SOULMATES_💙: ഭാഗം 16

എഴുത്തുകാരി: SAHALA SACHU

"നന്നായിട്ടുണ്ട്....ഒരുപാട്...." അത് കേട്ടപ്പോ അവന്റെ തലക്കൊരു തട്ട് കൊടുത്ത് ഞാൻ ഫുഡ് കഴിക്കാൻ തുടങ്ങി..... 🔹🔹🔹🔹🔹🔹🔹🔹🔹🔹🔹🔹🔹🔹 【വിക്രം】 നാട്ടിൽ പോയി വന്നതിന് ശേഷം ഇപ്പോഴാണ് ഞാൻ ഒരു തൃപ്തിപ്തിയോടെ ഭക്ഷണം കഴിക്കുന്നത്....അല്ലേൽ എപ്പോഴും ഹോട്ടൽ ഫുഡ് കഴിച്ച് മടുത്തു.... ഇവളെ ഇവിടെ സ്ഥിരം ആക്കിയാലോ... എങ്കിൽ പിന്നെ എനിക്ക് എന്തുകൊണ്ടും നല്ലതാണ്..... പക്ഷെ അവള് നിൽക്കില്ല....അതെനിക്ക് നന്നായിട്ട് അറിയാം.... എങ്കിലും ഒന്ന് ചോദിച്ച് നോക്കാം.... പോയാൽ ഒരു വാക്ക്...കിട്ടിയാൽ എന്റെ പെണ്ണ്....അത് അത്രയേ ഉള്ളൂ..... "എന്താണ്....ഒരു കള്ളനോട്ടം...?" ഞാൻ അതും ചിന്തിച്ച് അവളെ നോക്കിയതും പെണ്ണ് എന്നോട് ചോദിക്കുന്നത് കേട്ടപ്പോ ഞാൻ അവൾക്ക് ഒന്ന് ചിരിച്ചു കൊടുത്തു.... "അല്ലെടി....ഞാൻ ആലോചിക്കുവായിരുന്നു,,,, നീ ഇവിടെ എന്റെ കൂടെ താമസിച്ചാൽ നന്നായിരിക്കും എന്ന്...." "അയ്യോ,,,,എന്നോട് ഇത്രയൊന്നും സ്നേഹം കാണിക്കല്ലേ....ഇത്ര നേരം ഇവിടെ നിന്നപ്പോ തന്നെ ഇങ്ങനെ.... ഇനി നിന്റെ കൂടെ താമസം കൂടെ ആക്കിയാൽ ഒട്ടും വൈകാതെ നമ്മുടെ മാരേജ് വീട്ടുകാർക്ക് നടത്തേണ്ടി വരും.....

അതുകൊണ്ട്,,,,പൊന്നുമോൻ ആ ആഗ്രഹം അങ്ങ് മാറ്റി വെച്ചേക്ക്.... കേട്ടോ....." എന്നവൾ പറഞ്ഞതും വേണ്ടെങ്കിൽ വേണ്ട എന്ന മട്ടിൽ ഞാൻ അവളെ നോക്കി ഓകെ പറഞ്ഞു.... * "പോകാം...." ബാഗ് എടുത്ത് അവളെന്നെ നോക്കി ചോദിച്ചപ്പോ ഞാൻ കാറിന്റെ കീ എടുത്ത് അവളുടെ കൂടെ പുറത്തേക്ക് ഇറങ്ങിയതും ഗൗതമും ദീക്ഷിയും വന്നു... "ഹാ....ദിയ പോകുവാണോ....?" -ദീക്ഷി "ആഹ്...." "ടാ കുരുത്തംകെട്ടവനെ.... നീ ഇവളെ വല്ലതും ചെയ്തോ....?" -ഗൗതം "ചെയ്തോടി....?" അവൻ ചോദിച്ചതിന് പിന്നാലെ ഞാൻ ദിയയെ നോക്കി ചോദിച്ചപ്പോൾ പെണ്ണ് എന്നെ നോക്കി കണ്ണുരുട്ടി കാണിച്ചു.... അത് കണ്ടപ്പോ ഞാൻ ചിരിച്ചോണ്ട് അവളുടെ ഷോള്ഡറിൽ കൂടെ കയ്യിട്ടു... "അപ്പൊ നിങ്ങളിവിടെ വെയിറ്റ് ചെയ്യ്.... ഞാൻ ഇവളെ കൊണ്ട് വിട്ടിട്ട് വരാം...." "വേണ്ട വിക്രം....ഞാൻ പൊക്കോളാം.... " "ഹേയ്....അതുവേണ്ട....ഞങ്ങൾ കാരണം നീ തനിച്ച് പോയാൽ ഇവന് പിന്നെ ഇവിടെ സമാധാനം ഉണ്ടാവില്ല.... എന്തായാലും ഞങ്ങൾ പെട്ടെന്ന് ഒന്നും പോവാൻ പോണില്ല.... അതുകൊണ്ട് കുറച്ച് നേരം വെയിറ്റ് ചെയ്യാം...."

