SOULMATES_💙: ഭാഗം 12

എഴുത്തുകാരി: SAHALA SACHU

【ദിയ】 "നിനക്ക് ഒരു ഏട്ടത്തിയെ വേണ്ടേ.... അതിന് വേറെ ആരെയും നോക്കേണ്ട... എന്റെ കയ്യിൽ അതിന് പറ്റിയ ഒരാളുണ്ട്....ആദ്യം ആ കള്ളത്തരം നിങ്ങൾക്ക് ഒക്കെ ഞാൻ തെളിയിച്ചു തരാം...എന്നിട്ട് ബാക്കി തീരുമാനിക്കാം... അതൊക്കെ പിന്നെ....ഇപ്പൊ ഞാൻ പോയി കിടക്കട്ടെ...." എന്നും പറഞ്ഞു മൂന്നിനെയും നോക്കി ഒന്നിളിച്ചു കാണിച്ചു കൊണ്ട് ഞാൻ റൂമിലേക്ക് പോയി.... 🔹🔹🔹🔹🔹🔹🔹🔹🔹🔹🔹🔹🔹🔹🔹 【ദീക്ഷിത്】 ഓരോന്ന് ആലോചിച്ച് ഇരിക്കുമ്പോൾ ആണ് ഫോണിലേക്ക് ഒരു നോട്ടിഫിക്കേഷൻ വന്നത്.... ഗൗതം എന്തോ ഫോട്ടോ അയച്ചതാണ്.... ഓപ്പണ് ചെയ്ത് നോക്കിയപ്പോ അവനും വിക്രമും ഒന്നിച്ചുള്ള ഒരു സെൽഫി ആയിരുന്നു.... ങേ....വിക്രം പോയതല്ലേ....പിന്നെ എന്താ രണ്ടും ഒരുമിച്ച്....അപ്പൊ തന്നെ ഗൗതമിന്റെ വോയിസ് മെസേജ് വരികയും ചെയ്തു.... "മച്ചൂ....ഇന്നൊരു പൂച്ചയെ ഞാൻ കയ്യോടെ പൊക്കി....മാത്രവുമല്ല,,,,

കാണാൻ പാടില്ലാത്ത സീൻ കാണുകയും ചെയ്തു.... ഹോ എന്റെ അളിയാ.... കണ്ടപ്പോ എനിക്ക് കുളിരിഫിക്കേഷൻ വന്നു പോയെടാ....നിനക്ക് കാണിച്ച് തരാൻ വേണ്ടി വീഡിയോ എടുക്കാൻ മറന്നുപോയി...." എന്നവൻ പറയുമ്പോൾ വിക്രം അവനെ അവിടുന്ന് നന്നായി പെരുമാറുന്നുണ്ട് എന്ന് എനിക്ക് മനസിലായി....അതിന്റെ ഫലമായി ചെക്കൻ ഇടക്കിടെ ഓരോ നിലവിളി ശബ്ദം ഇടുന്നുണ്ട്.... "എന്താടാ ഇത്രക്ക് കുളിര് വന്ന കാര്യം... എന്നോട് കൂടെ പറയെടാ...പൂച്ചയുടെ കള്ളത്തരം ഞാൻ കൂടെ ഒന്നറിയട്ടെ..." എന്ന് തിരിച്ചു ഞാൻ വോയിസ് വിട്ടപ്പോ കേട്ട സ്പോട്ടിൽ തന്നെ റിപ്ലൈയും വന്നു....പക്ഷെ വന്നത് വിക്രമിന്റെ വോയിസ് ആണെന്ന് മാത്രം.... "അവന് പ്രാന്താണെന്ന് ഞാൻ പറയാതെ നിനക്ക് അറിയാലോ....വട്ടാണ്... മുഴു വട്ട്....." എന്ന് വിക്രം പറഞ്ഞപ്പോ പിന്നൊന്നും റിപ്ലൈ ചെയ്യാതെ ഞാൻ അവന്മാരെ വീഡിയോ കോളിൽ വിളിച്ചു....

