💞 പെയ്‌തൊഴിയാതെ💞 : ഭാഗം 28

രചന: RAFEENA MUJEEB

" ഒന്ന് പോയെടീ ജാഡ പിശാശ്, നീ ആരെ കാണിക്കാനാണ് ഇത്ര ജാഡയിടുന്നത്, പൂച്ച കണ്ണടച്ച് പാല് കുടിച്ചാൽ ആരും അറിയില്ലെന്നാ വിജാരം, നിന്റെ ഉള്ളിൽ എന്നോട് ഒരുപാട് ഇഷ്ടമുണ്ടെന്ന് നന്നായി മനസ്സിലാക്കിയിട്ട് തന്നെയാണ് ഞാൻ ഇവിടെ നിൽക്കുന്നത്... നിനക്ക് അത് എന്നോട് തുറന്നു പറയുകയല്ലാതെ വേറെ വഴിയില്ല. തന്നോട് എനിക്ക് ഇഷ്ടമോ...? താനെന്താ വല്ല സ്വപ്നവും കണ്ടോ..? വൈഷു അവനെ പുച്ഛത്തോടെ നോക്കിക്കൊണ്ട് ചോദിച്ചു. ഞാൻ കണ്ട സ്വപ്നങ്ങളൊന്നും അങ്ങനെ വെറുതെയാവാറില്ല, ഇഷ്ടമല്ലെങ്കിൽ പിന്നെ എന്തിനാ നീ എന്നെ ഇന്നലെ ഫോളോ ചെയ്തത്, എന്ത് ധൈര്യത്തിലാണ് നാഗക്കാവിലേക്ക് നീ എന്റെ പുറകെ വന്നത് ....? ഓ അതായിരുന്നോ ,...? അത് ഞാൻ ഇയാളെന്താ അവിടെ ചെയ്യുന്നതെന്ന് നോക്കാനുള്ള കൗതുക കൊണ്ടുവന്നത്, അല്ലാതെ അതൊക്കെ പ്രണയമായിരുന്നുവെ ന്ന് തെറ്റിദ്ധരിക്കാനുള്ള ബുദ്ധിയെ തനിക്കുള്ളൂ, വൈഷു അവനെ പരിഹാസത്തോടെ നോക്കി ചോദിച്ചു. ദത്തന്റെ ബുദ്ധിയളക്കാൻ നീ ആയിട്ടില്ല മോളേ,

ഇന്നലെ എന്തൊക്കെ നടന്നോ അതൊക്കെ ഞാൻ മുൻകൂട്ടി പ്ലാൻ ചെയ്തു നടത്തിയതാ, ഞാൻ വിരിച്ച വലയിൽ മോള് കൃത്യമായി വീണു, ദത്തൻ വൈഷുവിനെ നോക്കി പുഞ്ചിരിയോടെ പറഞ്ഞു അവൾ ഒന്നും മനസ്സിലാകാതെ അവനെ തന്നെ നോക്കി നിന്നു. ഇന്നലെ നീ എന്റെ പുറകിൽ നാഗകാവിലേക്ക് വന്നു, അത് ഞാൻ എന്തിനാ അവിടെ പോകുന്നത് എന്ന് അറിയാനുള്ള ആകാംഷ കൊണ്ടാണെന്ന് നീ പറയുന്നു, അങ്ങനെ ഞാൻ എന്തു ചെയ്യുന്നു എന്നറിയാനുള്ള ആകാംക്ഷ എന്തിനാ നിനക്ക്....? എന്റെ നിഴലു കണ്ടാൽ ഒഴിഞ്ഞുമാറി നടക്കുന്ന നീ എന്തിനാ ആവേശത്തോടെ എന്റെ പുറകെ വന്നത്...?ഇനി നീ പറഞ്ഞതുപോലെ ആകാംക്ഷ കൊണ്ടാണെന്നിരിക്കട്ടെ, എന്റെ കണ്ണുനീർ കണ്ട് എന്തിനാ നിന്റെ മിഴികളിൽ നനവ് പടർന്നത്, ഏറെ സ്‌നേഹത്തോടെ എന്തിനാ എന്റെ മുഖത്ത് തലോടിയത്....? ബോധം പോകുന്നതിനു മുമ്പ് ഞാൻ കണ്ട അവസാന കാഴ്ച്ചയതാണ്, അതിനുശേഷം നീ എന്നെ എന്തൊക്കെ ചെയ്തു എന്ന് എനിക്കറിയില്ല, പക്ഷേ ഇതിനുള്ള ഉത്തരം എനിക്ക് കിട്ടിയേ പറ്റൂ,

