💝പ്രണയം 💝: ഭാഗം 64

രചന: AJWA

"ഏട്ടാ... അവൾ എവിടെ...? വന്നില്ലേ...? "(അഞ്ചു ) ഞങ്ങൾ ഒന്നും മിണ്ടാതെ പരസ്പരം നോക്കി... !! "ആശിക്ക പൊന്നു വന്നില്ലേ... രജിസ്റ്റർ കൂടി കഴിഞ്ഞേ വരൂ എന്നൊക്കെ പറഞ്ഞു പോയത് ആണല്ലോ... "(ആശു ) ആഷി ഒന്നും മിണ്ടാതെ തന്നെ നിന്നു... !! അഞ്ചു അടുത്തേക്ക് വന്നു എന്നെ ഒന്ന് സ്കാൻ ചെയ്തു... !! "ഏട്ടനെ അവരൊക്കെ തല്ലിയോ...? എന്നിട്ട് അതും വാങ്ങി ഇങ്ങ് വന്നു അല്ലേ... പൊന്നു പറഞ്ഞത് ഇപ്പോഴാ കറക്റ്റ് ആയത്... അഞ്ചുമണിക്ക് ഓടി ഓടി എനർജി മൊത്തം പോയികാണും... അതല്ലേ അവരെ തല്ലും വാങ്ങി ഇങ്ങോട്ട് വന്നത്... "(അഞ്ചു ) അത് കേട്ട് അമ്മയും രംഗത്ത് വന്നു... !!😱😱 "സത്യാണോടാ... നിന്നെ അവർ തല്ലിയോ...? ഇവൾ പറഞ്ഞത് പോലെ അതും വാങ്ങി ഇങ്ങ് പോന്നോ... നാണം ഇല്ലേ നിനക്ക്...മതി ഇന്നത്തോടെ നിർത്തിക്കോ എല്ലാം... നിനക്ക് ഞാൻ വേറെ പെണ്ണിനെ കണ്ട് പിടിച്ചു തന്നോളാം... "(അമ്മ ) 😖😖എല്ലാം പോയി... !! "ഇത്രയൊക്കെ സംഭവിക്കുംബോൾ നിങ്ങൾ രണ്ടാളും എവിടെ വായും നോക്കി നിൽക്കുകയായിരുന്നു...

പിടിച്ചു മാറ്റാൻ പോലും നിന്നില്ലേ... "(അഞ്ചു ) അത് കേട്ട് ആഷിയും പ്രവിയും എന്നെ നോക്കി ഇളിച്ചു... !! "മതി ഇനി ആ പേരും പറഞ്ഞു ഇവിടന്ന് ഒരാളും എങ്ങോട്ടും പോവില്ല... ഇന്നത്തോടെ തീർന്നു... ഇനി എന്റെ കൂടപിറപ്പിന്റെ ഗതി നിനക്കും വരുന്നത് കാണാൻ ഉള്ള ശേഷി എനിക്കില്ല... ഒരിക്കൽ അവനും ഇത് പോലെ വന്നു നിന്നപ്പോൾ ഞാൻ അവന് കൂട്ട് നിന്നതാ... എനിക്ക് നീയാണ് വലുത്... " അമ്മയോട് എന്ത് പറയും എന്ന് ചിന്തിച്ചു നിൽക്കുമ്പോ ആഷി അമ്മയുടെ അടുത്തേക്ക് ചെന്നു... !! "അമ്മേ... ആ ഹരിയുടെ മോളാ ഈ പൊന്നു... അമ്മയുടെ ഹരിയുടെ രൂപം ആണ് ഈ കണ്ണന് എങ്കിൽ ആ ആയിഷയുടെ രൂപം ആണ് പൊന്നു... അന്ന് ആയിഷക്കും ഹരിക്കും സംഭവിച്ചത് തന്നെയാണ് ഇന്ന് കണ്ണനും പൊന്നുനും സംഭവിച്ചത്... " അവർ മൂന്നു പേരും ഞെട്ടി കൊണ്ട് എന്നെ നോക്കി... !! "മോനെ സത്യാണോ... എന്റെ ഹരിയുടെ ചോരയാണോ അവൾ... എന്നിട്ടാണോ അവൾ എന്റെ കണ്മുന്നിൽ ഉണ്ടായിട്ടും ഞാൻ അറിയാതെ പോയത്...

