💟 സങ്കീർത്തനം 💟: ഭാഗം 48

രചന: കാർത്തിക

കീർത്തിയുടെ അച്ഛനും ഏട്ടൻമാരും ആയിരുന്നു വന്നത്. അവരെ കണ്ടപ്പോൾ അവളുടെ മുഖം സന്തോഷം കൊണ്ടു വിടർന്നു. "കുഞ്ഞേട്ടാ..." എന്നും വിളിച്ചു കൊണ്ടവൾ ഓടിച്ചെന്നു അവനരികിലായിരുന്നു. " സുഖമാണോ ഏട്ടന്റെ കുഞ്ഞിക്ക്...." "അതേല്ലോ ഏട്ടാ... അല്ലാ അമ്മയും ഏട്ടത്തിമാരൊന്നും വന്നിട്ടില്ലേ..." അവൾ ചുറ്റും നോക്കി " ഇല്ല മോളെ ഞങ്ങൾ മാത്രമേയുള്ളു...." " ഓഹ് നിനക്ക് ഞങ്ങളെയൊന്നും കണ്ടിട്ട് മനസ്സിലായില്ലാ അല്ലേടി കാന്താരി ...നിന്റെ കുഞ്ഞേട്ടനേയും കണ്ടു ...അവനോട് വിശേഷങ്ങൾ ഒക്കെ തിരക്കി....എന്നിട്ടും ഞാൻ ഇവിടിരുന്നിട്ട് നീ ഒന്നു നോക്കിയതു കൂടിയില്ലല്ലോ..." പരിഭവത്തോടെ കാശി പറഞ്ഞോണ്ടിരുന്നപ്പോഴേക്കും കീർത്തി അവനരികിലേക്ക് ഓടിയെത്തി. " ഓഹ്...വല്ല്യേട്ടാ....ഇങ്ങനെ പിണങ്ങല്ലേ... എന്റെ മുത്തല്ലേ.... അങ്ങനെയുള്ള ഏട്ടനെ ഞാൻ മൈന്റ് ചെയ്യാതിരിക്കോ.... " അവന്റെ കഴുത്തിൽ തൂങ്ങിക്കൊണ്ട് അവൾ പറഞ്ഞു. "ഉവ്വ്... മോളേ ഏട്ടന് അതങ്ങ് ഇഷ്ടപ്പെട്ടു..." " ഈ.... ഇപ്പോൾ ഇതു പറയ് ഏട്ടാ എന്താ അമ്മയൊന്നും വരാഞ്ഞത് ... "

" അതു മോളെ.... ഞങ്ങൾ ഒരു ആവശ്യവുമായി ഇവിടെ അടുത്തു വരെ വന്നതാ അപ്പോൾ പിന്നെ നിന്നെക്കൂടി കണ്ടിട്ടു പോകാമെന്നു കരുതി കയറിയതാ.." കീർത്തിയുടെ അച്ഛനായിരുന്നു മറുപടി പറഞ്ഞത്. ഒത്തിരി നേരം അവളൊടൊപ്പം ചിലവഴിച്ചിട്ടാണ് അവർ അന്നു യാത്ര പറഞ്ഞു പോയത്. 🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷 കുഞ്ഞുകുഞ്ഞു പിണക്കവും ഇണക്കവും പരിഭവവും, കുന്നോളം പ്രണയവുമൊക്കെയായി രുദ്ര സംഗീതിന്റേയും കീർത്തിയുടേയും ജീവിതം ഒരു ❣️ സങ്കീർത്തനം❣️ പോലെ മുന്നോട്ടു നീങ്ങി..... 🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷 അച്ചുവിന്റെ കോഴ്സ് കഴിയാറായിരുന്നു, അതിൽ ദേവുവിനെന്ന പോലെ കീർത്തിക്കും വിഷമമുണ്ടായിരുന്നു. ഇതിനിടയ്ക്ക് അഭിയേയും റിനുവിനേയും ഒരുമിപ്പിക്കാനുള്ള ശ്രമവും മുറപോലെ നടക്കുന്നുണ്ടായിരുന്നു. അതിന്റെ ഫലമായി ചെറുതായിട്ട് ഒരു ചാഞ്ചാട്ടമൊക്കെ അഭിയിൽ ഉണ്ടായിട്ടുണ്ട്. സെന്റോഫിന്റെയന്ന് ദേവുവും കീർത്തിയും വാകമരച്ചുവട്ടിലിരിക്കുകയാണ്.

