💔 വിമോചിത 💔: ഭാഗം 57

രചന: AVANIYA

ഡീ നീ എനിക് നേരെ ശബ്ദം ഉയർത്താൻ ആയോ.... " " അച്ഛാ വേണ്ട... വീട്ടിൽ എത്തട്ടെ... നമുക്ക് തീർത്ത് കൊടുക്കാം ഇവളുടെ അഹങ്കാരം... " അതിനു അവള് നവിക്ക്‌ നേരെ ഒരു പുച്ച്ച്ചിരി നൽകി പോയി.... അവള് വേഗം തന്നെ തന്റെ ഡ്രസ്സുകൾ ഒക്കെ പാക്ക് ചെയ്തു കൈയിൽ ഉള്ള തെളിവുകൾ ഒക്കെ എടുത്തു.... വീട്ടിൽ എത്തിയ അവൾക്ക് അതിനേക്കാൾ കഷ്ടം ആയ സ്വീകരണം ആണ് ലഭിച്ചത്.... " ഓ എത്തിയ തമ്പുരാട്ടി.... പറഞ്ഞത് അല്ലേ സുഭ്രു ഞാൻ ഇൗ പിഴച്ചവളെ ഒന്നും ദൂരേക്ക് വിടരുത് എന്ന്... ഇപ്പൊ കണ്ടില്ലേ.... കണ്ടവൻെറ കൂടെ അഴിഞ്ഞാടി നടന്നു.... " എത്തിയപ്പോൾ തന്നെ പാട്ടിയുടെ പരിഹാസ വാക്കുകൾ കേട്ട് അവള് തൃപ്തിയായി.... ബാക്കി എന്തായിരിക്കും എന്ന് അവൾക്ക് ഊഹിക്കാം ആയിരുന്നു.... അപ്പോ തന്നെ വാസുകി അവളുടെ കവിളിൽ ആഞ്ഞ് അടിച്ചിരുന്ന്.... " എന്റെ വയറ്റിൽ തന്നെ വന്നു പിറന്നല്ലോ ഡീ അസത്തേ നീ..... കുടുംബത്തിന്റെ പേര് കളയാൻ.... " " ആ ഒരു പ്രശ്നം മാത്രേ എനിക് ഉള്ളൂ അമ്മാ.... " " എന്ത് പറഞ്ഞ ഡീ.... " അതും ചോദിച്ച് അവർ അവളെ തുടരെ തുടരെ തല്ലി.... " സത്യം തന്നെയാണ്...

നിങ്ങളെ പോലെ ഒരു സ്ത്രീയുടെ വയറ്റിൽ പിറന്നത് ആണ് ദൈവം എന്നോട് കാണിച്ച ഏറ്റവും വലിയ ചതി... " " കണ്ടില്ലേ അവളുടെ ധാർഷ്ട്യം..... ജനിച്ചപ്പോൾ തന്നെ ഇതിനെ ഒക്കെ കൊല്ലേണ്ടത് ആയിരുന്നു.... സ്നേഹിച്ച് വളർത്തി വലുതാക്കിയ അമ്മയോട് അവള് പറയുന്നത് കേട്ടില്ലേ.... മാതാ പിതാ ഗുരു ദൈവം എന്നാണ്.... ഏറ്റവും ഉയർന്ന സ്ഥാനമാണ് അമ്മക്ക്.... അങ്ങനെ ഉള്ള അമ്മയെ തന്നെ തള്ളി പറഞ്ഞ ഇവൾ ഒക്കെ ഒരു മകളാണോ.... തന്റെടി.... " " ചെറിയമ്മ പറഞ്ഞത് ശെരിയാണ് ഞാൻ ഒരു നല്ല മകൾ അല്ല.... കാരണം ഇവർ ഒരിക്കലും എനിക് നല്ലൊരു അച്ഛനും അമ്മയും ആയിരുന്നില്ല.... പിന്നെ എന്താ പറഞ്ഞത് സ്നേഹിച്ച് വളർത്തി വലുതാക്കി എന്നോ.... സ്നേഹം.... " അതും പറഞ്ഞു അവള് ഒന്ന് പുച്ഛിച്ച്.... " എന്താ ഡീ ഞങ്ങൾ നിന്നെ സ്നേഹിച്ചില്ലെ.... " എല്ലാം കേട്ട് പൊട്ടിത്തെറിച്ച് കൊണ്ട് സുബ്രമണ്യൻ ചോദിച്ചു.... " ജനിച്ചിട്ട് ഇന്നെ വരെ സ്നേഹത്തോടെ ഒരു നോട്ടമെങ്കിലും എനിക് തന്നിട്ടുണ്ടോ.... എന്നെ സ്നേഹിച്ചിരുന്നു എന്ന് ഉള്ളു തൊട്ട് നിങ്ങൾക്ക് പറയാൻ ആകുമോ.... അങ്ങനെ പറഞ്ഞാല് സ്നേഹം എന്നത് വെറും പൊയ്മുഖം ആണെന്ന് ഞാൻ പറയും.... " അവളും വാശിയോടെ പറഞ്ഞു.... " അപ്പോ നീ പറയുന്നത് ഞങ്ങൾ ആരും നിന്നെ സ്നേഹിച്ചിട്ടില്ല എന്നാണോ....

