💕തട്ടത്തിന്മറയത്ത് 💕 : ഭാഗം 5

രചന: റഫീന മുജീബ്

 "കർത്താവേ... ഇത് നമ്മുടെ സറാണോ അപ്പോൾ നീ സാറിനെയാണോ " ടാ" എന്ന് വിളിച്ചേ ഐനു സംശയത്തോടെ റിച്ചുവിനെ നോക്കി. റെയ്ച്ചലിന്റെ മുഖം കണ്ട് ഐനുവിനു ചിരി വന്നു. ഏതാണ്ട് കളഞ്ഞു പോയ അണ്ണാനെ പോലെയുണ്ട്. ഇറങ്ങി ഓടിയാലോ എന്നുവരെ അവൾ ചിന്തിക്കുന്നുണ്ടാവുമെന്ന് ഐനുവിനറിയാം. അയാൾ സാർ ആണെന്നുള്ള കാര്യം നന്ദുവിനും അറിയില്ല തോന്നുന്നു, അവളുടെ മുഖവും ഏതാണ്ട് അതുപോലെ തന്നെയുണ്ട്. ക്ലാസ്സിലേക്ക് കൊള്ളാവുന്ന ഒരു സാറ് വന്നാൽ പിന്നെ പറയേണ്ടതില്ലല്ലോ...? സകല എണ്ണത്തിന്റെയും ഉള്ളിൽ ഉറങ്ങിക്കിടന്ന കോഴി എഴുന്നേറ്റ് നിന്ന് കൂവാൻ തുടങ്ങി. എല്ലാ എണ്ണവും വായും പൊളിച്ച് നോക്കുന്നുണ്ട്. പക്ഷെ അയാൾ വായ തുറന്നതും പുറമേ കാണുന്ന ഭംഗിയേ ഉള്ളൂ അയാൾക്ക് എന്ന് എല്ലാവർക്കും മനസ്സിലായി. ഞാനാണ് നിങ്ങളുടെ ക്ലാസ്സ്‌ ചാർജുള്ള ആൾ, അതിൽ കൂടുതൽ നിങ്ങൾക്ക് എന്നെ കുറിച്ചും എനിക്ക് നിങ്ങളെ കുറിച്ചും അറിയേണ്ടതില്ല.

ഞാനിവിടെ പഠിപ്പിക്കാനാണ് വരുന്നത്, നിങ്ങൾ ഇവിടെ പഠിക്കാനും, ഞാൻ എന്റെ ഡ്യൂട്ടി ഭംഗിയായി നിർവഹിക്കും, നിങ്ങളും നിങ്ങളുടെ ഡ്യൂട്ടി നിർവഹിക്കണം, അതെനിക്ക് നിർബന്ധമാണ്. പിന്നെ എല്ലാ അധ്യാപകരും പറയുന്നതുപോലെ എന്റെ ക്ലാസ് ഇഷ്ടമുള്ളവർ ഇരുന്നാൽ മതി എന്ന് ഞാൻ പറയില്ല, എന്റെ ക്ലാസ്സിൽ ഇഷ്ടത്തോടെ എല്ലാവരും ഇരിക്കണം, അല്ലെങ്കിൽ ഇരുത്താൻ എനിക്കറിയാം, പഠിക്കാൻ ആണ് വരുന്നത് അപ്പോൾ പടിക്കൽ നിർബന്ധമാണ്, അല്ലാത്തവർ ഇങ്ങോട്ട് വരേണ്ടതില്ല, ഒത്തിരി പേർ അവസരം കിട്ടാതെ പുറത്തു നിൽപ്പുണ്ട് അവരിലേക്ക് കൈ മാറിക്കോളാം അയാൾ ഗൗരവം വിടാതെയാണ് ഓരോ വാക്കും പറയുന്നത്. കുറച്ചു സമയം കൊണ്ട് തന്നെ എല്ലാവരുടെയും ഉള്ളിൽ അയാളോടുള്ള ഭയം നിറഞ്ഞു റിച്ചു ഇയാൾ ചാക്കോ മാഷേ ആരെങ്കിലുമാണോ ടീ...? ഐനു സംശയത്തോടെ ചോദിച്ചു. അറിയില്ല വേണമെങ്കിൽ ഞാൻ ചോദിച്ചു നോക്കാം,