അപ്പൊ തന്നെ അറ്റൻഡ് ചെയ്യുകയും ചെയ്തു... "ദീക്ഷി,,,,നിനക്ക് ഇവനെ കാണുമ്പോൾ മുരടൻ ആയിട്ടാണോ തോന്നുന്നത്.... അതൊ റൊമാന്റിക് ഹീറോ ആയിട്ടാണോ.....?" എടുത്തപ്പോ തന്നെ ഉള്ള ഗൗതമിന്റെ ചോദ്യം കേട്ടപ്പോ എനിക്ക് ചിരിയാണ് വന്നത്...വിക്രം ആണേൽ എന്തോന്നെടാ എന്ന രീതിയിൽ അവനേ നോക്കുന്നുമുണ്ട്.... "അതിലിപ്പോ എന്താ ഇത്ര സംശയം.... അവൻ ആളൊരു റൊമാന്റിക് ഹീറോ അല്ലെടാ....അവൻ കെട്ടുന്ന പെണ്ണിന് ബ്ലഷ്‌ ആവാനെ നേരം കാണൂ...." "ആഹ്....അത് തന്നെയാ ഞാനും പറയാൻ വരുന്നത്....പക്ഷെ ഇത്രയ്‌ക്ക് ഇവന്റെ ഉള്ളിൽ റൊമാൻസ് ഉണ്ടെന്ന് ഞാൻ ഇന്ന് അറിഞ്ഞതെ ഉള്ളൂ.... എന്റെ ശിവനെ...." -ഗൗതം "ദീക്ഷി....ഈ ഊള അങ്ങനെ പലതും പറയും...നീ അതൊന്നും ചെവി കൊടുക്കേണ്ട..." -വിക്രം "അവൻ എന്തേലും കാര്യം ഇല്ലാതെ അങ്ങനെ പറയില്ലെന്ന് എനിക്കറിയാം.... നീ പറയടാ ഗൗതം..... എന്താ കാര്യം.."

"എന്റെ പൊന്നു ദീക്ഷി.... ഒന്നുമില്ലെടാ അവന് ഭ്രാന്താണ്...." -വിക്രം "എനിക്ക് ഭ്രാന്ത് ഒന്നുമില്ല....കണ്ട കാര്യമാണ് പറയുന്നത്.... ഒരുത്തൻ ഇവിടുന്ന് പോയതിനുശേഷം മൂഡ് ഓഫ് ആണെന്നും പറഞ്ഞു കറങ്ങാൻ വേണ്ടി ദിയയെയും കൂട്ടി പുറത്തേക്ക് പോയി.... ഇവൻ അവളെയും കൂട്ടി പുറത്തു പോയത് ഞാൻ അറിഞ്ഞില്ല..... പോയിട്ട് കുറെ നേരമായിട്ടും ദിയ തിരിച്ച് വരുന്നത് കാണാഞ്ഞത് കൊണ്ട് അനു വിളിച്ചപ്പോഴാണ് ഞാൻ കാര്യം അറിയുന്നത്.....ദിയയെ വിളിച്ചിട്ട് കിട്ടുന്നില്ലെന്നും വിക്രമിനെ ഒന്ന് വിളിച്ചു നോക്കുമോ എന്നുമാണ് അനു ചോദിച്ചത്.... അങ്ങനെ ഇവനെ വിളിക്കാൻ വേണ്ടി ഞാൻ ഫ്ലാറ്റിന് പുറത്തിറങ്ങിയപ്പോഴാണ് താഴെ ഒരു കാർ കണ്ടത്.....ഇവന്റെ കാർ ആണെന്ന് മനസ്സിലായത് കൊണ്ട് ഇത്തിരി നേരം നോക്കിയെങ്കിലും ഇവനോ ദിയയോ കാറിന് പുറത്ത് ഇറങ്ങുന്നത് കാണാഞ്ഞപ്പോൾ ഞാൻ താഴേക്ക് പോയി നോക്കി....

അകത്ത് ആരേലും ഉണ്ടോ എന്ന് നോക്കാൻ ഗ്ലാസ്സിലൂടെ ഞാൻ നോക്കിയപ്പോൾ കണ്ട കാഴ്ച എന്റെ ദീക്ഷി.......ഹൗ,,,,,ഞാനിപ്പോ നിന്നോട് എങ്ങനെയാ പറയുന്നത്....എനിക്ക് വയ്യ നാണമാവുന്നു......" എന്നൊക്കെ ഗൗതം പറഞ്ഞപ്പോ ഞാനാകെ കിളി പോയത് പോലെ അവനെ നോക്കി.... "നീ ഇങ്ങനെ സസ്പെൻസ് ഇട്ട് കൊല്ലാതെ കാര്യം പറയെടാ തെണ്ടീ..." ഞാൻ അവരെ നോക്കി പറഞ്ഞപ്പോ വിക്രം ഗൗതമിനെ തല്ലിക്കൊല്ലാൻ ആക്കുന്നുണ്ട്.... "നീ എന്നെ എത്ര തല്ലിയിട്ടും കാര്യമില്ല വിക്രം...ഞാൻ പറയേണ്ടത് എന്തായാലും പറയും....." ഇപ്പൊ തന്നെ എനിക്ക് ഏകദേശം കാര്യം പിടികിട്ടി എങ്കിലും ഒന്നും മനസ്സിലാകാത്തത് പോലെ ഞാൻ അവന്മാരെ നോക്കി.... "എന്നോട് കൂടെ പറയെടാ....ഞാൻ കൂടെ അറിയുന്നതിൽ എന്താ പ്രോബ്ലം....?" "ഒന്നുമില്ലെടാ.... ഞാൻ ദിയയെ പ്രപ്പോസ് ചെയ്തു....അവൾ ആക്സെപ്റ്റ് ചെയ്തു....അത്രയേ ഉള്ളൂ വേറൊന്നുമില്ല...." -വിക്രം