മിഴിച്ചു നിൽക്കാതെ ഉത്തരം പറയൂ മിസ്സ് വൈഷ്ണവി... ദത്തൻ അവളെ നോക്കി ഒരു പുഞ്ചിരിയോടെ പറഞ്ഞു. അത് ഞാൻ... പെട്ടെന്നുള്ള അവന്റെ ചോദ്യം കേട്ട് എന്ത് പറയണമെന്നറിയാതെ വൈഷു ഒന്ന് നിർത്തി. ഒരു വിജയിയുടെ ഭാവത്തോടെ തന്നെ നോക്കി ചിരിച്ചു നിൽക്കുകയാണ് ദത്തൻ , അത് കണ്ടപ്പോൾ അവൾക്ക് ദേഷ്യം കൂടി, കള്ളിന്റെ പുറത്ത് ബോധമില്ലാതെ ഓരോന്ന് സങ്കല്പിക്കുന്നതിന് ഞാൻ എന്ത് വേണം? ഞാൻ ഒരിക്കലും അങ്ങനെയൊന്നും ചെയ്തിട്ടില്ല എല്ലാം നിന്റെ തോന്നലാ, ഓഹോ ബോധമില്ലാത്ത സമയത്ത് എനിക്കുണ്ടായ തോന്നലായിരുന്നു അതൊക്കെ അല്ലേ...? എന്നാൽ പൂർണ്ണ ബോധത്തോടെ ഞാനൊരു കാര്യം ചെയ്യാൻ പോവുകയാണ്, നിനക്ക് എതിർക്കാൻ പറ്റുമെങ്കിൽ എതിർക്ക് ഞാനൊന്ന് കാണട്ടെ, ദത്തൻ അത് പറഞ്ഞവളുടെ അടുത്തേക്ക് വന്നു. വൈഷു ഒന്നും മനസ്സിലാവാതെ അവനെ നോക്കി നിന്നു. അവൻ ഒരു കള്ളച്ചിരിയോടെ അവളുടെ തൊട്ടടുത്തെത്തിയതും ഞൊടിയിടയിൽ അവളുടെ ഇടുപ്പിലൂടെ കൈയ്യിട്ട് അവളെ തന്നിലേക്ക് ചേർത്ത് പിടിച്ച് സർവ്വശക്തിയുമെടുത്ത് അവളുടെ ചുണ്ടുകളിൽ അമർത്തി ചുംബിച്ചു.

ഒട്ടും പ്രതീക്ഷിക്കാതെ യുള്ള അവന്റെ നീക്കത്തിൽ വൈഷു ഞെട്ടി, അവളുടെ ഇരുകണ്ണുകളും തുറിച്ചു വന്നു, അവന്റെ പിടിയിൽനിന്ന് കൂതറാൻ അവൾ ആവുന്നതും ശ്രമിച്ചു പരാജയപ്പെട്ടു, ഒടുവിൽ അവന്റെ ആ ചുംബനത്തിൽ അവൾക്ക് കീഴടങ്ങേണ്ടിവന്നു. പതിയെ അവളുടെ എതിർപ്പുകൾ ഇല്ലാതായി, അവൾ പോലുമറിയാതെ അവളുടെ ഇരുകൈകൾക്കൊണ്ടും അവളവനെ പുണർന്നു, കണ്ണുകളടച്ച് സ്വയം മറന്ന് അവൾ അങ്ങനെ നിന്നു. കുറച്ചു സമയം കഴിഞ്ഞപ്പോൾ ദത്തൻ അവളിൽ നിന്നും വേറിട്ടു ഒരു പുഞ്ചിരിയോടെ അവളെ നോക്കി. ഇരു കണ്ണുകളും അടച്ചു നില്ക്കുകയാണ് വൈഷു , അവളുടെ കണ്ണിൽ നിന്നും കണ്ണുനീർ ധാരധാരയായി ഒഴുകി ഇനിയെങ്കിലും സമ്മതിക്ക് വൈഷു നിന്റെ ഉള്ളിൽ ഞാനാണെന്ന്, മഉള്ളിലുള്ള ഇഷ്ടം ആർക്കുവേണ്ടിയാണ് നീ കുഴിച്ചുമൂടുന്നത്, എനിക്ക് വേണം നിന്നെ, ഇഷ്ടമാണ് എനിക്ക് നിന്നെ ഒരുപാട് നിന്റെ ഒരു മറുപടിക്ക് വേണ്ടിയാണ് ഞാൻ കാത്തുനിൽക്കുന്നത് , ഇനിയും ഇഷ്ടമില്ല എന്നാണ് നീ പറയുന്നതെങ്കിൽ നിന്റെ സമ്മതമില്ലാതെ നിന്നെ ചുംബിച്ചതിന് എന്റെ കരണം നോക്കി നീ അടിക്കണം,

