💟 സങ്കീർത്തനം 💟: ഭാഗം 46

രചന: കാർത്തിക

പിറ്റേന്ന് കോളേജിലേക്ക് ചെല്ലുമ്പോൾ അച്ചുവും ദേവും വാകമരച്ചുവട്ടിലായിരുന്നു കുറുകുന്നുണ്ടായിരുന്നു. അവരെ കണ്ടതും ഒപ്പമുണ്ടായിരുന്ന സംഗീതിനെ മൈന്റ് ചെയ്യാതെ കീർത്തി അവർക്കടുത്തേക്കായി നടന്നു. ഇന്നലെ സംഭവിച്ചതൊക്കെ അവരോട് പറയാനുള്ള തിടുക്കമായിരുന്നു അവളിൽ........ കീർത്തിയെ കാണാതെ സംഗീത് നോക്കുമ്പോൾ അച്ചുവിനും ദേവികയുടേയും നടുവിലായിരിക്കുന്നവളെയാണ് കാണുന്നത്. അവർക്കടുത്തേക്ക് നടക്കാൻ തുടങ്ങിയപ്പോഴാണ് പിന്നിൽ നിന്നും സാർ എന്നൊരു വിളി കേൾക്കുന്നത്. നോക്കുമ്പോൾ റിനുവായിരുന്നു.... "ഗുഡ് മോണിംഗ് ടീച്ചർ...." സംഗീത് അവളെ വിഷ് ചെയ്തു പിന്നെ അവർ ഒരുമിച്ച് കീർത്തിയും കൂട്ടരും ഇരുന്നിടത്തേക്കായി നടന്നു...... "നല്ലൊരു ജോലിയൊക്കെയായില്ലേ ടീച്ചർക്ക്, ഇനിയൊരു വിവാഹത്തെക്കുറിച്ച് ചിന്തിക്കുന്നില്ലേ..." അവളുടെ മനമറിയാനായി സംഗീത് ചോദിച്ചു. "ഹാ... വീട്ടിലും ഇക്കാര്യം പറഞ്ഞ് നല്ല പ്രഷർ ഉണ്ട്.....എന്റെ ഭാഗത്തു നിന്നും ഒരു പോസിറ്റീവ് റിപ്ലേ കിട്ടാത്തതു കൊണ്ടു ഡാഡി പറഞ്ഞേക്കുവാ ഇനിയേതെങ്കിലും നല്ല പ്രൊപ്പോസൽ വന്നാൽ എന്റെ സമ്മതത്തിനൊന്നും കാത്തു നിൽക്കാതെ പിടിച്ചു കെട്ടിക്കുമെന്ന്...." "അതെന്താടോ തനിക്കിപ്പോൾ ഒരു വിവാഹത്തിന് താൽപ്പര്യമില്ലേ....

അതോ മറ്റാരോടെങ്കിലും പ്രണയമുണ്ടോ....." "ഉം.... കുറച്ചു നാൾ മുന്നേ വരെ അങ്ങനെയൊന്നില്ലായിരുന്നു..... പക്ഷേ ഇപ്പോൾ.....'' "ആഹാ... അപ്പോഴതിനർത്ഥം താനാരേയോ പ്രണയിക്കാൻ തുടങ്ങിയെന്നാണല്ലോ...എങ്കിൽ പിന്നേ അക്കാര്യം വീട്ടിൽ പറഞ്ഞൂടേ... അതോ തന്റെ ഡാഡി സമ്മതിക്കില്ലേ........" "ഹേയ് ഡാഡിക്ക് അതൊന്നും ഒരു പ്രശ്നമല്ല .....എന്തിനും എനിക്ക് സപ്പോർട്ടാണ് എന്റെ ഡാഡി...." "പിന്നെന്താ ഇക്കാര്യം തന്റെ ഡാഡിയോട് പറയാതിരുന്നത്......" " പറയണം.... പക്ഷേ ഞാൻ ഇഷ്ടപ്പെടുന്ന ആളോട് ഇതുവരെ ഇക്കാര്യം തുറന്നു പറഞ്ഞിട്ടില്ല..... " " ഓഹ്.... അപ്പോൾ അങ്ങനെയാണ് കാര്യങ്ങൾ.... ആട്ടേ ആരാ ആൾ....." "അത്... അത് പിന്നേ...." "ഉം....ഉം.... വിക്കണ്ട .....ഞാൻ പറയട്ടേ ആരാണ് ആ വ്യക്തിയെന്ന്..." സംഗീത് അതു ചോദിച്ചപ്പോൾ റിനു അവനെ സംശയത്തോടെ നോക്കി " അഭിജിത്ത് അല്ലേ ടീച്ചറുടെ ഹൃദയം കവർന്ന ആ വ്യക്തി......" അക്ഷരാർത്ഥത്തിൽ റിനു ഞെട്ടിപ്പോയി "സാ.... സാറിനിതെങ്ങനെ.... മനസ്സിലായി..." "അഭിയും ചിന്നുവുമായി സംസാരിക്കുമ്പോൾ തന്റെ മുഖത്ത് തെളിയുന്ന കുശുമ്പ് ഞാൻ പലപ്പോഴും ശ്രദ്ധിച്ചിട്ടുണ്ട്.... പിന്നേ ആരും കാണുന്നില്ലാന്നു കരുതി അഭിയെ പലപ്പോഴും പ്രണയത്തോടെ നോക്കുന്നത് ഒക്കെ ഞാൻ കാണാറുണ്ട്...."