"ഓഹോ അത്രേയുള്ളൂ.... വേറൊന്നുമില്ലേ....? അപ്പൊ ഗൗതം കണ്ടു എന്ന് പറഞ്ഞതോ....?" ഞാൻ അത് ചോദിച്ചപ്പോൾ എനിക്ക് കൈ കൂപ്പി കാണിച്ച് തന്ന് ഗൗതമിനൊരു ചവിട്ടും കൊടുത്ത് അവൻ തിരിഞ്ഞിരുന്നു....അത് കണ്ടപ്പോ ഞാനും ഗൗതമും ചിരിക്കാൻ തുടങ്ങി... ഇപ്പൊ ഏകദേശം അവന്റെ മൂഡോഫ് ഒക്കെ മാറിയത് പോലുണ്ട് കാണുമ്പോൾ....നേരത്തെ അവന്റെ അവസ്‌ഥ കണ്ടപ്പോൾ എനിക്ക് നല്ല സങ്കടം ആയിരുന്നു..... 🔹🔹🔹🔹🔹🔹🔹🔹🔹🔹🔹🔹🔹🔹🔹 【ഗൗരി】 ഇനി ആ ചെക്കനെ ഞാൻ വെറുതെ വിടാൻ ഉദ്ദേശിച്ചിട്ടില്ല...കുറെ നാളായി ഇങ്ങനെ ഒരുത്തി പിന്നാലെ നടക്കാൻ തുടങ്ങിയിട്ട്....എന്നിട്ട് എന്നെ ഒരു വില ഇല്ലെന്ന് വെച്ചാൽ..രണ്ടിൽ ഒന്ന് എനിക്ക് അറിയണം.... നാളെ നേരം വെളുത്തോട്ടെ....ബാക്കി ഞാൻ അപ്പൊ പറയാം.... ഓരോന്ന് ആലോചിച്ച് എപ്പോഴോ ഉറങ്ങി പോയി....

രാവിലെ എഴുന്നേറ്റപ്പോ തന്നെ ഞാൻ പെട്ടെന്ന് കുളിച്ച് ഫ്രഷ് ആയി ചായ വെച്ച് ഫുഡ് പുറത്ത് നിന്ന് ഓഡർ ചെയ്ത് ഏട്ടന്മാരോട് റ്റാറ്റ പറഞ്ഞു ഇറങ്ങി....എങ്ങോട്ടാണ് പോകുന്നത് എന്ന് അവന്മാരോട് പറഞ്ഞിട്ടില്ല.... വന്നിട്ട് പറയാമെന്ന് കരുതി..... ഞാൻ പോട്ടെ പോട്ടെ എന്ന് വിചാരിക്കുമ്പോൾ അവൻ എന്നെ നന്നായി വട്ടം കറക്കുവാണ്.... ഞാൻ നേരെ പോയത് അവന്റെ ഫ്‌ളാറ്റിലേക്ക് ആണ്....ഭാഗ്യത്തിന് ഫ്രണ്ട് ഡോർ ജസ്റ്റ് അടച്ച് വെച്ചിട്ടെ ഉണ്ടായിരുന്നുള്ളൂ.... ലോക് അല്ലായിരുന്നു.... ഞാൻ അകത്ത് കയറി ഡോർ ലോക് ചെയ്ത് അവന്റെ റൂം ലക്ഷ്യമാക്കി പോയി....ഇവിടെങ്ങും കാണുന്നില്ലല്ലോ... ഇനി നേരത്തെ ഓഫീസിൽ പോയോ ആവോ.... ഹേയ്.... ഓഫീസിൽ പോയിരുന്നു എങ്കിൽ ഡോർ ലോക് ചെയ്യാതെ പോവില്ലല്ലോ....ഞാൻ അതും ആലോചിച്ച് റൂമിൽ നിന്ന് പുറത്തിറങ്ങാൻ പോവുമ്പോൾ ആണ് കക്ഷി ബാത്റൂമിൽ നിന്ന് പുറത്തേക്ക് ഇറങ്ങിയത്.....