" വാസുകി ക്ഷമയോടെ ചോദിച്ചു.... " സ്നേഹിച്ച് എന്ന് പറയാൻ ഒന്നും എനിക് തോന്നിയിട്ടില്ല.... വാ തുറന്നാൽ എന്നെ അസ്സത്തെ പിഴച്ചവൾ എന്ന് മാത്രം വിളിക്കുന്ന പാട്ടി എന്നെ സ്നേഹിച്ചിരുന്നു അല്ലേ.... ഉണ്ടോ പാട്ടി.... " അതും ചോദിച്ച് അവള് പാട്ടിയുടെ അടുത്തേയ്ക്ക് ചെന്നു.... എന്നാല് അവർ ഒന്നും മിണ്ടിയില്ല.... " ആര് എന്ത് ചെയ്താലും ഞാൻ പറയുന്ന ഒരു വാക്ക് പോലും കേൾക്കാതെ എന്നെ ശിക്ഷിക്കുന്ന എന്റെ അച്ഛൻ എന്നെ സ്നേഹിച്ചിരുന്നു അല്ലേ.... അത് സ്നേഹമായിരുന്നു അല്ലേ.... അറിഞ്ഞില്ല.... എന്നെ ദ്ദേ ഇൗ നില്കുന്ന ചെറിയമ്മയുടെ മകൻ ദക്ഷൻ കൊല്ലാൻ നോക്കി എന്ന് പറഞ്ഞപ്പോഴും ദേഹം നുറുങ്ങുന്ന പോലെ വേദനിപ്പിച്ച ഇൗ അച്ഛൻ എന്നെ സ്നേഹിക്കുക ആയിരുന്നു അല്ലേ.... സന്തോഷങ്ങളിൽ മധുരമായി എത്തി മറ്റ് മൂന്ന് മക്കൾക്കും വായിൽ വെച്ച് നൽകി എന്നോട് ഒന്ന് വേണോ എന്ന് പോലും ചോദിക്കാതെ ഇൗ അച്ഛൻ എന്നെ സ്നേഹിച്ചിരുന്നു അല്ലേ.... ദാ ഇരിക്കുന്ന കുടുംബ ചിത്രത്തിൽ ഞാൻ ഒഴികെ ബാക്കി ഉളളവർ ഒക്കെ ഉണ്ടായപ്പോൾ എന്തേ ഇൗ മകളെ അച്ഛൻ ഓർത്തില്ല.... അതോ തെറ്റ് ചെയ്തു തല്ലുമ്പോൾ മാത്രേ അച്ഛന്റെ സ്നേഹം ഉണ്ടായിരുന്നോളോ.... " എല്ലാം കേട്ട് സ്തബ്ധനായി നിൽക്കാൻ മാത്രേ അയാൾക്ക് സാധിച്ച് ഉള്ളൂ.... അവളുടെ അച്ഛൻ എന്ന സുബ്രമണ്യന്.... "

