💔 വിമോചിത 💔: ഭാഗം 10

രചന: AVANIYA

മനസ്സ് എത്ര ശ്രമിച്ചിട്ടും പിടിച്ചു നിർത്താൻ ആകുന്നില്ല എന്ന് മനസിലായതും അവള് തന്റെ ഫോൺ എടുത്ത് ഒരു നമ്പറിലേക്ക് വിളിച്ചു..... കോൺടാക്റ്റ് name കണ്ടതും അവളുടെ ചുണ്ടിൽ ഒരു പുഞ്ചിരി വിരിഞ്ഞു..... തന്റെ ഉള്ളിലുള്ള അഗ്നിക്ക് ഒരു പരിധി വരെയുള്ള പരിഹാരം..... Sakhaav ❤️ 2 റിംഗ് അടികുന്നതിന് മുന്നേ അപ്പുറത്ത് ഫോൺ അറ്റൻഡ് ചെയ്തിരുന്നു..... " സഖാവേ...... " " എന്താ പെണ്ണേ..... വയ്യേ സ്വരം ഒക്കെ വല്ലാതെ.... " " മനസ്സിന് ഒരു സുഖമില്ല സഖാവേ.... " " എന്ത് പറ്റി എന്റെ പെണ്ണിന് " " അഞ്ജലി..... അവള് ഇത്രയ്ക്ക് ക്രൂര ആയിരുന്നോ സഖാവേ..... " " ഓരോരുത്തരും അവരവരുടെ സ്വാർത്ഥ താല്പര്യങ്ങൾക്ക് അടിമകൾ അല്ലേ ആദി..... " " പക്ഷേ അതിനായി ജീവനായി കണ്ട സുഹൃത്തിനെ ചതിക്കാൻ ആർക്കെങ്കിലും പറ്റുമോ... " " പറ്റും ആദി.... അത്രക്ക് ദുഷിച്ച മനസ്സാണ് ഇന്നത്തെ മനുഷ്യരുടെ...... " " സഖാവേ..... എന്തിനാ അവള് ഇത് ചെയ്തത് എന്ന് അറിയുമോ.... " " എന്തിനാട " " നിങ്ങൾക്ക്.... നിങ്ങൾക്ക് വേണ്ടിയാണ് മനുഷ്യ.... അവള്..... " പറയുമ്പോൾ അവളുടെ വാക്കുകൾ ഇടറിയിരുന്നു..... " മ്മ് " ഒരു മൂളൽമാത്രം ആയിരുന്നു മറുപടി..... " ആദി..... " " എന്താ സഖാവേ..... " " ഞാൻ നമ്മുടെ സ്ഥലത്ത് ഉണ്ട്.... വാ.... " " മ്മ്..... " അവള് ഉടനെ ഫോൺ കട്ട് ചെയ്തു ബുള്ളെട്ടിന്റെ കീയും എടുത്ത് പുറത്തേയ്ക്ക് പോയി.... ആ യാത്ര ചെന്ന് അവസാനിച്ചത് പച്ചപ്പ് നിറഞ്ഞ ഒരു ഇടത്ത് ആയിരുന്നു...... രാത്രി ആയതിനാൽ വല്ലാത്ത നിലാവ് ആയിരുന്നു.....