"ആഹ്ഹ്......." ഇറങ്ങി വന്നു കോലം കണ്ടപ്പോ ഞാൻ അലറിയതും ചെക്കൻ ഞെട്ടി പിടഞ്ഞു മുന്നോട്ടേക്ക് നോക്കിയപ്പോ കണ്ടത് എന്നെയാണ്....അപ്പൊ തന്നെ കൈ രണ്ടും നെഞ്ചിൽ ക്രോസ് ചെയ്ത് വെച്ച് നിൽക്കുന്ന നിൽപ്പ് കണ്ടപ്പോ എനിക്ക് ചിരി സഹിക്കാൻ കഴിഞ്ഞില്ല.... "എന്തുവാടി....ഒരു അന്യ പുരുഷന്റെ റൂമിലേക്ക് ഇതുപോലെ ആണോ കയറി വരുന്നത്....പിന്നോട്ട് തിരിഞ്ഞു നിൽക്കെടി...." എന്ന് അവൻ പറഞ്ഞപ്പോ ഞാൻ ചിരിക്കാൻ തുടങ്ങി... "ഹാ....ഇങ്ങനൊരു ബാത് ടവൽ മാത്രം ഉടുത്തോണ്ട് എന്റെ മുന്നിൽ നിൽക്കാതെ പോയി വല്ല ഷർട്ടും എടുത്തിട്....." "നീയിങ്ങനെ ഇവിടെ വടി പോലെ നിൽക്കുമ്പോൾ ഞാൻ എങ്ങനെയാ ഡ്രെസ് ചേഞ്ച്‌ ചെയ്യുന്നത്....ഇറങ്ങി പോടി...." "പറ്റില്ല....ഞാൻ നിങ്ങളെ നോക്കാതിരുന്നാൽ പ്രോബ്ലം തീർന്നില്ലേ....ഇനിയിപ്പോ ഞാൻ പുറത്തേക്ക് ഇറങ്ങിയാൽ നിങ്ങൾ ഡോറും അടച്ച് ഇവിടെ ഇരിക്കും.... അതെനിക്ക് അറിയാം..."

"ഹോ..ദേ,,,എന്നെ ദേഷ്യം പിടിപ്പിക്കാതെ പോകാൻ നോക്ക്....." "അയ്യട....മോന് ദേഷ്യം വന്നാൽ എനിക്ക് കോപ്പാണ്....അറിയാലോ എന്നെ.... ഒരു നാണവും എനിക്കില്ല..ഒരു കിസ് തരാനും ഞാൻ മടിക്കില്ല....സൊ,,,,ഡ്രെസ് ചേഞ്ച്‌ ചെയ്തോ.... ഞാൻ ഇവിടെ തിരിഞ്ഞു നിൽക്കാം...ഓകെ...." അതും പറഞ്ഞു ഒരു ചിരിയോടെ ഞാൻ തിരിഞ്ഞു നിന്നു.... 🔹🔹🔹🔹🔹🔹🔹🔹🔹🔹🔹🔹🔹🔹🔹 【ദീക്ഷിത്】 കുരുത്തംകെട്ട പെണ്ണ്....ദേവ്യെ,,,ഇതിനെ ഞാൻ കെട്ടിയാൽ റൊമാൻസിന്റെ കാര്യത്തിൽ എന്നെക്കാൾ ടെറർ ആയിരിക്കും അവൾ.... അവൾ തിരിഞ്ഞു നിന്നപ്പോ ഞാൻ ചിരിയോടെ ഷെൽഫ് തുറന്ന് അതിൽ നിന്ന് ഡ്രെസ് എടുത്തു.... അവളെ ഒന്ന് പാളി നോക്കിയപ്പോ പെണ്ണ് തിരിഞ്ഞു തന്നെ നിൽക്കുന്നുണ്ട്....വിശ്വസിക്കാൻ കഴിയില്ല...ചിലപ്പോ അവൾ ഒളിഞ്ഞു നോക്കുകയും ചെയ്യും..... "ഏട്ടാ...."

