💕മൗനാനുരാഗം💕: ഭാഗം 17

എഴുത്തുകാരി: ദിവ്യ സാജൻ

അ..ആ...അ..നാഥുവേട്ടാ നമ്മളെന്താ ഇവിടെ....വർദ്ധിച്ച ഹൃദയമിടിപ്പോടുകൂടി അവൾ ചോദിച്ചു....... നന്ദാ....അത്......ഗീതു....ഗീതുവിനൊരു ആക്സിഡന്റായി....ഇവിടെ അഡ്മിറ്റാണ്..... അത് കേട്ടതും ഗൗരി തറഞ്ഞു നിന്നു പോയി....കണ്ണുകൾ നിറഞ്ഞൊഴുകാൻ തുടങ്ങി....ആർത്തലച്ചു കരയണമെന്നുണ്ട്...നാവനുവധിക്കുന്നില്ല...തൊണ്ട വരണ്ടുണങ്ങുന്ന പോലെ തോന്നിയവൾക്ക്....മുന്നോട്ട് ചലിക്കാൻ കാലുകൾ അനുവദിക്കാത്തതു പോലെ..നാഥുവിന്റെ കൈത്തണ്ടയിൽ അവൾ പിടിമുറുക്കി.....അവൻ അവളെ ചേർത്ത് നടന്നു....ക്യാഷ്വാലിറ്റിയിലേക്ക് നടക്കുന്തോറും കാലുകൾ ഇടറാൻ തുടങ്ങിയിരുന്നു.....ഗീതുവിനൊരാപത്തും വരുത്തരുതെന്ന് പ്രാർത്ഥിച്ചു......

ക്യാഷ്വാലിറ്റിയിലേക്ക് പോയപ്പോൾ കണ്ടു ഷർട്ടു മുഴുവൻ രക്തക്കറയുമായി നിൽക്കുന്ന ജോണീനെ....അവന്റെ കരഞ്ഞു കലങ്ങിയ കണ്ണുകൾ കാണെ....നാഥുവിൽ സംശയങ്ങൾ ഉടലെടുത്തിരുന്നു...... ടാ.....ജോൺ എന്താടാ ഉണ്ടായത്.....അവൾക്കിപ്പോ എങ്ങനുണ്ട്.... നെറ്റി പൊട്ടീട്ടുണ്ട് ......പിന്നെ കൈയിൽ പൊട്ടലുണ്ട്.....വേറെ പ്രശ്നങ്ങളൊന്നുമില്ല... പിന്നെ രാവിലെ നടന്നതൊക്കെ അവനോട് പറഞ്ഞു....എല്ലാം കേട്ടപ്പോൾ നാഥുവിന്റെ മുഖം വലിഞ്ഞു മുറുകി.... ഏത് പന്ന//////// മോനാണേലും കണ്ട് പിടിച്ചേക്കണം.....വിടരുതവനെ.....നാഥു മുരണ്ടു... ഗീതിക യ്ക്ക് ബോധം വീണിട്ടുണ്ട്.....ആരെങ്കിലും ഒരാൾ പോയി കണ്ടോളൂ.........

നാഥു ഉടനെ ഗൗരിയെ നോക്കി....ഗൗരി അകത്തേക്ക് പോയി..... ജോണിന്റെ ഹൃദയം അവളെ കാണാൻ വല്ലാതെ മിടിക്കുന്നുണ്ടാരുന്നു.....പക്ഷെ സംയമനം പാലിച്ചു... ഗൗരി അകത്തു കയറി ഗീതു വിന്റെ കിടപ്പ് കണ്ട് അവളൂടെ കൈ കാലുകൾ വിറക്കുന്നുണ്ടായിരുന്നു.. അവൾ പതിയെ ഗീതുവിന്റെ അടുത്തേക്ക് പോയി നിറുകിൽ തലോടി....... അ...ആ...അ.. (പേടിപ്പിച്ചല്ലോ ഗീതൂട്ടി....പറഞ്ഞു കഴിഞ്ഞതും കരയാൻ തുടങ്ങിയിരുന്നു ഗൗരി) എനിക്കൊന്നുമില്ല......നീ....ഇങ്ങനെ വിഷമിക്കല്ലേ....എനിക്ക് ചെറിയ ഫ്രാക്ച്വറെയുളളൂ.....ജോൺ ഉടനെ തന്നെ ഇവിടെ എത്തിച്ചു.....ജോൺ....എന്തൊ ഓർമിച്ചത് പോലെ അവൾ തുടർന്നു....

