💞പ്രണയിനി 💞: ഭാഗം 3

രചന: SHREELEKSHMY SAKSHA

..... കാത്തിരിക്കുന്നു നിൻ ഹൃദയം എനിക്കായ് മിടിക്കുന്നതറിയുവാൻ, നിൻ സിരയിലെ രക്തം എൻ പേര് ചൊല്ലുന്നതറിയുവാൻ........... സ്നേഹത്തോടെ പ്രണയിനി അവൻ ആ കത്ത് ഒരു തവണ കൂടി വായിച്ചു. പിന്നെ മടക്കി പോക്കറ്റിൽ വെച്ചു. വണ്ടി എടുത്തു നേരെ കോളജിലേക്ക് പോയി. എന്നാലും അതാരായിരിക്കും... അറിയാതെ ഞാനും ആ പ്രണയിനിയെ ഇഷ്ടപെടുന്നുവോ... ഇല്ലാ... ആ കത്തിലെ വരികളോടാണ് എപ്പോഴോ ഇഷ്ട്ടം തോന്നിയത്.. ആ കത്തിനെയാണ് ഞാൻ കാത്തിരിക്കുന്നത്.... ആ പ്രണയിനിയെ അല്ല.....ആ എഴുതിലൂടെ ആണ് അത് എഴുതുന്നയാളെ കണ്ട് പിടിക്കണം എന്ന തോന്നൽ ഉണ്ടായത്.. അല്ലാതെ അങ്ങനെ ഒരു പ്രണയിനിയെ താനും ആഗ്രഹിച്ചിരുന്നോ... അമ്മ വിവാഹത്തെ പറ്റി പറയുമ്പോൾ എന്തിനാണ് ഒഴിഞ്ഞു മാറിയിരുന്നത്..അവന്റെ ചിന്തകൾ കാട് കയറാൻ തുടങ്ങി. കോളേജിലെത്തി സ്റ്റാഫ് റൂമിലേക്ക് നടക്കുമ്പോഴും അവന്റെ മനസ് ആ പ്രണയിനിയെ തേടി അലഞ്ഞു. ലെച്ചു പറഞ്ഞത് പോലെ അത് ശ്രദ്ധ ആണോ എന്ന് ഇന്ന് തന്നെ കണ്ട് പിടിക്കണം അവൻ മനസിൽ ഉറപ്പിച്ചു. "ആഹാ... ആ പ്രണയിനി നിന്നെ ആണോ അതോ നിന്റെ ബൈക്കിനെ ആണോ പ്രണയിക്കുന്നത്...

കത്ത് മുഴുവൻ ബൈക്കിനാണല്ലോ കിട്ടുന്നത്.." ശിവയുടെ അടുത്ത സുഹൃത്തും ആ കോളേജിലെ തന്നെ എക്ണോമിക്സ് അധ്യാപകനുമായ എബി ചിരിച്ചുകൊണ്ട് പറഞ്ഞു അവർ തമ്മിൽ എല്ലാക്കാര്യവും പങ്ക് വയ്ക്കുമായിരുന്നു. ഏകദേശം ഒരേ പ്രായക്കാർ ആയതിനാൽ ആ കോളേജിൽ അവർ പെട്ടന്ന് സുഹൃത്തുക്കളായി.. ബാക്കി എല്ലാ അധ്യാപകരും അവരെക്കാൾ പ്രായത്തിനു വളരെ മുതിർന്നവർ ആയിരുന്നു. എല്ലാകാര്യവും പറയുമെങ്കിലും ശിവ എന്തുകൊണ്ടോ അത് ശ്രദ്ധയാണോ എന്ന സംശയം അവനോട് പറഞ്ഞില്ല. വെറുതെ ഒരു സംശയം എന്തിന് അവനിൽ കൂടെ നിറക്കുന്നു എന്നാണ് ശിവ ചിന്തിച്ചത്. ബെൽ മുഴങ്ങിയപ്പോൾ അന്ന് ശ്രദ്ധയുടെ ക്ലാസ്സിലേക്ക് പോകാൻ അവനു മടുപ്പിനെക്കാൾ ദൃതി ആയിരുന്നു. മനസ്സിൽ അത് ഒരിക്കലും ശ്രദ്ധ ആവരുതേ എന്നവൻ ആത്മാർത്ഥമായി പ്രാർത്ഥിച്ചു.അവളെ പഠിപ്പിക്കുന്ന അധ്യാപകനായത് കൊണ്ടോ.. ശ്രദ്ധയെ ഒരിക്കലും അങ്ങനെ കാണാൻ അവനു സാധിച്ചില്ല...അഥവാ ഇനി അത് ശ്രദ്ധയാണെങ്കിൽ എങ്ങനെ അവളെ കാര്യം പറഞ്ഞത് മനസിലാക്കണമെന്നും അവൻ ചിന്തിച്ചുകൊണ്ട് അവൻ ക്ലാസ്സിലേക്ക് നടന്നു.

