💞പ്രണയിനി 💞: ഭാഗം 29

രചന: SHREELEKSHMY SAKSHA

രാവിലെ കട്ടിലിൽ നിന്ന് പൊടുന്നനെ നിലത്ത് വീണപ്പോൾ ആണ് ശ്രദ്ധ ഞെട്ടി ഉണർന്നത്.. എന്നാലും ഞാൻ എങ്ങനെ നിലത്ത് വീണു... ആരാ ചവിട്ടി നിലത്തിട്ടെ... അവൾ നടുവും തിരുമ്മി ചുറ്റും നോക്കി. എടി പോത്തേ... ആഹാ പരിചയമുള്ള വൃത്തികെട്ട ശബ്ദം.അതാരുടെ എന്ന് അറിയാൻ അവൾ തിരിഞ്ഞു നോക്കി. ഇളിയിൽ കൈയും കുത്തി നിൽക്കുന്നു... വിക്കി... Shift+copy നീയെന്താ ഇവിടെ..... ഇനി ഞാൻ ഉറങ്ങാൻ... കിടന്നത് എവിടെയാ.. അവൾ ചുറ്റും നോക്കി. നോക്കണ്ട നിന്റെ വീട് തന്നെയാ... വിക്കി ചിരിയോടെ പറഞ്ഞു. പിന്നെ... പിന്നെ നീയെന്താ ഇവിടെ തലക്കും കൈ കൊടുത്ത് അവനെ നോക്കി. ഞാൻ വന്നു... എങ്ങനെ... പറന്നു... ഒന്ന് പോയേടി.. ഇന്ന് രാവിലെ ഒന്നരയുടെ വണ്ടിക്ക് കേറിയത... വേദ പറഞ്ഞു തന്ന ഒരു ഇതും നിന്റെ വഴിയും ഓക്കെ വെച്ച് ഇങ് വന്നു. കേറി വന്നപ്പോഴാ നിന്റെ പള്ളിടയുറക്കം. അല്ല നി വന്നത് എന്താ.. കോളേജ് ഇല്ലേ ക്ലാസ് പോവൂലെ... ആഹാ... നിന്റെ കിളി പോയോ..

കോളേജ് അടച്ചു സ്റ്റഡി ലീവ് 10ദിവസം. ഇപ്പൊ എന്തിനാ സ്റ്റഡി ലീവ് അടുത്ത മാസം അല്ലേ എക്സാം. ഓ ആണോ.. നി അവിടുന്ന് ഇവിടെ വന്നിട്ട് എത്ര ദിവസം ആയി.. 4... എത്രാം തിയതി ആണ് എക്സാം.. അടുത്ത മാസം 2ന് അല്ലേ... അതെ.. ഇന്ന് തിയതി 22 ഇനി ആകെ 10ദിവസം. തമ്പുരാനെ.. ഇതൊക്കെ എപ്പോ ശ്രദ്ധ തലയിൽ കൈവെച്ചു. ദാ ഇപ്പൊ.. ഒഞ്ഞു പോയേടി... അല്ല ഇവിടെ ആരും ഇല്ലേ.. നീ ആരെയും കണ്ടില്ലേ..അവിടെ എങ്ങനുമൊക്കെ കാണും ഇല്ലാ... ഓ... അവർ അടുക്........പെട്ടന്ന് അവൾ എന്തോ ഓർത്ത പോലെ ഞെട്ടി അവനെ നോക്കി. നി എങ്ങന അകത്ത് കേറിയേ.. വാതിൽ വഴി... വാതിൽ... കതക് ആര് തുറന്ന് തന്നു.. ങേ.. ആരേലും തുറക്കനോ... ഞാൻ വന്നപ്പോ തുറന്ന് കിടക്കുവായിരുന്നു നേരെ കേറി അപ്പുറത്തെ റൂമിൽ നോക്കിയപ്പോ ആരും ഇല്ലാ ഇങ്ങോട്ട് കേറിയപ്പോൾ നി കിടക്കുന്നു ഒരു ചവിട്ടും വെച്ച് തന്നു. ങേ... അപ്പൊ നീ വീട്ടിൽ വന്നത് ആരും അറിഞ്ഞില്ലേ... ഇല്ലാ... വിക്കി കൂൾ ആയി പറഞ്ഞു.

