💕മൗനാനുരാഗം💕: ഭാഗം 1

എഴുത്തുകാരി: ദിവ്യ സാജൻ

ഇല്ല.....ഞാനീ വിവാഹത്തിന് സമ്മതിക്കില്ല....ഞാൻ ഇഷ്ടപ്പെട്ടതും....വിവാഹം കഴിക്കാൻ ആഗ്രഹിച്ചതും ഗീതികയെ ആണ് ഗൗരി നന്ദയെ അല്ല...... മോനേ....നീ....എന്തൊക്കെയാ ഈ പറേണത്.....അന്ന് നിന്റെ അച്ഛൻ ശേഖരൻ ഞങ്ങളോട് പറഞ്ഞത് നിന്റെയും ഗൗരിമോളുടെയും വിവാഹത്തെ കുറിച്ചാ... ഇപ്പൊ എന്താ മോനേ പെട്ടന്നൊരു മാറ്റം.... മുത്തശ്ശി......എനിക്കൊരിക്കലും ഗൗരിയെ പോലോരാളെ അംഗീകരിക്കാൻ പറ്റില്ല......സംസാരശേഷിയില്ലാത്ത പെൺ കുട്ടിയെ ഞാനെങ്ങനെ ഭാര്യയായി സ്വീകരിക്കും..... അശ്വിൻ മതി.....നിർത്ത്.......ഇനീം......എന്റെ കുട്ടിയെ വാക്കുകൾ കൊണ്ട് കുത്തിനോവിക്കാൻ ഞാൻ സമ്മതിക്കില്ല.......പിന്നെ ഗീതിക ആ കുട്ടീടെ മനസ്സിൽ എന്താന്ന്.....അതിന് മാത്രേ അറിയൂ.....അത് കൊണ്ട് ഞാനുറപ്പ് പറയുന്നില്ല......ഇനി നിനക്കൊന്നും പറയാനില്ലെങ്കിൽ പോകാം....... ശരി മുത്തശ്ശി ഞാനിറങ്ങുവാ....അതും പറഞ്ഞു കൊണ്ട് അശ്വിൻ അവിടെ നിന്നും പോയി...... കേശവാ......നീ കേട്ടുവോ.......എന്റെ കുട്ടിക്ക് എന്താ ഒരു കുറവ്.....സംസാരിക്കാൻ കഴിയില്ല.....അത് അന്നത്തെ ആ ആക്സിഡന്റിൽ പറ്റിയതല്ലേ.....ആ നശിച്ച ദിവസം ഓർക്കുമ്പൊ പെരുവിരലീന്ന് വിറഞ്ഞു തുടങ്ങാ....എന്റെ കുട്ടികൾക്ക് അവരുടെ അച്ഛനെയും അമ്മയേയും നഷ്ടപ്പെട്ട കറുത്ത ദിവസം......അന്നാ കാറിലുണ്ടായിരന്നവരിൽ എന്റെ ഗൗരി മോളൊഴിച്ച് നാല് പേരും പോയി....

ഗീതിക മോളന്ന് എന്റെടുത്ത് നിക്കണം ന്ന് വാശി പിടിച്ചതു കാരണം ഇവിടെ തന്നെ നിന്നു.... രണ്ടു പേരും നിമിഷങ്ങളുടെ വ്യത്യാസത്തിൽ ഒരു വയറ്റിൽ നിന്നും പിറന്നവരാ....പക്ഷെ രണ്ടു പേരും എല്ലാ രീതിയിലും വ്യത്യസ്തരാ.....അതിപ്പോ പെരുമാറ്റത്തിലായാലും.....ഭക്ഷണരീതിയിലായാലും വസ്ത്രധാരണത്തിലായാലും......പക്ഷെ രണ്ടു പേർക്കും പരസ്പരം ജീവനാ.....ഗൗരി മോള് എല്ലാകാര്യങ്ങളിലും......ഒതുക്കമൂളള കൂട്ടത്തിലാ......പക്ഷേ ഗീതിക അങ്ങനെ അല്ല....അവളുടെതായ ആഗ്രഹത്തിനും.....രീതികൾക്കും മുൻതൂക്കം നൽകുന്നവളാ.....നിക്ക് തോന്നണീല്ല ഗീതുമോള് അശ്വിനുമായുളള വിവാഹത്തിന് സമ്മതിക്കൂന്ന്......അന്ന് തന്നെ......ഗൗരിയും അശ്വിനുമായുളള വിവാഹ കാര്യം പറഞ്ഞപ്പോൾ തന്നെ എതിർപ്പുമായി വന്നവളാണവൾ.....അമ്മായിടെ മോനെ വിവാഹം കഴിക്കാൻ മാത്രം ആൺകുട്ടികൾക്ക് പഞ്ഞമാണോ ന്നാ ആ കുട്ടിചോദിച്ചത്...... ശാരദാമ്മ വിഷമിക്കേണ്ട ഗൗരി മോളെ മനസ് തുറന്നു സ്നേഹിക്കുന്ന ആള് വരും.....അയാൾക്ക് ഇതൊന്നും ഒരു കുറവേ ആവില്ല... ________💕💕💕 തിരുമേനി.....ഒരു ജലധാര....ചീട്ടെഴുതിക്കോളൂ...... ആർക്കാ ജാനകിയമ്മേ.....രുദ്രനാഥിനോ.... അതേ നാഥുവിന് തന്നാ.....ഇന്നവന്റെ പിറന്നാളുകൂടിയാ..... ആ സുഭദ്രത്തിലെ കുട്ടിയില്ലേ.....ഗീതിക അവളും കുറച്ചു മുന്നേ വന്ന് രുദ്രനാഥിന് വേണ്ടി വഴിപാട് കഴിച്ചിരുന്നു.....ചോദിക്കണ കൊണ്ടൊന്നൂം തോന്നരുത്....അവര് തമ്മിൽ സ്നേഹത്തിലാണോ...... അയ്യോ അല്ല.....നാഥൂന് ഗീതുമോള് പെങ്ങളാ....