ക്ലാസ്സിന്റെ വരാന്തയിൽ ചെന്നപ്പോൾ തന്നെ കണ്ടു വാതിലിൽ അവൻ വരുന്നതും കാത്ത് നിൽക്കുന്ന ശ്രദ്ധയെ.. അവന്റെ മുഖത്ത് ഗൗരവം നിറഞ്ഞു. സർ...... അവളെ കാര്യമാക്കാതെ ക്ലാസ്സിലേക്ക് കയറാൻ തുടങ്ങിയപ്പോൾ അവൾ വിളിച്ചു. എന്താ.... അവൻ ദേഷ്യത്തിൽ തന്നെ ചോദിച്ചു. ഞാൻ ക്ലാസ്സിൽ കയറിക്കോട്ടെ.... വേണ്ടാ... ക്ലാസ്സിൽ കയറണം എന്നുണ്ടെങ്കിൽ ആദ്യം ഞാൻ പറഞ്ഞത് ചെയ്.. സർ.. പ്ലീസ്.... ഞാൻ ഇനി ക്ലാസ്സിൽ മര്യാദക്ക് ഇരുന്നോളാം... ആ... ഇത് നീ സ്ഥിരം പറയുന്നത് അല്ലിയോ.. എന്നിട്ട് വല്ല മാറ്റവും ഉണ്ടാവാറുണ്ടോ... ഇല്ലല്ലോ... അല്ല സർ ഞാൻ സത്യമായും ഇനി ക്ലാസ്സിൽ ശ്രദ്ധിച്ചു ഇരുന്നോളാം.. മ്മ്.. എന്നാൽ.. ഇനി ഞാൻ ക്ലാസ്സിൽ ശ്രദ്ധിച്ചു ഇരുന്നോളാം എന്ന് 50 പ്രാവശ്യം എഴുതി കാണിച്ചിട്ട് കയറിക്കോ... അമ്പതോ... അവൾ ഞെട്ടി ചോദിച്ചു. എന്താ കുറഞ്ഞു പോയോ... ഇല്ലാ.. സർ എഴുതാം.... മ്മ്.. അവൻ ഒന്ന് മൂളിക്കൊണ്ട് ക്ലാസ്സിനകത്തേക്ക് കയറി.. കാട്ട് മാക്കാൻ..... ശ്രദ്ധ അവനെ നോക്കി ദേഷ്യത്തിൽ പിറുപിറുത്തു... അവൾ വെളിയിൽ കുത്തിയിരുന്നു എഴുതാൻ തുടങ്ങി. അവൻ ഇടക്ക് ഒളികണ്ണിട്ട് അവളെ ശ്രദ്ധിക്കുകയും ചെയ്തു. അവൻ ഒരിക്കലും ഇനി അവളെ ക്ലാസ്സിൽ കയറ്റില്ല എന്ന് തീരുമാനിച്ചതായിരുന്നു.