സ്വന്തം മകളുടെ മാനം ഒരു നായ കവരാൻ ശ്രമിച്ചു എന്ന് പറഞ്ഞപ്പോൾ അത് മകളുടെ മനസ്സിലെ വിഷം കൊണ്ടാണ് എന്ന് പറഞ്ഞ അമ്മയുടെ സ്നേഹം അറിയാൻ ഇൗ മകൾ വൈകി പോയി അമ്മേ.... ഒരു പെൺകുട്ടി സ്ത്രീ ആകുന്ന ആർത്തവ സമയത്ത് പോലും കരുതലോടെ ഒരു നോട്ടം പോലും തരാതെ എന്തിനേറെ പറയുന്നു ആ അഴുക്ക് മുറിയിൽ ഞാൻ ഭക്ഷണം എങ്കിലും കഴിച്ചോ എന്ന് ചോദിച്ചറിയാത്ത എന്റെ അമ്മ എന്നെ ഒരുപാട് സ്നേഹിച്ചിരുന്നു.... മറ്റുള്ളവരോട് ഉള്ള ദേഷ്യം എന്റെ മേൽ തീർത്തപ്പോൾ അതൊക്കെ അമ്മയുടെ സ്നേഹത്തോടെ ഉള്ള തലോടൽ ആയിരുന്നു എന്ന് ഞാൻ അറിഞ്ഞില്ല.... " അവള് പുച്ഛത്തോടെ പറഞ്ഞു.... " ഡീ നീ.... " " ഞാൻ സംസാരിച്ച് കഴിഞ്ഞില്ല.... " അതും പറഞ്ഞു അവള് വലിയമ്മയുടെ അടുത്തേയ്ക്ക് ചെന്നു..... എന്നിട്ട് അവരുടെ കൈകളിൽ പിടിച്ചു.... " നന്ദിയുണ്ട് ഒരുപാട് ജനിപ്പിച്ച അച്ഛനും അമ്മയും നോക്കാത്ത ഒരുപാട് കര്യങ്ങൾ ചെയ്തു തന്നിട്ടുണ്ട്.... ഭക്ഷണം കിട്ടാതെ പട്ടിണി കിടന്ന പല രാത്രികളിലും നിങ്ങള് എനിക് ദൈവം ആയിരുന്നു.... ഒരുപാട് ഒരുപാട് കടപ്പെട്ടിരിക്കും.... " " കഴിഞ്ഞോ നിന്റെ അധിക പ്രസംഗം.... " " അച്ഛന് ഇത് അധിപ്രസംഗം ആകാം പക്ഷെ ഇത് എന്റെ നിസ്സഹായത ആണ്.... എല്ലാവരും ഉണ്ടായിട്ടും അനാഥയായി ജീവിക്കേണ്ടി വന്ന ഒരു മകളുടെ നിസ്സഹായത.... "

" നവി ഇൗ അഹങ്കാരിയെ ആ മുറിയിൽ പൂട്ടി ഇട്‌.... പച്ച വെള്ളം കൊടുക്കരുത്.... വിശപ്പിന്റെ കാഠിന്യം അറിയുമ്പോൾ ഇൗ അഹങ്കാരം തനിയെ കുറയും " " അന്നം ദൈവമാണ് അച്ഛാ.... പിന്നെ ദിവസങ്ങളോളം പട്ടിണി കിടന്നു ഇൗ നീലുവിന്‌ ശീലം ഉണ്ട്.... നിങ്ങളുടെ മകളായി ജനിച്ചതിനാൽ ഇൗ മകൾക്ക് പട്ടിണി കൂടപിറപ്പ്‌ ആണ് അച്ഛാ.... വിശപ്പ് എന്നത് ആയുധമാണ് അച്ഛാ.... അത് അറിയുന്നവനെ അതിന്റെ വേദന അറിയൂ... അതിലെ രോഷം അറിയൂ.... പക്ഷേ വിശപ്പ് അറിഞ്ഞവനെ ഭക്ഷണത്തിന്റെ പേരിൽ വിലക്ക് എടുക്കാൻ നോക്കരുത്... ഒരിക്കലും നടക്കാത്ത വെറും പാഴ്‌മോഹം ആയി പോകും അത്.... " " നവി.... കൊണ്ട് പോടാ ഇൗ അസത്തിനെ.... " അത് കേട്ട് നീലുവിന്റെ ചുണ്ടിൽ ഒരു പുഞ്ചിരി വിടർന്നു... " ഇതെല്ലാം പറഞ്ഞത് നിങ്ങള് നന്നാകും എന്ന പ്രതീക്ഷ കൊണ്ട് ഒന്നുമല്ല.... എത്ര നാൾ എന്റെ ജീവൻ എന്റെ കൂടെ ഉണ്ടാകും എന്നതിൽ ഉറപ്പ് ഇല്ല... പക്ഷേ അതിന് മുമ്പ് പറയേണ്ടത് എല്ലാം പറഞ്ഞിരിക്കണം.... അതിനു വേണ്ടി മാത്രം.... " അപ്പോഴേക്കും നവി അവളെ വലിച്ച് മുറിയിലേക്ക് ഇട്ട്‌.... എന്നിട്ട് അവൾക്ക് നേരെ ഒരു വിജയ ചിരി ചിരിച്ചു.... " എന്തായി ഞങ്ങളെ അങ്ങോട്ട് ഉണ്ടാക്കി കളയും എന്നല്ലേ നീ പറഞ്ഞത്.... "

