ന്യൂജെഴ്സിയിലെ പലചരക്ക് കടകളില്‍ ഫെയ്സ് മാസ്ക് നിര്‍ബ്ബന്ധമാക്കി ഗവര്‍ണ്ണര്‍ ഉത്തരവിട്ടു

Share with your friends

മൊയ്തീന്‍ പുത്തന്‍‌ചിറ

ന്യൂജെഴ്സി: കൊറോണ വൈറസ് മരണത്തില്‍ സംസ്ഥാനത്ത് മറ്റൊരു റെക്കോര്‍ഡ് വര്‍ധനവുണ്ടായതിനെത്തുടര്‍ന്ന് ന്യൂജേഴ്സി ഗവര്‍ണര്‍ ഫില്‍ മര്‍ഫി എല്ലാ ന്യൂജെഴ്സി നിവാസികളോടും പലചരക്ക് കടകളില്‍ മാസ്കോ മുഖം മൂടിയോ ധരിക്കണമെന്ന് ഉത്തരവിട്ടു.

കോവിഡ് 19 മൂലമുണ്ടായ 275 മരണങ്ങളാണ് സംസ്ഥാനത്ത് റിപ്പോര്‍ട്ട് ചെയ്തിരിക്കുന്നത്. അമേരിക്കയില്‍ വൈറസ് മൂലം ഏറ്റവും കൂടുതല്‍ മരണമടഞ്ഞവരില്‍ രണ്ടാമത് ന്യൂജേഴ്സി സംസ്ഥാനത്താണ്. ആകെ 1,500 ല്‍ അധികം പേര്‍. ഏറ്റവും കൂടുതല്‍ മരണമടഞ്ഞത് ന്യൂയോര്‍ക്ക് സംസ്ഥാനത്താണ്. ബുധനാഴ്ച ഉച്ചവരെ ന്യൂയോര്‍ക്കില്‍ 6,268 പേര്‍ മരണമടഞ്ഞു.

സാമൂഹിക അകലം പാലിക്കല്‍ നടപടികള്‍ വിപുലീകരിക്കുന്ന ഒരു എക്സിക്യൂട്ടീവ് ഉത്തരവ് പാസാക്കുന്നതായി മര്‍ഫി പ്രഖ്യാപിക്കുകയും സംസ്ഥാനത്തെ പ്രാഥമിക തിരഞ്ഞെടുപ്പ് ജൂണ്‍ 2 – ല്‍ നിന്ന് ജൂലൈ 7 ലേക്ക് മാറ്റി വെച്ചതായും പറഞ്ഞു. പുതിയ തിരഞ്ഞെടുപ്പ് തീയതി കൂടുതല്‍ ആളുകള്‍ക്ക് വ്യക്തിപരമായി വോട്ടു ചെയ്യാന്‍ അനുവദിക്കുമെന്നും, കൊറോണ വൈറസ് വ്യാപനം അപ്പോഴേക്കും കുറയുന്നില്ലെങ്കില്‍ പോസ്റ്റല്‍/മെയില്‍ഇന്‍ ബാലറ്റ് സംവിധാനത്തിനായി തയ്യാറെടുപ്പ് നടത്താന്‍ ഉദ്യോഗസ്ഥര്‍ക്ക് സമയം ലഭിക്കുമെന്നും അദ്ദേഹം പത്രസമ്മേളനത്തില്‍ പറഞ്ഞു.

എല്ലാ പലചരക്ക് കട ജീവനക്കാരും ഉപഭോക്താക്കളും ഇനിയൊരു അറിയിപ്പ് ഉണ്ടാകുന്നതുവരെ മുഖം മൂടുകയോ മാസ്കുകള്‍ ധരിക്കുകയോ ചെയ്യേണ്ടതുണ്ട്. കൂടാതെ ബിസിനസ്സുകള്‍ സ്ഥലങ്ങളിലെ ആളുകളുടെ എണ്ണം ശേഷിയുടെ 50 ശതമാനമായി പരിമിതപ്പെടുത്തുമെന്ന് പ്രതീക്ഷിക്കുന്നുവെന്നും, അവശ്യ വസ്തുക്കളുടെ കടകളില്‍ കാഷ്യര്‍മാരെ പരിരക്ഷിക്കുന്നതിന് പ്രത്യേക സം‌വിധാനങ്ങള്‍ ഒരുക്കുകയും വേണമെന്ന് അദ്ദേഹം പറഞ്ഞു.