പക്ഷെ അവളുടെ കൈയക്ഷരം നോക്കേണ്ടത് ആവശ്യമായി പോയി. അവളുടെ ഇംഗ്ലീഷ് എഴുത്തു മാത്രമേ അവൻ കണ്ടിട്ടുള്ളായിരുന്നു.ഇതല്ലാതെ മറ്റേതെങ്കിലും രീതിയിൽ ചോദിച്ചാൽ അവൾക്ക് വല്ല സംശയവും തോന്നിയാലോ എന്ന് കരുതി. അവൾ എഴുതി കഴിഞ്ഞതും ചാടി എഴുന്നേറ്റ് ക്ലാസ്സിന്റെ വാതിലോളം ചെന്ന് വിളിച്ചു. സാർ......... മ്മ്. എന്താ... കഴിഞ്ഞ്... മ്മ് കയറിവാ... അവൾ ചിരിയോടെ ചാടി തുള്ളി ക്ലാസ്സിലേക്ക് കയറി. എഴുതിയ പേപ്പർ അവനു നേരെ നീട്ടി.. അവൻ അത് വാങ്ങി വെച്ചു അതിൽനോക്കാതെ അവളോട് പറഞ്ഞു.. ഇനി ഒരു തവണ കൂടെ എന്നെ കൊണ്ട് പറയിപ്പിക്കാൻ ഇടയായാൽ... പിന്നെ ഈ ക്ലാസ്സിൽ ഇരിക്കാം എന്ന് കരുതണ്ട.. അവൻ പറഞ്ഞത് കേട്ട് അവളുടെ മുഖത്തെ ചിരി മാഞ്ഞു. അത്ര കനം ഉണ്ടായിരുന്നു അവന്റെ ശബ്ദത്തിനു... അവൾ ഒന്നും പറയാതെ അവളുടെ സീറ്റിൽ പോയിരുന്നു. ക്ലാസ്സ്‌ കഴിയുന്നത് വരെ അവൻ ആ പേപ്പറിലേക്ക് നോക്കിയില്ല... ഒരുപക്ഷെ അത് അവൾ ആണെങ്കിൽ ക്ലാസ്സിൽ നിൽക്കാൻ വളരെ ബുദ്ധിമുട്ടായിരിക്കും.

അതോർത്തു അവൻ അത് മടക്കി ടെസ്റ്റിൽ വെച്ചു. അന്ന് മുഴുവൻ ശ്രദ്ധ അവന്റെ മുഖത്തേക്ക് കണ്ണും നട്ട് ഇരുന്നു. ആരോടും സംസാരിച്ചില്ല.. സ്വപ്ന സഞ്ചാരം നടത്തിയില്ല. ഒന്നും എഴുതിയത് പോലും ഇല്ലാ.. അവനെ തന്നെ നോക്കിയിരുന്നു. അവൾ തന്നെ കളിയാക്കാൻ വേണ്ടിയാണോ ഇങ്ങനെ നോക്കിയിരിക്കുന്നത് എന്ന് അവനു തോന്നിയിരുന്നു. പക്ഷെ അവൻ അത് കാര്യമാക്കാൻ പോയില്ല... ആ ക്ലാസ്സ്‌ കഴിഞ്ഞ് പുറത്ത് ഇറങ്ങിയതും അപ്പോൾ തന്നെ അവൻ ആ പേപ്പർ എടുത്തു രാവിലെ കിട്ടിയ പേപ്പറുമായി വെച്ച് നോക്കി.. ശ്രദ്ധയുടെ കൈപ്പട പൂച്ച മണൽ കൂനയിൽ കയറിയത് പോലെയാണ്.. ഓരോ വാക്കും തമ്മിൽ കിലോമീറ്ററുകൾ ദൂരമുണ്ട്.. ആദ്യത്തെ 10 വട്ടം നല്ലപോലെ എഴുതിയിട്ടുണ്ട്. ബാക്കിയെല്ലാം കണക്കാണ്.. ശ്രദ്ധയുടെ കൈപ്പട കത്തിലെ എഴുത്തിന്റെ അയലത്തു പോലും വരില്ല.. അവനു എന്തെന്നില്ലാത്ത സന്തോഷം തോന്നി. ഒരു നിമിഷം വെറുതെ ശ്രദ്ധയെ സംശയിച്ചതിൽ കുറ്റബോധവും തോന്നി. ഞാൻ എങ്ങനെയാണോ അവളെ കാണുന്നത് അതുപോലെ അല്ലേ അവളും കാണു..

