💔 വിമോചിത 💔: ഭാഗം 58

രചന: AVANIYA

അവളെ അപമാനിക്കാൻ ശ്രമിച്ചവനെ കൊണ്ട് തന്നെ അവളുടെ വിവാഹം ചെയിക്കാൻ നിശ്ചയിച്ചു..... എന്തിനായ്... അവളുടെ അഭിമാനം സംരക്ഷിക്കാൻ.... എന്തൊരു വിരോധാഭാസം.... സായിയേ ഒന്നും അറിയിക്കരുത് എന്ന് സുബ്രമണ്യൻ ചട്ടം കെട്ടി... അവൻ അറിഞ്ഞാൽ ഇതാകില്ല അവസ്ഥ എന്ന് അവർക്ക് അറിയാമായിരുന്നു.... 2 വീട്ടുകാരും കല്യാണത്തിന് സമ്മതിച്ചു എങ്കിലും ചടങ്ങുകൾ എല്ലാം മുറ പോലെ വേണം എന്ന് തീരുമാനിച്ചിരുന്നു.... അതിന്റെ ഭാഗമായി അവളെ പെണ്ണ് കാണാൻ വരുക ആണ് ജീവന്റെ വീട്ടുകാർ.... 2 ദിവസമായി അവള് ആ മുറിയിൽ തന്നെയാണ്.... കഴിഞ്ഞ 2 ദിവസമായി മുറിയിൽ ഉള്ള ആ ഒരു ജഗ്ഗ് വെള്ളം അല്ലാതെ മറ്റൊന്നും അവള് കഴിക്കുകയോ കുടിക്കുകയോ ചെയ്തിരുന്നില്ല.... വിശപ്പ്.... ഏതൊരു മനുഷ്യനും അനുഭവിക്കുന്ന ഏറ്റവും വലിയ വേദന.... പ്രണയ നൈരാശ്യം എന്നും മറ്റ് ചെറു കാര്യങ്ങളും പറഞ്ഞു ആത്മഹത്യ ചെയുന്നവൻ ഒരിക്കലും വിശപ്പിന്റെ വില അറിഞ്ഞിട്ട് ഇല്ല.... കാരണം വിശപ്പ് എന്ന വേദന അറിഞ്ഞവന് മറ്റെല്ലാം നിസ്സാരം ആകും....

അവളും അനുഭവിച്ചു അതിന്റെ വില ആവോളം തന്നെ പക്ഷേ അതൊരിക്കലും അവളിലെ ശൗര്യത്തെയോ ധൈര്യതെയോ തല്ലി കെടുത്തിയില്ല.... വിശപ്പിന്റെ കാഠിന്യം പക്ഷേ അവളുടെ ശരീരത്തെ തളർത്തിയിരുന്നു.... അതിനാൽ അവള് ബെഡിൽ കിടക്കുക ആയിരുന്നു... രാത്രി മുറിയിലേക്ക് വാസുകിയും സുബ്രമണ്യനും അവൾക്ക് ഉള്ള ഭക്ഷണവുമായി ചെന്നു..... " നീലു.... " അവരുടെ വിളിയാണ് അവളെ ഉണർത്തിയത്.... " ചത്തോ എന്ന് നോക്കാൻ വന്നതാണോ.... " " എന്താണ് മോളെ ഇങ്ങനെ ഒക്കെ പറയുന്നത്.... ഞങ്ങൾ ഞങ്ങളുടെ സങ്കടം കൊണ്ട് അല്ലേ.... നിന്നെ വഴക്ക് പറഞ്ഞത്.... സ്വന്തം മകളെ പറ്റി മോശം കേൾക്കുമ്പോൾ ഏത് അച്ഛനും അമ്മക്കും വേദന തോന്നില്ലെ.... " " മോൾ.... " അതും പറഞ്ഞു അവള് ഒന്ന് ചിരിച്ചു.... " നീ ഇന്നലെ മുതൽ ഒന്നും കഴിച്ചില്ല അല്ലോ.... എന്തെങ്കിലും കഴിക്ക്.... " " വാശിയോടെ കഴിക്കാതെ ഇരുന്ന അല്ല ഞാൻ ഭക്ഷണം നൽകാതെ പട്ടിണിക്കിട്ടത് ആണ്.... അത് അറിഞ്ഞില്ലേ സ്നേഹ നിതി ആയ എന്റെ മാതാപിതാക്കൾ.... " " അത്.... ഇപ്പൊ മോൾ ഇത് കഴിക്കൂ.... " അതും പറഞ്ഞു വാസുകി അവൾക്ക് ഭക്ഷണം തന്റെ കൈകളാൽ നൽകിയതും അവള് അത് തടഞ്ഞു.... " ആവശ്യ സാധ്യത്തിന് ആയുള്ള ഇൗ സ്നേഹ പ്രകടനം ചെയ്തു നിങ്ങൾക്ക് മടുത്തില്ല എങ്കിലും കണ്ട് എനിക് മടുത്തു....