അവശ്യ റീട്ടെയില്‍ സ്റ്റോറുകളിലെ തിരക്ക് കുറയ്ക്കുന്നതിനും ഞങ്ങള്‍ ലക്ഷ്യമിടുന്നു, പ്രത്യേകിച്ചും പലചരക്ക് കടകളില്‍. ഈ എക്സിക്യൂട്ടീവ് ഉത്തരവ് പ്രകാരം, എല്ലാ അവശ്യ റീട്ടെയിലുകളും അവരുടെ സ്റ്റോറുകളില്‍ അനുവദനീയമായ ഉപഭോക്താക്കളുടെ എണ്ണം അവരുടെ അംഗീകൃത ശേഷിയുടെ 50 ശതമാനത്തില്‍ കൂടുതലാകരുതെന്ന് മര്‍ഫി ട്വീറ്റ് ചെയ്തു.

ആശുപത്രികളിലെയും സ്കൂളുകളിലെയും പ്രോജക്ടുകള്‍, ഗതാഗത, പൊതു യൂട്ടിലിറ്റി മേഖലയിലെ പദ്ധതികള്‍, മിതമായ നിരക്കില്‍ ഭവന നിര്‍മ്മാണം, സൈറ്റിലെ തൊഴിലാളികളുടെ എണ്ണത്തില്‍ കര്‍ശനമായ പരിധി പാലിക്കാന്‍ കഴിയുന്ന മറ്റ് വ്യക്തിഗത ഭവന സൈറ്റുകള്‍ എന്നിവ ഇതില്‍ ഉള്‍പ്പെടുന്നുവെന്നും ഗവര്‍ണര്‍ കൂട്ടിച്ചേര്‍ത്തു.

മുഖം മൂടാതെ കടകളില്‍ പ്രവേശിക്കുന്നവരോട് ‘പുറത്തു പോകാന്‍ ആവശ്യപ്പെടാം’ എന്ന് ബുധനാഴ്ചത്തെ ബ്രീഫിംഗിനിടെ മര്‍ഫി പറഞ്ഞു. രണ്ട് വയസ്സിന് താഴെയുള്ള കുട്ടികളെ നിയമത്തില്‍ നിന്ന് ഒഴിവാക്കിയിട്ടുണ്ട്.

സംസ്ഥാനത്തൊട്ടാകെയുള്ള അനാവശ്യ നിര്‍മാണങ്ങളും വെള്ളിയാഴ്ച രാത്രി 8 മണി മുതല്‍ അനിശ്ചിത കാലത്തേക്ക് നിര്‍ത്തി വെക്കാന്‍ നിര്‍ദേശം നല്‍കി. വെള്ളിയാഴ്ച്ച മുതല്‍ ആശുപത്രി, സ്കൂള്‍, മിതമായ നിരക്കില്‍ ഭവന നിര്‍മ്മാണ പദ്ധതികള്‍ എന്നിവ അവശ്യ സര്‍‌വീസായി കണക്കാക്കപ്പെടുമെന്നും അദ്ദേഹം പറഞ്ഞു.

ജോണ്‍സ് ഹോപ്കിന്‍സ് സര്‍‌വകലാശാലയുടെ ട്രാക്കര്‍ അനുസരിച്ച് ബുധനാഴ്ചയോടെ അമേരിക്കയില്‍ 425,000 കൊറോണ വൈറസ് കേസുകളും 14,600 മരണങ്ങളും സ്ഥിരീകരിച്ചിട്ടുണ്ട്. ന്യൂജേഴ്സിയില്‍ ഇപ്പോള്‍ കുറഞ്ഞത് 47,437 പോസിറ്റീവ് കേസുകളുണ്ട്.

-

 

ഞങ്ങളുടെ വാർത്തകൾ നിങ്ങളുടെ വാട്‌സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

 
Nishikanth padoor വന്ധ്യതയ്ക്ക് പാരമ്പര്യ നാട്ടുചികിത്സയുമായി വൈദ്യരത്നം നിഷികാന്ത് പാടൂർ

-

 
Nikahinkerala ഇസ്ലാമിക താൽപര്യങ്ങൾക്ക് ഇണങ്ങുന്ന അനുയോജ്യമായ ഇണയെ അതിവേഗം കണ്ടെത്താം

-

 
Seclob മലയാളികൾക്കായി ഇതാ സെക്ലോബ് എന്ന ഒരു മൊബൈൽ സൈറ്റ്… മൊബൈൽ വഴി ഒരുപാട് സേവനങ്ങൾ ഒരു കുടകീഴിൽ നമുക്ക് ലഭിക്കുകയാണ് ഇത് വഴി…

-


digital marketing സോഷ്യൽ മീഡിയയിൽ പരസ്യം നൽകൂ; നിങ്ങളുടെ ബിസിനസ് വളർത്തൂ

-


Image One സംരംഭകര്ക്കുള്ളതെല്ലാം ഇനി ഒരു കുടക്കീഴില്; കമ്പനി രെജിസ്ട്രേഷന് മുതല് വെബ്സൈറ്റ് വരെ!!