💔 വിമോചിത 💔: ഭാഗം 18

രചന: AVANIYA

അടുത്ത പേജിന്റെ മുകൾ ഭാഗത്ത് ആയി വലിയ അക്ഷരങ്ങളിൽ അവളുടെ പ്രാണനാഥന്റെ പേരുകൾ എഴുതിയിരുന്നു..... * ❤️ ജോയിച്ചൻ ❤️ പ്രണയം എന്ന മൂന്നക്ഷരങ്ങളുടെ ജാലവിദ്യ എന്നെ പഠിപ്പിച്ച മാന്ത്രികൻ...... വേദനകളെ വെറും വാക്കുകൾ കൊണ്ട് സുഖപെടുത്തിയ വൈദ്യൻ.... നേരിൽ കാണാതെ പോലും ഒരാളെ ഇത്രമേൽ പ്രണയിക്കാം എന്ന് എന്നെ പഠിപ്പിച്ച അധ്യാപകൻ.... വെറും കാമമാണ് പ്രണയമെന്ന് തെറ്റിദ്ധരിച്ച ഇന്നത്തെ തലമുറയിൽ ഒരു വൈര്യം..... ❤️എന്റെ ജോയിച്ചൻ ❤️ അതിനു താഴെ ഒരു കഥ പോലെ അവളുടെ ജോയിച്ചനെ പറ്റി പറഞ്ഞിട്ട് ഉണ്ട്.... കോളജിൽ പോകുന്നതിനു മാസങ്ങൾക്ക് മുമ്പാണ് ഏട്ടൻ വന്നപ്പോൾ എനിക് ഒരു സമ്മാനം തന്നത് ഒരു മൊബൈൽ ഫോൺ....

അപ്പുവിന് ഇത് അച്ഛൻ പണ്ടെ വാങ്ങി നൽകിയത് ആണെങ്കിലും എനിക് ഇത് വാങ്ങി തന്നില്ല.... അതിനു ഏട്ടൻ ജോലിക്ക് പോകേണ്ടി വന്നു.... അപ്പുവിന്റെ ഫോണിന്റെ വില വെച്ച് നോക്കുമ്പോൾ വളരെ കുറവ് ആണെങ്കിൽ പോലും.... എന്റെ ഏട്ടന്റെ സമ്മാനം അത് എനിക് വിലമതിക്കാൻ ആവാത്ത ഒന്ന് തന്നെ ആയിരുന്നു.... അത് കൊണ്ട് പൊന്നു പോലെ ആണ് ഞാൻ അത് കണ്ടത്..... ഫോണിൽ ഒട്ടുമിക്യ എല്ലാ ആപ്പ്‌സും installed ആയിരുന്നു.... Fb യും മറ്റും ഉണ്ടായിരുന്നു.... ആദ്യം ഒരു പേടി ആയിരുന്നു എങ്കിലും പിന്നീട് സൂക്ഷിച്ചാൽ കുഴപ്പമില്ല എന്ന വാക്കുകൾ കേട്ട് ഞാൻ ഫേസ്ബുക്ക് ഇൻസ്റ്റാഗ്രാം sharechat എന്നിവയിൽ ഓരോ അക്കൗണ്ട് തുടങ്ങി.... ഒന്നിലും ഫോട്ടോസ് ഒന്നും ഇടരുത് എന്ന ഏട്ടന്റെ കർശന നിയന്ത്രണം പാലിച്ച് കൊണ്ട് തന്നെ ആയിരുന്നു