എടാ തെണ്ടി ഇറങ്ങിപ്പോടാ എന്റെ മുറിയിൽ നിന്ന്.. ശ്രദ്ധ അവനെ പിടിച്ചു വെളിയിൽ തള്ളി... എന്താടി... എന്താ പറ്റിയെ.. എടാ പട്ടി... വീട്ടിൽ കേറി വരുമ്പോ നിനക്ക് ഒന്ന് വിളിച്ചൂടെ... എന്തിന് നിന്റെ വീട് അല്ലേ.. കോപ്പ്.. എടാ കോപ്പേ... നീ ആദ്യം ഇറങ്ങി.. അവൾ അവനെ മുറിയിൽ നിന്ന് പുറത്ത് എത്തിച്ചു ഹാളിലേക്ക് കൊണ്ടുവന്നു. അവരുടെ സംസാരം കേട്ട് അടുക്കളയിൽ ആയിരുന്ന അമ്മയും ശിഖയും അങ്ങോട്ട് വന്നു. അമ്മ അവനെയും ശ്രദ്ധയെയും മാറി മാറി നോക്കി. ആഹ്. വിക്കി നീയോ.. നി എങ്ങനെയാ വന്നേ.. ശിഖ ചിരിയോടെ ചോദിച്ചു. ആ ചേച്ചി അത് രാവിലത്തെ ട്രെയിനിനു വന്നെയാ.. അമ്മ ശിഖയെ നോക്കി. അമ്മേ ഇത് സച്ചൂന്റെ കൂട്ടുകാരനാ.. വിക്കി.. നമ്മുടെ വേദയുടെ അനിയനാണ്.. ഓ.. അമ്മക്ക് ആളെ മനസിലായപ്പോ ചിരിച്ചു. ഹായ് അമ്മേ... അവൻ വന്നു അമ്മയുടെ കവിളിൽ പിച്ചി ആ മോനെ സുഖാണോ... അമ്മ അവനെ തലോടി... ശ്രദ്ധ ഇതെല്ലാം ഒരു പുച്ഛത്തോടെ നോക്കി കണ്ടു പോയി മുഖം കഴുക് പെണ്ണെ..

അമ്മ അവളെ വഴക്ക് പറഞ്ഞു മുറിയിലേക്ക് ഓടിച്ചു. വളരെ പെട്ടന്ന് വിക്കി അവരിൽ ഒരാൾ ആയി. അവൻ അടുക്കളയുടെ തട്ടിന്മേൽ കേറി ഇരുന്ന് ചിരിച്ചു കളിച് ഇഡലി കയറ്റുകയാണ്.. തന്റെ സ്ഥലവും സ്ഥാനവുമാണ് അവൻ ഈ കയ്യേറുന്നത് എന്ന് ഓർത്ത് ശ്രദ്ധ അവനെ കലിപ്പിൽ നോക്കി അടുത്ത് തന്നെ ഇരുപ്പുണ്ട് . അവൻ ഇതൊന്നും കാര്യമാക്കാതെ അവന്റെ ജോലി തുടർന്നു. അമ്മയും ചേച്ചിയും അവന്റെ സംസാരവും കോപ്രായങ്ങളും കണ്ട് ചിരിക്കുകയാണ്.. ഒരു മകൻ ഇല്ലാത്ത ദുഃഖം അമ്മയും അനിയൻ ഇല്ലാത്ത ദുഃഖം ശിഖയും അവനിലൂടെ തീർത്തു. വിക്കിയുടെ പ്ലേറ്റിലേക്ക് അമ്മ ചോദിക്കാതെ തന്നെ ഇഡലി എടുത്ത് വെക്കുന്നത് കണ്ട് ശ്രദ്ധക്ക് കുശുമ്പ് ഇളകി. അമ്മേ ഇഡലി... ശ്രദ്ധ പറഞ്ഞു. ഈ സമയം വിക്കി എന്തോ പറഞ്ഞുകൊണ്ടിരിക്കുകയായിരുന്നതിനാൽ അമ്മ അത് കേട്ടില്ല.. അമ്മേ എനിക്ക് ഇഡലി താ... അവൾ കുറച്ചു ഉച്ചത്തിൽ പറഞ്ഞു. സച്ചൂ നിന്റെ അടുത്തല്ലേ തട്ട് ഇരിക്കുന്നെ നിനക്ക് എടുത്ത് കഴിക്കരുതോ...