എപ്പോഴത്തേയും പോലെ ഇനിയെന്നും അച്ചുവിനെ കാണാൻ കഴിയില്ലല്ലോ എന്ന വിഷമത്തിലായിരുന്നു ദേവു ... അപ്പോഴാണ് അച്ചു അവർക്കടുത്തേക്ക് വന്നത്. "എന്താണ് രണ്ടു പേരും കൂടി.... എന്റെ ദേവുട്ടിയുടേ സങ്കടം ഇതുവരെ മാറിയില്ലേ..." അവൻ കളിയായി അവരോട് ചോദിച്ചു. "എവിടുന്ന്... ഇവളാകെ ഗ്ലൂമിയായിരിക്കുന്നത് ഏട്ടൻ കാണുന്നില്ലേ... ഇനി പ്രിയതമയുടെ വിഷമമൊക്കെ ഏട്ടൻ മാറ്റിത്തരും കേട്ടോ....അപ്പോഴേക്കും ഞാനൊന്നു ലൈബ്രറി വരെ പോയി വരാം..." കീർത്തി അവരോടായി പറഞ്ഞു. "ഡീ....നീ ഒറ്റയ്ക്ക് എങ്ങും പോകേണ്ട... ഇവിടെ വന്നിരിക്ക്, രുദ്രേട്ടൻ ഇപ്പോൾ വരും.... വന്നിട്ട് നിങ്ങൾ ഒരുമിച്ച് പൊയ്ക്കോ... അല്ലെങ്കിൽ ദേവൂനേക്കൂടി കൊണ്ട് പൊയ്ക്കോ....." " ഏയ് അതൊന്നും വേണ്ട... ഏട്ടൻ വരും മുൻപേ ഞാനിങ്ങ് എത്താം.... നിങ്ങൾ സംസാരിച്ചിരിക്ക്....." " ഡീ ....ഈ പെണ്ണ്, പറഞ്ഞാൽ കേൾക്കില്ല... രുദ്രേട്ടൻ വരുന്നതിനു മുമ്പ് അവൾ തിരികെ വരുമോ എന്തോ?... ആ വിമൽ ഇന്ന് ഇവിടെ വന്നിട്ടില്ലെന്നുള്ളതാണ് ആകെ ഒരു സമാധാനം ....."

അച്ചു ദേവു നോടായി പറഞ്ഞു. "നിങ്ങളുടെ കോഴ്സ് കഴിഞ്ഞില്ലേ... ഇനിയാ വിമലിനെ കൊണ്ട് കീർത്തിക്ക് ശല്ല്യം ഒന്നും ഉണ്ടാവില്ലായിരിക്കും അല്ലേ ഏട്ടാ...." "ഉം... അങ്ങനെ വിശ്വസിക്കാം .... എന്തായാലും നിങ്ങൾ രണ്ടു പേരും എപ്പോഴും ഒരുമിച്ച് മാത്രമേ എവിടേയും പോകാവൂ...." 🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷 ഇതേ സമയം ലൈബ്രറിയിൽ ഓരോ ഷെൽഫുകളിലായി ബുക്കുകൾ തിരയുകയാണ് കീർത്തി. "ഡോ... കീർത്തി തന്നെ രുദ്രൻ സർ തിരക്കുന്നുണ്ട്... സ്റ്റാഫ് റൂമിനടുത്തുള്ള ക്ലാസിലേക്ക് ചെല്ലാൻ പറഞ്ഞു...." അപ്പോഴാണ് ഒരു കുട്ടി അവൾക്കുത്തേക്കായി വന്നുകൊണ്ടു പറഞ്ഞത്. ഏട്ടൻ എന്തിനാ അവിടേക്ക് വിളിപ്പിച്ചത് .... ഒരു സംശയത്തോടെ അവൾ അവിടുന്ന് പുറത്തിറങ്ങി സ്റ്റാഫ് റൂം ലക്ഷ്യമാക്കി നടന്നു. അവിടെത്തുമ്പോൾ സ്റ്റാഫ് റൂമിൽ ആരും ഉണ്ടായിരുന്നില്ല. എല്ലാവരും ഹാളിൽ സെന്റോഫ് നടക്കുന്നിടത്തായിരിക്കും എന്നവൾ പെട്ടെന്നാണ് ഓർത്തത്. അകാരണമായൊരു ഭീതി അവളെ പൊതിഞ്ഞു. അരുതാത്തത് എന്തോ സംഭവിക്കാൻ പോകുന്നതു പോലെ .... ഒഴിഞ്ഞ ക്ലാസ് റൂമിനു മുന്നിൽ നിന്നവൾ പേടിയോടെ പിന്തിരിഞ്ഞ് നടക്കാൻ തുടങ്ങുമ്പോഴേക്കും ആരോ അവളെ പിടിച്ചു വലിച്ച് അതിനകത്ത് ഇട്ടിരുന്നു...... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...