എന്ന് ദീക്ഷി പറഞ്ഞപ്പോ അവന്മാരോട് ഇപ്പൊ വരാമെന്നും പറഞ്ഞു ഞാൻ ദിയയെയും കൂട്ടി വിട്ടു.... 🔹🔹🔹🔹🔹🔹🔹🔹🔹🔹🔹🔹🔹🔹🔹 【ഗൗരി】 ഒറ്റയ്ക്ക് ഇരുന്ന് ബോർ അടിച്ചപ്പോ ജസ്റ്റ് ഒന്ന് പുറത്ത് ഇറങ്ങിയതാണ്.... അപ്പോഴാണ് ദിയ ലിഫ്റ്റിൽ നിന്ന് ഇറങ്ങി വരുന്നത് കണ്ടത്....എന്നെ കണ്ടപ്പോ അവളൊരു ചിരിയോടെ എന്റെ അടുത്തേക്ക് വന്നു.... "നീയെന്താ തനിച്ച്....ആമിയും അനുവും എവിടെ....?" "ഞാൻ ഇന്ന് ഓഫീസിൽ പോയില്ലെടാ.... അവര് ഇപ്പൊ വരുമായിരിക്കും....ടൈം ആയല്ലോ..." "ങേ....ഓഫീസിൽ പോയില്ലേ....? പിന്നെ എവിടെ പോയി....?" "അതുപിന്നെ ഞാൻ അവരുടെ കൂടെ പോകാൻ ഇറങ്ങിയപ്പോ വിക്രം എന്നെയും കൂട്ടി അവന്റെ ഫ്‌ളാറ്റിലേക്ക് പോയി....എന്നോടൊന്ന് ചോദിക്കുക കൂടെ ചെയ്യാതെ ദീക്ഷിയോട് എനിക്ക് ലീവ് വേണമെന്നും പറഞ്ഞു....ഇത്രയും നേരം ഞാൻ അവിടെയാ ഉണ്ടായിരുന്നത്...." "ആഹാ....ഫ്‌ളാറ്റ് വരെ എത്തിയോ....? ഹ്മ്മ ഹ്മ്മ...." "പോടി....അല്ല,,,,നീ ഇന്ന് രാവിലെ എവിടെ പോയി...? കണ്ടില്ലല്ലോ...." എന്നവൾ ചോദിച്ചപ്പോ ഞാൻ അവിഞ്ഞ ഒരു ഇളി പാസാക്കി.... "എന്താടി ഒരു കള്ള ലക്ഷണം....സത്യം പറയ്..."