ഞാൻ ഷർട്ട് ഇടുമ്പോൾ അവൾ വിളിച്ചതും ഞാൻ ഒന്ന് മൂളി കൊടുത്തു.. "ഏട്ടനെന്താ എന്നെ ഇഷ്ടം അല്ലാത്തത്... ദിയയും വിക്രമേട്ടനും തമ്മിൽ റിലേഷൻ കാണുമ്പോൾ എനിക്ക് തോന്നുന്നു,,,, നിങ്ങടെ സങ്കല്പത്തിൽ ഉള്ളവൾ അല്ല ഞാനെന്ന്...." അവളത് പറഞ്ഞപ്പോ എനിക്ക് അത് ചങ്കിൽ തന്നെ കൊണ്ടു....ഞാൻ പതിയെ അവൾടെ അടുത്തേക്ക് നടന്ന് അവൾടെ പിന്നിൽ പോയി നിന്നു.... "ഒരുപാട് നാളായില്ലേ ഏട്ടാ ഞാൻ പിന്നാലെ നടക്കുന്നത്....എന്റെയും ഏട്ടന്റെയും വീട്ടുകാർക്ക് പോലും സമ്മതം ആണ്....എന്നിട്ടും ഏട്ടൻ സമ്മതിക്കാത്തത് എന്നെ ഇഷ്ടം അല്ലാത്തത് കൊണ്ട് തന്നെയാ... അല്ലെ...." അവസാനം ആ അല്ലെ ചോദിച്ചപ്പോൾ പെണ്ണിന്റെ ശബ്ദം ഇടറിയത് പോലെ തോന്നിയതും ഞാൻ പിന്നിൽ നിന്ന് അവളെ ഹഗ് ചെയ്തു....അപ്പൊ തന്നെ പെണ്ണൊരു ഞെട്ടലോടെ തല ഉയർത്തി എന്നെ നോക്കിയപ്പോൾ ഞാൻ അവളെ നോക്കി പുഞ്ചിരിച്ചു.....

ശേഷം അവളെ എനിക്ക് ഓപ്പോസിറ്റ് ആയി നിർത്തി അവൾടെ രണ്ട് ഷോള്ഡറിലും ഞാൻ കൈ വെച്ചു..... "ആര് പറഞ്ഞു എനിക്ക് നിന്നെ ഇഷ്ടം അല്ലെന്ന്....എന്റെ സങ്കല്പത്തിൽ ഉള്ള പെണ്ണ് നിന്നെ പോലെ അല്ലെന്ന്.... ഇഷ്ടമാണ് ഗൗരി...ഒരുപാട് ഇഷ്ടമാണ്... മനസിൽ കുന്നോളം ഇഷ്ടം വെച്ചിട്ടും,,, നിന്റെ മുഖത്ത് നോക്കി അല്ലെന്ന് പറയുമ്പോൾ എനിക്ക് നല്ല സങ്കടം ഉണ്ടാവാറുണ്ട്..... ലച്ചുവിനോട് എനിക്കൊരു ഇഷ്ടം തോന്നിയിരുന്നു.... അത് സത്യമാണ്... പക്ഷെ അത് വെറുമൊരു അഫെക്ഷൻ മാത്രം ആണെന്നും,,,,റിയൽ ലവ് എന്താണെന്നും ഞാൻ തിരിച്ചറിഞ്ഞത് നിന്നെ കണ്ടപ്പോ മുതൽ ആയിരുന്നു.... നിന്നെ കണ്ട മാത്രയിൽ തന്നെ എനിക്ക് ഒരു അടുപ്പം നിന്നോട് തോന്നിയിരുന്നു... പക്ഷെ അതൊരിക്കലും പ്രണയം ആണെന്ന് ഞാൻ കരുതിയില്ല....എന്റെ ഗൗതമിന്റെ പെങ്ങൾ അല്ലെ....അപ്പൊ എനിക്കും നീ പെങ്ങൾ ആണ്,,,ആ ഒരു അടുപ്പം ആണെന്നാണ് ഞാൻ കരുതിയത്....

പക്ഷെ പിന്നീട് എനിക്ക് മനസിലായി അങ്ങനെ അല്ലെന്ന്...എന്റെ ഉള്ളിൽ നിന്നോട് ആത്മാർത്ഥമായ പ്രണയം ആണെന്ന് ഞാൻ തിരിച്ചറിഞ്ഞപ്പോൾ മുതലാണ് ഞാൻ നിന്നിൽ നിന്ന് ഒരു അകലം പാലിക്കാൻ തുടങ്ങിയത്.... അതിന് കാരണം ഗൗതം ആയിരുന്നു.... ഞാൻ കാരണം ഒരിക്കലും അവന് വേദനിക്കേണ്ട അവസ്ഥ ഉണ്ടാവരുത്... അതാണ് ഞാൻ ആഗ്രഹിച്ചത്.... പക്ഷെ നീ എന്നോട് ഇഷ്ടം തുറന്ന് പറഞ്ഞ സമയത്ത് എനിക്ക് ഒരുപാട് സന്തോഷം ആയിരുന്നു ഉള്ളിൽ.... എങ്കിലും അന്ന് ഞാൻ കരുതിയത് ഇതൊക്കെ നിന്റെ പ്രായത്തിന്റെ തോന്നൽ ആണെന്നാണ്.... നിന്റെയും എന്റെയും വീട്ടുകാര് സമ്മതിച്ചപ്പോൾ പോലും ഞാൻ അതിന് സമ്മതം മൂളാഞ്ഞത് എനിക്ക് നിന്നെ വേണ്ടാഞ്ഞിട്ടല്ല....ഒരുപക്ഷേ എനിക്ക് ലച്ചുവിനോട് തോന്നിയത് പോലെ നിനക്ക് ഒറ്റ നോട്ടത്തിൽ എന്നോട് തോന്നിയ അഫക്ഷൻ ആണെങ്കിലോ എന്ന് കരുതിയാണ്.....