അവൾക്കും അങ്ങനെ തന്നാ.....ഏട്ടാ ന്നാ ആ കുട്ടി നാഥുനെ വിളിക്കണത്.....കുഞ്ഞു നാള് മുതൽ പത്മനാഭത്തില് കളിച്ചു വളർന്ന കുട്ടിയാ....പഠിച്ച് വലിയ ഡോക്ടറായെങ്കിലും....പഴയ സ്നേഹം ഇപ്പോഴും ഉണ്ടവൾക്ക്....എപ്പോഴും പറയും....നാഥുനെ അവളുടെ ആങ്ങളെയായിട്ട് ഏറ്റെടുത്തൂന്ന്......കുറുമ്പി.....അതും പറഞ്ഞ് കൊണ്ട് അവരൊന്ന് പുഞ്ചിരിച്ചു..... രുദ്രന്....വിവാഹ പ്രായം ആയില്ലേ.....നോക്കണില്ല...ജാനകിയമ്മേ....... ഞാൻ നിർബന്ധിക്കാറുണ്ട്.....പക്ഷെ പിടി തരണീല്ലാ....ചെക്കൻ......നേരായി .....നാടറിഞ്ഞൊരു വിവാഹമല്ല അവന്റെ ജാതകത്തില് പറഞ്ഞിരിക്കണത്......എന്താന്ന്.....നോക്കാം....ഒരു നെടുവീർപ്പോടെ ജാനകി പറഞ്ഞു നിർത്തി. ....... കുഞ്ഞുനാളു മുതൽ വീടീനു വേണ്ടി വിയർപ്പൊഴുക്കുന്നവനല്ലേ....നല്ലതേ വരൂ..... മ്മ്.......എന്റെ കുട്ടി ചോര നീരാക്കിയുണ്ടാക്കീതാ......ഇപ്പൊ കാണണ പ്രൗഡമായ പത്മനാഭം.....അവന്റെ ആഗ്രഹം പോലൊരു ജീവിതം കൊടുക്കണേ......ന്റെ. .മഹാദേവാ...... _______💕💕💕💕💕 ഒന്ന് പതുക്കെ ഓട് ഗൗരി.......എന്തൊരു വേഗവാ നിനക്ക്.... ആ..ആഹ്....ആഹ്(ആംഗ്യ ഭാഷയിൽ സംസാരിക്കുന്നു7) നടയടക്കുന്നതിന് മുന്നേ അമ്പലത്തിൽ എത്താനുള്ള താന്നോ..... ആ.... നീ യിങ്ങനെ ഓടിയാ എവിടേലും ചെന്ന് വീഴേളളൂ.......കീർത്തി അത് പറഞ്ഞു തീരന്നതിന് മുന്നേ തന്നെ ധാവണിയുടെ തുമ്പ് കല്ലിൽ തട്ടി ഗൗരി വീഴാനായി തുടങ്ങി....പെട്ടെന്ന് തന്നെ ബലിഷ്ഠമായ രണ്ടു കൈകൾ അവളെ താങ്ങിയിരുന്നു.....അവൾ അയാളുടെ രോമാവൃതമായ വിരിമാറിലേക്ക് ചാഞ്ഞുവീണിരുന്നു......