അതൊക്കെ കേട്ടപ്പോൾ റിനു ഒരു ചമ്മലോടെ തലതാഴ്ത്തി " കീർത്തിയുടെ കാര്യമൊക്കെ അറിഞ്ഞതിനു ശേഷം ആദ്യമൊക്കെ അഭി സാറിനോട് ദേഷ്യമാണ് തോന്നിയിരുന്നത്... പിന്നെ വിജിതയുടെ ചതിയിൽപ്പെട്ട് തകർന്നു പോയപ്പോൾ വല്ലാത്തൊരു അനുകമ്പ തോന്നി ആളോട്.... പക്ഷേ അതെപ്പോഴാണ് ഒരു പ്രണയമായി മാറിയതെന്ന് എനിക്കറിയില്ല...." "എന്തായാലും താനിക്കാര്യം ആദ്യം അഭിയോട് പറയാൻ നോക്ക്..... ആ വിജിത ഭർത്താവുപേക്ഷിച്ച് വീട്ടിൽ വന്നിരിപ്പുണ്ട്, ഇനിയൊരുപക്ഷേ പഴയ പ്രണയവും പറഞ്ഞ് അഭിയുടെ അടുത്തേക്ക് വന്നാലോ..." " ഇനിയവൾ വന്നാലും അഭിസാർ അവളെ തിരിഞ്ഞു പോലും നോക്കില്ല ...." "അത്രയ്ക്ക് വിശ്വാസമാണോ ടീച്ചർക്ക് അഭിയോട് ...." "ഉം..." " എന്തായാലും ടീച്ചർ ഇക്കാര്യം എത്രയും പെട്ടെന്ന് പ്രൊസീഡ് ചെയ്യാൻ നോക്ക്...." "അത് പിന്നേ അഭിസർ റിജക്ട് ചെയ്താലോന്ന് ഒരു പേടി .... ഇപ്പോഴുള്ള ഫ്രണ്ട്ഷിപ്പും കൂടി നഷ്ടമാവും ....." " ഒന്നുമുണ്ടാവില്ലാ താൻ അഭിയോട് പറയാൻ നോക്ക്... എന്ത് സപ്പോർട്ടിനും ഞാനുണ്ടാകും കൂടെ നല്ലൊരു ഫ്രണ്ടായിട്ട് ...."

"മം .... പിന്നേ സർ ഇക്കാര്യം ആരോടും പറയരുത് പ്രത്യേകിച്ച് അഭി സർ നോട് ...." അവളുടെ സമാധാനത്തിനു വേണ്ടി മറ്റാരോടും പറയില്ലാ എന്ന് അവനവൾക്ക് ഉറപ്പു കൊടുത്തു. ഇതേ സമയം ഇന്നലെ നടന്നതൊക്കെ അച്ചുവിനോടു പറയുന്ന തിരക്കിലായിരുന്നു കീർത്തി .... കേട്ടതൊന്നും വിശ്വസിക്കാനാവാതെ ഇരിക്കുവാണ് ദേവു ....അച്ചുവാണെങ്കിൽ ദേഷ്യം കൊണ്ട് വിറക്കുകയായിരുന്നു. അതു മനസ്സിലാക്കിയ കീർത്തി അവന്റെ മൈന്റ് മാറ്റാനായി റിനുവിന് അഭിയോടുള്ള ഇഷ്ടത്തിന്റെ കാര്യം പറഞ്ഞു. അതു കേട്ടപ്പോൾ ആളൊന്ന് ഉഷാറായി.... തന്റെ ഏട്ടന് നല്ലൊരു ജീവിതം കിട്ടാനായിട്ട് എന്തു ചെയ്യാനും താൻ റെഡിയാണെന്നുള്ള ഭാവമായിരുന്നു അച്ചുവിന് ... എങ്ങനെയെങ്കിലും അവരെ തമ്മിൽ ഒരുമിപ്പിക്കണമെന്ന് അവർ മൂവരും ചേർന്ന് തീരുമാനിച്ച് ഉറപ്പിച്ചു. അതിനായി അവർ ഓരോന്നും പ്ലാൻ ചെയ്യാൻ തുടങ്ങി... അച്ചു പറയുന്നത് കീർത്തിയ്ക്ക് പറ്റില്ല, കീർത്തി പറയുന്നത് അച്ചുവിന് പറ്റില്ല.... ദേവു പറയുന്നത് അവർക്കു രണ്ടു പേർക്കും പറ്റില്ല....