പക്ഷെ,,ഇപ്പൊ എനിക്ക് മനസിലാക്കാൻ കഴിയുന്നുണ്ട് നിന്റെ ഉള്ളിൽ എന്നോടുള്ള ഇഷ്ടം....നിനക്ക് എത്രമാത്രം പ്രിയപ്പെട്ടതാണ് ഞാനെന്ന് നിന്റെ വാക്കുകളിൽ നിന്ന് എനിക്ക് മനസിലാക്കാൻ കഴിയുന്നുണ്ട്.... ഇനിയും എനിക്ക് എന്റെ ഇഷ്ടം ഒളിച്ചു വെക്കാൻ കഴിയില്ല ഗൗരി....അത്രയ്ക്ക് എനിക്ക് നിന്നെ ഇഷ്ടമാണ്....." എന്ന് ഞാൻ പറഞ്ഞു നിർത്തിയതും അവൾടെ കണ്ണിൽ നിന്ന് കണ്ണീര് ഒഴുകാൻ തുടങ്ങി.... "ഹേ....ഇതൊക്കെ കേട്ടിട്ട് നീ കരയുന്നത് എന്തിനാ....?" ആ ചോദിച്ചതിന് അവൾ എന്റെ നെഞ്ചിനിട്ടൊരു കുത്ത് തന്നു.... "എത്ര കാലമായി ഞാൻ ഇതൊക്കെ കേൾക്കാൻ ആഗ്രഹിക്കുന്നു...എത്ര ഞാൻ വിഷമിച്ചു.... ഇതൊക്കെ മുന്നേ പറഞ്ഞിരുന്നെങ്കിൽ എനിക്ക് എത്ര സന്തോഷം ആയേനെ...." അതും പറഞ്ഞു കരഞ്ഞു കൊണ്ട് പെണ്ണ് എന്റെ നെഞ്ചിൽ തല വെച്ചതും ഞാൻ അവളെ ഹഗ് ചെയ്തു.... "ഐ ലവ് യൂ...." അവളുടെ നെറ്റിയിൽ ഒരു മുത്തം കൊടുത്ത് ഞാൻ പറഞ്ഞപ്പോ

"ലവ് യൂ റ്റൂ..." എന്നും പറഞ്ഞു കൊണ്ട് അവൾ ഒന്നൂടെ എന്റെ നെഞ്ചിൽ മുഖം പൂഴ്ത്തി.... "എന്റെ ഷർട്ട് വൈറ്റ് ആണെന്ന് കുട്ടി മറന്ന് പോയോ....നിന്റെ ലൈനർ മുഴുവൻ എന്റെ ഷർട്ടിൽ ആയിക്കാണും..." എന്ന് ഞാൻ പറഞ്ഞപ്പോ,,,, "അയ്യോ...." എന്നും പറഞ്ഞു അവൾ വിട്ടു നിന്നു.... "സോറി...." എന്റെ ഷർട്ടിൽ നോക്കി അവിഞ്ഞ ഒരു ഇളി പാസാക്കി കൊണ്ട് പെണ്ണ് പറഞ്ഞപ്പോ ഞാൻ അവളെ നോക്കി കണ്ണുരുട്ടി കാണിച്ചു.... "കണ്ണുരുട്ടി കാണിക്കുവൊന്നും വേണ്ടാ... നിൽക്ക്....ഞാൻ വേറെ ഷർട്ട് എടുത്ത് തരാം....ഓകെ...." എന്നും പറഞ്ഞു അവൾ ഷെൽഫിന്റെ അടുത്തേക്ക് പോകാൻ നിന്നതും ഞാൻ പിന്നിൽ നിന്ന് അവളെ എടുത്ത് പൊക്കി ബെഡിലേക്ക് ഇട്ടു.... "തൽക്കാലം എനിക്ക് ഷർട്ട് വേണ്ട...." എന്നും പറഞ്ഞു ഞാൻ അവളെ നോക്കിയപ്പോ അവളെന്നെ നോക്കി കണ്ണു ചിമ്മി കാണിച്ചതും ഞാൻ അവൾടെ തൊട്ട് അടുത്ത് കിടന്നു....