ഞാൻ എല്ലാം ചെയ്തത്.... മനസ്സിൽ തോന്നുന്ന വാചകങ്ങളും മറ്റും ആയി എന്റെ പോസ്റ്റുകൾ നീണ്ടു..... ഇതിനിടയിൽ കോഴികളുടെയും ഞെരമ്പ്‌ രോഗികളുടെയും ശല്യം കൊണ്ട് ഇൻബോക്സ് നിറഞ്ഞു എങ്കിലും അതിൽ കവിഞ്ഞ് കുറച്ച് നല്ല സൗഹൃദങ്ങളും സാഹോദര്യ ബന്ധങ്ങളും അവൾക്ക് അതിൽ നിന്ന് ലഭിച്ചിരുന്നു... അങ്ങനെ ഒരു ദിവസം എനിക് sharechat ഇൽ നിന്നും ഒരു അക്കൗണ്ടിൽ നിന്ന് ഒരു മെസ്സേജ് വന്നു.... കൂട്ടിൽ അകപെട്ട ഒരു പക്ഷിയെ തുറന്നു വിടുന്ന ഒരു പ്രൊഫൈൽ ചിത്രം ആയിരുന്നു.... അക്കൗണ്ടിന്റെ പേര് The Liberator.... എന്തോ അത് കണ്ടപ്പോൾ അവളുടെ ജീവിതവുമായി ഒരു ബന്ധം തോന്നിയത് കൊണ്ടോ എന്തോ കൗതുകം കൊണ്ടോ അവള് അതിനു തിരിച്ച് മറുപടി കൊടുത്തു......

അങ്ങനെയാണ് അവൾക്ക് തന്റെ നാട്ടിൽ നിന്നും കിലോമീറ്ററുകൾ അകലെ ഉള്ള അവനുമായി പരിചയം ഉണ്ടാകുന്നത്.... പക്ഷേ അവള് അറിഞ്ഞില്ല അവൻ തന്റെ ജീവന്റെ ഭാഗമായി മാറുമെന്ന്..... അവളുടെ മാത്രം ജോയിച്ചൻ ആയി മാറുമെന്ന്..... പതിയെ പതിയെ അവർ തമ്മിൽ അഗാധമായ ഒരു സൗഹൃദം സംസ്ഥാപിതമായി.... ഇത് വരെ കാണാത്ത ഒരാള് ആയിട്ട് പോലും അവൾക്ക് എന്ത് കൊണ്ടോ അവനിൽ വല്ലാത്ത ഒരു വിശ്വാസം ഉണ്ടായി..... എന്തും തുറന്നു പറയാം എന്നൊരു രീതിയിൽ ഉള്ളൊരു സൗഹൃദം അവനുമായി ഉണ്ടായി.... ഒരിക്കലും ആരുമായും പങ്കുവെക്കാൻ ആഗ്രഹികാതിരുന്ന പല കാര്യങ്ങളും അവള് അവനുമായി പങ്ക്‌ വെച്ചു....

അവൻ അവയെല്ലാം കേൾക്കുകയും അവളെ ആശ്വസിപ്പിക്കുകയും അവളുടെ തെറ്റുകൾ തിരുത്തി കൂടെ നിൽക്കുകയും ചെയ്തു.... ആ വീടിലെ ഓരോ വ്യക്തികളെയും അവൻ അവളുടെ വാക്കുകളിലൂടെ അറിഞ്ഞു..... സത്യത്തിൽ വല്ലാത്ത അമർഷം തോന്നിയിരുന്നു അവനു അവരോട് ഒക്കെ..... ഇത്രയൊക്കെ സംഭവിച്ചത് വെറും 1 മാസം കൊണ്ട് ആയിരുന്നു.... അത്രമേൽ അവർ അടുത്തിരുന്നു..... പാവം ആയി കരഞ്ഞു കൊണ്ട് ഇരിക്കുക അല്ല മറിച്ച് പ്രശ്നങ്ങളിൽ തളരാതെ പതറാതെ സ്വന്തം സുരക്ഷക്ക് ആയി എന്തും ചെയ്യണം എന്ന് അവൻ അവളെ പഠിപ്പിച്ചു..... അതിനുശേഷം ഞാൻ സ്വയം ശക്തയാവാൻ ശ്രമിച്ചു.... ഉള്ളിൽ ആ പഴയ നിഷ്കളങ്കത ഉണരുമ്പോളും അതെല്ലാം മാറ്റി വെച്ച് എന്തിനും പോന്ന ഒരു കരുത്തുറ്റ സ്ത്രേയാവാൻ ഞാൻ ശ്രമിച്ചു....