"അതുപിന്നെ,,,,,ഞാൻ ദീക്ഷി ഏട്ടനെ കാണാൻ വേണ്ടി പോയതാണ്...." "ആഹാ...എന്നിട്ടോ....?" "എന്നിട്ട്....." "സസ്‌പെൻസ് ഇടാതെ പറയ് പെണ്ണേ...." "അതുപിന്നെ....ഞാൻ പതിവ് പോലെ ചെക്കനെ ടോർച്ചർ ചെയ്യാൻ ആണ് പോയത്....ബട്ട്,,,,ഒട്ടും പ്രതീക്ഷിക്കാതെ ഏട്ടൻ എന്നോട് ഇന്ന് യെസ് പറഞ്ഞു..." എന്ന് തുടങ്ങി ഞാൻ അവളോട് എല്ലാം പറഞ്ഞപ്പോ പെണ്ണേന്നെ കെട്ടിപ്പിടിച്ചു.... ഇതിപ്പോ എന്നെക്കാൾ സന്തോഷം ആണ് അവൾക്ക്... "സന്തോഷം ആയെടി.... എനിക്ക് സമാധാനം ആയി...." "ആഹ്....അതിലും വലിയൊരു സംഭവം നടന്നു...." "എന്ത് സംഭവം...." "അൺഎക്‌സ്പെക്റ്റഡ് ആയി ഏട്ടൻ എന്നെ ആക്സെപ്റ്റ് ചെയ്‌ത ഹാങ്ങോവറിൽ ഞാൻ ഇവിടേക്ക് വന്നു കയറിയപ്പോ കണ്ട സീൻ എന്താണെന് നിനക്ക് ഊഹിക്കാൻ പോലും കഴിയില്ല..." "അത്രയ്ക്ക് ഗൗരവം ഉള്ളതാണോ കണ്ടത്...." "യെസ്....ഞാൻ വന്ന് കയറി നോക്കിയപ്പോ എന്റെ പൊന്നു ചേട്ടനും അനുവും കൂടി ഇവിടുന്ന് റൊമാൻസ് കളിക്കുവാ.....അതും വെറും റൊമാൻസ് അല്ല....രണ്ടും കിസ് ചെയ്യുവായിരുന്നു..."

"Whhhhaattt....? കിസോ...? അപ്പൊ അത്രയ്ക്ക് ഒക്കെ ആയോ അവര്...?" "ഇല്ലാതെ പിന്നെ....എന്റെ പൊന്നേ,,,, കാണാൻ പാടില്ലാത്തത് എന്തോ കണ്ടത് പോലെ ഞാൻ പകച്ചു പോയി.... അവരെക്കാൾ നാണം ആയിരുന്നു എനിക്ക്...അത്രയ്ക്ക് നല്ല റൊമൻസിൽ ആയിരുന്നു രണ്ടും....ഛെ.....ഞാൻ പെട്ടെന്ന് കയറി വന്നപ്പോ അവരെന്ത് കരുതി കാണും അല്ലെ....?" "ഓഹ് പിന്നെ....നിന്റെ ഏട്ടനും ഇതുപോലൊരു സീൻ കണ്ടതല്ലേ.... അതുകൊണ്ട് വല്യ കുഴപ്പം ഇല്ല...." 🔹🔹🔹🔹🔹🔹🔹🔹🔹🔹🔹🔹🔹🔹🔹 【ദിയ】 പറഞ്ഞു കഴിഞ്ഞതിന് ശേഷമാണ് എന്താണ് പറഞ്ഞതെന്ന് എനിക്ക് ബോധം വന്നത്..... നാക്കിക്കൊരു ലൈസൻസ് ഇല്ലാതെ ആയിപോയല്ലോ ദിയ നിനക്ക്.... "ങേ....ഏട്ടനോ....? ഏട്ടൻ ഇതുപോലെ എന്താ കണ്ടത്....?" "സോറി സോറി...സ്ലിപ് ഓഫ് ദ ടങ്... ഞാൻ ഉദ്ദേശിച്ചത്,,,, നിന്റെ ഏട്ടൻ ഡോർ അടക്കാതെ കിസ് ചെയ്‍തത് ആണല്ലോ പ്രോബ്ലം ആയത് എന്നാണ്....അല്ലാതെ നീ ആ സമയം കയറി വന്നതല്ലല്ലോ...." "ആഹ്...അത് ശരിയാ...." "എങ്കിലും അവര് ഇത്രയ്ക്ക് ഒക്കെ അടുത്ത കാര്യം ഞാൻ അറിയില്ലായിരുന്നു....

