രാഷ്ട്രീയ വ്യത്യാസങ്ങൾക്കപ്പുറം; മുഖ്യമന്ത്രിയുമായുള്ള സെൽഫി പങ്കുവെച്ച് ശശി തരൂർ

മുഖ്യമന്ത്രി പിണറായി വിജയനും ഗവർണർ രാജേന്ദ്ര അർലേക്കർക്കും ഒപ്പമുള്ള സെൽഫി എക്‌സിൽ പങ്കുവെച്ച് ശശി തരൂർ എംപി. ഡൽഹി കേരളാ ഹൗസിൽ നടന്ന കൂടിക്കാഴ്ചക്കിടെയാണ് ഇരുവർക്കുമൊപ്പം തരൂർ സെൽഫി എടുത്തത്

സംസ്ഥാനം നേരിടുന്ന പ്രശ്‌നങ്ങളെ കുറിച്ചും കൂട്ടായ പ്രവർത്തനത്തിന്റെ ആവശ്യകതയെ കുറിച്ചും സംസാരിക്കാൻ ഇന്നലെ രാത്രി എല്ലാ കേരള എംപിമാരെയും അത്താഴ ചർച്ചക്ക് ക്ഷണിച്ച ഗവർണർ രാജേന്ദ്ര അർലേക്കറുടെ നടപടിയെ വളരെ അധികം അഭിനന്ദിക്കുന്നു. മുഖ്യമന്ത്രി പിണറായി വിജയൻ അടക്കം പങ്കെടുക്കുകയും ഹ്രസ്വമായി സംസാരിക്കുകയും ചെയ്തു

രാഷ്ട്രീയ വ്യത്യാസങ്ങൾക്കപ്പുറം സംസ്ഥാനത്ത് വികസനം നടപ്പാക്കാനുള്ള സംയുക്ത ശ്രമങ്ങൾക്ക് ഈ അസാധാരണ നടപടി ശുഭസൂചനയാണെന്നും തരൂർ എക്‌സിൽ കുറിച്ചു.