നിന്നെ വിട്ടു പോകണം എന്ന് പറഞ്ഞത്... മഹാപാപിയാ ഞാൻ... " എന്തൊക്കെയോ പറഞ്ഞു അമ്മ കരഞ്ഞു കൊണ്ടിരുന്നു... !! "ഏട്ടാ... അവളാണോ ഞങ്ങളെ പൊന്നു... എന്നിട്ടും എന്താ ഏട്ടൻ അവളെ കൊണ്ട് വരാതെ... അവളിൽ എല്ലാം കൊണ്ടും അവകാശം ഉണ്ടായിട്ടും അവളെ അവിടെ നിർത്തി ഇങ്ങോട്ട് വന്നു അല്ലേ... "(അഞ്ചു ) "കണ്ണേട്ടാ... ഇത് വരെ ഞങ്ങൾ അവളെ കൂടെയാ നിന്നത്... കണ്ണേട്ടന് പണിയാൻ കൂടെ നിന്നു... അന്ന് കണ്ണേട്ടനെ അവൾ മൈൻഡ് ചെയ്യാതെ നിന്നപ്പോൾ ഞങ്ങൾ രണ്ടാളും അവളെ സൈഡ് നിന്നു പ്രോത്സാഹിപ്പിച്ചു... പക്ഷെ ഇന്ന് ഞങ്ങളെ ജീവൻ കളഞ്ഞുകൊണ്ട് ആയാലും അവളെ കൂട്ടി കൊണ്ട് വരും... "(ആശു ) 😰😰ഇവർ അങ്ങോട്ട്‌ പോയാൽ... !! "നിങ്ങൾ അങ്ങോട്ട്‌ പോവാനോ...? എങ്കിൽ രണ്ട് ഡെഡ്ബോഡി ആവും തിരിച്ചു വരുന്നത്... അവരും എല്ലാം അറിഞ്ഞു... ഈ രൂപം കണ്ട് എല്ലാം ഒരു നിമിഷം കൊണ്ട് തന്നെ അവർ മനസ്സിൽ ആക്കി... ഇനി നിങ്ങൾ കൂടി പോവേണ്ട താമസം എല്ലാം അതോടെ തീരും...

അവൾക്ക് വരെ നിങ്ങളെ രക്ഷിക്കാൻ ആവണം എന്നില്ല... "(പ്രവി ) "അപ്പോ ഇനി പൊന്നുനെ കൊണ്ട് വരാൻ എന്താ വഴി...? "(അഞ്ചു ) എല്ലാരും പരസ്പരം നോക്കി... അവൾ തീരുമാനിക്കണം... അതിന് എന്തായാലും ചാൻസ് ഇല്ല... 😪😪!! "അത് എന്റെ പൊന്നു തന്നെ വിചാരിക്കണം... അത് എന്തായാലും നടക്കില്ല... നിന്റെ ഒക്കെ കൂട്ട് കൂടി അവൾ ചീത്തയായി... ഇനി ദൈവം തന്നെ വിചാരിക്കണം അവളെ എനിക്ക് തരാൻ... " അകത്തേക്ക് നടന്നു... അവർ എന്നെ തന്നെ നോക്കി അതേ നിൽപ്പ് തുടർന്നു... !! ഫ്രഷ് ആയി ഫുഡ്‌ ഒക്കെ കഴിക്കുമ്പോൾ വീണ്ടും അമ്മ തുടങ്ങി... !!😓😓 "മോനെ ഞാൻ വിളിച്ചാൽ അവൾ വരുമോ...? " "എന്തൊക്കെയാ ഈ പറയുന്നത്... അവൾക്ക് ഈ ലോകത്ത് ഏറ്റവും ഇഷ്ടം എന്നോടാ... ആ എന്നെ ആണ് അവൾ ഇന്ന് തള്ളി പറഞ്ഞത്... ആ അവൾ അമ്മയെ കണ്ടാൽ വരും എന്ന് തോന്നുന്നുണ്ടോ... " "അപ്പോ ഇനി എന്ത് ചെയ്യും... "(അഞ്ചു ) "അതിന് ഒരു ചെറിയ വഴിയുണ്ട്... പക്ഷെ ഞാൻ പറഞ്ഞാൽ എന്നെ ആരും തെറ്റിധരിക്കരുത്... "(പ്രവി )

