പോളിടെക്‌നിക് കഞ്ചാവ് കേസ്: സമഗ്ര അന്വേഷണത്തിന് നിർദേശം നൽകിയതായി മന്ത്രി ആർ ബിന്ദു
Mar 14, 2025, 14:41 IST
കളമശ്ശേരി ഗവ. പോളിടെക്‌നിക് കോളേജ് ഹോസ്റ്റലിലെ ലഹരിക്കേസിൽ സമഗ്ര അന്വേഷണത്തിന് നിർദേശം നൽകി ഉന്നത വിദ്യാഭ്യാസ മന്ത്രി ആർ ബിന്ദു. സമഗ്ര അന്വേഷണത്തിനായി സിറ്റർ ജോയന്റ് ഡയറക്ടർ ആനി എബ്രഹാമിനെ അന്വേഷണത്തിനായി നിയോഗിച്ചു ലഭിച്ച റിപ്പോർട്ടിൽ യൂണിയൻ ഭാരവാഹി കേസിൽ ഉൾപ്പെട്ടതായി വിലരം ലഭിച്ചിട്ടില്ല. കോളേജ് യൂണിയന്റെ നേതൃത്വത്തിലാണ് ഹോസ്റ്റലിലെ ലഹരി സംബന്ധിച്ച് വിവരം ലഭിച്ചത്. കേസിൽ സമഗ്ര അന്വേഷണത്തിന് നിർദേശം നൽകിയിട്ടുണ്ടെന്ന് ആർ ബിന്ദു അറിയിച്ചു ലഹരിക്കെതിരെ 3500 ജനജാഗ്രത സദസുകൾ സംഘടിപ്പിക്കുമെന്നും ലഹരിയുടെ വിവരങ്ങൾ വിദ്യാർഥികൾ കൈമാറണമെന്നും മന്ത്രി ആവശ്യപ്പെട്ടു. ഇന്നലെയാണ് പോളിടെക്‌നിക് ഹോസ്റ്റലിൽ പോലീസ് നടത്തിയ റെയ്ഡിൽ കഞ്ചാവ് ശേഖരം കണ്ടെത്തിയത്.