റിച്ചു അവളെ നോക്കി ഒന്ന് കണ്ണിറുക്കി എണീക്കാൻ തുനിഞ്ഞതും ഐനു അവളെ വട്ടം പിടിച്ച് അവിടെ തന്നെ ഇരുത്തി. അഭിയുടെ യും കിച്ചുവിന്റെ യും ദയനീയ നോട്ടം കണ്ടു റെയ്ച്ചലിന് ചിരി വന്നു. മുന്നിൽ നിൽക്കുന്ന ആളെ പേര് പോലും ആർക്കുമറിയില്ല, അയാൾക്കത് പറയണമെന്നും ഇല്ല, മറ്റുള്ളവരുടേത് അറിയണമെന്നും ഇല്ല. നിൽപ്പ് കണ്ടാൽ തോന്നും അയാളെ മുൻപ് തല്ലിക്കൊന്നത് ഈ ക്ലാസിലെ കുട്ടികൾ ആണെന്ന് റെയ്ച്ചൽ ഐനുവിന്റെ ചെവിയിൽ പറഞ്ഞു. നിനക്ക് ആളെ പേര് അറിയാഞ്ഞിട്ട് ഇപ്പോൾ എന്താ...? ഒന്നടങ്ങി ഇരി റെയ്‌ച്ചലേ ഐനു കൃത്രിമ ദേഷ്യത്തോടെ പറഞ്ഞു. ഞാനങ്ങനെ അടങ്ങിയിരിക്കില്ല, എന്റെ സ്വപ്ന പുരുഷനാണ് കണ്മുൻപിൽ നിൽക്കുന്നത്, അപ്പോൾ അയാളെ കുറിച്ച് കൂടുതൽ അറിയാൻ എനിക്ക് താല്പര്യം ഉണ്ടാവില്ലേ...? റെയ്‌ച്ചൽ ശബ്ദംതാഴ്ത്തി പറഞ്ഞു. നിന്റെ സ്വപ്ന പുരുഷനോ...? അതൊക്കെ എപ്പോ...? ഐനു അത്ഭുതത്തോടെ ചോദിച്ചു.

അതൊക്കെയുണ്ട്, എന്റെ സ്വപ്നത്തിൽ വന്ന ആ രാജകുമാരൻ ഇതാണ്, റിച്ചു ഒരു പുഞ്ചിരിയോടെ അയാളെ നോക്കി പറഞ്ഞു. മാതാവേ ആ ചുംബന വീരനോ ഐനു സംശയത്തോടെ ചോദിച്ചു. അതേ അതു തന്നെ റെയ്‌ച്ചൽ വല്ല്യ ഗമയിൽ പറഞ്ഞു. അവളുടെ ഭാവം കണ്ട് ഐനുവിനു ചിരി വന്നു. നടന്നത് തന്നെ അവളെ നോക്കി ഐനു ചിരി അടക്കിപ്പിടിച്ചുകൊണ്ട് പറഞ്ഞു. എന്താ നടക്കാത്തെ നീ കണ്ടോ ഞാൻ അങ്ങേരോട് സംസാരിക്കുന്നത് എന്ന് പറഞ്ഞ് റിച്ചു എഴുനേൽക്കാൻ തുടങ്ങിയതും എക്സ്ക്യൂസ്‌മി സാർ എന്ന ശബ്ദം കേട്ട് അവളടക്കം എല്ലാവരും പുറകിലേക്ക് തിരിഞ്ഞു നോക്കി . അയാളും ശബ്ദം കേട്ട് തിരിഞ്ഞു നോക്കി. അത്യാവശ്യം തരക്കേടില്ലാത്ത ഒരു കുട്ടി. സാറിന്റെ പേര് പറഞ്ഞില്ല, സാർ മാരീഡ് ആണോ ഒരു കൂസലും ഇല്ലാതെ അവൾ ചോദിച്ചു. അത് കേട്ടതും അയാളുടെ മുഖം ദേഷ്യത്താൽ ചുവന്നു തുടുത്തു. തീർന്നു നീ തീർന്നു സാറിന്റെ മുഖം കണ്ടതും നന്ദന പതിയെ പറഞ്ഞു. തനിക്ക് എന്താണ് എന്റെ പേര് അറിഞ്ഞിട്ട്, എഴുതുന്ന എക്സാമിൽ സാറിന്റെ പേര് കൂടി ചേർക്കണം എന്നുണ്ടോ,

