💕മൗനാനുരാഗം💕: ഭാഗം 22

എഴുത്തുകാരി: ദിവ്യ സാജൻ

വർദ്ധിച്ച ഹൃദയമിടിപ്പോടെ ഗൗരി കിരണിനെ ഉറ്റുനോക്കി....പേടിച്ചരണ്ട അവളുടെ മിഴികളും വിറക്കുന്ന അധരങ്ങളും അവൻ ആർത്തിയോടെ നോക്കി നിന്നു.....അതവനിൽ ഒരു തരം ഉന്മാദ അവസ്ഥയിലെത്തിച്ചു.....നാഥു അടുത്തില്ലാത്ത തോർക്കെ ഗൗരിയിൽ ഭയം ഇരട്ടിച്ചു....കണ്ണുകൾ നിറഞ്ഞൊഴുകാൻ തുടങ്ങി....അവളുടെ ശരീരത്തിനായുളള കിരണിന്റെ ചൂഴ്ന്നു നോട്ടം അവളിൽ അറപ്പുളവാക്കി.....ഉറക്കെ നിലവിക്കാൻ തോന്നുന്നുണ്ടായിരുന്നവൾക്ക്.....കഴിയില്ലെന്നോർക്കെ വിധിയെ ശപിച്ചു.....അപ്പോഴേക്കും കിരൺ അവളുടെ അടുത്തെത്തിയിരുന്നു...

.മദ്യത്തിന്റെ മണം മൂക്കിലൂടരിച്ചു കയറുന്നത് അവൾ അറിയുന്നുണ്ടായിരുന്നു.....അവൻ അടുത്തോട്ട് വരുന്തോറും അവൾ പിന്നിലേക്ക് പോകുന്നുണ്ടായിരുന്നു..... പെട്ടന്ന് അവൾ ഓടാൻ തുടങ്ങിയതും കിരൺ അവളുടെ മുടിക്കുത്തിൽ പിടിച്ചു വലിച്ചിഴച്ചുകൊണ്ട് അടുത്ത് കണ്ട റൂമിലേക്ക് പോയി......അവളെ പൊക്കിയെടുത്തു ബെഡിലേക്കെറിഞ്ഞു.... തന്നെ രക്ഷിക്കാൻ ആരും വരില്ലെന്ന ബോധം അവളെ തളർത്തുന്നുണ്ടായിരുന്നു......നാഥുവിന്റെ മുഖമോർക്കെ ഹൃദയം നുറുങ്ങുന്ന പോലെ തോന്നിയവൾക്ക്...... എന്നെ ഒന്നും ചെയ്യല്ലേ...എന്ന് ആംഗ്യഭാഷയിലൂടെ കേഴുന്നുണ്ടായിരുന്നവൾ.....ഏങ്ങലടികൾ ഉയർന്നു വരുന്നുണ്ടായിരുന്നു.....

അവളുടെ അടുത്തേക്ക് കിരൺ വന്നതും സർവ്വ ശക്തിയുമെടുത്ത് അവനെ പിടിച്ച് തള്ളി കുതറിയോടിയവൾ.....വന്യമായ ചിരിയോടെ അവനും പിന്നാലെ പോയി......ഇരയെ വേട്ടയാടി പിടിക്കുന്ന വേട്ടമൃഗത്തെ പോലെ...... പിന്നാമ്പുറത്തെ വാതിലിലൂടെ പുറത്തേക്ക് ഓടാനായി ലക്ഷ്യം വച്ച് കൊണ്ട് ഗൗരി ഓടി.....തിരിഞ്ഞു നോക്കുമ്പോൾ കിരൺ പിന്നാലെ ഉണ്ടായിരുന്നു.....കാലുകൾ കുഴയുന്നപോലെ തോന്നിയവൾക്ക് ശരീരം തളർന്ന് നിലത്തേക്ക് വീഴാനാഞ്ഞതും ബലിഷ്ഠമായ കരങ്ങൾ അവളെ താങ്ങിയിരുന്നു..... ഞെട്ടി പിടഞ്ഞ് മുഖമുയർത്തി നോക്കുമ്പോൾ കാണുന്നത് തീ പാറുന്ന കണ്ണുകളുമായി കിരണിനെ നോക്കുന്നവനെ.....

അത് കണ്ട് അവളുടെ ചുണ്ടുകളിൽ പുഞ്ചിരി വിടർന്നു ഒപ്പം പീലികണ്ണുകളിൽ അത്ഭുതവും.... "രുദ്രൻ " കിരണിന്റെ നാവു മൊഴിഞ്ഞു.....അവൻ തറഞ്ഞു നിന്നു പോയി....ഗൗരിയോട് തോന്നിയ കാമാസക്തി ഒരു നിമിഷം കൊണ്ടലിഞ്ഞില്ലാതായി..... തന്റെ നെഞ്ചിൽ പതുങ്ങിക്കിടക്കുന്ന പെണ്ണിനെ മാറ്റി നിർത്തിയിട്ട് മുണ്ടും മടക്കിക്കുത്തി ക്കൊണ്ട് കിരണിനു നേരെ പാഞ്ഞു ചെന്ന് അവന്റെ നെഞ്ചിൽ ആഞ്ഞു ചവിട്ടിയിരുന്നു രുദ്രൻ..... പന്ന #####@@@@@ മോനേ നീയെന്താടാ കരുതിയത്.....നിനക്കെന്റെ പെണ്ണിനെ കൊത്തിപ്പറിക്കാനിട്ട് തന്നിട്ട് ഞാനങ്ങ് പോവുവെന്നോ....അവിടെ നിനക്ക് തെറ്റി...

