സന്ദീപ് വാര്യരെ കോൺഗ്രസ് വക്താവായി നിയമിച്ചു; തീരുമാനം കെ സുധാകരന്റേത്

ബിജെപി വിട്ട് കോൺഗ്രസിൽ ചേർന്ന സന്ദീപ് വാര്യരെ കെപിസിസി വക്താവായി നിയമിച്ചു. കോൺഗ്രസ് വക്താക്കളുടെ പട്ടികയിൽ സന്ദീപിനെ ഉൾപ്പെടുത്തി പാർട്ടി സംസ്ഥാന അധ്യക്ഷൻ കെ സുധാകരൻ തീരുമാനമെടുത്തതായി പാർട്ടി ജനറൽ സെക്രട്ടറി എം ലിജു നേതാക്കൾക്ക് കത്തയച്ചു. കോൺഗ്രസിനെ പ്രതിനിധീകരിച്ച് ചാനൽ ചർച്ചകളിൽ ഇനി സന്ദീപ് വാര്യരാകും പങ്കെടുക്കുക. അഡ്വ. ദീപ്തി മേരി വർഗീസാണ് കെപിസിസി മീഡിയ വിഭാഗം ഇൻ ചാർജ്. പാർട്ടി പുനഃസംഘടനയിൽ സന്ദീപ് വാര്യർക്ക് കൂടുതൽ പദവിയും നേതൃത്വം ഉറപ്പ് നൽകിയിട്ടുണ്ട്. പാലക്കാട് നഗരസഭയിൽ ഇന്നയെ വിമത യോഗം ചേർന്ന കോൺഗ്രസ് കൗൺസിലർമാരെ കോൺഗ്രസിലെത്തിക്കാൻ സന്ദീപ് വാര്യർ നീക്കം നടത്തിയിരുന്നു