ഓ...അവൾ മുഖം വീർപ്പിച്ചു എഴുന്നേറ്റ് പോയി.. സച്ചൂ... സച്ചൂ... ശിഖ വിളിച്ചെങ്കിലും അവൾ കേൾക്കാതെ പോയി. ഏയ്‌ ചേച്ചി അത് വിട് അവളുടെ കുശുമ്പ് ഇളകിയതാ.. വിക്കി ചിരിച് പറഞ്ഞു ഞാൻ നേരെ ആക്കി തരാം. അമ്മയും ശിഖയും അവനെ നോക്കി അവൻ ഒന്ന് കണ്ണടച്ച് കാണിച്ചു. ശ്രദ്ധ നേരെ പോയത് അപ്പുവിന്റെ വീട്ടിലേക്ക് ആണ്.. ഹും വിക്കി.. തെണ്ടി... അവനെ കണ്ടപ്പോൾ എന്നെ വേണ്ടാ... ഈ ഇഡലി ഞാൻ നിന്റെ 16ന് കഴിച്ചു വീട്ടിക്കോളാം. ഉമ്മറത്ത് പത്രം വായിച്ചിരുന്ന അപ്പു കാണുന്നത് എന്തോ പിറുപിറുത്തുകൊണ്ട് കേറി വരുന്ന ശ്രദ്ധയെ ആണ്.. എന്താ സച്ചു... ഒന്നൂല്ല... ഉമയമ്മ എന്തിയെ... അകത്ത്.. നീ രാവിലെ തന്നെ ഒരുകാര്യവും ഇല്ലാതെ ഇങ്ങോട്ട് വരില്ലലോ... ആ ഇല്ലാ.. ന്റെ പട്ടി ചത്തു അത് പറയാൻ വന്നതാ.. അവൾ അവനു നേരെ ചീറിക്കൊണ്ട് അടുക്കളയിലേക്ക് പോയി. ഇത് കടിക്കോ... അപ്പു അവളെ നോക്കി ഇരുന്നു. ഉമയമ്മക്ക് അവളെ വലിയ കാര്യം ആണ്. അവൾ ഒന്നും മിണ്ടാതെ അടുക്കളയിൽ അടുപ്പിന്റെ അടുത്തുള്ള തിട്ടയിൽ കയറി ഇരുന്നു. മ്മ് രാവിലെ തന്നെ വഴക്ക് ഇട്ടോ...ഉമയമ്മ ചിരിയോടെ ചോദിച്ചു. അവൾ വെറുതെ മുഖം കോട്ടി..