നിറഞ്ഞു നിൽക്കുന്ന പച്ചപ്പിന് മുകളിൽ വീഴുന്ന നിലാവെളിച്ചത്തിൽ അവയുടെ ഭംഗി ഇരട്ടിച്ചു..... അവിടെ ഒരു ബെഞ്ചിൽ അവൻ ഉണ്ടായിരുന്നു...... അവളുടെ മാത്രം സഖാവ് അഭിമന്യു❤️ അവളെ കണ്ടതും അവൻ കൈകൾ വിരിച്ച് പിടിച്ചിരുന്നു..... തള്ളപക്ഷിയുടെ ചിറകിലേക് ഒതുങ്ങി കൂടുന്ന ഒരു കുഞ്ഞിനെ പോലെ അവള് അവന്റെ കൈകളിൽ ഒതുങ്ങി..... അവള് അവനെ മുറുക്കി കെട്ടിപിടിച്ചു..... അവൻ പതിയെ അവളുടെ തലയിൽ തടവി കൊണ്ടിരുന്നു..... ആ സ്പർശനത്തിൽ ഉണ്ടായിരുന്നത് കാമം ആയിരുന്നില്ല പ്രണയം ആയിരുന്നില്ല മറിച്ച് കരുതൽ ആയിരുന്നു വാത്സല്യം ആയിരുന്നു.... " സഖാവേ..... തോറ്റ് പോകുമോ ഞാൻ..... " " നീതി മാത്രേ എന്നും ജയിക്കു ആദി..... നീതി മാത്രം.... നീയാണ് ആ നീതി..... പിന്നെ തോൽക്കുമെന്ന് എന്തിന് ഭയം..... " " പക്ഷേ സഖാവേ തളർന്നു പോകുന്ന പോലെ.... കുഞ്ഞി.... അവള് എനിക് എന്റെ അനിയത്തിയെ പോലെ ആയിരുന്നു.... അഞ്ജലിയും അത് പോലെ തന്നെ ആയിരുന്നില്ലേ.... എന്നിട്ടും " " അയ്യേ എന്റെ പെൺപുലി തളരുകയോ..... എന്താ ഇൗ പറയണേ.... ആദി അതൊക്കെ വിട്ടേക്ക്..... കുറച്ച് നേരം മൈൻഡ് ഫ്രീ ആക്കു.... അവിടെ ഞാൻ മാത്രം മതി.... നിന്റെ സഖാവ് മാത്രം❤️ " " മ്മ്.... "

" സത്യം കണ്ട് പിടിക്കാൻ ഇറങ്ങുമ്പോൾ പലപ്പോഴും സ്വന്തമെന്ന് കരുതുന്നവർ തന്നെ എതിരാളികൾ ആയി വന്നേക്കാം..... പക്ഷേ ആ ജോൺ പപ്പയുടെ പെൺ പുലി തളരരുത്...... " അത് കേട്ടപ്പോൾ അവൾക്ക് തന്റെ പപ്പയെ ഓർമ വന്നു.... എന്ത് ഉണ്ടായാലും സത്യത്തിന്റെ ഭാഗം മാത്രം നില്ക്കണം എന്ന് പഠിപ്പിച്ച പപ്പയുടെ മുഖം.... അത് അവളിൽ വല്ലാത്തൊരു ഊർജം നിറച്ചു..... " ആദി.... കുഞ്ഞിക് നീതി ലഭിക്കണം എങ്കിൽ അത് നിനക്ക് മാത്രേ ആവൂ.... കണ്ടെത്തണം എല്ലാം.... " " സഖാവേ..... ഇൗ ആദി വാക്ക് തരുന്നു.... നീലുവിന് നീതി കിട്ടും അതിനായി ഏത് അറ്റം വരെയും ഞാൻ പോവും.... " " മ്മ് ഇനി അടുത്ത സ്റ്റെപ്പ് എവിടെയാ ജീവൻ ആണോ... അതോ മറ്റെന്തെങ്കിലും " " ജീവനെ പൂട്ടാൻ തക്ക തെളിവ് ഒന്നും കിട്ടിയിട്ടില്ല.... ഏതെങ്കിലും case കിട്ടിയാൽ മതി.... അവനെ പൊക്കാം..... " " പക്ഷേ അവൻ ഒളിവിൽ അല്ലേ.... എങ്ങനെ കണ്ടെത്തും.... എവിടെ ആണെന്ന് കരുതിയാണ്...... " അതിനു അവള് വന്യമായ രീതിയിൽ ഒന്ന് ചിരിക്കുക മാത്രമാണ് ചെയ്തത്.... " ആദി.... കുഞ്ഞിയുടെ വീട്ടിൽ..... അവിടെ അന്വേഷിക്കുന്നില്ലേ..... " " മ്മ് പോണം.... മകളേക്കാൾ അഭിമാനത്തിന് വില കൊടുകുന്ന മനുഷ്യ ജന്മം പൂണ്ട മറ്റെന്തോ ജീവികളെ കാണണം എനിക്.... "