അതിനു വിജയം കണ്ടെന്ന് മനസിലായത് തനിക്ക് നേരെ വന്ന ദക്ഷന്റെ തലക്ക് ഒന്ന് കൊടുത്തപ്പോൾ ആണ്.... അതോടെ വീട്ടുകാർ എന്നെ പഠിപ്പിക്കാൻ തീരുമാനിച്ചു.... ഉദ്ദേശം വീട്ടിൽ നിന്നും എന്നെ ഒഴിവാക്കുക എന്നത് തന്നെ ആയിരുന്നു.... കോളേജ് തിരഞ്ഞെടുത്തതും ജോയിച്ചന്റെ നിർദ്ദേശ പ്രകാരം ആയിരുന്നു..... എന്നത്തേയും പോലെ ആ തീരുമാനവും തെറ്റിയില്ല.... പക്ഷേ എപ്പോഴാണ് സൗഹൃദം പ്രണയത്തിന് വഴി മാറിയത് എന്ന് അറിയില്ല.... പക്ഷേ എന്നോ എന്റെ ജീവൻ ആയി അദ്ദേഹം മാറിയിരുന്നു.... എന്റെ സാഹചര്യം മനസ്സിലാക്കി കൊണ്ട് ഒരിക്കൽ പോലും പ്രശ്നങ്ങൾ ഉണ്ടാകാത്ത വിധം എന്നെ പ്രണയിച്ചു..... പ്രണയം എന്ന് മൂന്ന് വാകുകളോട് ബഹുമാനം തോന്നി പോകും വിധമായിരുന്നു എല്ലാം.....

പക്ഷേ ആ പ്രണയത്തിൽ ഞങ്ങൾ പല നിബന്ധനകളും വെച്ചു.... അത് പക്ഷെ 2 പേരുടെയും നന്മയ്ക്ക് ആയിരുന്നു..... ആരും അറിയാത്ത ആരോടും പറയാത്ത ആ നിശബ്ദ പ്രണയം.... പക്ഷേ ഒരാള് മാത്രം അത് അറിഞ്ഞു..... അല്ല കണ്ട് പിടിച്ചു..... അതിൽ അസാധാരണമായി ഒന്നും തോന്നിയില്ല കാരണം എന്നെ കുഞ്ഞി എന്ന് വിളിച്ച് എന്നെ നെഞ്ചിലേറ്റിയ ഏട്ടായിക്ക്‌ എന്നായാലും ഇൗ കുഞ്ഞിയുടെ പ്രണയം അറിയാനും അംഗീകരിക്കാനും ആകുമെന്ന് ഞങ്ങൾക്ക് ഉറപ്പായിരുന്നു....... * ഞെട്ടലോടെ ആണ് ആദി അവസാന വരികൾ വായിച്ച് നിറുത്തിയത്..... അഭി.... അവനു അറിയുമോ ജോയിചനെ കുറിച്ച്.... പക്ഷേ ഒരിക്കൽ പോലും അങ്ങനെ ഒരു പേരോ മറ്റും പറഞ്ഞിട്ട് ഇല്ല.... എന്തിനാവും അഭി തന്നിൽ നിന്നും ഇത് മറച്ചത്.... ഉത്തരം കിട്ടാത്ത ചോദ്യങ്ങൾ അവളുടെ ഉള്ളിലൂടെ കടന്നു പോയി...