നിനക്കു മുമ്പിൽ കൈയുംകെട്ടി നിന്ന് തരും ഞാൻ , രണ്ടിൽ ഏത് വേണമെന്ന്ee ഇപ്പോൾ തീരുമാനിക്കണം അവളെ നോക്കി ദത്തൻ പറഞ്ഞു. വൈഷു കുറച്ചുസമയം ഒന്നും മിണ്ടാതെ അവനെ തന്നെ നോക്കി നിന്നു. എന്ത്യേ...?നിനക്ക് ഒരു മറുപടി പറയാൻ കിട്ടുന്നില്ലേ...? ഇഷ്ടമാ.. എനിക്ക് ഒത്തിരി ഇഷ്ടമാണ്, താൻ പറഞ്ഞതുപോലെ ബുദ്ധിയുറക്കാത്ത പ്രായത്തിൽ കേറി കൂടിയതാ ദത്തൻ ഈ വൈഷുവിന്റെ ഉള്ളിൽ, വകതിരിവില്ലാത്ത പ്രായമല്ലേ ഞാൻപോലുമറിയാതെ എപ്പോഴോ നമ്മുടെ സൗഹൃദം പ്രണയമായി ദാസേട്ടനെന്നും കുഞ്ഞേട്ടനെന്നും അവരെയൊക്കെ വിളിക്കുമ്പോൾ തന്നെ മാത്രം വിളിക്കാൻ എനിക്കൊന്നും കിട്ടുന്നില്ലായിരുന്നു,കരുതുന്നു, ദത്തേട്ടനെന്ന് വിളിച്ചാൽ താൻ എനിക്ക് സഹോദരനായി മാറുമോ എന്ന് അന്നത്തെ കൊച്ചു വൈഷു ഭയന്നു, കാരണം ഒരു സൗഹൃദത്തിനും വിട്ടുനൽകാനാവാത്ത വിധം ആ പ്രായത്തിൽ തന്നെ ഞാൻ നിന്നെ ഒരുപാട് സ്നേഹിച്ചിരുന്നു, അച്ഛൻ മരിച്ച ശേഷം മാമന്റെ കൂടെ പോയപ്പോഴും ഏറെ സങ്കടപ്പെട്ടത് തന്നെ ഓർത്തായിരുന്നു,

തന്നെ പിരിഞ്ഞുള്ള ദിവസങ്ങൾ എങ്ങനെയാണ് തള്ളിനീക്കിയത് എന്ന് എനിക്കേ അറിയൂ, ഓരോ ലീവ് കിട്ടുമ്പോഴും ഇങ്ങോട്ട് ഓടി വന്നിരുന്നത് മനസ്സിൽ തന്റെ മുഖം ഓർത്തു മാത്രമായിരുന്നു, അമ്മ വിശേഷങ്ങൾ അറിയാൻ വിളിച്ചാൽ ആദ്യം ചോദിക്കുന്നതും ദത്തന്റെ കാര്യങ്ങളായിരുന്നു, സ്വന്തം മകളുടെ മനസ്സ് വായിക്കാൻ പെറ്റമ്മമാർക്ക് പെട്ടന്ന് കഴിയും , എന്റെ അമ്മയും വായിച്ചു എന്റെ മനസ്സിലെ തന്നോടുള്ള ഇഷ്ടം, അതറിഞ്ഞതും അമ്മ എന്നെ വിലക്കി, വരാൻ പോകുന്ന ഭവിഷത്തുകളെക്കുറിച്ച് ബോധ്യപ്പെടുത്തി തന്നു, അർഹിക്കാത്തത് ആഗ്രഹിച്ചാൽ കരയേണ്ടി വരും എന്ന് ഓർമ്മപ്പെടുത്തി, ഞാൻ കാരണം എന്റെ അനിയത്തിമാരുടെ ജീവിതം നശിപ്പിക്കരുത് എന്ന് താക്കീത് നൽകി, അർഹിക്കാത്ത ഇഷ്ടം ഉള്ളിൽ നിന്നു തുടച്ചു മാറ്റണം എന്ന് ഭീഷണിയുടെ സ്വരത്തിൽ പറഞ്ഞു, അമ്മയുടെ നിർബന്ധം കാരണം മനസ്സിൽ തോന്നിയ ഇഷ്ടം എന്റെ ഉള്ളിൽ തന്നെ കുഴിച്ചുമൂടാൻ ഞാൻ തീരുമാനിച്ചു, പക്ഷേ എത്ര ശ്രമിച്ചിട്ടും തന്നെ എന്റെ ഉള്ളിൽ നിന്ന് പടിയിറക്കിവിടാൻ എനിക്ക് സാധിച്ചില്ല