പിന്നെ ചില പെൺകുട്ടികൾക്ക് ഓവർ സ്മാർട്ട് ആകുന്നത് വളരെ ഇഷ്ടമാണ്, ആ അടവ് എന്നോട് എടുക്കേണ്ട, നിന്നെപ്പോലെയുള്ള കുറെ എണ്ണത്തിനെ ഞാൻ കണ്ടിട്ടുണ്ട് എല്ലാവരുടെയും മുമ്പിൽ ഷൈൻ ചെയ്യാൻ വേണ്ടി എന്തും കേറി പറയുന്നവർ, മേലിൽ ഇത് എന്നോട് ആവർത്തിക്കരുത്. അയാൾ വായിൽ വന്നതൊക്കെ പറയുന്നുണ്ട്. ഐനു ഒരു ഇളം ചിരിയോടെ റെയ്ച്ചലിനെ നോക്കി. റെയ്‌ച്ചൽ അവളുടെ കളിയാക്കൽ കണ്ട് ദേഷ്യത്തോടെ തലകൊണ്ട് എന്താ എന്നുള്ള അർത്ഥത്തിൽ ആംഗ്യം കാണിച്ചു. നിന്റെ രാജകുമാരനെ കണ്ടപ്പോൾ എനിക്ക് കാലകേയനെ ഓർമ്മ വരുന്നെടീ റെയ്‌ച്ചൽ ചിരി അടക്കിപ്പിടിച്ചു പറഞ്ഞു. നീ ഒന്ന് പോടി ഇങ്ങനെ പൊട്ടിതെറിക്കുന്നവരുടെ ഉള്ളു ശാന്തമായിരിക്കും, മ്മ് മ്മ് നല്ല ശാന്തമായിരിക്കും വെട്ടുപോത്തിനെ കണ്ടാലറിയാം ശാന്തമായ ഒരു മനസ്സിന്റെ ഉടമയാണെന്ന് അവൾ ചിരിയടക്കാൻ പാടുപെട്ടു കൊണ്ട് പറഞ്ഞു.

നീ കണ്ടോ ടീ നിന്നെ കൊണ്ടിത് ഞാൻ മാറ്റിപ്പറയിപ്പിക്കും. റെയ്‌ച്ചൽ ഇത്തിരി ഗൗരവത്തോടെ പറഞ്ഞു. പാറയിപ്പിക്കണെ ഐനു പറഞ്ഞത് കേട്ട് അവൾ ഐനുവിന് നേരെ ചിറികോട്ടി മുഖം തിരിച്ചിരുന്നു. ക്ലാസ്സിലെ എല്ലാകുട്ടികളും ഒറ്റ നിമിഷം കൊണ്ട് നിശബ്ദരായി, ഏതോ ഡ്രാക്കുള കോട്ടയിൽ ഇരിക്കുന്നത് പോലെ എല്ലാവരുടെ മുഖത്തും ദയനീയ അവസ്ഥ. ആ ഹവർ തീർന്നെന്നുള്ള അറിയിപ്പുമായി മണിനാദം മുഴങ്ങിയപ്പോഴാണ് എല്ലാവരും ഒന്ന് ശ്വാസം വിട്ടത്. എല്ലാവരെയും ഒന്ന് അമർത്തി നോക്കി അയാൾ ക്ലാസ്സിൽ നിന്നും ഇറങ്ങിപ്പോയി. ഒരു രാക്ഷസൻ ഇറങ്ങിപ്പോയ പ്രതീതിയായിരുന്നു എല്ലാവർക്കും. അയാൾ പോകുന്നത് നോക്കി എല്ലാവരും ഇരുന്നു. ഇപ്പോ വരാം ഐനുവിനെ നോക്കി ഒന്ന് കണ്ണടച്ച് കാണിച്ച് റിച്ചു അയാൾക്ക് പുറകെ വച്ചുപിടിച്ചു. ഹേയ് ഒന്നു നിൽക്കണേ..... തന്റെ പുറകിൽ നിന്നുള്ള ആ ശബ്ദം കേട്ട് അയാൾ തിരിഞ്ഞു നോക്കി. ഓടിക്കിതച്ചുവന്ന റെയ്ച്ചലിനെ അയാൾ സംശയത്തോടെ നോക്കി. ഞാൻ ഒരു കാര്യം പറയാൻ വന്നതാണ് അവൾ കിതച്ചുകൊണ്ട് പറഞ്ഞു. അയാൾ എന്താ എന്ന അർത്ഥത്തിൽ അവളെ നോക്കി. ഐ ലവ് യു...... അവളിൽ നിന്നു വീണ വാക്കുകൾ കേട്ട് അയാൾ ദേഷ്യത്തോടെ അവളെ നോക്കി.....  (തുടരും )

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...