എന്നിട്ട് കൈയെത്തി മുറുക്ക് പാട്ട എടുത്ത് മുറുക്ക് കഴിച്ചോണ്ടിരുന്നു. ഉമ അവൾക്ക് ചായ പകർന്നു കൊടുത്തു. കാര്യം അറിയാൻ അപ്പു അടുക്കളയിലേക്ക് വന്നു. എന്താ അമ്മേ കാര്യം.. അപ്പു അവളെ നോക്കി അമ്മയോട് ചോദിച്ചു ആ ഇതുവരെ ഒന്നും പറഞ്ഞില്ല ഉമാ ചിരിയോടെ പറഞ്ഞു. അപ്പു വന്നു അവൾക്കടുത്തായി ഇരുന്ന്. ഇന്നെന്താ കാര്യം. ആ വിക്കി വന്നു കേറിയതേ ഉള്ളു അപ്പോഴേക്കും എന്നെ വേണ്ടാതെ ആയി. ഓ... അവൻ ഇങ് വന്നോ..നിന്റെ ഫ്രണ്ട് അല്ലേ.. പിന്നെ എന്താ.. അപ്പു ചോദിച്ചു. അതൊക്കെ ശരിയാ.. പക്ഷെ എന്റെ കൂടെ സ്ഥാനമാണ് അവൻ ഈ തട്ടി എടുത്തത് സച്ചു നിനക്ക് ഒട്ടും കുശുമ്പ് ഇല്ലാട്ടോ.. ഓ... നിന്റെ കൂട്ടുകാരൻ വന്നിട്ട് നീ ഇങ്ങനെ പിണങ്ങി നടക്കുന്നത് ശരി അല്ല.. അങ്ങോട്ട് ചെല്ല്..അപ്പു അവളുടെ തോളത്ത് തട്ടി ഓ അവനു അങ്ങനെ ഒന്നും ഇല്ലാ.. എന്നും പറഞ്ഞു വീണ്ടും മുറുക്ക് കഴിക്കൽ തുടർന്നു. നീ വാ... എന്തിന്... വന്നേ.... അവൻ അവളുടെ കൈയിൽ പിടിച്ചു വെളിയിലേക്ക് നടന്നു.

വീട്ടിലേക്കാണ് അവൻ പോകുന്നത് എന്ന് കണ്ടതും ശ്രദ്ധ കോകോ മരത്തിന്റെ അവിടെ തിരിഞ്ഞ് നടന്നു. അപ്പു തലക്ക് കൈ കൊടുത്ത് ഇത് നന്നാവില്ല എന്നും പറഞ്ഞു പിന്നാലെ പോയി. മരത്തിൽ വലിഞ്ഞു കേറാൻ തുടങ്ങുമ്പോൾ ആണ് മുകളിൽ നിന്നൊരു ശബ്ദം. ഇതിൽ പഴുത്തത് ഒന്നും ഇല്ലാ.. ശ്രദ്ധ മുകളിലോട്ട് നോക്കി. പൊട്ടിച്ച ഒരു കൊക്കോകയും തിന്നുകൊണ്ട് വിക്കി. അവൾ അവനെ കലിപ്പിൽ നോക്കിക്കൊണ്ട് അവൻ ഇരിക്കുന്നതിനു അടുത്തുള്ള കൊമ്പിൽ കയറി ഇരുന്നു. പിന്നാലെ അപ്പുവും. അവൻ അത് കാര്യമാക്കാതെ കഴിപ്പ് തുടർന്നു. ശ്രദ്ധ അവന്റെ കൈയിൽ നിന്ന് അത് തട്ടിപ്പറിച് കഴിക്കാൻ എടുത്തു . അപ്പുവിന് അത് കണ്ടപ്പോൾ എന്തോ ഒരു വിഷമം പോലെ. അവൾ കടിച്ചതിന്റെ ബാക്കി ഞാനും ഞാൻ കടിച്ചതിന്റെ ബാക്കി അവളും ഒരു കൂസലും ഇല്ലാതെ കഴിക്കാറുള്ളതാണ് .പക്ഷെ വിക്കിയോട് അവൾ അങ്ങനെ കാണിച്ചപ്പോൾ അപ്പുവിന് പിടിച്ചില്ല.. അവൾ കഴിക്കുന്നതിനു മുൻപ് അപ്പു അത് പിടിച്ചു വാങ്ങി കഴിച്ചു. അത് കണ്ട് വിക്കിക്ക് ചിരി പൊട്ടി.. എടി പണ്ട് ആരോ പറഞ്ഞിട്ടുണ്ട് പൊട്ടനെ ചട്ടൻ ചതിച്ചാൽ ചട്ടനെ ദൈവം ചതിക്കും എന്ന്. ഓ നീ പൊട്ടൻ ആണെന്ന് സമ്മതിച്ചല്ലോ അത് മതി.