"നിനക്ക് കെട്ടാൻ ആണോ അവളെ... കണ്ണനെ വേണ്ടന്ന് പറഞ്ഞ അവൾ നിന്റെ കൂടെ വരുമോ...? "(ആഷി ) "😠😠പ്രവീണേട്ടാ... "(അഞ്ചു ) "😲😲അഞ്ചു അങ്ങനെ അല്ല... പൊന്നു എന്റെ സ്വന്തം പെങ്ങളാ... ഞാൻ പറഞ്ഞത് അങ്ങനെ അല്ല... ടാ ആഷി നിനക്ക് തരാട്ടോ... അത് നമുടെ കല്യാണം നടത്തണം... അവൾ അഞ്ചുന്റെ കല്യാണത്തിന് വരാതെ ഇരിക്കില്ല... കാരണം ഞാൻ മനസ്സിൽ ആക്കിഎടുത്തോളം അവൾക്ക് ഇവരെ ജീവൻ ആണ്... അവളെ ജീവൻ കളഞ്ഞു ആയാലും ഇവരെ രക്ഷിക്കും... ഈ കണ്ണൻ അതൊന്നും മനസ്സിൽ ആക്കിയിട്ട് ഇല്ലേലും ഞാൻ അതൊക്കെ മനസ്സിൽ ആക്കിയിട്ടുണ്ട്... "(പ്രവി ) "തെണ്ടി അനാവശ്യം പറയരുത്... എനിക്ക് അവളെ അറിയുന്നത് പോലെ നിനക്ക് അറിയോ... അവളെ എനിക്ക് മാത്രേ അറിയൂ... "😩😩 "അത് അവളെ ശരീരത്തിൽ എത്ര മറുക് ഉണ്ട് എന്നൊക്കെ ആവും... അല്ലാതെ നിനക്ക് ഒക്കെ എന്ത് അറിയാം... "(ആഷി ) 😲അമ്മ ഉണ്ടെന്ന് പോലും നോക്കാതെ... പെങ്ങള്മാര് രണ്ടും അന്തം വിട്ടു എന്നെ നോക്കി... !!

