കോവിഡ് വൈറസിന്‍റെ ഇന്ത്യൻ വകഭേദം അയൽരാജ്യങ്ങളിലും
May 9, 2021, 22:38 IST
കോവിഡ് വൈറസിന്‍റെ ഇന്ത്യൻ വകഭേദം അയൽരാജ്യങ്ങളിലും പടരുന്നു. ശ്രീലങ്കയിലും ബംഗ്ലാദേശിലും ആണ് വൈറസിന്‍റെ ഇന്ത്യൻ വകഭേദം സ്ഥിരീകരിച്ചത് . ബി.1.167 വൈറസ് സ്ഥിരീകരിച്ചതോടെ രാജ്യത്ത് വ്യാപനമുണ്ടാകാതിരിക്കാൻ ജാഗ്രത പാലിക്കാൻ ഇരു രാജ്യങ്ങളും നിർദേശം നൽകി.
ബംഗ്ലാദേശിൽ ആറുപേർക്കാണ് രോഗം. അടുത്തിടെ ഇന്ത്യയിലെത്തി മടങ്ങിയവരാണ് ആറുപേരും. ആറുപേരിൽ രണ്ടുപേർ തലസ്ഥാനമായ ധാക്കയിലാണ്. രോഗം സ്ഥിരീകരിച്ചവർ നിരീക്ഷണത്തിലാണെന്നും അധികൃതർ അറിയിച്ചു. വരും ദിവസങ്ങളിൽ കുടുതൽ പേർക്ക് രോഗം സ്ഥിരീകരിച്ചേക്കാമെന്നാണ് നിഗമനമെനന് ഡയറക്ടറേറ്റ് ജനറൽ ഓഫ് ഹെൽത്ത് സർവിസസ് വക്താവ് പ്രഫ. ഡോ നസ്മുൽ ഇസ്ലാം മുന്ന പറഞ്ഞു.
