ബൈബിള്‍ പഠനത്തിനിടെ പാസ്റ്റര്‍ ഉള്‍പ്പെടെ മൂന്നുപേരെ കുത്തിപ്പരിക്കേല്‍പ്പിച്ച പ്രതിയെ അറസ്റ്റുചെയ്തു

ബൈബിള്‍ പഠനത്തിനിടെ പാസ്റ്റര്‍ ഉള്‍പ്പെടെ മൂന്നുപേരെ കുത്തിപ്പരിക്കേല്‍പ്പിച്ച പ്രതിയെ അറസ്റ്റുചെയ്തു

വാഷിംഗ്ഡൺ: ഡി സി: വെര്‍ജിനിയ ചാന്റ്‌ലി കവനന്റ് ചര്‍ച്ചില്‍ ബൈബിള്‍ പഠനം നടക്കുന്നതിനിടെ പാസ്റ്ററുള്‍പ്പെടെ മൂന്നുപേരെ കുത്തിപ്പരിക്കേല്‍പ്പിച്ചു.

ചര്‍ച്ചിലെ ഒരംഗമാണ് ക്ലാസിനിടയില്‍ കത്തിയുമായി ചര്‍ച്ചിലെത്തി ബൈബിള്‍ ക്ലാസിന് നേതൃത്വം നല്കുന്ന പാസ്റ്ററെ കുത്തിയത്. പാസ്റ്ററുടെ സഹായത്തിനെത്തിയ ഫയര്‍ ഫാക്‌സ് കൗണ്ടി പൊലീസ് ചീഫ് റോസ്‌ലര്‍ ഉള്‍പ്പെടെ രണ്ടുപേരെ കൂടി കുത്തുകയായിരുന്നു. പരിക്കേറ്റ മൂവരേയും ആശുപത്രിയില്‍ പ്രവേശിപ്പിച്ചു പ്രഥമ ശുശ്രൂഷ നല്കി. ആരുടേയും പരിക്ക് ഗുരുതരമല്ല.

മൂവരേയും കു്തിയ ചാന്‍സ് ഹാരിസനെ (32) സംഭവസ്ഥലത്തു തന്നെ പിടികൂടി. ഇയാളെ ജയിലിലടച്ചു. കുത്താന്‍ ഉപയോഗിച്ച കത്തി സംഭവ സ്ഥലത്തു നിന്നും പൊലീസ് കണ്ടെടുത്തു. സംഭവത്തിന് പിന്നിലെ കാരണം വ്യക്തമല്ല.

Share this story