കൊറോണ വൈറസ് ബാധ: ചൈനയിൽ മരണസംഖ്യ 908 ആയി ഉയർന്നു

കൊറോണ വൈറസ് ബാധിച്ച് ചൈനയിൽ മരിച്ചവരുടെ എണ്ണം 908 ആയി. ഹുബൈ പ്രവിശ്യയിൽ മാത്രം ഇന്നലെ 91 പേർ മരിച്ചു. പ്രവിശ്യയിൽ 2618 പേർക്ക് കൂടി കൊറോണ വൈറസ് ബാധ പുതുതായി സ്ഥിരീകരിച്ചു

ലോകമെമ്പാടുമായി കൊറോണ വൈറസ് ബാധിച്ചവരുടെ എണ്ണം നാൽപതിനായിരം കടന്നു. മരണസംഖ്യ ഉയരുന്ന പശ്ചാത്തലത്തിൽ ലോകാരോഗ്യസംഘടനയുടെ സംഘം ചൈനയിലേക്ക് തിരിച്ചു.

രോഗബാധയെ നേരിടാൻ ചൈനക്ക് എല്ലാ സഹായവാഗ്ദാനവും നൽകി ചൈനീസ് പ്രസിഡന്റ് ഷീ ജിൻപിംഗിന് പ്രധാനമന്ത്രി നരേന്ദ്രമോദി കത്തയച്ചു. കൊറോണ ബാധിച്ചുണ്ടായ മരണത്തിൽ പ്രധാനമന്ത്രി അനുശോചനം അറിയിച്ചു.