പെറുവിലെ അനധികൃത നൈറ്റ് പാർട്ടിയിൽ തിക്കും തിരക്കും; 13 പേർ മരിച്ചു
Aug 24, 2020, 17:14 IST
ലിമ: പെറുവിൽ അനധികൃത നൈറ്റ്ക്ലബ് പാർട്ടിയിൽ നിന്ന് ഓടി രക്ഷപ്പെടാൻ ശ്രമിക്കുന്നതിനിടെ പതിമൂന്ന് പേർ മരിച്ചു. ശനിയാഴ്ച രാത്രി പോലീസ് റെയ്ഡ് നടത്തുന്നതിനിടയിലാണ് ആളുകൾ പരിഭ്രാന്തരായി ഓടി രക്ഷപ്പെടാനുള്ള ശ്രമത്തിനിടയിൽ ദുരന്തം സംഭവിച്ചത്.
ലൈമയുടെ വടക്ക് ഭാഗത്തുള്ള ലോസ് ഒലിവോസിലെ തോമസ് റെസ്റ്റോബാർ നൈറ്റ് ക്ലബിൽ ഏകദേശം 120 പേർ ഉണ്ടായിരുന്നു. കോവിഡ് നിയന്ത്രണങ്ങൾ ലംഘിച്ച് അനധികൃതമായി ക്ലബ്ബിൽ ആൾക്കൂട്ടം ഉള്ളത് അയൽക്കാർ പോലീസിനെ അറിയിച്ചിരുന്നു.