എന്താ കാര്യമെന്ന് പറഞ്ഞാല് മതി.... " ഉടനെ വാസുകി സുബ്രഹ്മണ്യനെ തട്ടി കൊണ്ട് പറയാൻ പറഞ്ഞു.... " അത് മറ്റൊന്നുമല്ല.... നാളെ ഒരു കൂട്ടർ നിന്നെ പെണ്ണ് കാണാൻ വരുന്നുണ്ട്.... നാളെ രാവിലെ ഒരുങ്ങി നിൽക്കണം... " " അതിനു കുടുംബത്തിന് മാനകേട് ഉണ്ടാക്കിയവളെ ആര് കെട്ടാൻ ആണ്.... " " നവീൻ ജീവനെ വിളിച്ച് സംസാരിച്ചിരുന്നു അവർക്ക് ഇൗ ബന്ധത്തിന് താൽപര്യം ഉണ്ടെന്ന്.... അവർ കാരണം അല്ലേ ഇൗ മാനകേട്‌ ഉണ്ടായത്.... അപ്പോ അവരായി തന്നെ അത് തിരുത്താൻ തയാർ ആണെന്ന്.... " " കടിച്ച പാമ്പിനെ കൊണ്ട് തന്നെ വിഷം ഇറക്കികുന്നത് നല്ല കാര്യമാണ് അച്ഛാ.... പക്ഷേ ഞാൻ എന്ന പെണ്ണിന്റെ ജീവൻ എടുക്കാൻ ശ്രമിച്ചവനെ തന്നെ എന്റെ ജീവന്റെ പാതിയായി കാണുന്നതിലും ഭേദം മരണം ആണ്.... ഒന്ന് കൊന്നു തന്നൂടെ.... " " ഡീ നീ എന്തൊക്കെ പറഞ്ഞാലും ഇത് ഞാൻ തീരുമാനിച്ചു കഴിഞ്ഞു.... ഇതിന് ഒരു മാറ്റവും ഉണ്ടാകില്ല.... ഒരു അച്ഛൻ എന്ന നിലയിൽ അത് എന്റെ കടമയാണ്.... " " അച്ഛൻ..... മകളുടെ മാനതിന് വില പറഞ്ഞവനെ കൊന്നിട്ട് വന്നാൽ ഇൗ പറഞ്ഞതിൽ ഒരു വിലയുണ്ട്....