ഹോ...അനുവിനെ കയ്യിൽ കിട്ടട്ടെ....അവളെ ഞാൻ പൊരിച്ചെടുക്കും....." എന്ന് ഞാൻ പറഞ്ഞതും ഗൗരി എന്നെ നോക്കി നന്നായി ഒന്ന് ഇളിച്ചു കാണിച്ചു... "അവളെ പൊരിച്ചെടുക്കുന്നത് ഒക്കെ അവിടെ നിൽക്കട്ടെ....ഇപ്പൊ മോള് ഞാൻ ചോദിക്കുന്നതിന് സത്യസന്ധമായി ഉത്തരം പറയ്..... ഇന്നലെ നിന്നെ ഏട്ടൻ കൊണ്ട് വിട്ടതിന് ശേഷം നിന്റെ ചുണ്ടിൽ ഒരു പൊട്ടൽ കണ്ടു.....അത് ചോദിച്ചപ്പോ നീ ഒഴിഞ്ഞു മാറി...പക്ഷെ ഇതിപ്പോ എന്താണ്....?" എന്റെ കഴുത്തിലെ ചുവന്ന പാടിൽ തൊട്ട് കൊണ്ട് അവൾ ചോദിച്ചപ്പോ ഞാൻ ആകെ ചൂളി പോയി.... "അ.... അത്....അലർജിയാണ്...." ആവശ്യത്തിന് ഒരു നുണ കിട്ടാതെ ഞാൻ നിന്ന് തപ്പാൻ തുടങ്ങിയപ്പോ പെണ്ണ് എന്നെ നോക്കി ഒന്ന് ചിരിച്ചു..... "ഏട്ടന്റെ കൂടെ പോയി വന്നതിന് ശേഷം വരുന്ന ഒരു പ്രത്യേക അലർജി ആണെന്ന് തോന്നുന്നല്ലോ....പൊന്നു മോളെ....നീ ആരോട് വേണമെങ്കിലും കള്ളം പറഞ്ഞോ.... പക്ഷെ ഈ ഗൗരിയോട് കള്ളം പറയരുത്....." "പോടി....നീ വരുന്നുണ്ടേൽ വാ....ചായ കുടിക്കാം..." "അയ്യട....അങ്ങനെ ചായ മാത്രം തന്ന് എന്നെ ഒതുക്കാം എന്നൊന്നും നീ കരുതണ്ട.....

ഡിന്നർ അടക്കം വേണം എനിക്ക്....ഏട്ടൻ വിക്രമേട്ടന്റെ അടുത്ത് പോയത് കൊണ്ട് ഇനി ഇന്ന് വരവ് പ്രതീക്ഷിക്കണ്ട എന്ന് വിളിച്ചു പറഞ്ഞായിരുന്നു....." "ആഹാ....എന്നിട്ടാണോ നീ ഇവിടെ നിൽക്കുന്നത്....വാ...." ഞാൻ അവളെയും കൂട്ടി അകത്തേക്ക് കയറി.... 🔹🔹🔹🔹🔹🔹🔹🔹🔹🔹🔹🔹🔹🔹 【അനു】 ഓഫീസിൽ നിന്ന് ഇറങ്ങിയത് മുതൽ ആമി ചിരിയാണ്....അല്ലേലും അവന് എന്തിന്റെ കേടായിരുന്നു....ഇന്നത്തെ ദിവസം മുഴുവൻ എനിക്ക് കണ്ടക ശനിയാണ്.....രാവിലെ തൊട്ട് തുടങ്ങിയതാണ് നാണംകെടാൻ..... ഗൗരിയെ എങ്ങനെ ഫേസ് ചെയ്യുമെന്ന് അറിയില്ല.....അവളെങ്ങാനും ഇവളുമാരോട് അത് പറഞ്ഞാൽ,,,, പോയി മാനം.... ഇനിയിപ്പോ ആമി നേരത്തെ നടന്നത് കൂടെ പറഞ്ഞാൽ സഭാഷ്‌..... "ഡീ....നീയെന്തിനാ ഇങ്ങനെ ചിരിക്കുന്നത്.....ഇനി ചിരിച്ചാൽ ഞാൻ നല്ലൊരു ചവിട്ട് വെച്ചു തരും...." "അയ്യട....പൊന്നുമോൾ ചവിട്ടാൻ ഇങ്ങ് വന്നാലും മതി....എന്നാലും നീയും അവനും ഇത്രയ്ക്ക് വിജലംഭിച്ച കാര്യം ഞാൻ അറിഞ്ഞില്ലായിരുന്നു.... ഹ്ഹ്ഹ്ഹ...." "വിജലംഭനമോ...അതെന്തോന്ന്..."