"ഞങ്ങൾ തമ്മിൽ അങ്ങനെ ഒന്നും ഉണ്ടായിട്ടില്ല... 😠😠വെറുതെ അവളെ പറ്റി അനാവശ്യം പറയരുത്... അവൾക്ക് ആരും ഇല്ലെന്ന് അറിഞ്ഞപ്പോൾ മുതൽ അവളെ എനിക്ക് കൂടുതൽ ഇഷ്ടം ആവുകയായിരുന്നു... അതാ ഞാൻ പറഞ്ഞത്... അല്ലാതെ അവളെ ശരീരം കണ്ടല്ല... " "അപ്പോ ഞങ്ങളെ കല്യാണം... "(പ്രവി ) 😬😬അതാണോ ഇപ്പൊ ഇവിടെ ചർച്ച... ഇതിനെ ഒക്കെ കൂടെ കൂട്ടിയ എന്നെ വേണം തല്ലാൻ... !! "കല്യാണം അത് നമുക്ക് നടത്താം... നീ ഇങ്ങ് വാ... " കേട്ടപ്പോൾ തന്നെ അവൻ എന്റെ അടുത്തേക്ക് വന്നു... അവന്റെ കാതിൽ നല്ല നാല് വാക്ക് പറഞ്ഞു കൊടുത്തപ്പോൾ അവൻ ചെവിപിടിച്ചു കുടഞ്ഞു കൊണ്ട് പോയി... !! 🤔🤔പ്രവി പറഞ്ഞത് ഒരു പോയിന്റ് ആണ്... പക്ഷെ കല്യാണം തീരുമാനിച്ചാൽ എങ്ങനെ അവളെ അറിയിക്കും... !! ഇപ്പൊ ആരുമായും കോൺടാക്ട് ഇല്ലാത്ത സ്ഥിതിക്ക് ഇനി എന്ത് ചെയ്യും... !! 😰😰അപ്പോഴാ ആശുന്റെ വാക്ക് ഓർമ വന്നത്... അവളെ കൂടെ നിന്നു എന്നെ തോൽപിച്ചു എന്നൊക്കെ പറഞ്ഞത് അവളെ പൊന്നു വിളിക്കാറുണ്ട് എന്നല്ലേ... !! അഞ്ചുവിനെ വിളിക്കാത്തത് ഞാൻ അവളോട്‌ അവളും ആയുള്ള ബന്ധം അവസാനിപ്പിക്കാൻ പറഞ്ഞത് കൊണ്ടാവും... ആശുവിനെ അവൾ വിളിക്കാറുണ്ടോ... 🤔🤔!!

😓😓ഒന്ന് ടെസ്റ്റ്‌ ചെയ്യാം എന്ന് കരുതി താഴേക്കു ചെന്നു... അഞ്ചുവും ആശുവും കൂടി അമ്മയുടെ കൂടെ താഴെയാണ്... !! അവളെ ഫോൺ കയ്യിലാക്കി... ലോക്ക് പിന്നെ അന്ന് പൊന്നു പറഞ്ഞത് പോലെ ആപ് എന്ന് ട്രൈ ചെയ്യേണ്ട താമസം അത് ഓപ്പൺ ആയി... !! കോൺടാക്ട് ലിസ്റ്റിൽ ഒന്നും പൊന്നു ഇല്ല... എങ്കിലും തോന്നിയ പേരൊക്കെ അടിച്ചു നോക്കി... !! "എന്താണ് കണ്ണേട്ടാ എന്റെ ഫോണിൽ പരിപാടി...? "(ആശു ) 😁😁അവളെ കണ്ട് ഒന്ന് ഇളിച്ചു കൊടുത്തു... അഞ്ചു പിന്നെ ഒരുമാതിരി ചിരിയാ... !! "അത് നീയല്ലേ പറഞ്ഞത് പൊന്നു നിന്നെ വിളിക്കാറുണ്ട് എന്ന്... അവളെ നമ്പർ കിട്ടുമോ എന്ന് അറിയാൻ... " "ഞാൻ അങ്ങനെ പറഞ്ഞോ...? അവൾ വിളി ഒക്കെ നിർത്തിയത് കണ്ണേട്ടന്റെ അന്നത്തെ പെർഫോമൻസ് കേട്ട് അവൾ പോയില്ലേ അന്ന് നിർത്തിയത് ആണ്... അഞ്ചുനെ കുറിച്ച് അറിയാൻ ആശിക്കയെ വിളിച്ചിരുന്നു... ആ നമ്പറും അവൾ മാറ്റി... ഇനി ഒരു വഴിയേ ഉള്ളൂ... "(ആശു ) "എന്ത് വഴി...? "😓😓 "മുറപെണ്ണിനെ അങ്ങ് മറക്കുക അല്ലേ അഞ്ചു..."