അവിടെ മാത്രം ഞാൻ തോറ്റുപോയി ദിവസങ്ങൾ കഴിയുന്തോറും തന്നോടുള്ള എന്റെ ഇഷ്ടം കൂടിക്കൂടി വന്നു, വർഷങ്ങൾക്കുശേഷം ഞാനിവിടെ കാലുകുത്തുമ്പോൾ തന്നെ ഒന്ന് കാണാൻ മനസ്സ് തുടിക്കുകയായിരുന്നു, ഇവിടെ വന്ന് നിങ്ങളുടെ ഇപ്പോഴത്തെ അവസ്ഥ അറിഞ്ഞപ്പോൾ ശരിക്കും മൂന്ന് പേരോടും എനിക്ക് ദേഷ്യം തോന്നി, ആ ദേഷ്യം തന്നോടുള്ള വെറുപ്പാക്കി മാറ്റാൻ ഞാൻ ഒരുപാട് ശ്രമിച്ചു, പക്ഷെ എത്ര ശ്രമിച്ചിട്ടും തന്നോട് ഒരു തരി പോലും വെറുപ്പ് കാണിക്കാൻ എനിക്ക് കഴിയുമായിരുന്നില്ല, പഴയതിലും കൂടുതൽ ഞാൻ നിന്നെ സ്നേഹിക്കുന്നുണ്ട് എന്ന് മനസ്സിലായപ്പോഴാണ് നിങ്ങളിൽ നിന്നെല്ലാം ഒഴിഞ്ഞുമാറി നടന്നത്, പക്ഷേ കുഞ്ഞേട്ടനും ദാസേട്ടനും ജീവിതം നശിപ്പിക്കുന്നത് കണ്ടപ്പോൾ നോക്കി നിൽക്കാൻ തോന്നിയില്ല, വീണ്ടും അവരോടടുത്തപ്പോൾ ഞാൻ വല്ലാതെ ഭയപ്പെട്ടു തന്നോട് വീണ്ടും പഴയതിനേക്കാൾ അടുപ്പത്തിലാകുമോ എന്ന്, അതാ നിനക്ക് പിടിതരാതെ മാറി നടന്നത്, നീ വരുന്നിടത്തു നിന്നെല്ലാം ഞാൻ ഒഴിഞ്ഞുമാറി, അർഹിക്കാത്തത് ആഗ്രഹിക്കില്ലെന്ന് ഞാനെന്റെ അമ്മയ്ക്ക് വാക്കു കൊടുത്തതാണ് അത് ഞാൻ ഒരിക്കലും തെറ്റിക്കില്ല. അറിയേണ്ടതൊക്കെ അറിഞ്ഞില്ലേ ഇനി എന്നെക്കൊണ്ട് വിട് വൈഷു ദത്തനെ നോക്കി പറഞ്ഞു.

അവളുടെ വാക്കുകൾ സങ്കടം കൊണ്ട് ഇടറുന്നണ്ടായിരുന്നു , എന്നാലും അവന്റെ മുൻപിൽ അവളതറിയിക്കാതെ പിടിച്ചു നിന്നു. ദത്തനിതെല്ലാം കേട്ട് അമ്പരന്നു നിൽക്കുകയാണ്, തന്നോട് അവൾക്ക് ഇങ്ങനെയൊരു ഇഷ്ടം ഉണ്ടെന്ന് താൻ സ്വപ്നത്തിൽ പോലും വിചാരിച്ചിട്ടില്ല, വെറുതെ ഒന്നെറിഞ്ഞു നോക്കിയതാണ്, പക്ഷേ അതിപ്പോൾ നന്നായി തോന്നുന്നു, തന്റെ വൈഷുതാൻ ജീവനേക്കാൾ ഏറെ സ്നേഹിക്കുന്ന അവളുടെ ഉള്ളിൽ താനും അതേ ആഴത്തിൽ ഉണ്ടെന്നറിഞ്ഞ നിമിഷം, ദത്തന് അവളോട് ഒരുപാട് ഇഷ്ടം തോന്നി. ആർക്കുവേണ്ടിയും ഉള്ളിൽ തോന്നിയ ഇഷ്ടം മൂടി വെക്കേണ്ടതില്ല വൈഷു , ഞാൻ സ്നേഹിച്ച പെണ്ണാണ് നീ, ആരൊക്കെ എതിർത്താലും ഞാൻ നിന്നെ സ്വന്തമാക്കും,അതിനുള്ള ധൈര്യമൊക്കെ എനിക്കുണ്ട് ഇനിയൊരാൾക്കും ഞാൻ നിന്നെ വിട്ടു കൊടുക്കില്ല. പൊന്നുപോലെ നോക്കിക്കോളാം ഞാൻ, ഒരു പെണ്ണിനെ പോറ്റാൻ ധൈര്യമല്ല വേണ്ടത്, പൊന്നുപോലെ നോക്കാം എന്ന് പറഞ്ഞല്ലോ അത് വാക്കുകൾ കൊണ്ട് മാത്രമല്ല എന്ന് ഉറപ്പു പറയാൻ തനിക്കാകുമോ,.? പറ്റില്ല കാരണം ഇന്നുവരെ ഒരു രൂപ പോലും താൻ സമ്പാദിച്ചിട്ടില്ല, മറ്റുള്ളവരുടെ ചിലവിലാണോ നീ എന്നെ പൊന്നുപോലെ നോക്കാൻ പോകുന്നത്..?

