💞പ്രണയിനി 💞: ഭാഗം 42

രചന: SHREELEKSHMY SAKSHA

പാലക്കാട്‌ ട്രെയിൻ ഇറങ്ങുമ്പോൾ അവളെ വിളിക്കാൻ അവിടെ ശിവ കാത്തു നിൽപ്പുണ്ടായിരുന്നു...... ശിവ ചോദിക്കുന്നതിനു മാത്രം മറുപടി പറഞ്ഞു ശ്രദ്ധ നല്ലകുട്ടിയായി അടങ്ങി ഒതുങ്ങി കാറിൽ ഇരുന്നു. വീട്ടിൽ വന്നയുടനെ മാളു ശ്രദ്ധയെ പോയെ കെട്ടിപിടിച്ചു. കുറെ നേരം കെട്ടിപ്പിടുത്തവും വിശേഷങ്ങൾ എല്ലാം കഴിഞ്ഞ് ശ്രദ്ധക്ക് ഉള്ള മുറി മാളു കാണിച്ചു കൊടുത്തു... മുകളിലത്തെ നിലയിൽ ലേച്ചൂന്റെ മുറിക്ക് നേരെ ഓപ്പോസിറ്... ഒരു ചെറിയ ബാൽക്കണിയും ഉണ്ട്. അവിടെ നിറയെ ഹാങ്ങിങ് പ്ലാന്റ്സ് തൂക്കിയിട്ടുണ്ട്... "എന്താ.... മതിൽ ചാടാൻ വല്ല വഴിയും ഉണ്ടോന്ന് നോക്കുവാനോ...." ബാൽക്കനിയുടെ കമ്പിയിൽ പിടിച്ചു താഴോട്ട് നോക്കി നിന്ന ശ്രദ്ധയുടെ അടുത്ത് വന്നു ശിവ ചോദിച്ചു. അവൾ ഞെട്ടി അവനെ നോക്കി. മ്മ്.. അവൻ പുരികം ഉയർത്തി ചോദിച്ചതും അവൾ ഒന്നുമില്ലെന്ന് ചുമൽ കൂച്ചി കാണിച്ചു. പിന്നെ മുറിയിലേക്ക് നടന്നു.. നിന്റെ അന്നത്തെ തലകറക്കം നാടകം ഞാൻ വിശ്വസിച്ചിട്ടില്ല....

ശിവ പറഞ്ഞതും ഒരു ഇടി വെട്ടിയ പോലെ ശ്രദ്ധക്ക് തോന്നി..അവൾ തിരിഞ്ഞ് അവനെ നോക്കി.. അന്ന് മതിൽ ചാടി എവിടെ പോയതാ... ശിവ ചോദിച്ചതും അവൾ നിന്നു വിറച്ചു.. എൻ... എങ്ങും പോയില്ല... തല കറങ്ങിയതാ.... അവൾ അവന്റെ മുഖത്ത് നോക്കാതെ താഴോട്ട് നോക്കി പറഞ്ഞു.. മ്മ്... മ്മ്.. കുളിച്ചിട്ട് വാ... അവൻ മുറിയിൽ നിന്ന് ഇറങ്ങി പോയി... ശ്രദ്ധ ശ്വാസം വലിച്ചു വിട്ടു.. ബാൽക്കണിയിലേക്ക് പോയി... മ്മ് ശരിയാ പറഞ്ഞെ.. ഇവിടുന്ന് ചാടാൻ കുറച്ചു പാട് പെടും... ഇവിടെ പൈപ്പ് ഒന്നും ഇല്ലേ... അവൾ ബാൽക്കണിക്ക് ചുറ്റും നടന്നു നോക്കി. മ്മ് ബാൽക്കണിയിൽ നിന്ന് താഴോട്ട് ഇറങ്ങിയ ഷെയ്ഡിൽ എത്താം അവിടുന്ന് താഴോട്ട് എങ്ങനെ ഇറങ്ങും... ആ.. അവിടെ പൈപ്പ് ഇണ്ട്...അതിൽ പിടിച്ചു ഇറങ്ങാം... എന്റെ അമ്മോ മതിൽ എങ്ങനെ ചാടും.. ഇതെന്തോന്ന്... വൻമതിലോ... ആ... ആ പേരമരത്തിൽ കേറിയ മതിൽ ചാടാം.. കൈയും കാലും ഒടിഞ്ഞില്ലേ കൊള്ളാം... അവൾ ആ വീടിന്റെ ആകെ മൊത്തം ഒരു ബ്ലൂ പ്രിന്റ് എടുത്തു.