.ഗൗരി എനിക്ക് ജോണിനെ കാണണം.....നീ പറഞ്ഞ പോലെ നിക്ക് ഇഷ്ടാ ജോണിനെ പറയാമ്പോവാ..എന്റെ ഇഷ്ടം....മുത്തശ്ശിക്കിഷ്ടാ...നാഥുവേട്ടനോട് നീ പറയണം...... അ....അ....ബ.....(എല്ലാം പറയാം നീ ഒന്ന് റിലാക്സ്ഡ് ആവ്.....പുഞ്ചിരിയോടെ ഗീതുവിന്റെ കവിളിൽ മെല്ലെ തലോടി..).. _____💕💕💕💕💕 ജോണിന്റെ പരവേശം കണ്ട് നാഥുവിന് എന്തൊക്കയോ സംശയം തോന്നി.....അവൻ ജോണിനടുത്തേക്ക് പോയി. . ടാ.....ജോൺസാ.....കുറച്ചു നേരായിട്ട് ഞാൻ ശ്രദ്ധിക്കാ നിനക്ക് എന്താ പറ്റിയത്.....ഗീതുവുമായി നിനക്ക് വെറും പരിജയം മാത്രമല്ല.....അങ്ങനെയെങ്കിൽ നീയിങ്ങനെ പരവേശം കാണീക്കില്വ..എന്താ സംഭവം.....

എത്ര നാളായി തുടങ്ങിയിട്ട്..... എന്ത്!!!!ഏയ് ഒന്നൂല്ല....അവളെന്റെ ഫ്രണ്ടാ....രുദ്രാ..... നാഥുവിന്റെ സംസാരം കേട്ട് ജോൺ ഒന്ന് ഞെട്ടിയെങ്കിലും അത് പുറമേ കാണിക്കാതെ പറഞ്ഞു.... മ്മ് എനിക്ക് വിശ്വാസം ആയിട്ടില്ല.....അവളോട് ഞാൻ ചോദിക്കണ്ട് ...ഇതേപറ്റി.....നാഥു ഗൗരവത്തോടെ പറഞ്ഞു.... ടാ......രുദ്രാ. ...നീയൊന്നും ചോദിക്കാൻ നിക്കണ്ട.....എനിക്കവളെ ഇഷ്ടാ....ഞാനത് തുറന്നു പറഞ്ഞതുവാ......അവളുടെ മനസ്സിലുള്ളത് എന്നോട് പറഞ്ഞിട്ടില്ല....ചമ്മലോടെ അവനതത്രേം പറഞ്ഞു നിർത്തി. ... മ്മ്. ...എന്തായാലും ഞാനവളെയൊന്ന് കാണട്ടെ ബാക്കി പിന്നെ തീരുമാനിക്കാം......ഊറി വന്ന ചിരി കടിച്ചു പിടിച്ചു കൊണ്ട് നാഥു പറഞ്ഞു....

അപ്പോഴേക്കും ഗൗരി തിരികെ എത്തിയിരുന്നു....അവൾ നാഥുവിന്റെ അടുത്തേക്ക് വന്നു...... അ....ആ...അ......(ഗീതു ജോണിനെ തിരക്കുന്നുണ്ട്)....പുഞ്ചിരിയോടെ ജോണിനെ നോക്കി.... ഗൗരിയുടെ ഭാഷ മനസിലാകാതെ ജോൺ നാഥുവിനെ നോക്കീ..... ടാ...... ഗീതുവിന് നിന്നെ കാണണവെന്ന് ......നീ പോയി കണ്ടിട്ട് വാ....അവനെ നോക്കി ചിരിയോടെ നാഥു പറഞ്ഞു........ ഉടനെ ജോൺ ക്യാഷ്വാലിറ്റിയിലേക്ക് കയറിപ്പോയി...... അ... ആ...അ...(നാഥുവേട്ടാ മുത്തശ്ശിയോട് പറയണ്ടേ)... ഗീതുവിനെ റൂമിലേക്ക് മാറ്റിയിട്ട് പറയാം..... അ...ആ...അ...(നാഥുവേട്ടാ ഗീതു...ഒരു കാര്യം പറഞ്ഞു ഏട്ടൻ എതിരൊന്നും പറയല്ലേ......) ജോണിന്റെ കാര്യവാണോ....