സ്വന്തമായിട്ട് ഒരു ജോലി പോലും ഇല്ല എന്നിട്ടും വീമ്പു പറയാൻ നാണമില്ലേ,...? ഞാനിവിടെ വന്നിറങ്ങിയ നിമിഷം നീ നല്ല നിലയിലായിരുന്നുവെങ്കിൽ, തന്റെടത്തോടെ നിനക്കെന്നെ പോറ്റാൻ കഴിയുമെന്ന് എനിക്ക് ബോധ്യപ്പെട്ടിരുന്നുവെങ്കിൽ ഒരുപക്ഷേ ഞാൻ എന്റെ ഇഷ്ടം എന്നേ തുറന്നു പറഞ്ഞേനെ, ഞാൻ പ്രതീക്ഷിച്ച ദത്തനെയല്ല ഞാനിവിടെ കണ്ടത്, പിന്നെ എന്ത് ധൈര്യത്തിലാണ് ഞാൻ തന്റെ കൂടെ ഇറങ്ങി വരുന്നത്, ഞാൻ കാരണം ഉള്ള വരുമാനം പോലും നഷ്ടപ്പെട്ടു എന്ന നിന്റെ പ്രാക്ക് കേൾക്കാനോ, വൈഷു അവനെ നോക്കി പരിഹാസത്തോടെ ചോദിച്ചു . നിന്റെ പരിഹാസം എനിക്ക് മനസ്സിലാകുന്നുണ്ട്, സ്വന്തമായിട്ട് ഒരു ജോലിയില്ല എന്നുള്ളതാണ് നീ എന്നിൽ കാണുന്ന കുറച്ചില്ലെങ്കിൽ ഒരു മാസത്തിനകം ഞാനാ കുറച്ചിൽ നികത്തും, സ്വന്തമായി ജോലിയെടുത്ത് സമ്പാദിച്ച് നിനക്ക് കാണിച്ചു തരും, ഈ പറയുന്നത് ദത്തനാണ് ഓർത്തു വെച്ചോ നീ. അന്ന് ആരൊക്കെ എതിർത്താലും നീ വിളിച്ചാൽ ഈ വൈഷു നിന്റെ കൂടെ ഇറങ്ങി വരും, പൂർണ്ണ ഉറപ്പോടെ യുള്ള വൈഷുവിന്റെ വാക്കുകൾ കേട്ടതും അവന് ഒരുപാട് സന്തോഷമായി. ഓടിവന്നവൻ അവളെ കെട്ടിപ്പുണർന്നു, നീ കാത്തിരുന്നോ നീ പ്രതീക്ഷിക്കുന്ന പോലെ പുതിയൊരു ദത്തനായി നിങ്ങളുടെ മുൻപിൽ വരും നിന്റെ കൈപിടിച്ച് നല്ലേടത്തെ വീട്ടിലേക്ക് ദത്തന്റെ പാതിയായി നിന്നെ കൊണ്ടുപോകാൻ അവൻ അവൾക്ക് വാക്ക് കൊടുത്തു . തിരിച്ചുള്ള യാത്രയിൽ ഒരുപാട് സന്തോഷത്തോടെയാണ് ദത്തൻ ഡ്രൈവ് ചെയ്തത്, അവളെ കോളേജിൽ ഇറക്കി ദത്തൻ ചില തീരുമാനങ്ങളോടെ വീട്ടിലേക്ക് തിരിച്ചു.... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...