ഒന്നുകിൽ ഞാൻ അവളുടെ മാഷല്ലേ... ചെ... ലെച്ചു പറഞ്ഞപ്പോൾ കൂടുതൽ ആലോചിക്കാതെ കാട് കയറിയതിൽ അവൻ സ്വയം തലക്ക് കൊട്ടുകയും ചെയ്തു.. ഈ സമയം തിരിച് ക്ലാസ്സിൽ കയറാൻ പറ്റിയതിന്റെ സന്തോഷത്തിൽ ആയിരുന്നു ശ്രദ്ധ... മനപൂര്വ്വം അവനെ കളിയാക്കാൻ വേണ്ടി തന്നെയാണ് മുഖത്ത് തന്നെ നോക്കിയിരുന്നത്.ആ കാര്യവും പറഞ് അവൾ കൂട്ടുകാരികളുമായി പറഞ്ഞു ചിരിച്ചു. ശ്രദ്ധ അവനെ കാട്ട്മാക്കാൻ എന്നാണ് വിളിക്കുന്നത്.. ആ കോളേജിൽ അവളെ ഏറ്റവും കൂടുതൽ വഴക്ക് പറഞ്ഞിട്ടുണ്ടാവുക അവനായിരിക്കും. അതിന്റെ ചെറിയൊരു ദേഷ്യം അവൾക്ക് അവനോട് ഉണ്ട്. ക്യാന്റീനിൽ അവനു അതുവരെ കിട്ടിയ കത്തുകൾ നിരത്തി വെച്ച് നിരീക്ഷിക്കുകയാണ് എബി... ഈ ഹാൻഡ്റൈറ്റ് നി എവിടെങ്കിലും മുൻപ് കണ്ടിട്ടുണ്ടോ...എബി അതിലൊരു കത്തും നോക്കിക്കൊണ്ട് ചോദിച്ചു. എവിടുന്ന്.... നീ ഇതിനുമുൻപ് ആരെയെങ്കിലും പ്രണയിച്ചു പറ്റിച്ചിട്ടുണ്ടോ... ഓ പിന്നെ... പ്രണയിച്ചിട്ടില്ല പിന്നല്ലേ പ്രണയിച്ചു പറ്റിക്കാൻ.. ഈ മാഷേ എന്നുള്ള എഴുത്തു കാണുമ്പോൾ നിന്റെ സ്റ്റുഡന്റസ് ആരെങ്കിലും നിന്നെ പറ്റിക്കാൻ ചെയ്യുന്നതാണെന്ന തോന്നുന്നേ...