ഫോൺ അവിടെ വെച്ചു അവളുമാരെ നോക്കി... !! "അത് ഞാൻ തീരുമാനിച്ചോളാം... പിന്നെ നിന്റെ ഒക്കെ കൂടെ ഗം ഒട്ടിച്ചു വെച്ച പോലെ നടന്നത് അല്ലേ അവൾ... എന്നിട്ടും അവളെ കാണാതെ നിനക്ക് ഒന്നും ഒരു സങ്കടവും ഇല്ലല്ലേ... നിന്നെ ഒക്കെ സമ്മതിക്കണം... "😓 "ഏട്ടാ... ഞങ്ങളെ കൊലക്ക് കൊടുത്തെ അടങ്ങൂ അല്ലേ... ഞങ്ങൾ പോയിട്ട് അവളെ കൊണ്ട് വരണം എന്നാണോ ഈ പറഞ്ഞു വരുന്നത്... " 🙏🙏ഒന്നും വേണ്ടേ എന്നും കാണിച്ചു അവിടെ നിന്നും രക്ഷപെട്ടു... !! ഫോൺ എടുത്തു അവളെ ഫോട്ടോ നോക്കി അവളെ കുറെ തെറി വിളിച്ചു... !! "നീ എന്നെ വേണ്ട എന്ന് പറഞ്ഞു അല്ലേ... നീ എന്റെ മുഖത്തു നോക്കി എന്നെ ഓർക്കാതെ ജീവിക്കാൻ പറ്റും എന്ന് പറഞ്ഞു... നിനക്ക് അതിന് പറ്റുമോ പൊന്നു... എനിക്ക് പറ്റില്ല നിന്നെ ഓർക്കാതെ ജീവിക്കാൻ എനിക്ക് പറ്റില്ല... നീ എന്താ ഇന്ന് അങ്ങനെ ഒക്കെ പെരുമാറിയത്... ഇന്ന് നീ എന്റെ കൂടെ വന്നിരുന്നു എങ്കിൽ അവരെ ഒക്കെ ഞാൻ ഒറ്റയ്ക്ക് നേരിട്ട് നിന്റെ ദേഹത്ത് ഒരു തരി മണ്ണ് പോലും വീഴാതെ നിന്നെ ഞാൻ കൊണ്ട് വന്നു എന്റെതാക്കില്ലേ... എന്നാലും നീ എന്റെ മുഖത്തു നോക്കി ഡോർ അടച്ചപ്പോൾ എന്റെ നെഞ്ചിൽ ആണ് കൊണ്ടത്... "😲😲