അയാളുടെ കഴുത്തിലെ സ്വർണ്ണം കൊണ്ടുളള രുദ്രാക്ഷ മാലയിലും....നെഞ്ചിന്റെ വലതുഭാഗത്തായി പച്ച കുത്തിയിരിക്കുന്ന ശിവ പാർവതീ രൂപത്തിലും കണ്ണുകളുടക്കിയപ്പോൾ തന്നെ ആളാരാണെന്ന് അവൾക്ക് മനസിലായിരുന്നു.... എന്താ ഗൗരിയിത്......സൂക്ഷിച്ചു നടക്കാനറിയില്ലേ.....നിനക്ക്......അതെങ്ങനാ....മാനം നോക്കിയല്ലേ നടപ്പ്.....അയാൾ ഒച്ചയെടുത്തു...... മതി നാഥുവേട്ടാ...... പാവത്തിനെ വഴക്കു പറയണ്ട.......ഇവളെ എപ്പോ കണ്ടാലും നാഥുവേട്ടനിങ്ങനെ തന്നാ ഇതിപ്പോ അവളറിയാതെ പറ്റിയതല്ലേ......കെറുവിച്ച് കൊണ്ട് കീർത്തി ഗൗരിയുടെ കൈയിൽ പിടിച്ചു വലിച്ചു കൊണ്ട് മുന്നോട്ട് നടന്നു...... എന്തിനാടാ.....നാഥു.നീ എപ്പോഴും അതിനോടിങ്ങനെ തട്ടികയർത്തു സംസാരിക്കുന്നത്......ഒന്നുവില്ലേലും അതൊരു മിണ്ടാപ്രാണിയല്ലേ.....ചന്തു.....എന്ന ശാന്തനു.....അവനോട് പറഞ്ഞു...... ദേ ചന്തു നീയും കണ്ടതല്ലേ.....അവൾ വീഴാൻ പോയത്......നോക്കി നടന്നിരുന്നൂങ്കിൽ ഇന്നിപ്പോ എന്റെ നാവീന്ന് കേൾക്കേണ്ടി വരുവായിരുന്നോ....അവൾക്ക്..... അവളോട് മാത്രാണല്ലോ.....നീയിങ്ങനെ എപ്പോഴും.....ഇങ്ങനെ വഴക്കു കൂടുന്നത്....ഗീതികയൊട് ഇങ്ങനെ അല്ലല്ലൊനീ.....എന്ത് സോഫ്റ്റായാ നീ മറ്റുളളവരൊടൊക്കെ പെരുമാറുന്നത്.....എന്നിട്ട് ആ മിണ്ടാപ്രാണിയോട് മാത്രം എന്താ നീയിങ്ങനെ അതിനു മറുപടിയായി നാഥു പുഞ്ചിരിച്ചു. _______💕💕💕💕💕

സുഭദ്രാ ഹോസ്പിറ്റലിൽ. ........ ഡോ.ഗീതികാ........ഒരു എമർജൻസിയുണ്ട്..... യു ഹാവ് ടു കം ടു ക്യാഷ്വാലിറ്റി...... എന്താ.........ഋതു.....എന്താ കാര്യം. ....അത് മേഡം ഒരു പെൺകുട്ടിയെ ഇപ്പൊ കൊണ്ട് വന്നിട്ടുണ്ട്.....തല പൊട്ടി ചോര വാർന്നതാന്നാ......ഞങ്ങൾ കരുതിയത്......നോ.....ഷീ ഈസ് എ റേപ്പ് വിക്ടിം..... വവാട്ട് !!!!!! അതേ......മേഡം...... ഒ.കെ.ഞാനിതിതാ എത്തി..... വൈകാതെ ഗീതു ക്യാഷ്വാലിറ്റിയിലേക്ക് പാഞ്ഞു....... പതിനേഴ് വയസ്സോളം പ്രായമുള്ള ഒരു പെൺകുട്ടിയെ പീഡിപ്പിച്ച നിലയിൽ കണ്ടെത്തിയതിനെ തുടർന്ന്....അഡ്മിറ്റാക്കിയിരുന്നു..... ഗീതു വേഗം കുട്ടിയുടെ അടുത്തേക്ക് വന്നു. .....കുട്ടിയെ കണ്ടപ്പോൾ തന്നെ പരിചയമുളളതു പോലെ തോന്നിയിരുന്നു ഗീതുവിന്...... ഇപ്പൊ എങ്ങനുണ്ട് കുട്ടിക്ക്........ പേടീക്കാനൊന്നുമില്ല മേഡം.......തലക്ക് അടി പറ്റിയതിലുള്ള ചെറിയൊരു മുറിവ് മാത്രേളളൂ.....അല്ലാതെ വേറൊന്നുമില്ല......സെഡേഷൻ കൊടുത്തിട്ടുണ്ട് അതിന്റെ മയക്കത്തിലാ...... മ്മ്......ഇവളെ പ്രത്യേകം ശ്രദ്നിച്ചോണം...... ശരി മേഡം....... ഗീതു ക്യാഷ്വാലിറ്റിയിൽ നിന്നും പുറത്തേക്ക് വന്നതും അവൾക്ക് പരിചയമുള്ള രണ്ടു പേർ അവിടേക്ക് ഓടിയെത്തി...... എന്താ ഷീന ചേച്ചി എന്താ കാര്യം......അവൾ ചോദിച്ചു..... ഗീതു കുഞ്ഞേ...എന്റെ മോള്....അവൾക്കെങ്ങിനെയുണ്ട്...... അകത്ത് കിടക്കുന്നത് വന്ദനയാണോ.........ഞെട്ടലോടെയാണ് ഗൗരിയത് കേട്ട് നിന്നത്.... ആരാ.....ചേച്ചി...... .