. മ്മ് ലെച്ചുവും അത് തന്നെയാ പറഞ്ഞെ..അവൾ ആദ്യം പറഞ്ഞത് ആ ശ്രദ്ധയില്ലേ അവളാകും എന്നാണ്.. എന്നിട്ട്... അവളല്ല... അവളുടെ കൈയക്ഷരം ഞാൻ ഇന്ന് നോക്കിയിരുന്നു.രണ്ടും തമ്മിൽ ഭൂമിയും ആകാശവും പോലെ വ്യത്യാസം ഉണ്ട്. അല്ലേൽ തന്നെ അതൊരു വട്ട് പിടിച്ച കൊച്ചാണ്... ഇങ്ങനെ പ്രേമം എന്ന വികാരമൊക്കെ അതിനു ഉണ്ടെന്ന് എനിക്ക് തോന്നുന്നില്ല... മ്മ് ശരിയാണ്... കുറച്ച് നേരം കൂടെ എബി ആ കത്തുകൾ മാറിമാറി നോക്കി. നീ ഇങ്ങനെ ആ കത്തിന്റെ സൗന്ദര്യവും നോക്കിയിരിക്കാതെ ഇതാരാന്നു കണ്ട് പിടിക്കാൻ വല്ല വഴിയും പറഞ്ഞതാ... അതിൽ വലിയ കാര്യമൊന്നും ഇല്ലാ.. ഒരു ഹിഡൻ ക്യാമറ വാങ്ങി നിന്റെ വണ്ടിയിൽ ഫോക്കസ് ചെയ്ത് വെച്ചാൽ മതി ആളെ സിമ്പിൾ ആയി കണ്ട് പിടിക്കാം... അത് കൊള്ളാം.. ഒന്ന് ചെയ്ത് നോക്കിയാലോ.. മ്മ് നോക്കി.. ആ ജംഗ്ഷനിലെ കടയിൽ ഉണ്ട് ക്യാമറ ഓക്കെ.. ഇന്ന് തന്നെ ഒരെണ്ണം വാങ്ങ്.. അന്ന് വൈകിട്ട് വീട്ടിലേക്ക് പോകും വഴി അവൻ എബി പറഞ്ഞ കടയിൽ കയറി ഒരു ഹിഡൻ ക്യാമറ വാങ്ങി.. കണ്ടാൽ വണ്ടിയുടെ ലോഗോ ആണെന്നെ തോന്നു. അവൻ അത് അവന്റെ ഫോണുമായി കണക്ട് ചെയ്തു വെച്ചു.

അന്ന് അവൻ വന്നു ഏറെ വൈകിയാണ് ലെച്ചു വന്നത് ഏട്ടൻ ഇന്ന് നേരത്തെ എത്തിയോ.. അവന്റെ റൂമിലേക്ക് കയറിക്കൊണ്ട് ലെച്ചു ചോദിച്ചു ഞാൻ നേരത്തെ വന്നതല്ല നീ താമസിച്ചതാണ്... ഇന്നെന്താ ഇത്ര ലേറ്റ് ആയത്.. ഇന്ന് എക്സ്ട്രാ ക്ലാസ്സ്‌ ഉണ്ടായിരുന്നു ബസ് കിട്ടി വന്നപ്പോഴേക്കും ഇത്രയും താമസിച്ചു.. മ്മ് ഇനി ക്ലാസ്സ്‌ ഉള്ളപ്പോൾ വിളിച്ചാൽ മതി ഞാൻ വരാം.. ശരി വിളിക്കാം...അല്ല എന്തായി ശ്രദ്ധയുടെ കാര്യം കൈയക്ഷരം നോക്കിയോ.. മ്മ് നോക്കി.. അവളെങ്ങും അല്ല.. നീ പറഞ്ഞത് കേട്ട് ഞാൻ അവളോട് പോയി ഒന്നും ചോദിക്കാഞ്ഞത് കാര്യമായി.. അല്ലേൽ മൊത്തം ചളമായേനെ...അവളുടെ ഒരു പൊട്ട ബുദ്ധി.. ഓ... ഓ.. അല്ല കോ.. ഇനിയിങ് വായോ അതാരായിരിക്കും എന്നും ചോദിച്ചു.. അപ്പൊ കാണിച് തരാം.. ഇല്ലാ വരുന്നില്ല ഇനി നിന്റെ പൊട്ട ബുദ്ധി സ്വീകരിക്കുന്നതല്ല... എന്നാൽ ആ പെണ്ണിനെ ഏട്ടൻ ഒരിക്കലും കണ്ട് പിടിക്കാനും പോകുന്നില്ല.. ആ.. കണ്ട് പിടിക്കാൻ ഉള്ള വഴിയൊക്കെ ഞാൻ കണ്ടിട്ടുണ്ട് മോള് തല്ക്കാലം ചെല്ല്..