കുളിച് ഫ്രഷ് ആയി വന്നപ്പോഴേക്കും അവളെ വിളിക്കാൻ ലെച്ചു വന്നിരുന്നു അവളുടെ കൂടെ താഴെ പോയി എല്ലാരുടെയും കൂടെ ഇരുന്ന് ആഹാരം കഴിച്ചു. സമയം രാവിലെ 8:00മണി കഴിഞ്ഞതേ ഉണ്ടായിരുന്നുള്ളൂ.. മാളു പോകണ്ട എന്ന് പറഞ്ഞിട്ടും ശ്രദ്ധ കൊള്ളേജിലേക്ക് പോകാൻ ഒരുങ്ങി. മാളുവേച്ചി.... ഞാൻ പോവാണേ.... ഏട്ടാ... ഞാൻ ഇറങ്ങുവാ... അമ്മേ....സച്ചൂ... ഞാൻ പോവാണേ...വൈകിട്ട് കാണാം.. ലെച്ചു വിളിച്ചു പറഞ്ഞുകൊണ്ട് ഇറങ്ങി.. റൂമിൽ മുടി കെട്ടിക്കൊണ്ടിരുന്ന ശ്രദ്ധ ലെച്ചു വിളിച്ചു പറഞ്ഞത് കേട്ടപ്പോൾ ഒന്ന് ചിരിച്ചു.. പിന്നെ മുടി കെട്ടിക്കൊണ്ട് ആലോചിക്കാൻ തുടങ്ങി.. ലെച്ചുവെച്ചി പോയി... മാളു കോളേജിൽ പോണില്ല ഈ ആഴ്ച കൂടെ ലീവ് ആണ്... അപ്പൊ ഞാൻ എങ്ങനെ കോളേജിൽ പോവും... എനിക്ക് വഴി അറീല്ല.... അപ്പൊ......... ദൈവമേ കാട്ടുമാക്കന്റെ കൂടെ പോവേണ്ടി വരോ..... ദൈവമേ... അതിൽ ഭേദം നേത്രവതിക്ക് തലവെക്കുന്നതാ.... ഇങ്ങോട്ട് വന്നപ്പോ തന്നെ പിടിച്ചിരുന്ന പാട് എനിക്ക് അറിയാം....

നോ... ഞാൻ പോവൂല്ല...പിന്നെ എങ്ങനെ പോവും... ചെ... മാളു പറഞ്ഞതാ ഇന്ന് പോവണ്ട എന്ന്.. കേട്ടില്ല...മണ്ടി... ഇനിപ്പോ ആ കാട്ടുമാക്കാന്റെ കൂടെ പോവേണ്ടി വന്ന അവസ്ഥ.... അതിലും ദാരുണം ആവും അവിടെ ചെന്ന് ഇറങ്ങുമ്പോൾ...പിള്ളേര്... ഇത്രയും നാലും കാട്ടുമാക്കാൻ എന്ന് വിളിച്ചാ... ചെ.. നാറി നാണംകെടും... ചെ.. അങ്ങനെ ഒന്നുമില്ല... എന്തൊക്കെയാ ശ്രദ്ധ നീ eഈ ആലോചിച്ചു കൂട്ടനെ....അന്ന് മാഷ് ഇന്ന് ചേട്ടായി.... അപ്പൊ കുഴപ്പം ഒന്നുമില്ല. എന്നാലും.... ശേ മോശം ആവോ.... വിക്കിയെ വിളിച്ചാലോ...... വേണ്ടാ... അല്ലേൽ വിളിക്കാം... ഇവിടെ ആരേലും ചോദിച്ച എന്ത് പറയും... ഇപ്പൊ സമയം 8:15... ക്ലാസ്സ്‌ തുടങ്ങാൻ എന്തായാലും 10:00 ആവും.8:30 ഇവിടുന്ന് ഇറങ്ങിയാൽ എന്താവും... ശാരമ്മ എന്തേലും ചോദിക്കോ... മാളൂനെ പറഞ്ഞു സമ്മതിപ്പിക്ക... അപ്പൊ അങ്ങേരോട്... എന്ത് പറയും... അല്ലേൽ അങ്ങേരെ ആര് നോക്കുന്നു.. പെന്റിങ് നോട്സ് എഴുതാൻ പോവാ എന്ന് പറയാം... സെറ്റ്.. അത്രേം ഉള്ളു..സെറ്റ് ശ്രദ്ധ നി മുത്താണ്...