ആരാ അവളോടിങ്ങനെ ചെയ്തത്....... ആ........കിരണാ മോളെ. ......രാവിലെ ടൂഷന് പോയതാ എന്റെ മോള്. ...പിന്നെ അറിയുന്നത്....പറഞ്ഞു മുഴുമിപ്പിക്കുന്നത് മുൻപേ വിതുമ്പിയിരുന്നവർ... പോലീസിലറിയിച്ചില്ലേ...... അവരൊക്കെ വലിയ ആൾക്കാരാ....മോളെ ഞങ്ങൾ എന്ത് ചെയ്യാനാ..... പോലീസിൽ ഞാൻ വിവരം അറിയിച്ചോളാം......അതിനു മുന്നേ ഒരു ചെറിയ ജോലിയുണ്ട് അതും പറഞ്ഞു കൊണ്ട് ഗീതു ഫോണെടുത്ത് ആരെയോ വിളിച്ച് നടന്നതൊക്കെ പറഞ്ഞു..... ഏട്ടാ.....ഇനി അവനൊരു പെണ്ണിനോടിത് ചെയ്യരുത്......അത് പറഞ്ഞു കൊണ്ടവൾ കോൾ കട്ട് ചെയ്തു....... __________💕💕💕💕💕 എന്റെ.....അമ്മച്ചി.....ഇപ്പോ തന്നെ വയറ് ഫുളളാ.....ഇങ്ങനെ കഴിക്കുവാണേ.....രാജസ്ഥാൻ മാർബിൾസിന്റെ പരസ്യത്തിലെ ആ തടിയനെപ്പോലാവും ഞാൻ....... അങ്ങനെ പറയല്ലെന്റെ ജോണിക്കുട്ടാ......ഒന്നുവില്ലേലും നീയൊരു ഐ.പി.എസുകാരനല്യോ.....അതിന്റെതായ തടിമിടുക്കൊക്കെ വേണ്ടായോ..... ആവശ്യത്തിനുളള തടിമിടുക്കൊക്കെ ഉണ്ടെന്റെ അമ്മച്ചീ..... ഓ......നീ.....ഏതാണ്ടൊക്കെ......ഉരുട്ടിവെച്ചേക്കുന്നതല്യോ......നിന്റെ അപ്പനൊക്കെ നിന്റെ പ്രായത്തിൽ എങ്ങനായിരുന്നതെന്നറിയൊ.....ഉരുക്കുപോലുളള ശരീരമായിരുന്നു.... ആണോ. ......എന്നെയും അത് പോലാക്കാൻ നോക്കുവാണോ......ത്രേസ്യക്കൊച്ചേ..... ഒന്ന് പോടാ ചെറുക്കാ....അവന്റെ കവിളിൽ പിച്ചിക്കൊണ്ട് ത്രേസ്യ പറഞ്ഞു.... അപ്പോഴേക്കും ജോണിന്റെ ഫോൺ റിംഗ് ചെയ്യാൻ തുടങ്ങി..... ഹലോ.....എ.സി.പി.എബ്രഹാം ജോണല്ലേ..... അതേ....സർ ഞാൻ എസ്.ഐ.അൻവർ ആണ്.....സർ വേഗം സുഭദ്രാ ഹോസ്പിറ്റലിൽ വരണം ഇറ്റസ് വെരി അർജന്റ്... തുടരും. ....