ഓ.. ഒ അല്ല കോ.. കോ എന്തിന്റെ കോ ആണ് കൊക്കോയുടെ ആണോ.. അല്ല കോഴിയുടെ.. നീയെന്ന കോഴിയുടെ. നി പോടീ കാട്ട്കോഴി... നിപ്പോടാ ഗിരി രാജൻ കോഴി..., മത്തങ്ങ തലയ..., മരകഴുതേ..... നി പോടീ ഉണ്ടക്കണ്ണി ചൊറി തവളെ... ചൊറി തവള നിന്റെ മറ്റവൾ... എന്റെ അല്ല നിന്റെ.. നി പോടാ പട്ടി... അവൾ അവനെ ഒറ്റ തള്ള് വെച്ച് കൊടുത്തു അവൻ ഉരുണ്ട് താഴെ വീണു. അവൻ താഴെ വീഴും എന്ന് പ്രതീക്ഷിച്ചില്ലെങ്കിലും അത് കണ്ടപ്പോൾ ശ്രദ്ധ കൈകൊട്ടി ചിരിച്ചു. അവൾ കൊമ്പിലിരുന്ന് കുലുങ്ങാൻ തുടങ്ങി. പൊടുന്നനെ ശ്രദ്ധയും അപ്പുവും ഇരുന്ന കൊമ്പ് ഒടിഞ്ഞു രണ്ടും കൂടെ താഴെ വീണു. വിക്കി വീണതിന്റെ തോട്ട് അടുത്താണ് രണ്ടും വീണത്. കൊമ്പ് ഒടിഞ്ഞു തൂങ്ങി കിടന്നു. ശ്രദ്ധയുടെ അമ്മേ എന്ന നിലവിളിയും കൊമ്പ് ഓടിയുന്ന ശബ്ദവും കേട്ട് അമ്മയും അച്ഛനും ശിഖയും ഓടിവന്നു. നോക്കുമ്പോൾ നിലത്ത് കിടക്കുന്ന മൂന്ന് കുരങ്ങുകൾ. അവർ വരുന്നത് കണ്ട് അപ്പുവും വിക്കിയും ചാടി എഴുന്നേറ്റു.

ശിഖ വന്നു ശ്രദ്ധയെ പിടിച്ചു എഴുന്നേൽപ്പിച്ചു. ഒടിഞ്ഞ കൊമ്പും ഇവരുടെ നിലത്തെ കിടപ്പും ഓക്കെ കണ്ട് അവർ എന്തൊക്കെയോ മനസിലാക്കിയിരുന്നു. മൂന്നെണ്ണം കൂടെ അതിന്റെ കൊമ്പിൽ വലിഞ്ഞു കേറിയാൽ പിന്നെ ഓടിയാതിരിക്കോ...എന്തുവാ പിള്ളേരെ നിങ്ങൾക്ക് നിലത്തിരിക്കാൻ സ്ഥലം പോരായോ..... അമ്മ ശകാരിക്കും പോലെ ചോദിച്ചു. മൂന്നും വേറെ എങ്ങോട്ടോ നോക്കി നിന്നു. എന്റെ അപ്പുവേ നിനക്ക് വേറെ പണി ഒന്നും ഇല്ലേ ഇവരുടെ കൂടെ ചാടാൻ... അച്ഛൻ കളിയാക്കും പോലെ ചോദിച്ചതും അപ്പു ചമ്മൽ മറക്കാൻ മുണ്ടിലെ പൊടി കളയും പോലെ നിന്നു. സച്ചു ഈ പ്രായത്തിൽ ഇങ്ങനെ നടുവും തല്ലി വീഴുന്നത് അത്ര നല്ലതല്ല.. കുറച്ചു പ്രായം ആകുമ്പോ അറിയാം..ശിഖ ശ്രദ്ധയുടെ നടുവിന് തടവിക്കൊണ്ട് പറഞ്ഞു. ഓ പറയുന്നത് കേട്ടാൽ തോന്നും നീയങ്ങു അങ്ങ് അമ്മച്ചി ആയെന്ന്.. ശ്രദ്ധ വെറുതെ പറഞ്ഞുകൊണ്ട് നടുവിന് കൈയും കുത്തി നടന്നു. ഇനിയും അവിടെ നിന്ന് ചമ്മണ്ട എന്ന് ഓർത്ത് അപ്പുവും വിക്കിയും പിന്നാലെ പോയി. ശ്രദ്ധ നേരെ പടിപ്പുര കടന്ന് പടി ഇറങ്ങി പറങ്കിമാവിൻ ചോട്ടിലേക്ക് പോയി. അതിന്റെ കൊമ്പിൽ പിടിച്ചു ഒന്ന് ഞാന്ന് ആടി.