അല്ലാതെ അവനു അവളെ കൊടുക്കാൻ ശ്രമിച്ചാൽ അത് ഒരു അച്ഛന്റെ സ്നേഹം അല്ല.... കരുതൽ അല്ല.... അറവ് മാടിനെ കുരുതി കൊടുക്കുന്നത് പോലെയാണ്.... അതിനും ബേധം കൊന്നു കളഞ്ഞെക്കണം അവളെ അങ്ങ്.... അതാണ് അതിലും വലിയ സ്നേഹം... " " നീലു.... ജീവൻ നല്ലവൻ ആണ്.... അങ്ങനെ ഒക്കെ ചെയ്യാൻ ശ്രമിച്ചു എന്ന് നീ പറയുന്നു അത് നിന്നോട് ഉള്ള സ്നേഹം അല്ലേ.... " " സ്നേഹം.... വെറുതെ സ്നേഹമെന്ന വാകിന്റെ വില കളയല്ലേ അച്ഛാ.... പിന്നെ റോഡിലൂടെ നടക്കുന്ന ഒരു പിച്ചക്കാരൻ ഭ്രാന്തന് ആയിരുന്നു ജീവന്റെ സ്ഥാനത്ത് എങ്കിൽ എന്നെ അയാൾക്ക് കെട്ടിച്ച് കൊടുക്കുമായിരുന്നോ.... നിങ്ങള് ചിലപ്പോ അതും ചെയും... കുടുംബത്തിന്റെ മാനത്തിന് വേണ്ടി.... പക്ഷേ ഇവിടെ അത് മാത്രമല്ലല്ലോ കാര്യം ജീവൻ എംഎൽഎ മുകുന്ദന്റെ മകൻ അല്ലേ... ഒരിക്കലും ചിന്തിക്കാൻ പറ്റാത്ത ബന്ധം അല്ലേ അച്ച.... " " നീ ജനിപ്പിച്ച നിന്റെ അച്ഛനോട് ആണ് ഇൗ കയർത്തു സംസാരിക്കുന്നത്.... " വാസുകി താകീതോടെ അവളെ നോക്കി.... " തെറ്റ് ചെയുന്നത് ജനിപ്പിച്ച അച്ഛൻ ആയാലും പെറ്റ അമ്മ ആയാലും അത് ചൂണ്ടി കാണിക്കണം.... അല്ലാതെ ജനിപ്പിച്ചു പോയെന്നൊരു കടപ്പാട് കൊണ്ട് അത് ന്യായീകരിക്കാൻ ശ്രമിക്കരുത്.... " എല്ലാം കേട്ട് പൊട്ടിത്തെറിച്ച് കൊണ്ട് സുബ്രമണ്യൻ പറഞ്ഞു... "

നാളെ അവർ വരും നിന്നെ കാണും ചെറിയ രീതിയിൽ നാളെ നിശ്ചയവും നടത്തും.... അതിനടുത്ത മുഹൂർത്തത്തിൽ തന്നെ നിന്റെ വിവാഹവും നടക്കും.... അല്ല എതിർക്കാൻ ആണ് ശ്രമം എങ്കിൽ ഇൗ അച്ഛനെ ജീവനോടെ നീ കാണില്ല.... " " അഭിനയം മനോഹരം ആണ് അച്ഛാ.... ഇൗ കാലത്ത് ഇത് പോലെ ഒരു ആവശ്യം നടക്കാൻ എല്ലാ മാതാപിതാക്കളും ഉപയോഗിക്കുന്ന മാർഗം പക്ഷേ ഒരു വ്യത്യാസം ഉണ്ട്.... അവരിൽ മക്കളോട് ഉള്ള സ്നേഹം... പിന്നെ അവരുടെ ഭാവി ജീവിതത്തെ കുറിച്ച് ഉള്ള ആശങ്ക എന്നൊക്കെ ഉള്ള ഘടകങ്ങൾ ഉണ്ടാകും... അല്ലാതെ കുടുംബത്തിന്റെ മാനം മാത്രം ആകില്ല.... " " ഞങ്ങൾ വിചാരിച്ച കൊണ്ട് അല്ലേ നീ ഉണ്ടായത്.... എന്നിട്ട് ആ മനുഷ്യനെ കുരുതി കൊടുക്കാൻ നോക്കുന്നോ.... " " ഞാൻ കാരണം അമ്മയുടെ താലി നഷ്ടം ആകില്ല.... അമ്മ എന്നും സുമംഗലി ആയിരിക്കാൻ ആ മരണ കുരുക്ക് ഞാൻ എന്റെ കഴുത്തിൽ വഹിച്ച് കൊള്ളാം.... " " വാസുകി മതി വാ.... നാളെ അവള് വേണമെങ്കിൽ ചെയ്യട്ടെ.... അല്ലെങ്കിൽ എനിക് അറിയാം എന്താ ചെയ്യേണ്ടത് എന്ന്.... "