അല്ല അപ്പൊ നാളെയോ... നാളെ എന്ത് ചെയ്യും... ആ നാളത്തെ കാര്യം നാളെ... എന്തായാലും വിക്കിയെ വിളിക്കാം... അവൾ ഫോൺ എടുത്ത് വിക്കിയെ വിളിച്ചു. അവൻ വരാം എന്നും സമ്മതിച്ചു. ശ്രദ്ധ മെല്ലെ പമ്മി പമ്മി പടി ഇറങ്ങി വന്നു ഉമ്മറത്ത് പത്രം വായിച്ചു മാഷുണ്ട്. മാളുവും അമ്മയും അടുക്കളയിൽ ആണ് . മാളു.... ഞാൻ ഇറങ്ങുവാനെ..... വിളിച്ചു പറഞ്ഞു ശ്രദ്ധ ഉമ്മറത്തേക്ക് ഇറങ്ങി.. അപ്പോഴേക്കും അമ്മയും മാളുവും അവിടേക്ക് വന്നു.. അല്ല നിയിത് ഇപ്പൊ എവിടെ പോവാ.. ക്ലാസ്സ്‌ 10ന് അല്ലേ.. ആന്നു.. പക്ഷെ ഇത്രയും ദിവസം ലീവ് അല്ലാരുന്നോ.. അപ്പൊ പെന്റിങ് നോട്സ് എഴുതാൻ... ആം.. അല്ല ണി എങ്ങനെ പോകും.. മാഷ് ഒൻപതര ആവുമ്പോഴാ ഇറങ്ങാ... സാരമില്ല... ഞാൻ വിക്കിയെ വിളിച്ചാരുന്നു... അവൻ വരും... അമ്മേ ഞാൻ ഇറങ്ങട്ടെ... പോട്ടേ ചേട്ടായി.. പോട്ടേ മാളു...അവൾ. മറുപടി കേൾക്കാതെ മുറ്റത്തേക്ക് ഇറങ്ങി അപ്പോഴേക്കും വിക്കി വന്നു.. അവന്റെ കൂടെ പോവുകയും ചെയ്തു..

ഇതെല്ലാം കണ്ട് വായും തുറന്ന് നിൽക്കുവാണ് മാളു..മാഷ് ഒരു ചിരിയോട അവളുടെ തലക്ക് ഒരു കോട്ട് കൊടുത്തു.. എന്താ... തല ഉഴിഞ്ഞുകൊണ്ട് മാളു ചോദിച്ചു.. ഏയ്.. ഒന്നുവില്ലേ.... എന്നാലും നിന്റെ സച്ചൂന്റെ നോട്ട് എഴുതാൻ ഉള്ള ആത്മാർത്ഥത ബാക്കി പറയാതെ അവൻ ചിരിച്ചുകൊണ്ട് അകത്തേക്ക് പോയി....പിന്നാലെ മാളുവും. അതെന്താ.. അവൾ നോട്ട് എഴുതാൻ അല്ലേ പോയെ... എന്റെ മാളു നിനക്ക് ഇതുവരെ അവളെ മനസിലായില്ലേ.... ലെച്ചു കോളേജിൽ പോയി... നി കോളേജിൽ പോകുന്നുമില്ല... വഴി അറിയാത്തത് കൊണ്ട് ഒറ്റക്ക് പോകാനും അറിയില്ല. എന്റെ കൂടെ വരേണ്ടി വരും... അതുകൊണ്ട് മുങ്ങാൻ ഉള്ള വഴി ആലോചിച്ചതാ കുഞ്.. വിക്കിടെ കൂടെ ചാടിയത്..... ശിവ ചിരിയോടെ പറഞ്ഞതും മാളു ശരിയാണല്ലോ എന്ന രീതിയിൽ ആലോചിച്ചു., പിന്നെ നോട്ട് എഴുതുന്ന ഒരു കുഞ്ഞു... നേരെ ഇരുന്ന് പറഞ്ഞു കൊടുത്താൽ കാടും മലയും വരയ്ക്കുന്ന സൈസ് ആണ് അത്..