അവൾടെ മുഖത്ത് വീണ് കിടക്കുന്ന മുടി ചെവിയുടെ പിന്നിലേക്ക് ഒതുക്കി വെച്ച് കൊടുത്ത് ഞാൻ അവളെ നോക്കിയപ്പോ അവൾ കണ്ണ് ഇറുകെ പൂട്ടി മുഖവും പൊത്തി കിടന്നു..... "എന്താടി....?" "എന്റെ പൊന്നോ....എന്നെ ദയവ് ചെയ്ത് ഇങ്ങനെ നോക്കല്ലേ..." "ഓഹോ....പിന്നെങ്ങനെ നോക്കണം..." "നോക്കുകയെ വേണ്ട....ഞാൻ ഇവിടെ വരാൻ പാടില്ലായിരുന്നു..... സോറി.... ഞാൻ പൊക്കോട്ടെ...." മുഖത്ത് നിന്ന് കയ്യെടുക്കാതെ തന്നെ അവൾ ചോദിച്ചപ്പോ എനിക്ക് ചിരി വന്നു.... "നീയല്ലേ ഇത്തിരി മുന്നേ പറഞ്ഞത്... നിനക്കൊരു നാണവും ഇല്ലെന്ന്.... വേണേൽ ഒരു കിസ് തരാനും മടി ഇല്ലെന്ന്...." അവൾടെ കൈ രണ്ടും എടുത്ത് മാറ്റി ചിരിച്ചോണ്ട് ഞാൻ ചോദിച്ചു.... "അതൊക്കെ ഞാൻ ചുമ്മാ പറഞ്ഞതല്ലേ....അതിന് തൊട്ട് പിന്നാലെ ഇങ്ങനെയൊക്കെ സംഭവിക്കുമെന്ന് ഞാൻ അറിഞ്ഞോ...." "ഓഹ്....അങ്ങനെ...എങ്കിലും നിന്നെ വെറുതെ അങ്ങ് വിടാൻ ഞാൻ ഉദ്ദേശിച്ചിട്ടില്ല....ഒന്നുമില്ലെങ്കിലും,,,

, ഇത്രയും നാൾ ഞാൻ എന്റെ ഫീലിംഗ്‌സ് ഒക്കെ അടക്കി വെച്ച് നിന്നതല്ലേ...സൊ,,, ഇന്നെനിക്ക് ഒരു കിസ് എങ്കിലും കിട്ടാതെ നീ ഇവിടുന്ന് പോകുന്ന പ്രശ്നം ഇല്ല..." "അയ്യോ....അങ്ങനെ പറയരുത്.... ഏട്ടന് ഓഫീസിൽ പോവണ്ടെ..." "ഇന്നൊരു ദിവസം എനിക്ക് ലീവ് എടുക്കുന്നത് കൊണ്ടും പ്രശ്നം ഇല്ല..." "ആഹാ....അങ്ങനെ ഇപ്പൊ മോൻ ലീവ് എടുക്കേണ്ട....തൽക്കാലം ഒന്നും ഞാൻ തരാൻ പോണില്ല...." "ഇല്ലേ....?" "ഇല്ല...." "ഉറപ്പാണോ....?" "ആഹ്....ഉറപ്പ്..." "ഞാൻ തന്ന് കഴിഞ്ഞാൽ പിന്നെ അത് സ്‌ട്രോങ് കൂടും....അതുകൊണ്ട് നീ തരുന്നത് ആവും നിനക്ക് നല്ലത്..." "ഞാൻ തരില്ല തരില്ല തരില്ല...." അത്രയും പറഞ്ഞു അവൾ എണീറ്റ് പോവാൻ നോക്കിയതും ഞാൻ അവളെ അവിടെ തന്നെ പിടിച്ചു കിടത്തി.... "എന്തായാലും നീ തരാത്ത സ്ഥിതിക്ക് ഞാൻ അങ്ങോട്ട് തരാം....ഇനി ഒന്നും പറഞ്ഞില്ല കേട്ടില്ല എന്ന് വേണ്ട...." 🔹🔹🔹🔹🔹🔹🔹🔹🔹🔹🔹🔹🔹🔹🔹

