ചൈനക്ക് 104 ശതമാനം, ഇന്ത്യക്ക് 29; അമേരിക്ക പ്രഖ്യാപിച്ച പകര ചുങ്കം ഇന്ന് മുതൽ പ്രാബല്യത്തിൽ

ഇന്ത്യയടക്കം 60 രാജ്യങ്ങൾക്കെതിരെ അമേരിക്ക പ്രഖ്യാപിച്ച പകര തീരുവകൾ ഇന്ന് പ്രാബല്യത്തിൽ. ഇന്ത്യൻ സമയം രാവിലെ 9.30ഓടെ പുതിയ നിരക്ക് പ്രാബല്യത്തിൽ വരും. ഇന്ത്യക്ക് 29 ശതമാനമാണ് പകര തീരുവ ചുമത്തിയിരിക്കുന്നത്. ചൈനക്കെതിരെയാണ് അമേരിക്ക കടുത്ത നടപടി സ്വീകരിച്ചത്. ചൈനീസ് ഉത്പന്നങ്ങൾക്കുള്ള തീരുവ 104 ശതമാനമാക്കി ഉയർത്തി

ചില ചൈനീസ് ഉത്പന്നങ്ങൾക്ക് 125 ശതമാനം വരെ തീരുവ വർധിക്കും. യുഎസ് ഉത്പന്നങ്ങൾക്ക് 34 ശതമാനം തീരുവ ചുമത്താനുള്ള തീരുമാനം 24 മണിക്കൂറിനുള്ളിൽ പിൻവലിച്ചില്ലെങ്കിൽ ചൈനക്കുള്ള പകര ചുങ്കം 104 ശതമാനമാക്കുമെന്ന് ട്രംപ് ഭീഷണി മുഴക്കിയിരുന്നു

മുമ്പ് ചുമത്തിയ 20 ശതമാനവും ഈ മാസം രണ്ടിന് പ്രഖ്യാപിച്ച 34 ശതമാനവും അടക്കം 54 ശതമാനമായിരന്നു ചൈനക്കുണ്ടായിരുന്ന ഇറക്കുമതി ചുങ്കം. ഇതിനൊപ്പം 50 ശതമാനം കൂടി കൂട്ടിയാണ് പുതുതായി ചുങ്കം ചുമത്തിയത്.