. സംശയങ്ങളുടെ ഞെരിപ്പോട് അവളുടെ ഉള്ളിൽ ഉരുകുമ്പോഴും അവള് ആ പുസ്തകത്തിലെ അടുത്ത പേജിലേക്ക് ശ്രദ്ധ തിരിച്ചു..... അവിടെ കണ്ട വരികൾ അവളുടെ ഉള്ളിൽ സന്തോഷം തെളിയിച്ചു.... ഇരയെ കിട്ടിയ വേട്ടകാരനെ പോലെ അവ തിളങ്ങി..... പക്ഷേ അതെഴുതിയ നീലുവിന്റെ അവസ്ഥ അന്നേരം നിസ്സഹായത മാത്രം ആയിരുന്നു.... * ശപിക്കപ്പെട്ട ജന്മമാണ് എന്റേത്.... സന്തോഷം എന്താണെന്ന് അറിയിച്ചു കൊണ്ട് സങ്കടത്തിന്റെ പടു കുഴിയിലേക്ക് വലിച്ച് എറിയപെട്ട ശാപ ജന്മം.... നവിയും അപ്പുവും ഇത്രമേൽ അധപതിച്ചത് എപ്പോഴാണ്..... എന്നും അവർ എന്നെക്കാൾ മുന്നേ ആയിരുന്നില്ലേ.... പക്ഷേ എന്നിട്ടും..... തെറ്റാണ് അവരുടെ മാത്രം തെറ്റ്.... പക്ഷേ ഞാൻ നിസ്സഹായ ആണ്.... എല്ലാം അറിഞ്ഞിട്ടും ആരോടും ഒന്നും പറയാൻ പറ്റുന്നില്ല...... പക്ഷേ ഇന്ന് ഞാൻ ഒരു പടു കുഴിയിൽ ആണ്....

ജീവൻ വിരിച്ച ചതിയുടെ പടു കുഴിയിൽ..... വീഴാതെ നടക്കാൻ എനിക് ആകും പക്ഷേ അവിടെ എനിക് എന്റെ സഹോദരനെയും സഹോദരിയെയും നഷ്ടം ആകും..... അറിയില്ല എന്താ ചെയ്യേണ്ടത് എന്ന്.... കാണേണ്ടായിരുന്നു ആ കുട്ടിയെ..... സഹോദരനെ പോലെ കണ്ടത് അല്ലേ ജീവനെ.... പക്ഷേ അവൻ ഇന്ന് എനിക് ശത്രു ആയി.... തള്ളി കളഞ്ഞ മതിയായിരുന്നു ആ കുട്ടിയുടെ വാകുകൾ.... സമീറ നീ എന്തിനു എന്നെ തേടി വന്നു.... പക്ഷേ..... പക്ഷേ വരേണ്ടത് ആയിരുന്നില്ലേ അവള്.... അല്ലെങ്കിൽ അവനെ പോലെ ഒരാളെ തിരിച്ച് അറിയാതെ പോകില്ലായിരുന്നോ ഞാൻ.... എന്റെ ദൗത്യം ആണ്.... കഴിയുമോ എനിക് അറിയില്ല.... പക്ഷേ എന്റെ ജീവൻ കൊടുത്തും ആ പിഞ്ചു കുഞ്ഞുങ്ങളെ രക്ഷിക്കാൻ ഞാൻ ശ്രമിക്കും....

