെയിരിക്കുന്ന അവളെ നവീൻ പ്രതീക്ഷയോടെ വിളിച്ചു. അവൾ അവന്റെ മുഖത്തേക്കു നോക്കി. പെട്ടെന്ന് ഒരു തീരുമാനം പറയണ്ട , ആലോജിച്ച് ഒരു മറുപടി തന്നാൽ മതി, പക്ഷേ ഇഷ്ടമല്ല എന്ന് മാത്രം പറയരുത് അവൻ അവളെ നോക്കി പ്രതീക്ഷയോടെ പറഞ്ഞു. എനിക്കിതിന് ഒരു മറുപടി പറയാനാവില്ല, നവിക്കറിയാവുന്നതാണ് എന്റെ കാര്യങ്ങളെല്ലാം, അച്ഛൻ മരിച്ചത് മുതൽ എന്റെ അമ്മ കഷ്ടപ്പെട്ടാണ് ഞങ്ങൾ രണ്ടുപേരെയും വളർത്തിയത്, നിങ്ങളെപ്പോലെ വലിയ വീടോ വാഹനങ്ങളോ ഞങ്ങൾക്കില്ല അന്നന്നത്തെ ഭക്ഷണത്തിന് പോലും ചിലപ്പോൾ ബുദ്ധിമുട്ടാറുണ്ട്, പഠിച്ച് ഒരു ജോലി വാങ്ങി എന്റെ അമ്മയേയും അനിയത്തിയേയും സംരക്ഷിക്കണമെന്നാണ് എന്റെ വലിയ ഒരു ആഗ്രഹം അതിനു വേണ്ടിയാണ് ഞാൻ ഈ കഷ്ടപ്പെട്ട് പഠിക്കുന്നത് പോലും, നവീനോട് ഒരു ഇഷ്ടക്കേടും എനിക്കില്ല,

എന്നെപ്പോലെ ഒരു കുട്ടിയെ നവിയുടെ വീട്ടുകാർ അംഗീകരിക്കുമെങ്കിൽ മാത്രം വീട്ടുകാരെയും വിളിച്ച് എന്റെ വീട്ടിൽ വന്ന് ആലോചിച്ചോളു അമ്മയ്ക്ക് ഇഷ്ടമാണെങ്കിൽ എനിക്കും നൂറുവട്ടം സമ്മതമാണ് ആതു അവനെ നോക്കി പറഞ്ഞു. അവൾ സംസാരിച്ചു തുടങ്ങിയപ്പോൾ തന്നെ ഇഷ്ടമില്ല എന്ന് പറയാനാണ് പോകുന്നതെന്ന് വിജാരിച്ചിരുന്ന നവീനതൊരു ഷോക്ക് ആയിരുന്നു. സന്തോഷം കൊണ്ട് തുള്ളിച്ചാടണമെന്നു തോന്നിയവന് . ഒരുപാട് നാളായി താൻ ഉള്ളിൽ ക്കൊണ്ടു നടന്നിരുന്ന ഇഷ്ടം, കൃപ കാരണം ഇന്നത് പൂവണിഞ്ഞിരിക്കുന്നു, അവൻ കൃപയോട് വല്ലാത്ത ഒരിഷ്ടം തോന്നി, കൈ കഴുകി തങ്ങളെ കാത്തിരിക്കുന്ന കൂട്ടുകാരുടെയടുത്തേക്ക് ചെല്ലുമ്പോൾ ആതുവിൽ ഇതുവരെയില്ലാത്ത ഒരു നാണമുണ്ടായിരുന്നു . രണ്ടാളെയുമവർ കണക്കിന് കളിയാക്കിയാണ് അന്ന് അവർ പിരിഞ്ഞത്. നേരം ഒരുപാട് വൈകിയതിനാൽ ദത്തനെ വിളിച്ച് വരാൻ പറഞ്ഞവന്റെ കൂടെയാണ് അവൾ വീട്ടിലേക്ക് മടങ്ങിയത്. പോകുന്ന വഴിയിൽ ഒരു ടെക്സ്റ്റൈൽസിൽ കയറി അവൾക്കിണങ്ങുന്ന നല്ലൊരു ജോഡി ഡ്രസ്സെടുത്തു കൊടുക്കാനും അവൻ മറന്നില്ല. ആതുവിനെ സംബന്ധിച്ച് അന്നത്തെ ദിവസം മൊത്തത്തിൽ നല്ലൊരു ദിവസമായി അവൾക്ക് തോന്നി...... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...