ഇനി അടുത്ത മരം ഓടിക്കാൻ ആണോ.. വിക്കി കളിയാക്കും പോലെ ചോദിച്ചു. ശ്രദ്ധ അവനെ നോക്കി മുഖം കോട്ടി. പിന്നെ എന്തോ ഓർത്ത പോലെ അവനെ തിരിഞ്ഞു നോക്കി. അവൻ എന്തെന്ന് പുരികം പൊക്കി ചോദിച്ചു നീ വന്നിട്ട് ഇവിടുത്തെ സ്ഥലം ഒന്നും കണ്ടില്ലല്ലോ... വാ നമുക്ക്‌ ഒന്ന് നടക്കാം.. ഞാൻ അത് പറയാൻ വരുവായിരുന്നു. റോഡിൽ കൂടെ വന്നത് കൊണ്ട് നി പറഞ്ഞ തോടും പാടവും ഒന്നും കാണാൻ പറ്റിയില്ല.. ആ വാ... ആപ്പും വാ.. മൂന്നും കൂടെ പടി ഇറങ്ങി തോട്ടിലേക്ക് നടന്നു. തോടിന്റെ ചിറയിലൂടെ നടക്കുമ്പോൾ വിക്കിക്ക് പിന്നിലേക്ക് ശ്രദ്ധ വലിയുന്നത് കണ്ട് അപ്പുവിന് എന്തോ ഡൌട്ട് അടിച്ചു. വിക്കി കാര്യമായി എന്തൊക്കെയോ പറഞ്ഞു നടപ്പാണ്. വിക്കി വക്കത്ത് നിന്ന് താഴോട്ട് നോക്കി നിന്നപ്പോൾ ശ്രദ്ധ ഒറ്റ തള്ള് വെച്ചുകൊടുത്തു.

വിക്കി കാലുതെറ്റി തോട്ടിലേക്ക് വീണു.. ശ്രദ്ധ പൊട്ടിച്ചിരിച്ചു. എടാ... നി ആരാ എന്ന വിചാരം.. ഞാൻ ആര് ചൊറി തവള അല്ലേ... ശ്രദ്ധ ചിരിച്ചുകൊണ്ട് മുട്ടിൽ കൈ കുത്തി കുനിഞ്ഞു നിന്നു.. അതുകണ്ട് അപ്പുവിന് ചിരി വന്നു. അപ്പു ചിറയുടെ വക്കത്തേക്ക് വന്നു വിക്കിക്ക് നേരെ കൈ നീട്ടി. അവൻ കൈ പിടിക്കാൻ വന്നതും ശ്രദ്ധ അപ്പുവിനെയും തള്ളി വെള്ളത്തിലിട്ടു. നി എന്റെ കൊക്കോ തട്ടി പറിച് കഴിക്കും അല്ലേ.... രണ്ടും കൂടെ അവിടെ കിടന്ന് കുളിച്ചിട്ട് വാ.... ശ്രദ്ധ ചിരിച്ചു നടന്നു. ഡീ നിനക്ക് ഞാൻ തരാം... വിക്കി വിളിച്ചു പറഞ്ഞ് ശ്രദ്ധ അവരെ കാര്യം ആക്കാതെ തോടിന്റെ വക്കത്ത് കൂടി നടന്നു. പാലത്തിന്റെ അടുത്ത് എത്തിയപ്പോൾ പാടത്തു കൂടെ ആരോ നടന്നു വരുന്നതായി അവൾക്ക് തോന്നി. കുറച്ചുകൂടെ മുന്നോട്ട് വന്നപ്പോൾ അവൾ ആളെ കണ്ടു അഭി മാഷ്.......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...