അവൾക്ക് ഒരുപാട് ഉമ്മയും കൊടുത്തു പരാതികൾ പറഞ്ഞു കൊണ്ട് എപ്പോഴോ ഉറങ്ങി... !! ___________ കണ്ണനോട് അങ്ങനെ ഒക്കെ ചെയ്തതിൽ ഒരുപാട് കരഞ്ഞു എന്നല്ലാതെ ഒന്ന് വിളിച്ചു ഒരു സോറി പറയാൻ പോലും എനിക്ക് പറ്റിയില്ല... !! സ്വന്തം മകളുടെ ജീവിതം തകരുന്നത് നേരിട്ട് കണ്ട് ചങ്ക് പൊട്ടിയാണ് എന്റെ ഗ്രാൻഡ്പ്പാ കഴിഞ്ഞത്... ഞാൻ കൂടി ആ മനുഷ്യന്റെ മുന്നിൽ നിന്നും കണ്ണന്റെ കൂടെ പോയാൽ എന്റെ ഗ്രാൻഡ്പ്പാ ആ നിമിഷം ചങ്ക് പൊട്ടി മരിക്കും... !!😰😰 ഞാൻ ഒരുപാട് അറിയാൻ ആഗ്രഹിച്ച ആ ഹരിയുടെ പ്രണയം എന്റെ ഉമ്മ ആയിഷയും ആണെന്ന് എനിക്ക് എന്തെ മനസ്സിൽ ആയില്ല... എനിക്ക് മാത്രം അല്ല അഞ്ചുനും ആശുനും ഒന്നും മനസ്സിൽ ആയില്ല... !! എല്ലാം കൂടി കേട്ടപ്പോൾ കണ്ണന്റെ കൂടെ പോകാൻ ആഗ്രഹിച്ചു എങ്കിലും ഇനിയും ഈ കുടുംബം തകരുന്നത് കാണാൻ ഉള്ള ശേഷി ഇല്ല... !! കണ്ണന്റെ ഫോട്ടോ നോക്കി ഒരുപാട് സോറി ഒക്കെ പറഞ്ഞു... ആ ഫോട്ടോയിൽ കുറെ ഉമ്മവെച്ചു കൊണ്ടിരുന്നു... !!😓😓 ആരെയും മുഖത്തു നോക്കാൻ പറ്റാതെ മുറിയിൽ തന്നെ ഇരുന്നു എല്ലാം മറക്കാൻ ശ്രമിച്ചു കൊണ്ടിരുന്നു... ഗ്രാൻഡ്പ്പായെ പതിയെ പറഞ്ഞു മനസ്സിൽ ആക്കാം എന്നൊക്കെ കരുതി അവിടെ തന്നെ ഇരുന്നു... !! 😵😵

പെട്ടെന്നാണ് ഒരു അലർച്ച കേട്ടത്... ഓടി ചെന്നു നോക്കുമ്പോൾ കണ്ട കാഴ്ച്ച ഗ്രാൻഡ്പ്പാ വീണു കിടക്കുന്നത് ആണ്... !! എല്ലാരും വിളിക്കുന്നുണ്ട് എങ്കിലും അവരെ ഒക്കെ മാറ്റി അടുത്തേക്ക് ചെന്നു... !! "ഗ്രാൻഡ്പ്പാ എണീക്ക്... ഗ്രാൻഡ്പ്പാ പൊന്നു അല്ലേ വിളിക്കുന്നത് എണീക്ക്... " അനക്കം ഒന്നുമില്ലാതെ കിടക്കുന്നത് കണ്ട് എല്ലാരും വിളിച്ചു നോക്കി... !! 😭😭ആ ശരീരത്തെ വിട്ടു ജീവൻ പോയെന്ന് മനസ്സിൽ ആക്കാൻ എനിക്ക് അധിക സമയം ഒന്നും വേണ്ടി വന്നില്ല... !! എങ്കിലും ഒരുപാട് വിളിച്ചു എണീക്കാൻ പറഞ്ഞു കൊണ്ടിരുന്നു... !! "ഹൃദയം പൊട്ടിമരിച്ചത് ആവും... അങ്ങനെ ഉള്ളത് അല്ലേ ഇന്ന് നടന്നത്... " മാമന്റെ വാക്ക് കേട്ട് കണ്ണനെ കൂടുതൽ വെറുത്തു... !! 😭😭കണ്ണൻ വന്നില്ലായിരുന്നു എങ്കിൽ എന്റെ കൂടെ ഇപ്പോഴും ഗ്രാൻഡ്പ്പാ ഉണ്ടാവും... !! കണ്ണനോട് ഉള്ള വെറുപ്പ് ഓരോ നിമിഷം കഴിയും തോറും കൂടി വന്നു... എന്റെ ഗ്രാൻഡ്പ്പായെ ഈ വീട്ടിൽ നിന്നും എന്നന്നേക്കും ആയി കൊണ്ട് പോകുമ്പോ അത് പോലെ കാണാൻ നിക്കാതെ അവിടെ തളർന്നു വീണു... !!....തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...