അതും പറഞ്ഞു അവർ പുറത്തേയ്ക്ക് പോയി.... അവള് അത്രനേരം ഉള്ളിൽ ഒളിപ്പിച്ച കണ്ണുനീർ വലിയ ശബ്ദത്തോടെ പുറത്തേയ്ക്ക് വന്നു.... പക്ഷേ അതിനിടയിലും എന്തോ അവള് തീരുമാനിച്ച് ഉറപ്പിച്ചിരുന്നു.... 🌙🌙🌙☀️☀️☀️ രാവിലെ തന്നെ അവൾക്ക് ഇടേണ്ട വസ്ത്രങ്ങളും ആഭരണങ്ങളും മറ്റുമായി വാസുകിയും അപ്പുവും വന്നിരുന്നു.... അവളെ ഒരുക്കാൻ ആയാണ് വന്നത് എങ്കിലും അവള് അത് തടഞ്ഞു.... തനിയെ ആ സാരി ചുറ്റി... ആഭരണങ്ങൾ ഒക്കെ അവിടെ തന്നെ വെച്ചു.... കഴുത്തിലെ നേരിയ മാലയും കാതിലെ പൊട്ടു കമ്മലും കൈയിലെ അവളുടെ ഏട്ടൻ സമ്മാനിച്ച വാച്ചും അല്ലാതെ മറ്റൊന്നും ആഭരണങ്ങൾ എന്ന പേരിൽ അവളിൽ ഉണ്ടായിരുന്നില്ല.... മുഖത്ത് ഒരു വിധത്തിൽ ഉള്ള ചമയങ്ങളും ഉണ്ടായിരുന്നില്ല.... കണ്ണുകൾ കരഞ്ഞു കലങ്ങിയ നിലയിൽ ആയിരുന്നു.... മുടി കുളി പിന്നല് ഇട്ട് വെച്ചു... അത്ര മാത്രമായിരുന്നു അവളുടെ ഒരുക്കം.... കുറച്ച് കഴിഞ്ഞതും വീടിന്റെ മുറ്റത്ത് 2 കാറുകൾ വന്നു നിന്നു... ഒന്നിൽ നിന്നും മുകുന്ദനും ഭാര്യയും മറ്റൊന്നിൽ നിന്ന് ജീവനും ജീവിതയും ഇറങ്ങി....

" വരണം വരണം.... അകത്തേയ്ക്ക് ഇരിക്ക്യ.... " സുബ്രമണ്യൻ ആതിഥ്യ മര്യാദ യോടെ അവരെ അകത്തേയ്ക്ക് ഇരുത്തി.... പേരിനു എന്തൊക്കെയോ വിശേഷങ്ങൾ ചോദിച്ച് ആരാഞ്ഞു.... " എങ്കിൽ ഇനി പെൺകുട്ടിയെ വിളിക്കാം.... " മുകുന്ദന്റെ വാക്കുകൾ കേട്ട് അയാള് അകത്തേയ്ക്ക് വിളിച്ചു.... " വാസുകി മോളെ ഇങ്ങോട്ട് വിളിക്കൂ.... " മുറിയിലേക്ക് ചെന്ന വാസുകി നീലുവിനെ കണ്ട് ഞെട്ടി.... ആഭരണങ്ങൾ ഒന്നുമില്ലാതെ മരണ വീട്ടിൽ ഇരിക്കുന്ന പ്രതീതി.... " ഇതെന്താ നീ ഇതൊന്നും ഇടാതെ ഇരുന്നത്.... " " അറവ് മാടിന് ആരും ആഭരണങ്ങൾ നൽകാറില്ല.... ഭക്ഷണമേ നൽകൂ.... അത് ഇന്നലെ രാത്രി നൽകിയിരുന്നു.... അതിനാൽ ഇതിന്റെ ആവശ്യം ഇല്ല.... " അതും പറഞ്ഞു അവള് ഊക്കോടെ പുറത്തേയ്ക്ക് പോയി.............( തുടരും )

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...