സിംബാബ്‌വെ മുൻ ക്യാപ്റ്റൻ ഹീത്ത് സ്ട്രീക്ക് മരിച്ചെന്ന വാർത്ത വ്യാജം; സന്തോഷ വാർത്തയുമായി ഒലോങ്ക

സിംബാബ്‌വെ മുൻ ക്രിക്കറ്റ് ടീം നായകൻ ഹീത്ത് സ്ട്രീക്ക് മരിച്ചുവെന്ന വാർത്ത വ്യാജം. ഇന്ന് പുലർച്ചെയോടെയാണ് ഹീത്ത് സ്ട്രീക്ക് മരിച്ചെന്ന വാർത്ത പ്രചരിച്ചത്. ദേശീയ മാധ്യമങ്ങൾ സഹിതം പ്രാധാന്യത്തോടെ തന്നെ വാർത്ത നൽകിയിരുന്നു. പിന്നാലെയാണ് അദ്ദേഹം മരിച്ചിട്ടില്ലെന്ന സ്ഥിരീകരണം വരുന്നത്. 

സിംബാബ്‌വെ മുൻ പേസറായ ഹെൻറി ഒലോങ്കയാണ് തന്റെ ഇൻസ്റ്റഗ്രാം പേജിലൂടെ സ്ട്രീക്ക് മരിച്ചിട്ടില്ലെന്ന് അറിയിക്കുന്നത്. ഏറെക്കാലമായി സ്ട്രീക്ക് അർബുദം ബാധിച്ച് ചികിത്സയിലാണ്. സിംബാബ് വെ കണ്ട ഏറ്റവും മികച്ച ഓൾ റൗണ്ടർമാരിൽ ഒരാളാണ് അദ്ദേഹം.