"ആർക്കറിയാം....ഇവിടെ യോജിക്കും എന്ന് തോന്നിയത് കൊണ്ട് പറഞ്ഞു.... അത്രയേ ഉള്ളൂ....അതൊക്കെ വിട്.... എന്നാലും നിങ്ങളുടെ പ്രണയം ഇത്രയ്ക്ക് പടർന്ന് പന്തലിച്ചായിരുന്നോ....എന്നിട്ടും ഞങ്ങളൊന്നും അറിഞ്ഞില്ലേ...." "നന്നായിപോയി.... ദെ,,, ഇനി ഇതൊന്നും പോയി അവരോട് വിളമ്പാൻ നിൽക്കേണ്ട....കേട്ടോ..." "അയ്യോ...അങ്ങനെ പറയരുത്.... വിളമ്പും എന്ന് മാത്രമല്ല....ഇത്തിരി എരിവും പുളിയും മധുരവും ഒക്കെ ചേർക്കുകയും ചെയ്യ്.....റൂമിൽ എത്താൻ വേണ്ടി തന്നെയാടി ഞാൻ വെയിറ്റ് ചെയ്യുന്നത്.... " എന്നവൾ പറഞ്ഞതും ഏകദേശം എല്ലാം തീരുമാനം ആയ സ്ഥിതിക്ക് ഇനി രണ്ടും കല്പിച്ച് പോകാമെന്ന് കരുതി.... 🔹🔹🔹🔹🔹🔹🔹🔹🔹🔹🔹🔹🔹🔹 【ദീക്ഷിത്】 "എന്തായെടാ....?" വിക്രം ഫോണ് വെച്ചതും ഞാൻ അവനെ നോക്കി ചോദിച്ചു..... "ഇനിയാണ് അവൻ വിവരം അറിയാൻ പോകുന്നത്....നോക്കിക്കോ നീ.... അവനെതിരെ ഉള്ള എല്ലാ തെളിവും കിട്ടി കഴിഞ്ഞു....കൂടാതെ,,, അവന് വേണ്ടി ചെയ്യാത്ത കുറ്റം ഏറ്റെടുത്ത് ജയിലിൽ പോയവൻ ഉണ്ടല്ലോ,,,,അവനെ ഒന്ന് കുടഞ്ഞപ്പോ അവൻ തത്ത പറയുന്നത് പോലെ എല്ലാം പറഞ്ഞു..... വിവേക് സ്വപ്നം കാണട്ടെ....ഞാൻ നാട്ടിൽ എത്തുന്നതോടെ അവനെല്ലാം സ്വന്തമാകും എന്ന് കരുതട്ടെ....