അ...ആ...അ..(.നാഥുവേട്ടനതെങ്ങനെ മനസ്സിലായി)....തെല്ലമ്പരപ്പോടെ ഗൗരി ചോദിച്ചു...... ജോൺ എല്ലാം പറഞ്ഞിരുന്നു....മിക്കവാറും ഗീതു അവനോട് അവളുടെ ഇഷ്ടം പറയാനാവും ഇപ്പൊ കാണണമെന്ന് പറഞ്ഞത്......അവർക്കിഷ്ടവാണെങ്കിൽ ഞാനെതിര് നിൽക്കില്ല....പോരേ.... മ്മ്.....ഗൗരി നാഥുവിന്റെ തോളിൽ ചേർന്ന് നിന്നു... _____💕💕💕💕💕 അച്ഛാ.... ആ ഗീതുവിനെ ഇന്ന് തന്നെ തീർത്തു കളയാന്ന് കരുതിയതാ.....പക്ഷെ ആ എ.സി.പി......അയാളെങ്ങനെ അവിടെയെത്തിയെന്നറിയില്ല......

രണ്ടു ദിവസവായിട്ട് ഞാനവളുടെ പിന്നാലെ തന്നെയുണ്ടായിരുന്നു.....കാവൽ നിൽക്കാരുന്നു....അവളുടെ ജീവനെടുക്കാൻ എന്നിട്ട് ആ കുറ്റം അശ്വിന്റെ തലയിൽ വച്ച് രക്ഷപ്പെടാനായിരുന്നു എന്റെ പ്ളാൻ....എല്ലാം നശിപ്പിച്ചു....അവൻ ആ എബ്രഹാം ജോൺ..... ഹാ നീ വിഷമിക്കാതെ മോനെ.......ഇനിയും അവസരങ്ങൾ കിട്ടും......എന്റെ ഏട്ടനെ ഇഞ്ചിഞ്ചായ് കൊന്ന ആ ചന്ദ്രചൂഡന്റെ കുടുംബത്തെ വേരോടറുക്കും ഞാൻ........കീർത്തി അവളെന്റെ ഏട്ടന്റെ ചോരയാ.....അതോർത്ത് മാത്രാ...

.ആ രുദ്രനെ വെറുതെ വിടുന്നത് ഇല്ലാരുന്നെങ്കിൽ അവന്റെ തന്തയെ തീർത്തപോലെ അവനേയും കൊന്ന് പത്മനാഭം കുളം തോണ്ടിയേനെ........പക്ഷെ ആ ഗൗരി ....അവളും മരിക്കേണ്ടവൾ തന്നാ.... അത് പറയുമ്പോഴും മഹേന്ദ്രന്റെ കണ്ണുകളിൽ പക അതിന്റെ വന്യമായ ഭാവത്തിൽ തെളിഞ്ഞു നിന്നു.... ____💕💕💕💕💕 ഗീതു.....ഇപ്പൊ എങ്ങനുണ്ട്....പെയ്ൻ കുറവുണ്ടോടാ.... മ്മ്....ഞാൻ ഓ.കെ യാ...ജോൺ. ....വെറുതെ ടെൻഷനാവണ്ട..അവന്റെ മുഖത്തെ ആകുലത കണ്ടെന്നോണം അവൾ പറഞ്ഞു... ജോൺ. ..എനിക്ക് തന്നോട് ഒരു കാര്യം പറയാനുണ്ട്... എന്താടോ. ..എന്തിനാ മുഖവുര എന്താണേലും പറഞ്ഞോ.......................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...