പിന്നെ അല്ലേ അവിടെ പോയി എഴുതാൻ.. പോണേ.. മാളു ശരിയാണ് എന്ന രീതിയിൽ ചിരിച്ചു.. ചക്കിക്കൊത്ത ചങ്കരൻ... ശിവ ചിരിച്ചു.. കോളേജിൽ എത്തിയതും എല്ലാത്തിനോടും കഴിഞ്ഞ ദിവസങ്ങളിലെ കാര്യങ്ങളും മാഷിന്റെ വീട്ടിലെ താമസവും ഓക്കെ പറഞ്ഞു തകർത്തു.. അപ്പോഴാണ് മീനുവിനെ വിളിച്ചില്ലലോ എന്ന് അവൾ ഓർത്തെ.. വൈകിട്ട് വിളിക്കണംഎന്നവൾ വിചാരിച്ചു. ഈ സമയം അപ്പു അവളെ വിളിച്ചു..കഴിഞ്ഞ ദിവസം അവൾ അടുത്ത് ചെന്നിട്ട് വലിയ മൈൻഡ് കാണിക്കാത്ത ദേഷ്യത്തിൽ അവൾ വലിയ മൈൻഡ് ഇല്ലാതെ സംസാരിച്. ഹലോ സച്ചു.... ആ.. പറ.. നി അവിടെ എത്തിയോ.. ആം... ഇന്നും ലീവ് ആണോ... അല്ല കോളേജിൽ ആണ്.. നിനക്ക് എന്താ ഇത്ര ഗമ... ആ ഇപ്പൊ അൽപ്പം കൂടുതലാ... ഓഹോ... ആം.. അല്ല വിളിച്ചത് എന്തിനാണെന്ന് പറയണം മിഷ്ടർ... അങ്ങനെ ആണോ.. ആം. ക്ലാസ്സ്‌ തുടങ്ങാൻ ആയോ.. ഇല്ലെങ്കിൽ... ഡീ കുരുപ്പേ കൂടുതൽ വിളയല്ലേ... അങ്ങോട്ട് വന്നാൽ ചവിട്ടി കൂട്ടും ഓ.. ഇങ് വാ.. നിന്ന് തരാം.. ഓടിച്ചു പിടിക്കാൻ എനിക്ക് അറിയാം.. രാവിലെ കള്ളനും പോലീസും കളിക്കാൻ വിളിച്ചതാണോ...ഓഫീസിൽ ഒന്നും പോകണ്ടേ... ഇല്ലാ ഇന്ന് ലീവ് ആണ്... എന്തെ....

ഒന്നുവില്ല തലവേദന... അപ്പൊ ലീവ് ആക്കി... മ്മ് വിളിച്ചത് ഇതുവരെ എന്തിനാണ് എന്ന് പറഞ്ഞില്ല.. അത്... ഏത്.. എടി നിന്നെ മീനു വിളിച്ചോ... ഓ അപ്പൊ അതാണ്.. ഇല്ലാ... ഇന്നലെ വന്നപ്പോൾ അവൾ വൈക്കത്ത് തിരിച് പോയി എന്ന് ഉമയമ്മ പറഞ്ഞു.. വിളിച്ചപ്പോൾ ഫോൺ സ്വിച്ച് ഓഫ്..പിന്നെ വിളിക്കാൻ പറ്റിയില്ല്ല ഇങ്ങോട്ട് വിളിച്ചിട്ടും ഇല്ലാ.. ആണോ.. ആ.. എന്നാലും ഡാ അടി അൽപ്പം കൂടിപ്പോയി... മ്മ്.. എന്ത് കും... പോയി കൊച്ചിനെ മര്യാദക്ക് വിളിച്ചോണ്ട് വാടാ... ആം... ശരി... നിനക്ക് ക്ലാസ്സ്‌ തുടങ്ങാൻ ആയില്ലേ.... ഞാൻ വെക്കാ പിന്നെ വിളിക്കാം.. ആം.. നി വിളിക്ക്.. ആം.. അവൻ ഫോൺ വെച്ചു.. ശ്രദ്ധ എന്തൊക്കെയോ ആലോചിച്ചു മീനുവിനെ വിളിച്ചു...പക്ഷെ ഫോൺ സ്വിച്ച് ഓഫ്‌ ആയിരുന്നു. ഈ പെണ്ണ് ഇതെവിടെ പോയി....ഇനി വല്ല മണ്ടത്തരവും ചെയ്യുവോ... ശങ്കാരൻമാമയുടെ നമ്പറും ഇല്ലാ.........തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...