അവളിൽ അമർഷം നിറഞ്ഞിരുന്നു.... പക്ഷേ അത് കേട്ടപ്പോൾ എന്ത് കൊണ്ടോ അഭിയുടെ ഉള്ളിൽ ഒരു വേദന തോന്നി..... അവനു ഒരു ദിവസം ഡിജിപി സർ തന്നെ രഹസ്യമായി കണ്ട് പറഞ്ഞ കാര്യം ഓർമ വന്നു.... അത് ഓർത്ത് അവൻ പതിയെ ഒന്ന് നിശ്വസിച്ചു..... " സഖാവേ..... പോവണ്ടെ.... " " പോണോ.... " ചെറിയൊരു കുസൃതി ഉണ്ടായിരുന്നു ആ വാക്കുകളിൽ.... " ദ്ദേ എന്റെ പുന്നാര അമ്മയമ്മ ഇപ്പൊ തന്നെ എന്റെ 2 വട്ടം വിളിച്ച് കഴിഞ്ഞു മകൻ വീട്ടിൽ എത്തിയില്ല പറഞ്ഞു.... " " ഒാ ഇൗ അമ്മ എന്നെ നാണം കെടുത്തും " അത് കേട്ടതും അവള് ഒന്ന് ചിരിച്ചു..... " എന്ന ശെരി ഞാൻ പോണ്.... നീ കൊട്ടേഴ്‌സിലേക് അല്ലേ.... " " അതേ മാഷേ.... " " എങ്കിൽ എന്റെ മോൾ ചെല്ല്.... വെറുതെ മഞ്ഞ് കൊള്ളണ്ട..... " " ആയിക്കോട്ടെ തംബ്ര..... " " പോടി..... " അത് കേട്ടതും അവള് ഉടനെ തന്റെ വണ്ടിയും എടുത്ത് പോന്നു..... വരുന്ന വഴിക്ക് അവളുടെ മനസ്സിൽ ഉണ്ടായിരുന്നത് അഭിമന്യു എന്ന അവളുടെ മാത്രം സഖാവ്❤️ ആണ്..... ( ആദിയുടെ ഫ്ലാഷ് ബാക്ക് ആണ്.... )

+2 വിന് പഠിക്കുമ്പോൾ ആണ് ആദ്യമായി തീപ്പൊരി സഖാവ് മാധവൻ മാഷിന്റെ പ്രസംഗം കേൾക്കുന്നത്..... അന്ന് രോമം ഒക്കെ എഴുന്നേറ്റ് നില്കുന്നത് പോലെയാണ് തോന്നിയത്..... പിന്നീട് ഒരു തരം ഭ്രാന്തമായ ആരാധന ആയിരുന്നു ആ മനുഷ്യനോട്..... അദ്ദേഹം പങ്ക് വെച്ച കമ്മ്യൂണിസ്റ്റ് എന്ന ആശയത്തോട്..... അദ്ദേഹത്തെ പറ്റി ഒരുപാട് അന്വേഷിച്ചപ്പോൾ ആണ് പുള്ളി ലോ കോളേജ് പ്രൊഫസർ ആണെന്ന് അറിഞ്ഞത്..... അവിടെ ചേരാൻ ആഗ്രഹം ഉണ്ടായിരുന്നു എങ്കിൽ പിന്നീട് പപ്പയുടെ വാക്കുകൾക്ക് വില നൽകി അത് മഹാരാജാസ് കോളേജിലേക് മാറി.... ചെങ്കോട്ട എന്നതാണ് മഹാരാജാസ് എന്നതിനേലും നല്ല പേര്..... എസ്എഫ്ഐ പാർട്ടിയുടെ കുത്തക അതായിരുന്നു അവിടം..... എന്റെ അടങ്ങാത്ത ആഗ്രഹം കൊണ്ട് മാധവൻ സാറുമായി പെട്ടെന്ന് കൂട്ടായി 2 കോളേജ് ആയിരുന്നെങ്കിൽ പോലും.... അവിടെ ഞാൻ മറ്റൊരു വിഭാഗം ആളുകളെ കണ്ടറിഞ്ഞു.... സഖാക്കൾ..... നെഞ്ചിലെ തീ കൊണ്ട് കൈകൾ കൂട്ടി പിടിച്ച് വാക്കുകൾക്ക് മൂർച്ച കൂട്ടുന്ന സഖാക്കൾ..... ........( തുടരും )

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...