എല്ലാം പൊട്ടി പാളിസാവൻ ഞാൻ പ്രാർത്ഥിക്കാം.. ഓ വളരെ ഉപകാരം... പോടാ മരത്തവളെ... ലെച്ചു ദേഷ്യത്തിൽ അവനെ വിളിച്ചു അടുക്കളയിലേക്ക് ഓടി.. അല്ലെങ്കിൽ അവൻ പഞ്ഞിക്കിടും എന്നവൾക്ക് അറിയാം. കാമറ വാങ്ങിയ കാര്യം ലെച്ചു അറിഞ്ഞില്ല അവനായിട്ട് പറയാനും പോയില്ല. രാത്രിയിൽ ആഹാരം കഴിച്ചു ഇരുന്നപ്പോൾ ലെച്ചു വീണ്ടും അവന്റെ മുറിയിലേക്ക് വന്നു. ഏട്ടാ.. അവളുടെ കൈയക്ഷരം ഏട്ടന്റെ കൈയിൽ ഉണ്ടോ.. ഉണ്ട് എന്തിനാ... തന്നെ.. ഞാൻ ഒന്ന് നോക്കട്ടെ... എന്റെ ലെച്ചു നീ അവളെ ഇതുവരെ വിട്ടില്ലേ... അവൾ അല്ലെന്ന് പറഞ്ഞില്ലേ.. ചിലപ്പോ അവൾ ഏട്ടൻ കണ്ടുപിടിക്കാതിരിക്കാൻ കൈയക്ഷരം മാറ്റി എഴുതിയതാണെങ്കിലോ. ഓ പുതിയ കണ്ടുപിടുത്തം ആയിരിക്കും. ഞാൻ അവൾക്ക് പണിഷ്മെന്റ് ആയി 50പ്രാവശ്യം എഴുതാൻ പറഞ്ഞതാണ്...

50തവണ എഴുതുമ്പോൾ ഒരു തവണയെങ്കിലും സ്വന്തം ഹാൻഡ് റൈറ് വരും. ഇതിൽ അവളുടെ കൈയക്ഷരം ആയി ഒരു സാമ്യവും ഇല്ലാ.... അവൻ ബുക്കുകൾക്കിടയിൽ നിന്ന് ആ പേപ്പർ തപ്പിയെടുത്തുകൊണ്ട് പറഞ്ഞു. അവന്റെ കൈയിൽ നിന്ന് ആ പേപ്പർ വാങ്ങി അവൾ സൂക്ഷ്മ നിരീക്ഷണം നടത്തി തോറ്റു പിന്മാറി... അവൻ അവളെ കളിയാക്കി ഉറങ്ങാൻ പറഞ്ഞയച്ചു.. പിറ്റേന്ന് അവൻ ക്യാമറ കറക്റ്റായി വണ്ടിയിൽ ഫിറ്റ്‌ ചെയ്ത് കോളജിലേക്ക് തിരിച്ചു. ഇത്തവണ അവൻ അമ്പലത്തിൽ കയറിയില്ല... നേരെ ബുക്ക് സ്റ്റാളിൽ പോയി കുറച്ച് സാദനങ്ങൾ വാങ്ങി മിക്കതും ആവശ്യമില്ലാതെ വാങ്ങിയതാണ്. കുറെ നേരം അതിനകത്തു തിരിഞ്ഞു കളിച് കുറെ സാധനവും വാങ്ങി അവൻ പുറത്ത് ഇറങ്ങി. പ്രതീക്ഷ തെറ്റിയില്ല ദാ ഇരിക്കുന്നു ലെറ്റർ. അത് തുറന്ന് വായിക്കുന്നതിനു മുൻപ് തന്നെ അത് ആരെന്ന് അറിയാനുള്ള ആകാംഷയിൽ അവൻ ഫോൺ എടുത്തു നോക്കി.......തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...