【ഗൗരി】 എന്നും പറഞ്ഞു അവൻ എന്റെ മുഖത്തിന് അടുത്തേക്ക് അവന്റെ മുഖം കൊണ്ട് വന്നതും ഞാൻ അവന്റെ വാ പൊത്തി പിടിച്ചു.... "തൽക്കാലം മോൻ ഇവിടെ ഇരിക്ക്.... ഞാൻ പോകുവാ...." എന്നും പറഞ്ഞു അവനെ പിടിച്ചു തള്ളി ഞാൻ എണീറ്റ് പുറത്തേക്ക് ഓടി.... "നിന്നെ ഞാൻ എടുത്തോളാമെടി..." എന്ന് ചെക്കൻ പിന്നിൽ നിന്ന് വിളിച്ചു പറഞ്ഞെങ്കിലും "ഓഹ് ആയിക്കോട്ടെ.." എന്നും പറഞ്ഞു ഞാൻ പോയി.... 🔹🔹🔹🔹🔹🔹🔹🔹🔹🔹🔹🔹🔹🔹 【ഇതേ സമയം നാട്ടിൽ】 "എത്രയും പെട്ടെന്ന് അവനോട് നാട്ടിൽ വരാൻ പറയണം....സ്വത്ത് മുഴുവൻ അവന്റേത് ആണെന്നും,,,അവൻ നിങ്ങടെ മകൻ അല്ലെന്നും അവന് അറിയില്ല....സൊ,,,,തഞ്ചത്തിൽ ആ സ്വത്ത് മുഴുവൻ എന്റെ പേരിലേക്ക് ആക്കി മാറ്റണം.... ഒരാഴ്ചക്കുള്ളിൽ അവനോട് ഇവിടെ എത്താൻ പറയ്....ഇവിടേക്ക് വരുന്നത് അവന് വലിയ ബുദ്ധിമുട്ട് ഉള്ള കാര്യം ഒന്നും അല്ലല്ലോ...."

വിവേക് അവന്റെ അച്ഛനോട് പറഞ്ഞതും അച്ഛൻ ദയനീയമായി അവനെ നോക്കി.... "മോനെ....ഒന്നൂടെ ആലോചിച്ച് പോരെ... അവൻ നിനക്ക് വേണ്ടി എന്തും തരും.... സ്വത്തിൽ നേർ പകുതി നിനക്ക് അവൻ തരും.... അല്ലാതെ മുഴുവൻ വേണമെന്ന് പറഞ്ഞാൽ,,,,അവനൊന്നും ഇല്ലാതായി പോവില്ലേ....ഈ കാണുന്നത് ഒന്നും ഞാൻ സമ്പാദിച്ചതല്ലല്ലോ....അവന്റെ അച്ഛൻ അവന് വേണ്ടി സമ്പാദിച്ചതാണ്......" "ഓഹ്....ചരിത്രം ഒന്നും എനിക്ക് കേൾക്കേണ്ട.....ഞാൻ പറഞ്ഞത് അങ്ങ് അനുസരിച്ചാൽ മതി....അവൻ കാരണം എനിക്കുണ്ടായ നഷ്ടം വെച്ച് നോക്കിയാൽ ഈ കിട്ടുന്നത് ഒന്നും എനിക്ക് ഒന്നുമല്ല....സൊ,,,,അവന്റെ പേരിൽ ഉള്ള മുഴുവനും എനിക്ക് വേണം....

അല്ലേൽ ഞാൻ അവനെ കൊന്ന് കളയും....." 🔹🔹🔹🔹🔹🔹🔹🔹🔹🔹🔹🔹🔹🔹🔹 【വിക്രം】 ഫുഡ് കഴിച്ച് ഇരിക്കുമ്പോൾ ആണ് അച്ഛൻ വിളിച്ചത്....കോൾ കട്ട് ചെയ്ത് ഞാൻ തിരിച്ചു വിളിച്ചപ്പോ അച്ഛൻ പറഞ്ഞ കാര്യങ്ങൾ കേട്ട് ഞാൻ ഉള്ളിൽ ഒന്ന് ചിരിച്ചു.... "ഞാൻ വരാം അച്ഛാ....പെട്ടെന്ന് തന്നെ വരാം...." അതും പറഞ്ഞു ഞാൻ കോൾ കട്ട് ചെയ്‌തപ്പോ ഗൗതം എന്നെ നോക്കി.... "നമുക്ക് എല്ലാവർക്കും ഒന്ന് നാട്ടിലേക്ക് പോണം....എത്രയും പെട്ടെന്ന്... ഇനി ഉള്ള കളികൾ നാട്ടിൽ...." അവനെ നോക്കി അത് ഞാൻ പറഞ്ഞപ്പോ അവനും ഒന്ന് ചിരിച്ചു............................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...