പക്ഷെ അവനറിയില്ലല്ലോ അവനുള്ള കൊല കയറും കൊണ്ടാണ് ഞാനാ പോകുന്നത് എന്ന്...." വിക്രം പുച്ഛത്തോടെ പറഞ്ഞു നിർത്തിയപ്പോൾ ഞാനും ഗൗതമും ഒന്ന് ചിരിച്ചു.... "നീ ടിക്കറ്റിന്റെ കാര്യങ്ങൾ നോക്കിയോ..." -ഗൗതം "ഹ്മ്മ....നോക്കി....ഫ്രൈഡേ ആണ് പോകേണ്ടത്.... അതിനുള്ളിൽ കമ്പനിയിൽ അർജൻറ് ആയിട്ടുള്ള കാര്യങ്ങൾ ഒക്കെ ഒന്ന് തീർക്കണം.... ബാക്കി എല്ലാം മാനേജറെ ഏല്പിക്കാം.... പിന്നെ ദീക്ഷി,,,, നീയും നിനക്ക് വിശ്വാസം ഉള്ള ഒരാളെ എല്ലാം ഏൽപ്പിക്കണം.... അവിടുത്തെ യുദ്ധം കഴിഞ്ഞു ചിലപ്പോ നമുക്ക് പെട്ടെന്ന് വരാൻ കഴിഞ്ഞില്ലേൽ ആകെപ്പാട് ഇവിടുത്തെ കാര്യങ്ങൾ കുഴഞ്ഞു മറിയും...." "അതൊക്കെ ഏല്പിക്കാം...അല്ല,,, പോവുമ്പോ ഗൗരിയെ കൊണ്ട് പോവുന്നില്ലേ....?" -ദീക്ഷി "പിന്നില്ലാതെ,,,അവളെ കൊണ്ട് പോവാതെ ശരിയാവില്ല.... ഇനി ഇവിടേക്ക് കൊണ്ട് വരുന്നുമില്ല.... എന്തായാലും നീ കൂടെ സമ്മതിച്ച സ്ഥിതിക്ക് ഒട്ടും വൈകാതെ നിങ്ങളുടെ മാരേജ് നടത്തണം.... ആ സമയം ആവുമ്പോ ഇനി രണ്ടും കണ്ടാൽ മതി...." എന്ന് ഗൗതം പറഞ്ഞതും ദീക്ഷി അവനെ നോക്കി ഒന്ന് ഇളിച്ചു കാണിച്ചു..... "അല്ലെടാ....നീ പോയാൽ നിന്റെ ദിയയ്ക്ക് വിഷമം ആവില്ലേ....?" -ഗൗതം "ആവും....എന്നു വെച്ച് പോകാതിരിക്കാൻ കഴിയില്ലല്ലോ...." "പോകാതിരിക്കാൻ കഴിയില്ല.... പക്ഷെ പോവുമ്പോൾ അവളെ കൂടെ കൂട്ടാമല്ലോ...."

-ഞാൻ "അത് കഴിയും...പക്ഷെ അവളെ കൂടെ കൂട്ടുന്നത് റിസ്ക് ആണെടാ....അവൾ എന്റെ പെണ്ണാണ് എന്ന് അവൻ അറിഞ്ഞാൽ എന്നെ ഒതുക്കാൻ ചിലപ്പോ അവൻ അവളെ അപകടപ്പെടുത്തും....റിസ്ക് എടുക്കാൻ വയ്യ.....ഇതിപ്പോ ഇത്തിരി മിസ്സിങ് സഹിച്ചാലും കുഴപ്പം ഇല്ല.....അവൾ ഇവിടെ സേഫ് ആയിട്ട് ഉണ്ടാവുമല്ലോ...." എന്ന് അവൻ പറഞ്ഞപ്പോ ഞാനും ഗൗതമും അതിനെ ശരി വെച്ചു.... "അതൊക്കെ പോട്ടെ....നീയൊരു കാര്യം അറിഞ്ഞോ വിക്രം....? ഇവിടൊരുത്തൻ നമ്മളൊന്നും അറിയാതെ ലൈൻ വലിക്കുവായിരുന്നു...." ഞാൻ പറഞ്ഞത് മനസ്സിലാവാതെ വിക്രം എന്നെ നോക്കിയപ്പോ ഗൗതം അവനെ നോക്കി അവിഞ്ഞ ഇളി പാസാക്കി.... "ഇന്ന് രാവിലെ ദിയയും എന്തോ ഒന്ന് പറഞ്ഞിരുന്നു....പക്ഷെ എനിക്ക് കാര്യമായി മനസിലായില്ല...." "ഹാ.....നമ്മുടെ ഗൗതമും അനുവും മുടിഞ്ഞ പ്രേമത്തിൽ ആണെടാ...." "നേരാണോടാ....?" എന്ന് വിക്രം ചോദിച്ചപ്പോ ഗൗതം ആണെന്നും അല്ലെന്നും തലയാട്ടി.... "എന്നിട്ട് നിനക്ക് ഞങ്ങളോട് ഒരു വാക്ക് പറയാൻ തോന്നിയോടാ...."