പക്ഷേ അപ്പോ നഷ്ടപ്പെടുക എന്റെ കൂടപിറപുകളെ ആണ്.... എന്ത് ചെയ്യും ദേവി ഞാൻ..... ജോയിച്ചനും സ്ഥലത്ത് ഇല്ല.... ഏട്ടായിയും ഇല്ല.... പ്രതിസന്ധിയിൽ ആണ്.... പക്ഷേ തരണം ചെയ്യണം ചെയ്തേ പറ്റൂ..... പക്ഷേ എങ്ങനെ..... ആദി.... ആദി എട്ടത്തിക്ക്‌ മാത്രമേ എന്നെ സഹായിക്കാൻ ആവു.... തെളിവുകളുടെ ഒരു അംശം മാത്രമേ എന്റെ കൈവശം ഉള്ളൂ.... ബാകി ലഭിക്കാൻ ഏട്ടത്തി മാത്രമാണ് ശരണം.... ഡിജിപി ജോൺ കുരിയാക്കോസ് സാറിന്റെ മരണം അടക്കം എല്ലാം പുറത്ത് കൊണ്ട് വരണം.... വന്നെ പറ്റു..... * ഞെട്ടലോടെ അവള് അത് വായിച്ച് തീർത്തു.... അതിനർത്ഥം പപ്പയുടെ മരണവും ഇതുമായി എന്തോ ബന്ധം ഉണ്ടെന്ന് അല്ലേ.... പക്ഷേ അത് എന്താകും.... ജീവനെ പൂട്ടാൻ ഇത് മതി.... പക്ഷേ അപ്പോഴും പലതും അവ്യക്തമാണ്.... പപ്പയിക്ക്‌ ഇതുമായുള്ള ബന്ധം.... അവള് എന്തായിരുന്നു കണ്ടെത്തിയത്.... ജീവൻ അവളെ ഭയപെടുത്തിയിരുന്നോ....

അവളുടെ കൂടപിറപ്പുകൾക്ക്‌ ഇതൂമായുള്ള ബന്ധം എന്താണ്..... അവൾക്ക് തല കറങ്ങുന്ന പോലെ തോന്നി.... പതിയെ അവളുടെ ഉള്ളിൽ ആ പേര് നിറഞ്ഞു... സമീറ.... അവളെ കണ്ടെത്തണം.... അതിനു ശേഷമുള്ള പേജ് കണ്ണുനീരോടെ എഴുതി തീർത്തത് ആയിരുന്നു.... ഇന്നെന്റെ വിവാഹമാണ്..... ചതിക്കാൻ ജീവൻ ആയി കണ്ടവൾ കൂടെ നിന്നപ്പോൾ നഷ്ടപ്പെട്ടത് എന്റെ ജീവിതം ആയിരുന്നു..... പക്ഷേ..... ആയില്ല എന്നെ കൊണ്ട്.... പക്ഷേ ശ്രമം അത് തുടർന്ന് കൊണ്ടിരിക്കും..... എന്റെ ജീവൻ നഷ്ടമാകും വരെ..... എനിക് അറിയാം.... ഞാൻ ഇൗ വീടിന്റെ പടി ഇറങ്ങുന്നതോടെ അവർ എന്റെ മുറി ആകെ മാനം അരിച്ച് പിറക്കും എന്ന്....

പക്ഷേ കിട്ടില്ല അവർ അന്വേഷിക്കുന്നത്.... കിട്ടാൻ ഞാൻ അനുവദിക്കില്ല..... എല്ലാം അറിഞ്ഞു കൊണ്ട് നവി ഇന്ന് അവസരം മുതലാക്കി എന്നെ അടിച്ച അടിയിലൂടെ അറിയാം അവൻ മാറില്ല എന്ന്.... അത് കൊണ്ട് ഒരിക്കലും അവർക്ക് അത് കിട്ടില്ല..... എന്നെങ്കിലും ഈ പുസ്തകം ആരെങ്കിലും കണ്ടെത്തുക ആണെങ്കിൽ..... ആ സത്യം അത് പുറത്ത് വരും..... എന്റെ മഞ്ചാടി മണികളെ വെറുകുന്ന അവർക്ക് ഉള്ള ആദ്യ അടി അതവയിൽ നിന്ന് തന്നെയാവും.... * അതോടെ ആ പുസ്തകത്തിലെ എഴുത്തുകൾ അവസാനിച്ചു.... ഒരുപാട് സംശയങ്ങൾ അവളുടെ ഉള്ളിൽ നിറച്ച് കൊണ്ട് അവള് ആ പുസ്തകം മടക്കി.............( തുടരും )

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...