പന്ന മോനേ കിരണേ ഇത് നിനക്ക് വേണ്ടിയൊരുക്കിയ കെണിയായിരുന്നു....നീയതിൽ വീഴുകയും ചെയ്തു.....കുറേ നാളായി ഞങ്ങൾ നിന്റെ പിന്നാലെ തന്നെ ഉണ്ടായിരുന്നു നീ പോലുമറിയാതെ.....അശ്വിന്റെ കാറുപയോഗിച്ച് ഗീതുവിനെ കൊല്ലാൻ നോക്കിയത് നീയാണെന്ന് അറിഞ്ഞത് മുതൽ...... അത് കേട്ടതും ഗൗരി അമ്പരന്ന് അവനെ നോക്കി..... പിന്നെ എന്റെ പെണ്ണിനു പിന്നാലെ നീ ഒരവസരത്തിനായി വലവിരിച്ച് കാത്തിരുന്നതും ഞാനറിയുന്നുണ്ടായിരുന്നു....ഇവളെ ഒറ്റക്ക് കിട്ടിയാൽ എന്തു ചെയ്യുമെന്നറിയാൻ വേണ്ടിയാടാ അന്ന് ചന്തുവിനെ വിട്ട് കീർത്തിയെ അവളുടെ അടുത്ത് നിന്നും മാറ്റിയത്.......

അന്ന് ഞാൻ മാറി നിന്നെല്ലാം കാണുന്നുണ്ടായിരുന്നു......അതുകൊണ്ടാടാ പുല്ലേ......കൃത്യ സമയത്ത് കാറുമായി എത്തി അവളെ ഞാൻ കൊണ്ടു പോയത്......ഇന്ന് നീ അശ്വിനൊപ്പം ആ കാറിലുണ്ടെന്ന് അറിഞ്ഞിട്ട് തന്നാടാ ഇവളിവിടുണ്ടെന്ന് അവനോട് പറഞ്ഞത്...എനിക്കറിയാമായിരുന്നു....നീ ഇന്ന് ഇവിടെ വരുമെന്ന് അത് കൊണ്ടു തന്നാ ഞാൻ പകുതിക്ക് വെച്ച് തിരികെ വന്നതും...മീശ പിരിച്ചുകൊണ്ടവനത് പറയുമ്പോൾ ഇരയെ വലയിൽ കുടുക്കിയ വേട്ടക്കാരന്റെ സംതൃപ്തിയായിരുന്നവനിൽ..... ഇതൊക്കെ കേട്ട് കിരണും ഒപ്പം ഗൗരിയും അമ്പരന്ന് നിന്നു.... പക്ഷെ നിനക്കുളള ശിക്ഷ വിധിക്കുന്നത് ഞാനല്ല....ദേ അവനാ......

ചാരിയിട്ട പിന്നാമ്പുറത്തെ വാതിലിലേക്ക് കൈചൂണ്ടിക്കൊണ്ട് രുദ്രൻ പറഞ്ഞു.... കിരൺ നോക്കുമ്പോൾ വന്യഭാവത്തോടെ അവന് നേരെ നടക്കുന്ന ജോണിനെ കണ്ട് ഞെട്ടി നിന്നു.... മോനേ....കിരണേ...നീയിപ്പോ വിചാരിക്കുന്നുണ്ടാവും എനിക്കെന്നാത്തിനാ നിന്നോടു പകയെന്ന്.....ഞാനെന്നത്തിനാ നിനക്ക് ശിക്ഷ വിധിക്കുന്നതെന്ന്....ഒറ്റ ഉത്തരമേയുളളതിന്...നീ കാറിടിച്ച് കൊല്ലാൻ നോക്കിയത് എന്റെ പെണ്ണിനിയാ.....നീ....ഇനീം എഴുന്നേറ്റ് നടന്നാൽ വീണ്ടും ഇതൊക്കെ ചിലപ്പോ ആവർത്തിച്ചൂന്ന് വരും.....

പിന്നെ നീ കാരണം ജീവിതം നഷ്ടപ്പെട്ട ഒരുപാട് പെൺകുട്ടികൾ ഉണ്ട് അവരെയെല്ലാം ഞാനെന്റെ പെങ്ങളായി സങ്കൽപിച്ചു കൊണ്ട് ഞാനാ നല്ല കാര്യമങ്ങ് ചെയ്യാൻ പോവാ അതും പറഞ്ഞു കൊണ്ട് ജോൺ ഷർട്ടിന്റെ സ്ലിവ് മുകളിലേക്ക് ഉതിർത്തു വച്ചു കൊണ്ട് അവന് നേരെ നടന്നു..... വേണ്ട....എന്നെ ഒന്നും ചെയ്യല്ലേ....ഞാനിനി നിങ്ങളെ ഉപദ്രവിക്കില്ല....പ്ലീസ്.... നിന്നെ ഞാൻ കൊല്ലില്ല...നീ.....ജീവിക്കണം...നരകിച്ച് നരകീച്ച്.....അതും പറഞ്ഞു കൊണ്ട് ജോൺ അവനെ തലങ്ങും വിലങ്ങും തല്ലാൻ തുടങ്ങി...... ഈ സമയം നാഥു ഗൗരിയേയും കോരിയെടുത്ത് കൊണ്ട് റൂമിലേക്ക് പോയിരുന്നു..... കിരണിന്റെ നിലവിളി നാലു ചുമരുകൾക്കുളളിൽ മുഴങ്ങിക്കൊണ്ടിരുന്നു..........................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...