" തെറ്റ് ചെയ്തവൻ ശിക്ഷിക്കപ്പെടുക തന്നെ ചെയും... അത് ചെയ്യാൻ ചിലപ്പോ എനിക് ആകില്ല.... പക്ഷേ ശിക്ഷ അത് ലഭിക്കുക തന്നെ ചെയ്യും.... എനിക്കായി ചോദിക്കാനും ആരെങ്കിലും വരും.... " " നീ കൊറേ ഉലത്തും.... ഇനി നിന്റെ ജീവിതം ഞാൻ തീരുമാനിക്കും.... " " നിനക്ക് ആകുന്നത് നീ ചെയ് നവി.... ഒരു ജീവിതം അനുഭവിക്കാൻ ഉള്ളത് മുഴുവൻ കഴിഞ്ഞു മരണത്തെ പോലും ഞാൻ ഭയക്കുന്നില്ല ഇപ്പോ.... പക്ഷേ ആത്മഹത്യ അത് ഞാൻ ചെയ്യില്ല.... കാരണം ഇൗ നീലു വെറുമൊരു ഭീരു അല്ല... പോരാടും അവസാനം വരെയും.... " " ഡീ നിന്റെ നാവ് നന്നായി കൂടിയിട്ട്‌ ഉണ്ടല്ലോ.... " " പിന്നെ നീ എന്താ കരുതിയത് നീ ഒക്കെ എന്ത് ചെറ്റത്തരം കാണിച്ചാലും മിണ്ടാതെ ഇരികുന്നോ പഴയ നീലു ആണ് ഞാൻ എന്നോ.... നന്മ ഉള്ള മനുഷ്യരും ഇൗ ഭൂമിയിൽ ഉണ്ടെന്ന് തിരിച്ചറിഞ്ഞ നിമിഷം മുതൽ ഞാൻ ഒരു പുതിയ നീലു ആണ്.... " " കാണാം ഇത് എവിടെ വരെ പോകുമെന്ന്.... "

അതും പറഞ്ഞു അവൻ പുറത്തേയ്ക്ക് ഇറങ്ങിയപ്പോൾ ആണ് അവന് ദക്ഷന്റെ കോൾ വന്നത്.... " പറയട.... " " ഒന്ന് കാണണം അത്യാവശ്യം ആയി ചിലത് സംസാരിക്കാൻ ഉണ്ട്.... " " ദ്ദേ വരാം.... " ആ പോക്ക് നീലുവിന്റെ കഴുത്തിലേക്ക് ഉള്ള ഒരു കുരുക്ക് തന്നെ ആയിരുന്നു.... ജീവനെ കുറിച്ച് സംസാരിക്കാൻ വേണ്ടി ആയിരുന്നു ആ കൂടികാഴ്ച.... ജീവൻ വെറുമൊരു ഫ്രോഡ് ആണെന്ന് തിരിച്ചറിഞ്ഞ നിമിഷം അവൻ വീട്ടിൽ ചെന്ന് എല്ലാവരോടും ജീവന്റെ കല്യാണ ആലോചന യെ പറ്റി പറഞ്ഞു... കുടുംബത്തിന്റെ മാനം അപ്പുവിന്റെയും അവന്റെയും ജീവിതം പിന്നെ അവളെ ഇനി ആരെങ്കിലും കെട്ടുമോ എന്ന ചോദ്യങ്ങളിൽ എല്ലാവരും അതിനു സമ്മതിച്ചു.... അവളെ അപമാനിക്കാൻ ശ്രമിച്ചവനെ കൊണ്ട് തന്നെ അവളുടെ വിവാഹം ചെയിക്കാൻ നിശ്ചയിച്ചു..... എന്തിനായ്... അവളുടെ അഭിമാനം സംരക്ഷിക്കാൻ.... എന്തൊരു വിരോധാഭാസം.............( തുടരും )

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...