"എടാ.... ഞാൻ പറയാൻ വിചാരിച്ചതാണ്....പക്ഷെ മിനിഞ്ഞാന്ന് രാത്രി വരെ നിങ്ങൾ രണ്ടും കണ്ടാൽ കീരിയും പാമ്പും ആയിരുന്നല്ലോ.... അപ്പൊ നിങ്ങളുടെ പ്രോബ്ലം ഒരുവിധം സോൾവ് ആയാൽ പറയാമെന്ന് കരുതി..." "ഇതൊന്നും ഒരു എക്സ്ക്യൂസ് അല്ല മോനെ.....ദീക്ഷി,,,,ഇതിന് ഇവനൊരു പണിഷ്മെന്റ് വേണ്ടേ ...?" "പിന്നെ വേണ്ടേ....? ഒരു കാര്യം ചെയ്യ്.... എന്തായാലും ഇന്നത്തെ ഡിന്നർ ഇവന്റെ വക ആയിക്കോട്ടെ.....വെറും ഡിന്നർ പോരാ....നല്ലൊരു ഹെവി ഡിന്നർ തന്നെ ആയിക്കോട്ടെ....അല്ലെടാ...." "പിന്നല്ല....പെട്ടെന്ന് ഓഡർ ചെയ്യ് ..." "മഹാപാപി....നിനക്കൊക്കെ ഞാൻ വെച്ചിട്ടുണ്ട്....." എന്ന് പറഞ്ഞു അവൻ ഫോണ് എടുത്തപ്പോ ഞാനും വിക്രമും ചിരി അടക്കി പിടിച്ചു.... 🔹🔹🔹🔹🔹🔹🔹🔹🔹🔹🔹🔹🔹🔹 "എന്തായെടാ....? അവൻ നാട്ടിൽ വരുമെന്ന് പറഞ്ഞോ....?" "ആഹ്....വരുമെന്ന് പറഞ്ഞു.... തന്തപ്പടി വിളിച്ചാൽ അവൻ ഇല്ലെന്ന് പറയില്ല...." "ഇനിയിപ്പോ അവൻ വന്നാൽ എന്താ നിന്റെ പ്ലാൻ...." "മുന്നേ പറഞ്ഞത് തന്നെ,,,,അവനെ ഒന്നും അറിയിക്കാതെ തന്നെ എല്ലാം എന്റെ പേരിലേക്ക് മാറ്റണം.... അതൊക്കെ കിട്ടി കഴിഞ്ഞാൽ പിന്നെ അവനെ എന്ത് വേണമെന്ന് എനിക്കറിയാം....അവനെ മാത്രമല്ല,,,, അവന്റെ ആ ദീക്ഷിയെയും.... പിന്നെ,,,,രണ്ടും തമ്മിൽ ഇപ്പൊ ശത്രുക്കൾ ആയത് കൊണ്ട് വരുമ്പോൾ അവൻ തനിച്ച് മാത്രമേ ഉണ്ടാവൂ..... അതുകൊണ്ട് അതിന് ശേഷം തീരുമാനിക്കാം മറ്റവനെ എന്ത് വേണമെന്ന്....എന്തായാലും രണ്ടും കുറെ അനുഭവിക്കും....അവന്മാർ കളിച്ചിരിക്കുന്നത് ഈ വിവേകിനോട് ആണ്......" എന്ന് പറഞ്ഞു കൊണ്ട് ഗ്ലാസ്സിൽ ഉള്ള മദ്യം അവൻ വായിലേക്ക് ഒഴിച്ചു.............................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...