പ്ലാനിംഗിന് അവസാനം ഒന്നുമാവാതെ അച്ചുവും കീർത്തിയും ഓരോന്നു പറഞ്ഞു വഴക്കായി... താൻ ഇതിലൊന്നും ഉൾപ്പെട്ടിട്ടില്ല എന്നുള്ള ഭാവത്തിൽ താടിയ്ക്ക് കൈ കൊടുത്ത് രണ്ടു പേരുടേയും വഴക്കും നോക്കി ദേവുവും അവർക്കടുത്തായി ഇരുന്നു. അച്ചു അപ്പോഴാണ് തങ്ങളുടെ അടുത്തേക്ക് വരുന്ന സംഗീതിനേയും റിനുവിനേയും കാണുന്നത്. "എന്റെ പൊന്നു സാറേ.... സാറിന് ഭാര്യയെ വേണമെങ്കിൽ ഇവളെ വിളിച്ചോണ്ടു പൊയ്ക്കോ ഇല്ലെങ്കിൽ ഞാനിവളെ വല്ല പൊട്ട കിണറ്റിലും പിടിച്ച് തള്ളും....." അച്ചു സംഗീതിനോടായി പറഞ്ഞു "പിന്നേ നിനക്കു പൊട്ട കിണറ്റിലേക്ക് തള്ളിയിടാൻ വേണ്ടി ഞാൻ നിന്നു തരാൻ പോവല്ലേ.... ഒന്നു പോടാ..." കീർത്തി അവനെ നോക്കി കൊഞ്ഞനം കുത്തി " ഡീ .......ഡീ... വന്നു വന്നു നിനക്കിപ്പോൾ എന്നെ തീരെ ബഹുമാനമില്ലാതായിരിക്കുവാ..... നീയല്ലേടി കോപ്പേ രാവിലെ തന്നെ ഞങ്ങളുടെ സ്വർഗ്ഗത്തിലെ കട്ടുറുമ്പായി ഇടിച്ചുകേറി വന്നത് എന്നിട്ടിപ്പോ എനിക്കായോ കുറ്റം..."

"നീ പോടാ അച്ചുവേട്ട..." കീർത്തി കുറുമ്പോടെ അവനെ നോക്കി പറഞ്ഞു. അപ്പോഴേക്കും അവളുടെ ചെവിയിൽ സംഗീതിന്റെ പിടി വീണിരുന്നു. "ആഹ്... ഏട്ട.... വിട് ... എനിക്ക് വേദനിക്കുന്നു..." കീർത്തി തുള്ളിക്കൊണ്ടു പറഞ്ഞു. "ഇനി ഇങ്ങനെ പറയ്യോ ചിന്നൂ നീ ... " "ഇല്ലാ ... പറയില്ലാ... എനിക്ക് ചെവി വേദനിക്കുന്നു .... പ്ലീസ് ഏട്ട...." അവനൊന്നു മൂളിക്കൊണ്ടു അവളിലെ പിടി വിട്ടു. ഇതു കണ്ട് ചിരിക്കുന്ന അച്ചുവിനെ നോക്കിയവൾ കണ്ണുരുട്ടി കാണിച്ചു. "എന്താ ഇവിടെ ...." അവിടേക്ക് വന്ന അഭി ചോദിച്ചു. ശബ്ദം കേട്ട ഭാഗത്തേക്ക് എല്ലാവരും തിരിഞ്ഞു നോക്കി. അഭിയെ കണ്ടപ്പോൾ റിനുവിന്റെ കണ്ണുകൾ ഒന്നു തിളങ്ങി. " ഒന്നുമില്ലടോ ഇവർ തമ്മിലെന്തോ കുഞ്ഞ് വഴക്ക് ...." "ഏട്ടൻ ഇപ്പോഴാണോ എത്തിയത്. വീട്ടിൽ നിന്നും നേരത്തെ ഇറങ്ങിയതാണല്ലോ ..." " അത് എനിക്കൊരാളെ കാണാനുണ്ടായിരുന്നു അതാ ലേറ്റായാത്...." അഭി " ആരെയാ ഏട്ടാ..." " വിജിത ...."...... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...